Dje, në orën 11:40, në rrugën “Vëllezërit Milladinovi” në Tetovë, punonjësit e policisë kanë privuar nga liria një 39-vjeçar nga fshati Banjicë e Poshtme e Gostivarit, për shkak se kishte prishur rendin dhe qetësinë publike me sjellje agresive dhe të pahijshme. Pas dokumentimit të plotë të rastit, do të pasojë parashtresa përkatëse.

…….Dje, në orën 12:00, në SPB Tetovë, një 26-vjeçar nga një fshat i Tetovës ka denoncuar se është mashtruar nga një 46-vjeçar nga Gjermania për shumën prej 6.800 eurosh. Sipas denoncimit, përmes një faqeje interneti gjermane për shitjen e automjeteve, ai kishte rënë në kontakt me personin, me ç’rast ishin marrë vesh dhe më 29.10.2026 i kishte paguar paratë përmes llogarisë bankare. Pasi shërbimi i angazhuar i karrotrecit kishte shkuar në adresën e dhënë në Gjermani, u konstatua se personi i denoncuar nuk jeton atje dhe se adresa është e rreme. Po ndërmerren masa për zbardhjen e rastit.

……Dje, në orën 13:15, në rrugën “JNA” në Gostivar, punonjësit e policisë nga DPB Gostivar kanë privuar nga liria një 30-vjeçar nga Gostivari, duke vepruar sipas një denoncimi paraprak nga një e punësuar në Prokurorinë Themelore Publike Gostivar, se rreth orës 12:55 në vendin e saj të punës ai ishte sjellë në mënyrë agresive dhe e kishte kanosur, e më pas kishte sulmuar një polic gjyqësor, i cili po kryente veprime zyrtare. Ai është mbajtur në stacionin policor dhe pas dokumentimit të rastit ndaj tij do të ngrihet kallëzimi përkatës.

……Dje, në orën 18:40, në SPB Tetovë, një 43-vjeçar nga Tetova ka denoncuar se në rrugën “Ilinden” në Tetovë kishte ndodhur një përleshje fizike mes djalit të tij 17-vjeçar dhe një personi. Pas dokumentimit të plotë të rastit, do të pasojë parashtresa përkatëse.

…….Dje, në orën 23:40, në fshatin Çegran, punonjësit e policisë nga SPB Gostivar kanë arrestuar tre persona, të gjithë nga Gostivari, për shkak se gjatë kontrollit të një automjeti pasagjerësh “Peugeot” me targa të Gostivarit, të drejtuar nga njëri prej tyre, në të cilin ndodheshin dy personat e tjerë, u gjet dhe u konfiskua një lëndë pluhur e bardhë. Pas dokumentimit të plotë të rastit do të pasojë parashtresa përkatëse.

Advertisement

Dje, në orën 22:45, në rrugën “Ilinden” në Tetovë, punonjësit e policisë nga SPB Tetovë kanë privuar nga liria një 23-vjeçar nga Tetova, për shkak se gjatë një kontrolli të ushtruar ndaj tij iu gjet dhe iu konfiskua një lëndë pluhur e bardhë. Ai është mbajtur në stacionin policor dhe pas dokumentimit të rastit do të dorëzohet parashtresa përkatëse

Oda Ekonomike e Maqedonisë Veri-Perëndimore organizoi edicionin e 17-të të manifestimit tradicional TOP 100, ku u vlerësuan kompanitë më të suksesshme në vend, bazuar në rezultatet financiare, investimet, eksportet dhe kontributin e tyre në ekonomi.

Ngjarja mblodhi përfaqësuesit më të lartë shtetërorë, përfshirë Kryetarin e Kuvendit, Kryeministrin,   udhëheqësinë më të lartë shtetërore, ambasadorë dhe diplomat, përfaqësues të institucioneve shtetërore, të komunitetit të biznesit, të odave ekonomike nga vendi dhe rajoni, partnerë ndërkombëtar, si dhe përfaqësues të mediave, kështu duke dëshmuar rëndësinë dhe karakterin e kësaj ngjarjeje në skenën ekonomike.

