Lajme nga vendi
Kovaçevski: Letra e Agelerit është dërguar kudo që duhet, ka raste që janë zvarritur, opozita të pyetet për ligjet e bllokuara në Kuvend
Ajo letër përmban disa raste të caktuara të cilat, për fat të keq, mund të them se janë vërtet janë zvarritur. Procedura shkon me kthim nga instancat më të larta në ato më të ulëta disa herë. Megjithatë, këto janë pyetje për gjykatësit që punojnë dhe për ata që menaxhojnë me punën e gjykatësve, tha kryeministri Dimitar Kovaëevski i pyetur për koment për letrën e ambasadores amerikane në vend, Angela Prajs Ageler.
Në letrën që Ageleri më 11 prill ua ka dërguar organeve gjyqësore dhe ekzekutive, ajo shpreh shqetësimin për vendimin e Gjykatës së Apelit – Shkup për kthimin në procedurë të shkallës së parë për rigjykim të disa lëndëve nga, siç thekson, të profilit të lartë.
Duke iu përgjigjur pyetjeve të gazetarëve pas hapjes së Samitit Maqedoni 2025, Kovaçevski tha se duhet të përkufizohet se në shtte ka ndarje të pushtetit në ekzekutiv – Qeveri, legjvënës – Kuvend dhe pushtet gjyqësor – organet gjyqësore dhe se letra ka të bëjë me gjyqësorin.
Në pyetjen nëse kjo do të thotë se letra është dërguar në adresë të gabuar, u përgjigj se është “dërguar kudo që është e nevojshme” dhe se Qeveria është në dispozicion për avancimin e ligjeve, siguron kushte për funksionimin e gjykatave – në pjesën e buxhetit. , në propozimin e zgjidhjeve ligjore për avancimin e praktikës gjyqësore etj. Por, se një sërë propozim-ligjesh në Kuvend janë bllokuar nga opozita.
Pas miratimit të Kodit të ri Penal para disa muajsh,është përgatitur, tha, edhe ligji i ri për Akademinë Gjyqësore, janë përgatitur ligje të reja për rinumërimin e gjykatësve dhe prokurorëve.
“Por një numër i madh i tyre janë të bllokuar në Kuvend dhe kjo është një pyetje për opozitën, jo për mua, sepse opozita i bllokon dhe duhet ti tregojë arsyet pse i bllokon – pagat e gjykatësve, reforma në Akademinë Gjyqësore, e gjithë kjo është e bllokuar në Parlament”, tha Kovaçevski.
Theksoi se gjatë një viti krize, Qeveria në asnjë moment, siç tha, nuk i ka ulur financat për gjyqësorin me të cilat më vonë vetë menaxhojnë me to, ndërsa investimet kapitale janë në nivelin e paraparë.
“Një pjesë e sallave të gjykatave po digjitalizohen, e para tashmë është lëshuar në përdorim, tashmë funksionin edhe një pjesë e sistemit për ndërveprueshmëri ndërmjet institucioneve, duke pasur parasysh se përmes rrugës elektronike përshpejtohet komunikimi i gjykatave me institucionet me të cilat më së shumti shkëmbejnë informacione. Kjo është gjithçka që mund të bëjë Qeveria në pjesën e përparimit të gjyqësorit. Por, ajo që duhet bërë përveç kësaj është që të përfshihet më shumë Kuvendi, partitë politike, në pjesën e komunikimit me gjykatat, sepse edhe me Kushtetutë, edhe me ligj, gjykatësit dhe anëtarët e Këshillit Gjyqësor zgjidhen në Kuvendit”, tha kryeministri.
Konsiderohet se duhet të vendosen tregues më të detajuar, të matshëm për çdo individ të gjyqësorit, sepse siç tha, “nuk do të përgjithësoja nëse diçka nuk funksionon plotësisht apo funksionon plotësisht”.
Lajme nga vendi
Vandalizohen pajisjet e shënjimit dimëror në Kodrën e Diellit, reagon Ambasada e Austrisë
Vandalizohen pajisjet e shënjimit dimëror në Kodrën e Diellit, reagon Ambasada e Austrisë
Ambasada e Austrisë ka reaguar pas dëmtimit dhe largimit të një pjese të konsiderueshme të pajisjeve të reja për shënjimin dimëror të shtegut të Majës së Titos në Kodrën e Diellit, në gjatësi prej rreth 11 kilometrash.
Sipas njoftimit, më shumë se 45 nga gjithsej 112 shtylla janë shkatërruar, dëmtuar ose larguar, ndërsa dëmi financiar vlerësohet në të paktën 8 mijë euro, apo rreth 500 mijë denarë
Shënjimi dimëror është realizuar në kuadër të projektit “Slavkov – Shënjimi i shtigjeve malore në Maqedoninë e Veriut”, i mbështetur financiarisht nga Ambasadat e Austrisë, Republikës Çeke dhe Sllovakisë, si dhe nga Birraria e Shkupit. Në realizimin e projektit kanë marrë pjesë më shumë se 25 vullnetarë lokalë dhe biznese të vogla nga Tetova dhe Bogovina.
Nga Ambasada theksojnë se dëmi nuk është vetëm financiar, pasi shkatërrimi i shënjimeve mund të rrezikojë drejtpërdrejt sigurinë e alpinistëve, veçanërisht gjatë kushteve të vështira dimërore me borë, mjegull, erëra të forta dhe dukshmëri të reduktuar.
Rasti është raportuar në Stacionin Policor. Më 19 gusht 2026, një ekip profesional i policisë, në prani të përfaqësuesve të Parkut Kombëtar Mali Sharr, ka kryer inspektim në terren dhe ka dokumentuar lokacionet ku është konstatuar dëmtimi dhe largimi i pajisjeve.
