Visar Ademi sot ka njoftuar se do të jetë kandidatë i pavarur në Komunën e Gostivarit.

Ademi thotë se në zgjedhjet lokale që priten të mbahen në muajin tetor pret të marrë mbështetje nga qytetarët e Gostivarit.

“Të dashur miq, dua të ndaj një lajm të madh me Ju.

Nga sot shpall kandidaturën time të pavarur për kryetar të Komunës së Gostivarit.

Pres përkrahjen tuaj për ta bërë Gostivarin, qytet më të mirë për të gjithë.

Advertisement

Shihemi në qytet!”, shkruan Ademi në profilin e tij në Facebook.

Sot (09.07.2025) në orën 09:16, në Sektorin për Punë të Brendshme (SPB)-Shkup është raportuar se ka rënë zjarr në një deponi skrapi në rrugën “B. Buna” në Shkup, përkatësisht se po digjen automjete të vjetra, në të cilat ishin instaluar pajisje gazi, dhe prej tyre dëgjohen shpërthime. Sipas MPB-së deri më tani nuk është përfshirë nga zjarri asnjë pronë private – shtëpi. Po merren masa për shuarjen e zjarrit dhe zbardhjen e rastit, shkruan Alsat.

“Deri më tani, një person është lënduar dhe është dërguar për ndihmë mjekësore. Për shkak të mosbindjes ndaj urdhrit zyrtar, është ndaluar A.N., pronari i personit juridik që menaxhon mbeturinat”, thuhet në njoftimin e MPB-së. /Alsat.mk

Me 461 vota pro, 121 kundër dhe 107 abstenime, Parlamenti Evropian miratoi sot Raportin e Progresit për Maqedoninë për vitin 2023 dhe 2024, të përgatitur nga raportuesi special Thomas Weitz, një eurodeputet austriak.

Dokumenti mbulon reformat dhe sfidat kryesore të vendit në rrugën e tij drejt Bashkimit Europian, por vëmendja e publikut u tërhoq nga fakti se në formën e tij përfundimtare, të gjitha referencat specifike për “gjuhën dhe identitetin maqedonas”, të cilat ishin të pranishme më parë në versionin draft, janë hequr.