Lajme nga vendi
Trazohet gjyqësori në Maqedoni pas letrës së ambasadores amerikane
Trazimet në drejtësi nuk ndalen pas letrës së ambasadores amerikane, Angela Aggeler, drejtuar disa institucioneve në vend, në të cilën shprehte shqetësimin për mënyrën e procedimit dhe zvarritjen e lëndëve gjyqësore të profilit të lartë.
Pas reagimeve fillestare të përfaqësuesve të pushtetit ekzekutiv se gjyqtarët dhe ata që drejtojnë punën e tyre duhet t’u përgjigjen vërejtjeve, institucionet e drejtësisë këto ditë janë rrethuar nga turbulenca që rezultuan me shkarkimin e kryetarit të Këshillit Gjyqësor, që disa ekspertët juridik e konsiderojnë të paligjshme, përcjell Telegrafi Maqedoni.
Këshilli Gjyqësor ka shkarkuar të mërkurën në mënyrë të papritur kryetaren Vesna Dameva në një seancë publike. Arsyeja direkte e shkarkimit të Damevës ishte refuzimi i saj për të vendosur një pikë të re në rendin e ditës dhe gjoja fshehja e letrës nga ambasadorja Aggeler. Shkarkimi i saj u nis nga deputeti Selim Ademi, i cili pas disa orësh tensionesh dhe debatesh mori mbështetjen e 7 prej 13 anëtarëve të Këshillit për ta shkarkuar Damevën nga kryesia.
Pasardhësi i saj duhej të zgjidhej ditën e djeshme, por seanca e Këshillit Gjyqësor, ku pritet të votohet për kryetarin e ri, është shtyrë për datën 2 maj në orën 11:00. Nënkryetari i Këshillit, Selim Ademi, kërkoi shtyrjen për disa ditë, për siç tha ai, rëndësinë e çështjes siç është zgjedhja e kryetarit të ri, për të cilën do të ishte mirë prezenca e të 13 anëtarëve.
Dameva, e cila pas votimit për shkarkimin e saj, akuzoi se “Këshilli është kthyer në anarki”, dhe e vlerësoi vendimin si të paligjshëm dhe të marrë “për të kënaqur individë të caktuar nga politika”. Ajo tha se shpreson që në ditët në vijim të ketë kohë të mjaftueshme për të parë nëse do të sigurohet shumica e nevojshme për të legalizuar, siç tha ajo, shkarkimin e saj të paligjshëm.
Ademi pas seancës nuk ka dhënë asnjë deklaratë për gazetarët, të cilët kanë kërkuar sqarime për vërejtjet e organizatave joqeveritare dhe ekspertëve se shkarkimi i Damevës ishte i kundërligjshëm dhe në kundërshtim me procedurat dhe rregulloren e punës.
Për shkarkimin e Damevës, por edhe për gjendjen e përgjithshme në gjyqësor reaguan presidenti Stevo Pendarovski, Ministria e Drejtësisë, si dhe ekspertë juridikë.
Presidenti Pendarovski vlerësoi se zhvillimet në Këshillin Gjyqësor nuk i përshtaten këtij organi, i cili ka një rol shumë të përgjegjshëm, duke pasur parasysh kompetencat që ka në përzgjedhjen dhe shkarkimin e gjyqtarëve dhe vlerësimin e punës së gjyqtarëve, kujdesin për reputacionin e gjyqësorit si faktor kyç për besimin e qytetarëve ndaj gjyqësorit.
Letrën e cila trazoi opinionin dhe pushtetin gjyqësor, ambasadorja amerikane e ka dërguar më 11 prill të këtij viti. Në të ajo shpreh shqetësimin për vendimin e Gjykatës së Apelit – Shkup për kthimin në procedurë të shkallës së parë për rigjykim të disa lëndëve të profilit të lartë.
“Çdo ditë e më shumë jam e shqetësuar dhe e zhgënjyer për shkak të numrit të madh të çështjeve (të profileve të larta) që Gjykata e Apelit i ktheu në procedurë të shkallës së parë për rigjykim. Paaftësia e dukshme e gjykatave për të proceduar me shpejtësi çështjet përmes procedurës gjyqësore dhe transferimin e tyre mbrapa dhe ndërmjet Gjykatës së Apelit dhe Gjykatës së Shkallës së Parë, ul më tej besimin e ulët që publiku ka tek gjykatat”, thekson ambasadorja Aggeler në letër.
Kjo letër është dërguar në adresat e thuajse të gjitha institucioneve vendore./Telegrafi/
Mbi 45 koncesione janë anuluar prej të cilave 34 unanimisht, ndërsa për 11 kontratat kanë skaduar dhe nuk janë vazhduar, informoi ministrja e Energjetikës, Sanja Bozhinovska.
Në brifingun e sotëm me gazetarë, Bozhinovska tha se shkaqet për këtë janë mosrespektimi i dispozitave ligjore dhe masave ekologjike, mospagesa e kompensimeve të koncesioneve, bartja e koncesionit pa pajtim dhe eksploatim jashtë pjesës së lejuar.
Sipas ministres, të gjitha koncesionet do të publikohen.
“Nga janari deri më 1 tetor të këtij viti janë kryer 170 mbikëqyrje të jashtëzakonshme dhe 78 të rregullta”, potencoi Bozhinovska dhe paralajmëroi kritere shumë më të ashpra lidhur me editimin dhe kontrollin e koncesioneve.
