Lajme nga vendi
Ambasadorja e SHBA në RMV: Në listën e zezë amerikane, më shumë se një shtetas maqedonas për përfshirje në korrupsion
Lufta kundër korrupsionit mbetet në fokus të politikës amerikane ndaj Maqedonisë së Veriut. Në këtë kontekst shihet edhe vizita e paparalajmëruar në Shkup të premten e koordinatori global për luftë kundër korrupsionit pranë Departamentit amerikan të Shtetit, Richard Nephew, i cili në takimin me presidentin maqedonas, Stevo Pendarovski, kishte në qendër të vëmendjes luftës kundër korrupsionit, sipas njoftimit të Presidencës.
“Lufta kundër krimit dhe korrupsionit, në çdo nivel, duke përfshirë edhe korrupsionin e lartë, është jashtëzakonisht e rëndësishme në përpjekjet për të ndërtuar sundimin e ligjit dhe për të fituar besimin e qytetarëve në institucionet”, thuhet në komunikatën e Presidencës maqedonase, pa dhënë detaje të tjera lidhur me këtë takim.
Ambasadorja e SHBA-së në Shkup, Angela Aggeler, tha se qëllimi i vizitës së zyrtarit të lartë të DASH-it nuk është “lista e zezë” për të cilët flitet tani një kohë të gjatë.
“Ai nuk është këtu për të zbuluar emra për listën e zezë apo diçka të tillë. Është këtu për të diskutuar proceset, sanksionet, protokollet që ka Qeveria amerikane për çështjen e korrupsionit”, tha Aggeler.
Por, ajo pranoi se për këtë çështje po zhvillohen hetime dhe se do të ketë persona që do të gjenden në listën e zezë për shkak të përfshirjes së tyre në korrupsion.
“Janë disa lista, sipas të cilave persona të ndryshëm hetohen në kontekste të ndryshme për korrupsion. Unë qëndroj pas asaj që thashë një ditë më parë dhe besoj se është e vërtetë. Megjithatë, informacioni duhet të vijë nga Uashingtoni. Nuk mund t’ju jap asnjë afat kohor, as se sa persona do të jenë në listë”, tha ambasadorja amerikane Aggeler.
Ajo konfirmoi edhe një herë të dhënat e deklaruara se më shumë se një person nga Maqedonia e Veriut do të jenë në të ashtuquajturën, “listë të zezë të sanksioneve amerikane”.
Një ekip për sanksione nga Shtetet e Bashkuara të Amerikës më 6 dhjetor 2022 ka qëndruar në Maqedoninë e Veriut për të hetuar funksionarët dhe ish-funksionarët e dyshuar për korrupsion.
Ambasadorja amerikane në Shkup, Angela Aggeler, atëbotë kishte thënë se ky ekip do të “do të ndërmarrë një qasje më agresive për aktorët e korruptuar, si ata në të kaluarën dhe ata aktualë”.
Në prill të vitit 2022, SHBA-ja vendosi sanksione ndaj shtatë personave, që u thanë se kanë qenë të përfshirë në vepra korruptive, ku në mesin e tyre ishin edhe ish-kryeministri maqedonas, Nikolla Gruevski, dhe ish-drejtori i policisë sekrete, Sasho Mijallkov.
Përveç Gruevskit dhe Mijalkovit, në listën e zezë u futën edhe anëtarët e familjes së tyre të ngushtë.
Kryeministri Mickoski qëndron për vizitë disaditëshe në Gjermani, ku merr pjesë në Konferencën e Sigurisë së Mynihut. Sic kumtoi Kabineti Qeveritar, Kryeministri do ta fiafirmojë përcaktimin e vendit për process korrekt e të parashikueshëm të integrimit në Bashkimin Evropian, pa kushtëzime plotësuese dypalëshe.
Në Konferencën e 62-të e Sigurisë së Mynihut, Kryeministri Mickoski, ditën e prë e nisi me një takim me përfaqësues të lartë të kompanisë “Schëarz”, një nga kompanitë më të mëdha në botë dhe një nga më të mëdhatë këtu në Gjermani, me të ardhura vjetore mbi 180 miliardë euro.
Kompania “Schvarz” punëson mbi 605.000 të punësuar dhe është e pranishme në më shumë se 30 vende të botës, ndër to është edhe Maqedonia.
Takimin e dytë, si vazhdim i atij në Davos, u zhvillua me pronarin e “4iG”, i cili tashmë është i pranishëm në Maqedoni si pronar i licencës për operatorin e tretë mobil.
Kryeministri Mickoski ishte pjesë e hapjes solemne të Konferencës së 62-të të Sigurisë së Mynihut, ku një fjalim të rëndësishëm mbajti kancelari gjerman Merz, ndërsa këtë pjesë të ditës e përfundojmë me një takim me Presidentin e Këshillit Evropian, Antonio Costa.
“Në takim biseduam për procesin e integrimit evropian të Maqedonisë dhe për atë që është e rëndësishme për qytetarët maqedonas, ai proces të mos bilateralizohet, të mos jetë poshtërues dhe të ruhet identiteti maqedonas si dhe prioritetet e qytetarëve maqedonas”
Në fund Kryeministri Mickoski ka uruar qytetarët, sic thotë, për lajmin e mirë që mbërriti në fillim të ditës nga SHBA-ja, nga Uashingtoni – deklarata e përbashkët e harmonizuar mes Qeverisë së Maqedonisë dhe Shtëpisë së Bardhë, e cila ka të bëjë me marrëveshjen për tregti që do të nënshkruhet më tej nga të dyja shtetet, një marrëveshje që, sic thuhet, mundëson ekonomi më të mirë dhe më shumë mundësi për kompanitë maqedonase.
