Lajme nga vendi
Qeveria: Obligim për furrtarët ta prodhojnë dhe vendosin në qarkullim bukën e bardhë dhe gjysmë të bardhë, ndërsa për tregtarët të furnizohen dhe ta shesin
Qeveria në mbledhjen e mrëmshme solli Vendim për caktim të obligimit që tregtarët të furnizohen dhe shesin lloje dhe sasi të caktuara të mallrave të caktuara tek konsumatorët, sipas orarit të caktuar, bazuar në baza ligjore i cili është paraparë të zbatohet deri më 31 maj të këtij viti.
Me Vendimin, siç kumtoi shërbimi qeveritar për shtyp, caktohet obligimi për tregtarët të cilët paraqesin persona juridik dhe fizik, të cilët janë regjistruar për kryerje të veprimtarisë tregtare në regjistrin adekuat në pajtim me ligjin, si dhe tregtarët të cilët paraqesin persona juridik dhe fizik të pregjistruar për kryerje të prodhimtarisë, të cilët prodhimet e veta i shesin në treg në shitore të veta apo tregtarëve të tjerë me prodhime ushqimore me shumicë dhe pakicë, të furnizohen dhe/apo të shesin bukë të bardhë dhe gjysmë të bardhë (të prerë apo të tërë).
“Tregtarët të cilët paraqesin persona fizik apo juridik, të cilët janë regjistruar për kryerje të veprimtarisë tregtare në regjistër adekuat në pajtim meligjin, në përputhjje me vendimin qeveritar, kanë për obligim në strukturën e furnizimit ditor të të gjitha llojeve të bukës, të furnizohen dhe të shesin së paku 80 për qind të bukës së bardhë dhe gjysmë të bardhë (të prerë apo të tërë). Tregtarët të cilët paraqesin persona fizik apo juridik të regjistruar për kryerje të prodhimit, të cilët prodhimet e veta i shesin në treg në shitore të veta apo tregtarëve të tjerë me prodhime ushqimore, me pakicë dhe shumicë, kanë për obligim ta prodhojnë dhe ta vendosin në qarkullim bukën e bardhë dhe gjysmë të bardhë (të prerë apo të tërë), në sasi prej së paku 80 për qind të prodhimit të kësaj buke në muajin dhjetor, të vitit 2022.
Tregtarët e cekur në këtë Vendim, për dërgesat e llojee të bukës të cekur gjithashtu në Vendim, prodhuesit të bukës duhet t’i paguajnë më së voni në afat prej 20 ditëve prej ditës së pranimit të faturës për bukën e dërguar.
Vendimi është në fuqi me ditën e publikimit në “Gazetën zyrtare të Republikës së Maqedonisë së Veriut”.
“Në arsyetimin e Vendimit që e propozoi Ministria e Ekonomisë, është cekur se sipas nenit 29 paragrafi 1 alinea 2 dhe 3 nga Ligji për tregti, Qeveria mund ta kufizojë përkohësisht ushtrimin e tregtisë, në rast të çrregullimeve serioze në tregun vendor për shkak të mungesës së mallrave të domosdoshmërisht të nevojshme për prodhim, përpunim dhe për jetë dhe shëndet të qytetarëve dhe çrregullim të tregut vendor për shkak të keqpërdorimit në qarkullim të prodhimeve dhe mallrave të caktuara. Duke e pasur parasysh të cekurën, sipas nenit 30 paragrafi 1 alinea 6 nga Ligji për tregti, Qeveria mund të caktojë obligim për tregtarët të furnizohen dhe shesin lloje dhe sasi të caktuara të mallrave të caktuara për konsumatorët, sipas një orari të caktuar”, ceket në kumtesë.
