Lajme nga vendi
Bie besimi në vaksinimet e rregullta për fëmijët në Maqedoni
Besimi në vaksinat të cilat merren në fëmijëri ulet në Evropë dhe Azinë Qendrore, duke përfshirë edhe Maqedoninë e Veriut, tregon raporti i ri global i UNICEF-it.
Perceptimi i publikut për rëndësinë e vaksinimit rutinor të fëmijëve është ulur në Maqedoninë e Veriut që nga fillimi i pandemisë së Kovid-19, tregon analiza e re e të dhënave për 55 vende të botës, prej të cilave 29 gjenden në Evropë dhe Azinë Qendrore, duke përfshirë edhe shtetin tonë. Analiza është pjesë e raportit të ri global të cilin UNICEF-i e publikoi sot.
Raporti “Gjendja e fëmijëve në botë në vitin 2023: Vaksinim për çdo fëmijë” përfaqëson vlerësim më gjithëpërfshirës për imunizimin rutinor të cilin deri më tani e ka bërë UNICEF-i. Në bazë të të dhënave nga viti 2021, raporti thekson se në Evropë dhe Azinë Qendrore, vendin e dytë në listën negative të renditjes së vendeve sipas numrit të fëmijëve me “dozë zero” e ndajnë Maqedonia e Veriut, Bosnja e Hercegovina dhe Kirgistani – 11 për qind e fëmijëve më të vegjël se një vit, pas Moldavisë, ku kjo shkallë është 13 për qind. Termi “zero dozë” ka të bëjë me fëmijët të cilët nuk kanë marrë asnjë vaksinë.
“Edhe pse mbulimi i vaksinimit rutinë të fëmijëve në Maqedoninë e Veriut është rritur vitin e fundit pas pandemisë, ajo që është shqetësuese është rënia e besimit në vaksinat që jepen në fëmijëri. Imunizimi është një nga historitë më të rëndësishme të suksesit të njerëzimit. Ai çoi në zhdukjen e sëmundjeve të tilla si variola vera dhe shpëtoi miliona jetë nga sëmundje të rrezikshme, duke përfshirë linë dhe poliomielitin”, deklaroi Patricia di Xhovani, përfaqësuese e UNICEF-it në vend.
Sipas saj, “nuk guxojmë të lejojmë që vala e frikës dhe dezinformatave, edhe më shumë e përforcuar nga pandemia, t’i vendosë nën rrezik jetët e fëmijëve”.
Në nivel global, rënia e besimit vjen në kohën e rënies më të madhe të vazhdueshme të imunizimit të fëmijëve që po zgjat gjatë 30 vjetëve të fundit. Pandemia ka ndërprerë vaksinimin e fëmijëve thuajse kudo, më së shumti për shkak të presioneve të mëdha në sistemet shëndetësore, devijimit të burimeve të imunizimit drejt vaksinimit kundër Kovid-19, mungesës së punonjësve shëndetësorë dhe masave të karantinës të vendosura ndaj qytetarëve. Si rezultat, 67 milionë fëmijë në mbarë botën nuk u vaksinuan në mënyrë rutinore ndërmjet vitit 2019 dhe 2021, me çka mbulimi i vaksinimit ra në 112 vende.
Për dallim nga trendet botërore, ku fëmijët të cilët jetojnë në zonat më të varfëra dhe rurale, janë ata, të cilët më shpesh nuk marrin një ose më shumë vaksinime rutinë, situatat në Evropë dhe Azinë Qendrore, përfshirë edhe në Maqedoninë e Veriut, janë të tilla që prania e fëmijëve nën një vjet me “zero doza” është më e madhe në mjediset urbane dhe amvisëritë më të pasura. Raporti global ofron një listë rekomandimesh. Ndër ato për Maqedoninë e Veriut është që të vazhdojë të identifikojë dhe vaksinojë të gjithë fëmijët e pavaksinuar, veçanërisht ata që kanë humbur vaksinimet gjatë pandemisë Kovid-19, pastaj të forcohet besimi dhe kërkesa për vaksinën, përfshirë përmes bashkëpunimit të ngushtë me komunitetet lokale për të adresuar nevojat dhe shqetësimet e tyre të vaksinimit, gjithashtu prioritet t’i jepet financimit të shërbimeve për imunizimin dhe shërbimet e kujdesit parësor shëndetësor, si dhe të ndërtojnë sisteme shëndetësore elastike duke investuar në punonjësit e shëndetësisë.
Shkollat duhet t’i respektojnë protokollet për punë gjatë temperaturave tepër të larta, porositi ministrja e Arsimit dhe Shkencës, Vesna Janevska. Rregullat përcaktojnë edhe se kur duhet të hapen apo të mbyllen dritaret dhe cilat aktivitete duhet t’i zhvillojnë nxënësit. Protokollet janë publikuar në ueb-faqen e Ministrisë së Arsimit dhe Shkencës (MASH), ndërsa u janë dorëzuar edhe të gjitha shkollave. Janevska tha se drejtuesit e shkollave dhe mësimdhënësit duhet ta përshtatin mësimin me kushtet atmosferike.
A do të shkurtohen orët mësimore në ditët kur moti do të jetë shumë i nxehtë, ishte një pyetje e gazetarëve drejtuar Ministres së Arsimit, Vesna Janevska, lidhur me vapën afrikane që ka kapluar vendin edhe në fillim të vitit shkollor dhe sipas paralajmërimeve do të vazhdojë edhe më tej.
