Lajme nga vendi
Kriza ekonomike godet dhe tregjet, nga çmimet nuk janë të kënaqur as shitësit e as blerësit
As shitësit dhe as blerësit nuk janë aspak të kënaqur me çmimet e larta të pemëve dhe perimeve. Kriza ekonomike i detyron qytetarët që të blejnë më pak, respektivisht të marrin vetëm gjërat e domosdoshme. Shitësit ankohen se mezi arrijnë të mbulojnë shpenzimet, ndërsa blerësit ankohen se mezi arrijnë të mbushin qeset.
“Aspak të kënaqur nuk jemi, shitje nuk ka…-A keni llogari me i prodhua të gjitha këto në shtëpi? Nuk kemi llogari, tash krejt janë shtrenjtuar… Tash edhe puna nuk është tu shkua, as tezgat nuk po mund t’I paguajmë”.
“Prodhojmë diçka, jo të gjitha. Qepët, marrullat. Domatet nuk janë tonat, e dini se ato janë të importuara tani. Tani pak kanë rënë, kështu që qytetarët mund të blejnë…”.
“Janë rrit mjaft, në disa vitet e kaluara dukshëm janë rrit… Patjetër po duhet të blejmë, deshëm s’deshëm po duhet të blejmë”.
“Ka shtrenjtim… A bleni ju njësoj sikur vitet e kaluara?
Jo, këtë vit ka disi në mënyrë të paktë, kriza e bën të veten, mungesa e parave poashtu”.
“Çmimet adalet e hajt, ai që ka para për atë mirë është, ai që s’ka vetëm I sheh edhe hec….Më pak blejmë, se më pak para na japin, sa kemi mundësi aq blejmë”.
“Malli I shtrenjtë Akoma, shitje nuk ka shumë, ka pak.. . Nuk jena të kënaqur jo, nuk kemi shitje shumë, e di shtrenjtë është Akoma malli, nuk kanë para qytetarët”.
I pyetur nëse ka hapësirë për ulje të çmimit të pemëve dhe perimeve, Ministri i Bujqësisë, Lupço Nikollovski tha se dikasteri që drejton nuk rregullon çmimet, por vetëm se u jep mbështetje bujqve në rritjen e prodhimit vendor. Në këtë drejtim Nikollovski tha se është arritur qëllimi sa i përket lulediellit, miellit dhe kulturave të tjera të rëndësishme.
“Ministria nuk rregullon çmime, ajo u jep mbështetje bujqëve që ta rrisim dhe mirëmbajmë prodhimin vendor, që të mos ndodh rënie e prodhimtarisë, pikërisht në kohë krize dhe në kohë të asaj që e përjeton e gjithë bota, pas agresionit rus në Ukrainë. Qeveria me propozim të Ministrisë së Ekonomisë, me masa dhe politika kompetente, sjell vendime kompetente në pjesën e çmimeve nëse do të ketë ngrirje të produkteve të caktuara”, deklaroi Ljupço Nikollovski, Ministër i Bujqësisë.
Ndërsa në pyetjen nëse ministria ka mekanizëm që të mbrojë blegtorët për shkak të ngrirjes së çmimit të qumështit nga nesër, ai tha se Ministria ofron mbështetje përmes subvencioneve dhe programeve tjera për blegtorët për rritjen e kostove në prodhim. /Alsat.mk
Shkollat duhet t’i respektojnë protokollet për punë gjatë temperaturave tepër të larta, porositi ministrja e Arsimit dhe Shkencës, Vesna Janevska. Rregullat përcaktojnë edhe se kur duhet të hapen apo të mbyllen dritaret dhe cilat aktivitete duhet t’i zhvillojnë nxënësit. Protokollet janë publikuar në ueb-faqen e Ministrisë së Arsimit dhe Shkencës (MASH), ndërsa u janë dorëzuar edhe të gjitha shkollave. Janevska tha se drejtuesit e shkollave dhe mësimdhënësit duhet ta përshtatin mësimin me kushtet atmosferike.
A do të shkurtohen orët mësimore në ditët kur moti do të jetë shumë i nxehtë, ishte një pyetje e gazetarëve drejtuar Ministres së Arsimit, Vesna Janevska, lidhur me vapën afrikane që ka kapluar vendin edhe në fillim të vitit shkollor dhe sipas paralajmërimeve do të vazhdojë edhe më tej.
Ministrja potencoi se shkollat duhet të veprojnë konform protokolleve për situata të këtilla, duke shtuar se nuk mund t`u ikim ndryshimeve klimatike pasi ato janë të njëjta për të gjithë fëmijët në Evropë dhe në botë.