Në bazë të mbikëqyrjes së kryer nga Inspektorati shtetëror i tregut, Ministria e Ekonomisë kumtoi se u konstatuan shkelje serioze në tregun vendor në Shkup dhe Tetovë, për shkak të mungesës së bukës së bardhë dhe gjysmë të bardhë (të prerë apo të tërë), për të cilat Qeveria solli Vendim për caktim të çmimeve më të larta për disa prodhime të caktuara në tregtinë me pakicë, i cili hyri në fuqi më 28 shkurt të vitit 2023.
Lajme nga vendi
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Drejtoria e Policisë Financiare ngriti kallëzim penal në Prokurorinë Themelore Publike në Shkup kundër personave N.I., B.G. në cilësinë e tyre si drejtues të personave juridikë, kundër dy personave juridikë, si dhe kundër pesë personave të punësuar në Agjencinë për Menaxhimin e Pasurisë së Sekuestruar F.A., G.A., P.K., F.J. dhe A.B., për shkak të ekzistencës së bazave të dyshimit për kryerjen e veprës penale “Keqpërdorim i procedurës për thirrjes publike, dhënie të kontratës së prokurimit publik ose partneritetit publik-privat” sipas nenit 275-c të Kodit Penal të Republikës së Maqedonisë së Veriut.
Të denoncuarit N.I. dhe B.G., si drejtues të dy personave juridikë, gjatë vitit 2021 me vetëdije dhe me qëllim të paracaktuar kanë shkelur rregulloret e procedurës për thirrje publike dhe dhënie të kontratës së prokurimit publik, me marrëveshje paraprake dhe veprime të koordinuara kanë shkelur konkurrencën në procedurën për shitjen e automjeteve të shkatërruara – skrap metali, të organizuar nga Agjencia për Menaxhimin e Pasurisë së Sekuestruar. Një person juridik u paraqit si konkurrent formal, dhe gjatë ankandit publik u paraqit një ofertë me një gabim teknik të qëllimshëm në një shumë monetare joreale, e cila i pengoi pjesëmarrësit e tjerë të vazhdonin më tej me ofertat.
Të pandehurit G.A., P.K. dhe F.J., si anëtarë të komisionit për zbatimin e procedurës, në kundërshtim me dispozitat ligjore të parashikuara në Ligjin për Menaxhimin e Pronës së Konfiskuar, Përfitimit Pasuror dhe Objekteve të Sekuestruara në Procedurën Penale dhe Kundërvajtje, dhe bazuar në një akt nënligjor dhe mendim ligjor të përgatitur nga A.B., me vetëdije ndihmuan në zbatimin e kësaj skeme të dakorduar dhe mundësuan lidhjen e një marrëveshjeje për shitjen e automjeteve të sekuestruara të shkatërruara si skrap metali midis Agjencisë për Menaxhimin e Pronës së Sekuestruar, të përfaqësuar nga F.A., dhe personit juridik të menaxhuar nga N.I., gjë që i mundësoi personit juridik të fitonte përfitim pasuror të paligjshëm në shumën prej 2.128.352 denarë.
Lajme nga vendi
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
Presidentja Gordana Siljanovska Davkova sot deklaroi se heqja e balancuesit ishte e domosdoshme për shkak të rreziqeve korruptuese që i ka krijuar, duke theksuar njëkohësisht se çështjet e shtetësisi jorezidente, marrëdhëniet me Bullgarinë dhe politikat energjetike janë komplekse dhe duhet të zgjidhen përmes parimeve kushtetuese, debatit publik dhe respektimit të standarE madhee njerëzore dhe ekologjike.
Në një deklaratë për mediat pas hapjes së “Fundjavës për pastrim të përgjithshëm”, presidentja Gordana Siljanovska Davkova deklaroi se i a.q. balancuesi, në formatin që ka ekzistuar, në thelb çoi në korrupsion dhe kriminalizim.
Në lidhje me çështjen për shtetësinë jorezidente, ajo u përgjigj se zgjidhja duhet të miratohet përmes argumenteve.