Deputetë të Kuvendit të Republikës së Maqedonisë së Veriut kanë dorëzuar në procedurë parlamentare Propozim-Rezolutën për respektimin e standardeve të procesit të rregullt ligjor në gjykimin ndërkombëtar ndaj ish-krerëve të institucioneve të Republikës së Kosovës.
Kjo rezolutë mbështetet në parimet kushtetuese dhe në standardet ndërkombëtare të drejtësisë, duke riafirmuar përkushtimin ndaj shtetit të së drejtës, pavarësisë së gjyqësorit dhe respektimit të plotë të të drejtave themelore të njeriut, ashtu siç përcaktohen në Konventën Evropiane për të Drejtat e Njeriut, Paktin Ndërkombëtar për të Drejtat Civile dhe Politike dhe Deklaratën Universale për të Drejtat e Njeriut.
Deputetët nënshkrues, sikurse janë Ali Ahmeti, Talat Xhaferi, Skender Rexhepi, Rijad Shaqiri, Ilir Hasani e të tjerë, u bëjnë thirrje të gjithë deputetëve të Kuvendit, pa dallim përkatësie politike, që t’i bashkohen kësaj nisme dhe ta mbështesin Rezolutën me votë, në funksion të forcimit të parimeve universale të drejtësisë dhe respektimit konsekuent të standardeve ndërkombëtare për një proces të drejtë dhe të paanshëm.
REZOLUTA
Nëpërmjet kësaj nisme parlamentare kërkohet që proceset gjyqësore që po zhvillohen pranë Dhomave të Specializuara të Kosovës të zhvillohen në përputhje të plotë me standardet më të larta ndërkombëtare, duke garantuar prezumimin e pafajësisë, mbrojtjen efektive dhe gjykimin brenda një afati të arsyeshëm për të gjithë të akuzuarit.
Ndërkohë përmes një video-mesazhi, kreu I BDI-së, Ali Ahmeti, ka bërë thirrje që më 17 Shkurt, në ora 14.00 bashkërisht të marshohet në Prishtinë.
ALI AHMETI – KRYETAR I BDI-së
“Më 17 Shkurt organizohet marshi “Për Drejtësi, jo politikë”. Ju kish ftuar vëllezër e motra të gjithë së bashku të marshojmë në Sheshin Skënderbeu për pafajësinë e bashkëluftëtarëve për njerëzit që kontribuan për liri e pavarësi që sot ne e gëzojmë”
Kohë më parë edhe në Shkup u mbajt një protestë në mbështetje të ish-krerëve të UÇK-së, protestë e cila u përcoll me forca të shtuara policore dhe debate politike.
Deri në fund të muajit mars, Komuna e Zhelinës do të bëhet me pallat të kulturës. Kështu së paku thotë Kryetari i Komunës së Zhelinës, Blerim Sejdiu i cili njofton se faza e parë ka kushtuar 350 mijë euro dhe se njëjta është finansuar nga TAV Maqedoni. Ndërsa faza e dytë thuajse në të njëjtën shumë, është finansuar me mjete nga kredia hungareze përmes Ministrisë së Kulturës.
“Ndërtimi ka zgjatur tre vite, për arsye jo se është punuar në mënyrë permanente por sepse është përfunduar njëra fazë dhe është dashur që kohë që të gjejmë mjete për fazën e dytë. Tani jemi duke përfunduar, unë jam i gëzuar që jemi duke e përfunduar atë projekt sepse ka raste kur kanë ngecur me dekada projektet tjera por nuk është një rast i tillë tek ne. Projekti ka kushutar afërsisht 600 mijë euro”.
Me të përfunduar tërësisht, Komuna e Zhelinës do të bëj kërkesë në Ministri të Kulturës që pallati i kulturës në Komunë të Zhelinës të jetë i karakterit nacional e jo vetëm lokal, me çka do të siguroheshin fonde për mirëmbajte dhe funksionim të vazhdueshëm.
“Ideja dhe qëllimi jonë është që këtë pallat kulture ta shpallim me status nacional. Pra që të jetë pallat i kulturës nacional që të finansohet, që nënkuptohet të finansohet nga burimet e buxhetit shtetëror dhe jo nga Komuna. Me këtë ne të gjejmë resurse të vazhdueshme dhe të përhershme të mirëmbajtes dhe funksionimit të këtij pallati të kulturës”.
Përndryshe, në Komunë të Bogovinës, ka gati 10 vite që pallati i kulturës është filluar por ka mbetur vetëm në skelet, beton dhe hekur! Zv/kryeministri Bekim Sali ditë më parë tha se janë të gatshëm që të ndihmojnë kudo që paraqitet nevoja për zhvillim të kulturës sidomos në vende rurale. TV KOHA
MICKOSKI NË MYNIH: INTEGRIMI NË BE – PA KUSHTËZIME SHTESË! (VIDEO)
KUVEND: REZOLUTË PËR ISH-KRERËT E UÇK-së! (VIDEO)
PALLATI I KULTURËS NË ZHELINË DREJT PËRFUNDIMIT, SYNOHET STATUSI NACIONAL (VIDEO)
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