Në Inspektoratin shtetëror për energjetikë dhe miniera për momentin punojnë rreth 14 inspektorë, por mungojnë minimum po aq.
VLEN ka reaguar për rastin ku u plagos aktivisti dhe bartësi i listës së AKI-së në Likovë, Zekirija Shaini. Nga ky koalicion theksojnë se oponentët e tyre politikë në krye me BDI-në deshën t’i japin kahje politike dhe duke manipuluar me këtë tragjedi familjare në mes të fushatës zgjedhore
Reagimi i plotë:
Dera e shtëpisë private për të moshuar “Aktiv” në Qendër të Shkupit është e mbyllur, pas hetimit të Prokurorisë për shpërdorim dhe keqtrajtim të banorëve.
Pëllumbat që kanë vërshuar ballkonin, janë mysafirët e vetëm të cilët sot thyejnë heshtjen në këtë objekt, brenda të të cilit sipas organit të akuzës është dashur të akomodohen 17 persona, por pronarja në mënyrë të paligjshme ka vendosur 33, në madje duke shkelur çdo rregull, i ka futur në dhoma të përbashkëta edhe burrat edhe gratë. Se kushtet kanë qenë çnjerëzore, dëshmon edhe fakti që nuk ka pasur as krevate të mjaftueshme.
Kështu që, një pjesë kanë fjetur në divanet e dhomës së ndejës ose janë detyruar të flenë dy persona në krevat për një person.
Alsat, sot e vizitoi edhe shtëpinë tjetër private për të moshuar, e cila është pjesë e hetimit, ku gjithashtu ka pasur mbingarkesë, respektivisht në vend 21, janë akomoduar 27 persona.
Sipas organit të akuzës, mbingarkesa është bërë për qëllime financiare, për çka të arrestuarat N.J. 47-vjeçare T.I. 58-vjeçare nga Shkupi, kanë përfituar në nivel mujor 36.000 euro.
Krahas kësaj, Prokuroria ka siguruar edhe prova se të arrestuara kanë kryer dhunë psikike dhe fizike ndaj banorëve me qëllim që t’u shkaktojnë dhimbje fizike dhe shpirtërore, gjegjësisht vuajtje dhe i kanë ekspozuar ndaj trajtimit mizor, çnjerëzor dhe poshtërues.
Ndërkohë, familjarët që takuam sot ishin të habitur dhe të painformuar lidhur me atë çfarë ka ndodhur.
Derisa po i tërhiqnin familjarët e tyre nga shtëpia e të moshuarve në Butel, ata shprehën revoltën pse institucionet nuk i kanë njoftuar me kohë për situatën e krijuar.
“Nga Ministria çfarë ju thanë? Asgjë nuk na thanë. T’i merrni menjëherë, atë na thanë. Tani, ku do t’i dërgoni? Tani në shtëpi tjetër do të shkojmë.
Nga policia, a ju kanë kontaktuar diçka? Nga Prokuroria? Jo. Vetëm na lajmëruan nga Ministria e Punës dhe Sociales që t’i marrim”, tha një familjar.
Një pjesë e banorëve kanë qenë të mbyllur në hapësira të veçanta, ndërsa disave u është dhënë terapi me barna të cilat nuk kanë qenë të shkruara nga mjeku.
Për të mos mjaftuar kjo, banorëve nuk u janë dhënë katër shujta në ditë, siç parashikon rregullorja, ndërsa u është shërbyer ushqim me afat të skaduar.
Plotësisht, shtëpitë private të të moshuarve nuk kanë mbajtur evidencë të rregullt për shfrytëzuesit e shërbimit social, nuk kanë poseduar dosje me dokumentacion profesional, nuk kanë mbajtur llogari për mirëmbajtjen e higjienës, nuk kanë pasur numër të mjaftueshëm të kuadrove profesional, ndërsa kanë pasur të punësuar persona pa dokumentacion përkatës.
Por pavarësisht provave të siguruara nga inspektimi i jashtëzakonshëm, të cilat i kanë konfirmuar Policia dhe Prokuroria, nga biseda që zhvilluam me njërën prej të punësuarve në shtëpinë private të Butelit, thotë se kjo nuk është e vërtetë.
“A ka të vërtetë prej kësaj… Kurrgjë s’ka, vetëm rrena janë. Unë po të them. Thonë që janë keqtrajtuar banorët. Kurrgjë s’ka. Veç spiunë janë. Për çfarë arsye atëherë janë hapur hetimet? Nuk e di unë”. /Alsat.mk
Gianni Infantino nderohet me “Medalje Presidenciale të Meritave” në Kosovë
Bozhinovska: Janë anuluar 45 koncesione, i ashpërsojmë kriteret dhe kontrollet
VLEN: BDI nxit tensione mes fushatës, keqpërdor tragjeditë familjare
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota2 months agoTRAGJEDI familjare në SHBA : 34 vjeçarja vret burrin dhe dy fëmijë, më pas veten
-
Lajme nga rajoni1 month agoLëshohet për qarkullim ura e re mbi lumin Ibër
-
Lajme nga bota2 months agoTakimi Zelensky-Trump në Berlin, dhoma e Kancelarisë gjermane ku askush s’mund të përgjojë