Ministrja potencoi se shkollat duhet të veprojnë konform protokolleve për situata të këtilla, duke shtuar se nuk mund t`u ikim ndryshimeve klimatike pasi ato janë të njëjta për të gjithë fëmijët në Evropë dhe në botë.
“Udhëheqësit e shkollave dhe vet mësimdhënësit. Është pjesë e punës së tyre. Të adaptohen konform kushteve. Nëse është nxehtë, nuk do të zhvillojnë edukatë fizike, do të kenë pushim, art figurativ, muzikë, diçka tjetër… Unë nuk dua të ndërhyj në punën e tyre, por ja, kjo mund të jetë një ide. Nëse është më freskët, mund të bëjnë edhe ndonjë ushtrim fizik. Në protokolle përcaktohet kur duhet të hapen dhe kur të mbyllen dritaret, si dhe cilat aktivitete duhet t’i kenë fëmijët. Duhet të përshtatemi me çdo gjë që do të jetë sfidë”
E pyetur nëse në shkolla do të sigurohen kondicionerë për freskim gjatë ditëve të nxehta në fillim dhe në fund të vitit shkollor, ministrja u përgjigj se do të ketë kondicionerë kur si shtet do të jemi në gjendje të sigurojmë kondicionerë në të gjitha shkollat.
Nga ana tjetër, Kryetari i Komunës së Aerodromit, Dejan Miteski, deklaroi se në shkollat e kësaj Komune, orët mësimore do të shkurtohen vetëm nëse aktivizohet “faza e verdhë” për shkak të temperaturave të larta.
Dje në orën 11:00 në SPB Tetovë, një 52-vjeçar nga Republika e Kosovës, me banim në Norvegji, ka raportuar se në fshatin Dobrosht të Tetovës i është marrë motoçikleta e tij „BMV“, e cila ishte e parkuar në fshat. Po merren masa për gjetjen e motoçikletës dhe për zbardhjen e rastit.
…….Dje në orën 19:15 në Tetovë, zyrtarët policorë kanë privuar nga liria personin një 44 vjeçar nga Tetova, duke vepruar sipas raportimit paraprak nga vëllai i tij 46-vjeçar se, pas një debati të shkurtër në shtëpinë familjare, e ka sulmuar fizikisht dhe i ka dëmtuar telefonin celular. Pas dokumentimit të plotë të rastit, do të vijojë parashtresa përkatëse.
……Dje rreth orës 19:50 në SPB Tetovë është raportuar se në Spitalin Klinik në Tetovë, një 24 vjeçar nga fshati Pallatcë i Tetovës, pasi i është kërkuar të kryejë një pagesë për shërbim mjekësor, është sjellë në mënyrë agresive dhe ka thyer xhamin e sportelit të pranimit, me ç’rast ai dhe dy punonjës të tjerë kanë pësuar lëndime. Pas ndërhyrjes së zyrtarëve policorë, ai ka sulmuar fizikisht edhe një zyrtar policor, e më pas, për shkak të seriozitetit të lëndimeve, është transportuar në Kompleksin e Klinikave „Nënë Tereza“ në Shkup për t’iu ofruar ndihmë mjekësore. Është kryer këqyrje e vendit të ngjarjes dhe pas dokumentimit të plotë të rastit do të dorëzohet kallëzimi përkatës.
……Dje në orën 22:00 në rrugën „107“ në Tetovë, zyrtarët policorë nga SPB Tetovë kanë privuar nga liria një 24 vjeçar nga Tetova sepse gjatë kontrollit të ushtruar ndaj tij është gjetur dhe konfiskuar marihuanë. Personi është ndaluar në stacionin policor dhe pas dokumentimit të rastit do të vijojë parashtresa përkatëse.
……..Dje në orën 22:20 në rrugën „Iliria“ në Tetovë, zyrtarët policorë nga SPB Tetovë kanë privuar nga liria një 42-vjeçare nga Velesi, me banim në Tetovë, sepse gjatë kontrollit të ushtruar ndaj saj është gjetur dhe konfiskuar një substancë e bardhë pluhur. Personi është shoqëruar në polici dhe pas dokumentimit të rastit do të dorëzohet kallëzimi përkatës.
Pas mesnate në orën 01:50 në rrugën „107“ në Tetovë, zyrtarët policorë nga SPB Tetovë kanë arrestuar një 30-vjeçar nga Tetova, i cili kërkohej me urdhëresë gjyqësore për vuajtjen e dënimit me burg për vepër penale të kryer sipas nenit 130 paragrafi 1 të Kodit Penal. Personi është dërguar në Institucionin Ndëshkues-Përmirësues Burgu i Tetovës për vuajtjen e dënimit.
Radiologu Argjend Imeri: Diagnoza e historisë – Gjenocidi nuk shërohet me harresë
TETOVARET BUNA SHERIFI DHE ERJONA EMINI NË BOTËRORIN E KARATESË
VAPA AFRIKANE: A DO TË SHKURTOHEN ORËT MËSIMORE?!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga vendi1 month agoDyvjeçar nga Kumanova helmohet me tretës ngjyre, dërgohet në Klinikën “Nëna Terezë”
-
Lajme nga bota2 months agoFestivali kthehet në tragjedi, dy të vrarë dhe disa të plagosur nga të shtënat në Uashington. Arrestohet autori
-
Lajme nga bota2 months agoFranca në alarm, zjarret i afrohen Bordeaux, Macron mbledh qeverinë në takim krize