Lajme nga vendi
Osmani: Ahmeti angazhohet për zgjidhjen e politikave strategjike
Ministri i Punëve të Jashtme, Bujar Osmani mbrëmë ishte mysafir në emisionin Klik Plus në TV21, ku foli për tema lidhur me ndryshimet kushtetuese, tensionet në BDI, tubimin e BDI-së në Çair, negociatat mes Prishtinës dhe Beogradit, si dhe për politikën e jashtme të Maqedonisë së Veriut.
“Ahmeti është personalitet historik. Ahmeti 20 vite punon për interesat e shtetit. Ai është njeriu që çdoherë i mbron interesat e shtetit. Ali Ahmeti ka punuar për Maqedoninë e Veriut që të bëhet anëtare e NATO-s, tani fuqimisht punon që t’i bashkojë të gjitha partitë politike, të cilat dëshirojnë ta shohin Maqedoninë në BE”, tha mes tjerash, Osmani.
Sipas Osmanit, Ahmeti edhe në Ohër ka qenë në komunikim të plotë me faktorin ndërkombëtar që të gjendet kompromis mes Kosovës dhe Serbisë, me qëllim që të kemi rajon stabil, e kjo është posaçërisht e rëndësishme tani kur jo larg prej këtu ka luftë.
Ministri i Punëve të Jashtme tha se të shtunën, në Ohër ka marrë SMS porosi nga një përfaqësues i lartë diplomatik, i cili i ka thënë se është krenar në përpjekjet e Ali Ahmetit që të ndihmojë rreth negociatave mes Beogradit dhe Prishtinës, si dhe se Ahmeti është politikan me ndikim në rajon.
“Siç thotë një analist nga Kosova, Ali Ahmeti është arkitekt i Maqedonisë së Veriut bashkëkohore. Vizioni i tij për shtet është shtet evropian, të gjithë së bashku ecim drejt BE-së – maqedonas, shqiptarë dhe të gjithë së bashku”, deklaroi Osmani.
Në intervistë ai po ashtu foli edhe për Kosovën dhe Serbinë.
“Unë jam ministër i Punëve të Jashtme të Maqedonisë së Veriut. Deklaratat e mia publike janë qëndrime shtetërore, nuk janë personale. Ne kemi marrëdhënie të shkëlqyeshme edhe me Kosovën edhe me Serbinë dhe dëshirojmë që këto dy shtete të gjejnë kompromis”, theksoi Osmani.
Ai thotë se prej se është ministër i Jashtëm, u modifikua qëndrimi i MPJ-së ndaj çështjes mes Kosovës dhe Serbisë.
“Qëndrimi i ynë thotë: Ne përkrahim zbatimin e marrëveshjes mes Kosovës dhe Serbisë, e cila çon drejt njohjes së ndërsjellë të dy shteteve”, tha Osmani.
Disa qytetarët përmes një nisme i janë drejtuar Gjykatës Kushtetuese për të vlerësuar kushtetutshmërinë e sistemit Safe City. Sipas tyre, përmes dërgimit të sms porosive bëhet shkelja e të drejtave dhe lirive të njeriut, keqpërdoren të dhënat personale dhe cenon sigurinë në trafik.
Përveç nismës në kushtetuese, grupi iniciues ka dorëzuar edhe kallëzim penal kundër ministrit të Brendshëm, Pançe Toshkovski mbi dyshimet për shpërdorim me detyrën zyrtare, punë të pandërgjegjshme dhe keqpërdorim i të dhënave personale. Në nismë është potencuar edhe drejtësia selektive dhe diskriminimi gjeografik.
Lajme nga vendi
Strasburgu e obligon Maqedoninë: Brenda 3 muajve duhet të paguajë borxhet e ndërmarrjeve publike
Maqedonia humbi rastin në Gjykatën Evropiane për të Drejtat e Njeriut – shteti është i detyruar brenda tre muajve të paguajë borxhet e ndërmarrjeve publike ndaj kompanive private, sepse nuk janë respektuar vendimet e gjykatave që kanë marrë fuqi ligjore, përcjell TV21. Vendimi konstaton se me të ashtuquajturat “korniza” nga Ligji për Ekzekutimin, është shkelur Neni 6 i Konventës Evropiane – e drejta për një proces të drejtë dhe për ekzekutimin e vendimeve gjyqësore.
Borxhlinjtë më të mëdhenj janë “Nomagas”, Hekurudhat – Transport dhe Infrastrukturë dhe EMV. Gjykata Evropiane thekson se mungesa e buxhetit ose e burimeve nuk mund të shërbejë si justifikim për mos-ekzekutimin e vendimeve gjyqësore./tv21.tv
Komisioni Rregullator për Energjetikë ka vendosur të ulë kostot e energjisë elektrike, përcjell TV21. Nga 1 janari, tarifa për përdorimin e sistemit të shpërndarjes së energjisë elektrike Elektrodistribucioni ulet me 3.64%, ndërsa tarifa për përdorimin e sistemit të transmetimit MEPSO ulet me 2.67%. Ulje ka edhe në çmimin e MEMO, me 3.40%.
Me vendimin e sotëm, të gjitha elementet që e përbëjnë çmimin final të rrymës tashmë janë të qarta – çmimi dhe sasia me të cilën është blerë energjia elektrike, shërbimet e operatorëve të rrjetit si dhe blerjet për humbjet në sistem. Tani mbetet që furnizuesi universal EVN Home, nën mbikëqyrjen e KRRE-së, të bëjë përllogaritjen dhe të publikojë çmimet finale sipas blloqeve.
“Pjesa që KRRE rregullon në çmimin përfundimtar ka një ndikim prej rreth 36%”, deklaroi Marko Bislimoski, kryetar i KRRE-së.
Qytetarët çojnë “Safe City” në Kushtetuese
LIGA E PARË: VARDARI KAMPION VJESHTOR
Strasburgu e obligon Maqedoninë: Brenda 3 muajve duhet të paguajë borxhet e ndërmarrjeve publike
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi1 month agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga vendi4 weeks agoUniversiteti i Tetovës shpreh ngushëllime për vdekjen e studentes Daorsa Spahija
-
Lajme nga vendi2 months agoFatmir Limani: Diaspora do të jetë pjesë integrale e projektit tim politik