Lajme nga vendi
Elizabeta Dukovska u zgjodh gjykatëse e re në Gjykatën Kushtetuese
Me 64 vota “për” dhe një të “përmbajtur”, gjykatësja e Gjykatës së Apelit në Shkup, Elizabeta Dukovska në kuadër të mbledhjes së sotme të 106-të u zgjodh gjykatëse në Gjykatën Kushtetuese, e propozuar nga Këshilli Gjyqësor.
Dukovska është e lindur më 30.07.1961. Ka diplomuar në Fakultetin Juridik në Shkup pranë Universitetit “Shën Cirili dhe Metodi”, ndërsa provimin e jurisprudencës e ka dhënë më 15.02.1990.
Në vitin 2004 u zgjodh gjykatëse në Gjykatën Themelore Shkupi 1, ndërsa nga korriku i vitit 2007 ka punuar si gjykatëse falimentuese në Gjykatën Themelore Shkupi 2. Në vitin 2009 u zgjodh gjykatëse në Gjykatën e Apelit në Shkup.
Në përvojën e saj shumëvjeçare ka punuar në Gjykatën Themelore të Punës së Bashkuar në Shkup, si bashkëpunëtore profesioniste, në Gjykatën Ekonomike të Qarkut në Shkup, Gjykatën Themelore Shkupi 1 dhe në Gjykatën e Apelit në Shkup, si bashkëpunëtore profesioniste.
Në kuadër të kësaj seance, deputetët e votuan edhe Propozimin e ligjit për ratifikimin e ndryshimeve dhe plotësimeve të Marrëveshjes për tregti të lirë ndërmjet Republikës së Maqedonisë së Veriut dhe Ukrainës dhe e zgjodhën Vukell Valdeta anëtar të ri të Këshillit Shtetëror për Parandalimin e Delikuencës së Fëmijëve.
Në ndeshjen e parë kontrolluese që zhvillohet në kuadër të përgatitjeve për pjesën pranverore Shkëndija mundi AP Brerën me rezultatin 3-0
Shkëndija e Tetovës në kuadër të përgatitjeve për pjesën pranverore të kampionatit, krahas seancave intensive stërvitore, sot zhvilluan edhe kontrolluesen e parë me ekipin AP Brera nga Strumca. Në ndeshjen e parë kontrolluese që sot u zhvillua në terrenin e kompleksit sportiv të FFM-së në Shkup, pas 90 minutave lojë ku trajneri Jeton Beqiri në lojë inkuadroi pjesën më të madhe të lojtarëve që ka në disponim ndeshja përfundoi me rezultatin 3-0
Autor të golave për ekipin kuqezi ishin Atdhe Mazari në pjesën e parë , ndërsa Besart Ibraimi realizoi dy gola në pjesën e dytë
Shkëndija pas kësaj ndeshje të shtunën do të zhvendoset në Antalia të Turqisë ku do të vazhdoj fazën kryesore të përgatitjeve deri më 1 shkurt ku parashihen edhe katër ndeshje kontrolluese ndërsa e para është më 20 janar kundër ekipit ukrainas Oleksandrya.
Shaban Sinani – TV KOHA
Kryetari i njërit krah të Aleancës për Shqiptarët, Arben Taravari, deklaroi se ish-bashkëpartiaku i tij, Ziadin Sela, si dhe kryetari i Partisë Demokratike Shqiptare, Menduh Thaçi, po qëndrojnë “para derës së Qeverisë”, duke pritur të bëhen pjesë e kabinetit qeveritar.
“E shihni, Sela dhe Menduh po qëndrojnë para derës së Qeverisë, ndërsa unë në vitin 2024 e lashë Qeverinë për të sjellë ndryshim. E lashë Ministrinë e Shëndetësisë për shkak të përgjegjësisë. Po ashtu, mendova se ishte e arsyeshme të zhvilloja partinë. Brenda VLEN-it ka sa të duash thika pas shpine, shqiptarët nuk po avancojnë, ndërsa eurointegrimi nuk shihet askund. Dy herë e lashë Qeverinë dhe sakrifikova shumë, por nuk e dija se ka njerëz që japin gjithçka vetëm për poste,” tha Taravari, ndër të tjera, në emisionin “Klik Plus”.(INA)
SHKËNDIJA ME FITORE NISI CIKLIN E NDESHJEVE KONTROLLUESE
Në Zvicër nis gjyqi ndaj imamit biznesmen nga Kosova! Dyshohet për mashtrim, pastrim parash dhe evazion fiskal
ASH (Sela): Kur vasali, Taravari akuzon për veprimet që i bën vetë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