“Çështja është komplekse. Ka vende ku ekziston shtetësia e dyfishtë, ka vende ku nuk ekziston. Sot të gjithë po përballemi me një eksod dhe mungesë të fuqisë punëtore, dhe po flasim për qenie njerëzore që kanë edhe të drejtën e jetës”, tha presidentja, duke shtuar se zgjidhjet duhet të merren pas një debati të gjerë publik dhe duke peshuar argumentet “pro” dhe “kundër”.
Lidhur me pritjet e saj për marrëdhëniet me qeverinë e re të Bullgarisë, Siljanovska Davkova deklaroi se pritjet duhet të drejtohen nga qeveria e re bullgare dhe kryeministri Rumen Radev, duke theksuar se populli bullgar pret stabilitet, reforma dhe luftë kundër korrupsionit dhe krimit.
Lidhur me kërkesat e organizatave joqeveritare për të vënë veton ndaj Ligjit për Burimet Minerale, presidentja theksoi se ato kanë një rol të rëndësishëm në shoqëri dhe meritojnë, siç e tha ajo, një “vend të gjelbër” në parlament.
Sipas saj, garancitë për mbrojtjen e mjedisit nuk përmbahen në këto ligje.
“Ato ligje, nëse keni parasysh Ligjin për burimet minerale, merren kryesisht me çështjet e energjisë. Ne kemi Kushtetutë, kemi edhe Ligj për mbrojtjen e mjedisit – ky është çelësi i qëndrimit ndaj këtyre ligjeve”, shtoi Siljanovska Davkova.
Ajo theksoi se shteti duhet të përgatitet njëkohësisht për sfidat e ardhshme energjetike dhe të kujdeset për natyrën.
Për ditë me radhë koalicioni VLEN ka ngritur intensitetit e aktivitetit publik duke paralajmëruër Kongresin e Bashkimit.
Sipas tyre e shtuna, do të kurorëzojë përpjekjet për unifikimin e faktorit politik shqiptar.
Koalicioni VLEN, nesër më 9 Maj – në Ditën e Evropës, do të mbajë Kongresin e bashkimit, ku 5 subjekte politike formalisht duhet të miratojnë vendimin për të vepruar si subjekt i vetëm politik në kuadër të bllokut politik shqiptar në vend. Në prag të Kongresit, VLEN doli me mesazhin se procesi i bashkimit ka qenë i gjatë dhe përplot me sfida politike, dyshime dhe tentativa për të parandaluar këtë process. Sipas VLEN-it, ky bashkim ka peshë historike dhe se ky është premtimi që VLEN ua dha shqiptarëve. Por, si e shohin qytetarët, këtë Kongres dhe këtë bashkim të VLEN-it?
“Çdo bashkim është i mirë. Madje unë kisha thënë se që të bashkohen të gjitha partitë”
“Edhe atë gajle do ia mbajë VLEN-it, unë jam plak”
“Më mirë me u bashkuar”
“Më mirë është. Deri tani Bilall Kasami ka punuar mirë. Jam i gëzuar”
“Mendoj se është mirë. Bilall Kasami duhet të jetë Kryetar”
“Është më mirë për shqiptarët. Cili të jetë Kryetar vet le ta vlerësojnë”
“Normalisht se është mirë. Sa më të bashkuar aq më mirë. Vet si do të vendosin organmet partiake, mendoj se Izeti do të ishte më mirë”
Pas Kongresit, VLEN, si pjesë e Qeverisë, do të duhet të përballet me shumë sfida që prekin drejtpërdrejtë qytetarët.
Situata ekonomike, migrimi i të rinjve, pozita e shqiptarëve, gjuha shqipe, eurointegrimet evropiane e shumë çështje tjera duhet që nga premtimet të shndërrohen në rezultate të prekshme./Tv Koha/
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
KONGRESI I VLEN – QYTETARËT MIRËPRESIN BASHKIMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
