Kryeministri Hristijan Mikcoski ka hedhur poshtë të gjitha shkrimet nëpër portale, për gjoja koalicion me Ramiz Merkon, përcjell TV21. Mickoski tha se këto publikime po bëhen pasi qendra të caktuara janë të zhgënjyer që Merko nuk i ka dhënë mbështetje BDI-së në raundin e dytë të zgjedhjeve lokale në Strugë.

“Shikoni, po këtu është portali. Po, janë portale që supozoj që janë të financuara nga një qendër e njëjtë që tani është e zhgënjyer sepse Ramiz Merko nuk e mbështet BDI-në në raundin e dytë, dhe supozoj që tani për të bërë rëndesë të kundërt, si të bëjnë sensacion që ta fundosin atë lajm, nxjerrin në opinion një të pavërtetë. Mendoj, tamam puna, shikoni njerëz, shumë herë në të kaluarën e kemi thënë qëndrimin tonë për Ramiz Merkon, kështu që ja, po e lë në këtë mënyrë të krijojnë sensacion, absolutisht e pavërtetë!”, tha Mickoski.

Është e rëndësishme të flasim për cilësinë e arsimit tonë të lartë, por edhe të ndërmarrim veprime konkrete për përmirësimin e tij të vazhdueshëm, harmonizimin me standardet evropiane dhe përafrimin me nevojat reale të tregut të punës dhe të shoqërisë në tërësi, theksoi ministrja Vesna Janevska në fjalimin e saj në Forumin e Parë Vjetor për Cilësinë në Arsimin e Lartë, organizuar nga Universiteti “Shën Kirili dhe Metodi” në Shkup.

Në kohë sfidash ekonomike, teknologjike dhe shoqërore, nevojiten universitete që, krahas dijes dhe aftësive, i përgatisin studentët për të punuar në kushte të konkurrencës globale dhe ndryshimeve të shpeshta. Janevska potencoi se kjo Qeveri është e vetëdijshme për domosdoshmërinë e reformimit të nivelit më të lartë të arsimit dhe për këtë arsye po ndërmerr masa dhe aktivitete konkrete të drejtuara drejt ndryshimeve sistematike.

„Po punojmë në mënyrë aktive në përgatitjen e zgjidhjeve të reja ligjore për arsimin e lartë dhe për veprimtarinë kërkimore- shkencor. Ligjet, më vete, nuk mund ta çojnë  universitetin më lart në Listën e Shangait, por nëse bashkësia akademike përfshihet së pari në miratimin e tyre dhe më pas i respekton, do të jemi në gjendje të ndërtojmë arsim të lartë me cilësi më të lartë“, theksoi ministrja Janevska.

Në fjalimin e saj, Janevska theksoi hapat konkretë që po i ndërmerr Ministria e Arsimit dhe Shkencës për përmirësimin e produktivitetit shkencor dhe integrimin e komunitetit akademik maqedonas në hapësirën kërkimore globale.

Bazat e të dhënave shkencore Web of Science dhe Scopus janë në dispozicion falas për profesorët, shkencëtarët dhe studentët në universitetet publike këtë vit. Buxheti për shkencën është rritur nga 380 në 680 milionë denarë dhe këtë vit, për herë të parë në shumë vite, u dhanë 374 milionë denarë përmes tre thirrjeve për projekte shkencore dhe kërkimore në institucionet publike të arsimit të lartë dhe shkencore, ASHAM dhe komunitetin e biznesit. Stafi akademik është shumë i respektuar, ndërsa  pagat e profesorëve universitarë janë rritur me 14% që nga janari.

Advertisement

Zgjerimi i hapësirës akademike solli sasi, por jo cilësi. Realizuam kontrolle serioze në institucionet e arsimit të lartë dhe shkencore, dhe rezultati është: 14 institute shkencore private dhe 1 fakultet privat u mbyllën, për shkak të parregullsive në punën e tyre dhe mosveprimit ndaj vërejtjeve të bëra nga Inspektorati i Arsimit  dhe MASH-i.

Kjo nuk është fushatë, por do të jetë aktivitet i vazhdueshëm,” sqaroi ministrja Janevska, duke shtuar se do të pasojë reforma e Agjencisë për Cilësinë e Arsimit të Lartë, si dhe krijimi i parkut të parë shtetëror shkencor-teknologjik në Maqedoni.

Ne po punojmë, por Qeveria dhe Ministria nuk mund vetëm të ndërtojnë sistem arsimor që të jetë cilësor, i njohur dhe i dëshiruar. Nevojitet vendosmëri dhe inovacion që do ta tregojnë universitetet, ndërsa ne do të jemi mbështetës dhe partner i fuqishëm,” tha Janevska, duke bërë thirrje ndaj të gjithë universiteteve që të përshpejtojnë reformat, duke filluar me modernizimin e programeve studimore, lidhjen me universitete të tjera, zhvillimin e programeve të përbashkëta dhe diplomave të dyfishta, me qëllim që studentët të fitojnë perspektiva globale.

“Shkarkimet nga puna bazohen në nenin 210 të Kodit Penal, pra, nuk kryen, kryen me neglizhencë dhe jo në kohë detyrimet e punës”, thanë nga Ministria e Brendshme. 

Nga SPB Tetovë për Alsat konfirmuan se Kontrolli i Brendshëm po kryen hetime ndaj disa inspektorëve dhe policëve që kanë keqpërdorur një shtetase të Bosnjës. 

“Rasti është evidentuar në Sektorin për Punë të Brendshme të Tetovës dhe për këtë rast, hetimet i kryen Kontrolli i Brendshëm për hetime kriminalistike dhe standarde profesionale”, tha zëdhënësi i SPB Tetovë, Fatmir Rexhepi.

Kujtojmë që së fundmi Portalb.mk raportoi për rastin ku djali i një inspektori të antidrogës u kap me drogë, ku më pas inspektori së bashku me një koleg tjetër tentuan të pengojnë drejtësinë, për çka u larguan nga puna. 

Ndryshe, sipas Raportit vjetor për vitin 2024 i MPB-së, Departamenti për Kontroll të Brendshëm, Hetime Penale dhe Standardet Profesionale në Ministrinë e Brendshme të RMV-së hetoi 1.366 raste të sjelljes së paligjshme dhe keqpërdorimit të pozitës zyrtare, që paraqet rritje prej mbi 10% krahasuar me vitin paraprak.

Advertisement

Po ashtu, u ngritën 37 kallëzime penale kundër 90 punonjësve të MPB-së për 42 vepra penale, kryesisht për “keqpërdorim të pozitës zyrtare” dhe “pakujdesi në detyrë”.

Në pamje të parë, kjo tregon veprimtari të shtuar hetimore dhe përgjegjësi institucionale, por nëse i japim një vështrim kritik, kjo ngre dilema të rëndësishme nëse ky trend tregon rritje të profesionalizmit dhe transparencës, apo rritje të shkeljeve të brendshme dhe mungesë të kontrollit parandalues.