Prej sot e deri më 15 nëntor do të zgjatë aplikimi për bursa studentore për vitin akademik 2025/2026. Ministria e Arsimit dhe Shkencës kumtoi se studentët mund të aplikojnë në konkurs për katër kategori të bursave.

Për herë të parë Ministria shpalli edhe Konkurs për ndarjen e 15 bursave për studentë të rregullt të regjistruar në vitin e parë të programeve studimore për gjihë maqedonase për vitin 2025/2026, për të cilin paraqitja është gjithashtu prej 1 deri më 15 nëntor.

Këto bursa ndahen në bazë të dispozitës së Ligjit për përdorimin e gjuhës maqedonase dhe janë me qëllim që t’i stimulojnë nxënësit e viteve të katërta të arsimit të mesëm të regjistrohen në programe studimore për gjuhë maqedonase.

Në konkursin e shpallur janë cekur kushtet dhe dokumentet e nevojshme për këtë bursë për të cilën shuma mujore do të jetë 6.050 denarë dhe shfrytëzuesit do ta marrin nëntë muaj gjatë vitit studimor.

Lista e kandidatëve të cilëve u ndahet bursa do të shpallet në ueb-faqen e Ministrisë së Arsimit dhe Shkencës (www.mon.gov.mk)

Advertisement

Studentët e interesuar të paraqiten për ndonjërën nga bursat e MASH-it dhe të cilët i përmbushin kushtet nga konkurset mund të aplikojnë vetëm në mënyrë elektronike përmes platformës: www.e-uslugi.mon.gov.mk

Studentët kanë të drejtë të paraqiten vetëm për një lloj të bursës nga MASH-i.

Votimi për personat e sëmurë dhe të pafuqishëm, për personat në paraburgim dhe në burgje, si edhe për qytetarët e vendosur në institucione të kujdesit social, po zhvillohet pa pengesa në të gjitha komunat ku nesër do të mbahet raundi i dytë i zgjedhjeve lokale, përfshirë edhe Qytetin e Shkupit, njofton Komisioni Shtetëror Zgjedhor (KSHZ).

“Votimi ka filluar sot në orën 7 të mëngjesit dhe po zhvillohet pa pengesa në të gjitha komunat dhe në Qytetin e Shkupit,” thuhet në njoftimin e KSHZ-së.

Sipas të dhënave zyrtare, sot të drejtën e votës e ushtrojnë 4.826 persona të sëmurë ose të pafuqishëm, 1.256 persona në 14 institucione ndëshkimore-korrektuese dhe 214 qytetarë të vendosur në 13 qendra të kujdesit social.

Në raundin e dytë të zgjedhjeve lokale 2025, që do të zhvillohet nesër, do të votohet për kryetarë komunash në 32 komuna dhe në Qytetin e Shkupit, si dhe në tre vendvotime në Shuto Orizarë për këshilltarë komunalë.

Të drejtë vote kanë gjithsej 1.013.375 qytetarë.

Advertisement

Prokuroria Themelore Publike e Shkupit, pas përfundimit të hetimeve, ka ngritur sot aktakuzë ndaj tre personave, të cilët si bashkëkryerës kanë kryer veprën penale – “vjedhje e rëndë” nga objekte të instalimeve publike me rëndësi të veçantë për sigurinë e njerëzve dhe pasurisë.

Të akuzuarit, së bashku me persona të tjerë ende të paidentifikuar, në periudhën nga marsi deri në fillim të majit të këtij viti, nga rrethi i fabrikës “Zhelezara” në Shkup – konkretisht nga objekti i “Polukonti–IGM” dhe nga tunelët nëntokësorë ku kalojnë kabllot e furnizimit me energji elektrike – kanë marrë disa kilometra kabllo të tensionit të lartë dhe të mesëm, pronë e kompanive A.D. ESM – Termocentralet e RMV-së – dega energjetike Shkup dhe “Makstil” A.D. Shkup, me vlerë të përgjithshme rreth 440 mijë euro.

Në disa raste, përmes hapjeve me shkallë që çonin në tunelët nëntokësorë, të akuzuarit hynin nga fabrika e “Polukonti–IGM” dhe, pasi siguroheshin me pajisje se kabllot nuk ishin nën tension, i prisnin me sharrë elektrike dhe i grumbullonin pranë hyrjes së tunelit. Si pasojë e veprimeve të tyre, më 9 prill shpërtheu zjarr në nënstacionin “TS Jug”, duke shkaktuar dëm shtesë në instalimet publike, për riparimin e të cilave u deshën mbi 100 mijë euro. Gjithashtu, gjatë periudhës së sanimit të defekteve, nuk u realizua prodhimi dhe shpërndarja e planifikuar e energjisë elektrike për konsumatorët fundorë, me dëm prej rreth 60 mijë eurosh.

Më 6 maj, tre të akuzuarit u kthyen sërish në objekt me një automjet “Volkswagen Golf” për të përgatitur kabllot për transport, por gjatë manipulimit me kabllot, njëri prej tyre u lëndua. Të tre shkuan fillimisht në Qendrën Urgjente “Nëna Terezë”, ku i plagosuri mori ndihmën mjekësore të nevojshme. Pas kësaj, ata u kthyen në vendngjarje për të marrë veglat e lëna, por u kapën dhe u arrestuan menjëherë pas daljes nga rrethi i “Zhelezarës”.

Prokurori publik i ka propozuar Gjykatës Themelore Penale të Shkupit që të vazhdojë masën e paraburgimit për të tre të akuzuarit, pasi ende ekziston rreziku i arratisjes, mundësia e ndikimit mbi dëshmitarët dhe rreziku për përsëritjen e veprës penale – arsye për të cilat masa e paraburgimit ishte kërkuar dhe vendosur fillimisht.

Advertisement