Ambasada pret që institucionet kompetente të zbardhin të gjitha rrethanat dhe të ndërmarrin masat e nevojshme ligjore ndaj personave përgjegjës.
“Shënjimi i shtigjeve malore nuk është vetëm një shtyllë apo një shenjë. Në kushte me borë, mjegull dhe stuhi, ai mund të bëjë dallimin ndërmjet kthimit të sigurt dhe humbjes në mal”, thuhet në reagim.
Mashtruesit e BDI-së, përpara se ta hapin gojën për zgjedhje, duhet të shpjegojnë pse askush në partinë e tyre nuk mori përgjegjësi politike pas humbjes në zgjedhjet lokale. Ali Ahmeti vazhdoi të shiste mjegull me trukun e vjetër të tërheqjes, Bujar Osmani humbi Çairin dhe mbeti nënkryetar dhe lojtar kryesor për fronin e BDI-së, Bajram Rexhepi humbi Tetovën dhe mbeti në kryesinë e partisë, ndërsa Faton Ahmeti u shpërblye për humbjen e tij në zgjedhje me dy poste të reja në parti, nënkryetar dhe shef i kabinetit të Ali Ahmetit.
Në BDI, me sa duket nuk ka përgjegjësi për humbjen, por humbësit shpërblehen.
E njëjta histori përsëritet në Haraçinë, Bogovinë, Tearcë, Strugë, Zhelinë, Saraj dhe Dollnen. Humbën zgjedhjet, por askush nuk lëvizi, askush nuk dha llogari dhe askush nuk e lëshoi karrigen.
Bisedat për legjitimitet dhe kërkesat për zgjedhje të parakohshme janë vetëm për në shtëpi, për t’i mbajtur të njëjtët politikanë në kondicion dhe për t’u shitur shpresë se së shpejti do të kthehen në pushtet për të vjedhur përsëri. Por këto përralla nuk kalojnë më as në Reçicë të Vogël.
BDI-ja e di shumë mirë se më pak se një vit më parë, shqiptarët me votë i larguan nga të gjitha komunat me shumicë shqiptare dhe se çdo përballje e re me qytetarët do të thotë një tjetër shuplakë për ta. Në zgjedhjet e ardhshme, qytetarët do ta përfundojnë punën dhe kjo udhëheqje e pareformuar e cila funksionon si një politbyro, do ta dërgojnë direkt në pension politik.
Lajme nga vendi
Mickoski për vendimin e Abazit: 14 persona u dogjën të gjallë në spitalin modular në Tetovë, ndërsa Prokuroria nuk konstatoi përgjegjësi, rasti nuk ka përfunduar, gjithmonë mund të dalin detaje të reja
Kryetari i Qeverisë, Hristijan Mickoski, sot, duke iu përgjigjur pyetjes gazetareske se si e komenton vendimin e Prokurorisë Publike për Ndjekjen e Krimit të Organizuar, të udhëhequr nga Islam Abazi, për ta ndalur procedurën lidhur me ndërtimin dhe vendosjen e spitaleve modulare, pa ndjekje penale ndaj asnjë personi juridik apo fizik, theksoi:
„Opinioni duhet ta dijë se ky është një proces që zgjat tashmë 5 vjet. Proces i cili gjatë këtyre 5 viteve ka mobilizuar rreth vetes informacione të ndryshme. Por, ajo që është gjithashtu e rëndësishme të theksohet është se në spitalin modular në Tetovë u dogjën të gjallë 14 persona. Do ta përsëris, u dogjën të gjallë 14 persona në spitalin modular në Tetovë.
Për fat të keq, prokurori i cili tashmë është në largim – pasi, sipas informacioneve që kam, është shpallur konkurs për zgjedhjen e një prokurori të ri në Prokurorinë Themelore Publike për Ndjekjen e Krimit të Organizuar – supozoj se vendosi t’i përmbushë deri në fund detyrimet e tij ndaj qeverisë së mëparshme dhe nuk i bën përshtypje fakti që 14 persona u dogjën të gjallë. Do ta përsëris, u dogjën të gjallë 14 persona, kjo nuk do të thotë asgjë për të dhe vendos ta ndalë këtë proces.
Por, dua që opinioni ta dijë se kjo nuk është amnisti politike nga ana e këtij prokurori ndaj ish-urdhërdhënësve të tij, sepse gjithmonë mund të dalin detaje të reja që lidhen me këtë proces dhe gjithmonë ky proces mund të bëhet sërish aktual dhe të niset nga fillimi.
Kështu që, shumë herë i kam komentuar ato vendime në kuadër të sistemit tonë gjyqësor dhe për fat të keq një nga ato vendime skandaloze është edhe ky. Ajo që më huton mua dhe që vjen si mesazh nga opozita, është se deri dje ata që kritikonin për qasjen e organeve të drejtësisë, tani i lavdërojnë dhe janë plot lëvdata për punën e tyre dhe të ashtuquajturin objektivitet. Por, do ta përsëris, ky prokuror dhe njerëzit që e kanë udhëhequr këtë rast nuk gjetën prova për kryerjen e një vepre penale në një rast në të cilin njerëzit digjeshin të gjallë.“
Vandalizohen pajisjet e shënjimit dimëror në Kodrën e Diellit, reagon Ambasada e Austrisë
VLEN: BDI-ja e ka humbur betejën me shqiptarët, zgjedhjet do ta vulosin fundin
Mickoski për vendimin e Abazit: 14 persona u dogjën të gjallë në spitalin modular në Tetovë, ndërsa Prokuroria nuk konstatoi përgjegjësi, rasti nuk ka përfunduar, gjithmonë mund të dalin detaje të reja
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