“Udhëheqësit e shkollave dhe vet mësimdhënësit. Është pjesë e punës së tyre. Të adaptohen konform kushteve. Nëse është nxehtë, nuk do të zhvillojnë edukatë fizike, do të kenë pushim, art figurativ, muzikë, diçka tjetër… Unë nuk dua të ndërhyj në punën e tyre, por ja, kjo mund të jetë një ide. Nëse është më freskët, mund të bëjnë edhe ndonjë ushtrim fizik. Në protokolle përcaktohet kur duhet të hapen dhe kur të mbyllen dritaret, si dhe cilat aktivitete duhet t’i kenë fëmijët. Duhet të përshtatemi me çdo gjë që do të jetë sfidë”
E pyetur nëse në shkolla do të sigurohen kondicionerë për freskim gjatë ditëve të nxehta në fillim dhe në fund të vitit shkollor, ministrja u përgjigj se do të ketë kondicionerë kur si shtet do të jemi në gjendje të sigurojmë kondicionerë në të gjitha shkollat.
Nga ana tjetër, Kryetari i Komunës së Aerodromit, Dejan Miteski, deklaroi se në shkollat e kësaj Komune, orët mësimore do të shkurtohen vetëm nëse aktivizohet “faza e verdhë” për shkak të temperaturave të larta.
Dje në orën 11:00 në SPB Tetovë, një 52-vjeçar nga Republika e Kosovës, me banim në Norvegji, ka raportuar se në fshatin Dobrosht të Tetovës i është marrë motoçikleta e tij „BMV“, e cila ishte e parkuar në fshat. Po merren masa për gjetjen e motoçikletës dhe për zbardhjen e rastit.
…….Dje në orën 19:15 në Tetovë, zyrtarët policorë kanë privuar nga liria personin një 44 vjeçar nga Tetova, duke vepruar sipas raportimit paraprak nga vëllai i tij 46-vjeçar se, pas një debati të shkurtër në shtëpinë familjare, e ka sulmuar fizikisht dhe i ka dëmtuar telefonin celular. Pas dokumentimit të plotë të rastit, do të vijojë parashtresa përkatëse.
……Dje rreth orës 19:50 në SPB Tetovë është raportuar se në Spitalin Klinik në Tetovë, një 24 vjeçar nga fshati Pallatcë i Tetovës, pasi i është kërkuar të kryejë një pagesë për shërbim mjekësor, është sjellë në mënyrë agresive dhe ka thyer xhamin e sportelit të pranimit, me ç’rast ai dhe dy punonjës të tjerë kanë pësuar lëndime. Pas ndërhyrjes së zyrtarëve policorë, ai ka sulmuar fizikisht edhe një zyrtar policor, e më pas, për shkak të seriozitetit të lëndimeve, është transportuar në Kompleksin e Klinikave „Nënë Tereza“ në Shkup për t’iu ofruar ndihmë mjekësore. Është kryer këqyrje e vendit të ngjarjes dhe pas dokumentimit të plotë të rastit do të dorëzohet kallëzimi përkatës.
……Dje në orën 22:00 në rrugën „107“ në Tetovë, zyrtarët policorë nga SPB Tetovë kanë privuar nga liria një 24 vjeçar nga Tetova sepse gjatë kontrollit të ushtruar ndaj tij është gjetur dhe konfiskuar marihuanë. Personi është ndaluar në stacionin policor dhe pas dokumentimit të rastit do të vijojë parashtresa përkatëse.
……..Dje në orën 22:20 në rrugën „Iliria“ në Tetovë, zyrtarët policorë nga SPB Tetovë kanë privuar nga liria një 42-vjeçare nga Velesi, me banim në Tetovë, sepse gjatë kontrollit të ushtruar ndaj saj është gjetur dhe konfiskuar një substancë e bardhë pluhur. Personi është shoqëruar në polici dhe pas dokumentimit të rastit do të dorëzohet kallëzimi përkatës.
Pas mesnate në orën 01:50 në rrugën „107“ në Tetovë, zyrtarët policorë nga SPB Tetovë kanë arrestuar një 30-vjeçar nga Tetova, i cili kërkohej me urdhëresë gjyqësore për vuajtjen e dënimit me burg për vepër penale të kryer sipas nenit 130 paragrafi 1 të Kodit Penal. Personi është dërguar në Institucionin Ndëshkues-Përmirësues Burgu i Tetovës për vuajtjen e dënimit.
Radiologu Argjend Imeri: Diagnoza e historisë – Gjenocidi nuk shërohet me harresë
TETOVARET BUNA SHERIFI DHE ERJONA EMINI NË BOTËRORIN E KARATESË
VAPA AFRIKANE: A DO TË SHKURTOHEN ORËT MËSIMORE?!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga vendi1 month agoDyvjeçar nga Kumanova helmohet me tretës ngjyre, dërgohet në Klinikën “Nëna Terezë”
-
Lajme nga bota2 months agoFestivali kthehet në tragjedi, dy të vrarë dhe disa të plagosur nga të shtënat në Uashington. Arrestohet autori
-
Lajme nga bota1 month agoFranca në alarm, zjarret i afrohen Bordeaux, Macron mbledh qeverinë në takim krize