Kryetari i OEMVP-së, Sami Morina, theksoi rëndësinë e mbështetjes së ndërmarrësve dhe krijimit të kushteve për zhvillimin e bizneseve, ndërsa kryeministri Mickoski u shpreh se ekonomia nuk njeh dallime etnike apo fetare dhe se synimi është krijimi i një ekonomie konkurruese në tregjet evropiane dhe globale.

Në fjalën e tij, Kryeministri i Republikës së Maqedonisë së Veriut, z. Hristijan Mickoski, theksoi rëndësinë e ndërtimit të një ekonomie gjithëpërfshirëse, ku suksesi dhe zhvillimi ekonomik tejkalojnë çdo dallim etnik apo fetar.

Kryeministri pati një mesazh për të gjithë të pranishmit.

Advertisement

“Në Qeveri keni partnerin që dëshiron t`u dëgjojë që i kupton sfidat tuaja de që e di se pa një sektor të fuqishëm privat nuk ka ekonomi të fuqishme, kurse pa një ekonomi të fuqishme s`ka as shtet të fuqishëm. Ekonomia nuk njej kufij etnik apo fetar. Qëllimi ynë është të ndërtojmë një ekonomi ku puna paguhet, ku nxiten investimet, ku të rinjtë kanë perspektivë, kurse kompanitë vendore janë konkurrues në tregjet evropiane dhe botërore ”

Sipas të dhënave për vitin 2025, 100 kompanitë e renditura në pesë kategori realizuan 1 miliard e 950 milionë euro të hyra, 125.7 milionë euro fitim neto, 225.2 milionë euro eksporte dhe 153.8 milionë euro investime, duke punësuar gjithsej 10 mijë e 897 persona.

Gjatë mbrëmjes u ndanë edhe çmime të veçanta.

Titullin “Gruaja e Suksesshme në Biznes” e mori Aleksandra Shkëmbi Antovska, ndërsa “Multipark Izairi” u shpall eksportuesi më i mirë dhe TRIM&LUM investitori më i madh.

Në renditjen përfundimtare të TOP 5 kompanive, vendin e pestë e zuri Bas Tuti Fruti, të katërtin Kipper Market, të tretin ALMA M, ndërsa të dytin POFIX.

Advertisement

Kompania NEPTUN u shpall më e fuqishmja në vend për vitin 2026.

Përmes këtij manifestimi, OEMVP synon të promovojë sukseset e sektorit privat dhe të vlerësojë kontributin e bizneseve në zhvillimin ekonomik të vendit./Tv Koha/

Moti sot do të jetë i ndryshueshëm me vranësira dhe periudha të herëpashershme me diell. Gjatë ditës do të fryjë erë e dobët deri mesatare nga drejtimi jugor, ndërsa në pjesët perëndimore të vendit do të ketë kushte për shfaqjen e mjegullës.

Temperaturat minimale do të lëvizin nga 4 deri në 10 gradë Celsius, ndërsa ato maksimale do të arrijnë nga 12 deri në 17 gradë.
Në Shkup, moti do të jetë i ndryshueshëm me vranësira, me kushte për reshje të dobëta lokale shiu. Do të fryjë erë e dobët nga drejtime të ndryshueshme. Temperatura minimale do të jetë 8 gradë, ndërsa ajo maksimale do të arrijë në 17 gradë.
Sipas paralajmërimit të Drejtorisë për Punë Hidrometeorologjike (DPH), deri në fillim të javës së ardhshme moti do të jetë i ndryshueshëm me vranësira dhe reshje të herëpashershme shiu. Për shkak të depërtimit të një mase ajrore më të ftohtë nga veriu, nga e shtuna temperaturat do të jenë në rënie. Do të fryjë erë e dobët deri mesatare, ndërsa të premten erë e fortë dhe herë pas here shumë e fortë nga drejtimi jugor.