Lajme nga vendi
RMV, pa e dhënien e maturës nuk ka regjistrim as në universitet brenda vendit as jashtë tij
Matura shtetërore është kërkesë për regjistrimin në universitete në vend si dhe universitete të huaja. Fakti që procesi është në ngërç dhe organizimi i provimit të maturës shqetëson maturantët të cilët planifikojnë të vazhdojnë arsimin e lartë jashtë vendit ku regjistrimet organizohen kryesisht në muajin qershor. Nëse nuk ka provim të maturës shtetërore, maturantët nuk do të mund të aplikojnë për pranim në ndonjë fakultet jashtë vendit e as në vend ku dokumenti për dhënien e provimit të maturës shtetërore është i detyrueshëm, shkruan Meta.mk, transmeton Portalb.mk.
Unioni i nxënësve të shkollave të mesme u bën thirrje organeve për zgjidhjen e problemit, ndërsa Qendra Shtetërore e Provimeve njoftoi se nuk arritën marrëveshje me Ministrinë e Financave për të pasur paga më të larta.
“Për regjistrim në pothuajse të gjitha universitetet jashtë vendit kërkohet matura. Unioni i nxënësve të shkollave të mesme shpreh në vazhdimësi mbështetjen dhe simpatinë për grevën e punonjësve të QShP sepse kërkesat e tyre janë të justifikuara dhe meritojnë të marrin atë që kërkojnë. Greva është një e drejtë e garantuar me kushtetutë, por edhe e drejta për arsim është e garantuar me kushtetutë. Matura shtetërore është një proces shumë i rëndësishëm për shtetin dhe për ne maturantët, prandaj do të jetë më e keqja për ata maturantë që planifikojnë të regjistrohen jashtë vendit, sepse aty matura është edhe parakusht për regjistrim në fakultet. Në SHBA, për shembull, universitetet kërkojnë që notat t’i dërgohen sa më shpejt që kandidati të mundet”, thotë për Meta.mk Luka Paviçeviç, kryetar i Unionit.
Ai thekson se institucionet duhet të përfaqësojnë interesin e shkollës dhe të punojnë në gjetjen e një rruge që do të jetë në interes të nxënësve të shkollave të mesme dhe në interes të grevistëve.
“Ne në Union apelojmë që të veprohet me arsye dhe racionalitet dhe të gjejmë zgjidhje për këtë problem. Punonjësit e QShP-së nuk e meritojnë të kenë të ardhura kaq të ulëta, por fajin nuk e kanë maturantët që do të humbinmë shumë. Ne bëjmë thirrje për maturi dhe arsyeshmëri”, thotë Paviçeviq.
Maturantët nga vendi zgjedhin gjithnjë e më shumë të studiojnë në një nga katër universitetet dhe tre institutet në Slloveni. Sipas disa vlerësimeve, në këtë vend studiojnë rreth 5000 studentë nga Maqedonia. Regjistrimi në universitet në Slloveni nuk është klasik, por fillimisht në periudhën 15 janar deri më 15 maj plotësohet dhe dorëzohet aplikacion elektronik, i ashtuquajturi shprehja e interesit. Sipas kësaj, shihet se për cilat studime ka interes më të madh. Inspektimi se ku ka interes, për cilat programe studimi do të zgjasë deri më 15 maj. Mund të aplikoni për maksimum tre programe studimi në universitete të ndryshme. Pas datës 15 maj duhet të dorëzohen dokumentet, gjegjësisht të plotësohet dosja për çdo kandidat dhe ndër dokumentet e nevojshme është edhe ajo për dhënien e provimit të maturës shtetërore.
Ndryshe, Emilia Boshkovska, këshilltareë në QShP, tha se kanë pasur bisedë telefonike me përgjegjësit në Ministrinë e Financave, por nuk kanë marrë premtim për paga më të larta.
“Nuk kemi pasur takim, por në telefon na kanë thënë se u vjen keq që rrogat tona kanë qenë kaq të ulëta dhe se kontrata jonë kolektive ka qenë më pak e favorshme se Ligji për Administratën. Kjo do të thotë se nuk do të ketë rritje të pagave tona. Duke qenë se kërkesës sonë nuk i janë përgjigjur pozitivisht, greva vazhdon”, tha për Meta Boshkovska.
Ajo theksoi se nëse deri të premten nuk marrin zyrtarisht përgjigje pozitive nga Ministria e Financave, do të sigurohen që të gjendet një zgjidhje sipas së cilës do të ndryshohen datat e maturës.
“Nëse do të fillojmë punën nga e hëna, me shumë punë mund të arrijmë në këto data që janë planifikuar tani (27 maj dhe 10 qershor). Nëse jo, kalendari do të duhet të ndryshohet”, thotë ajo.
Matura shtetërore këtë vit do t’i përshtatet gjendjes së arsimit dhe do t’i lehtësohet kësaj gjenerate të maturantëve që u prekën më shumë nga ndërprerjet e procesit mësimor për shkak të kërcënimeve me bombë.
Në të njëjtën kohë, volumi i provimit ekstern duhet të zvogëlohet këtë vit. Do të ketë 60 deri në 80 pikë, në vend të 80 deri në 100 pikët paraprake, që do të thotë se do të ketë ulje të numrit të pyetjeve. Gjithashtu është planifikuar të ketë banka pyetjesh për provimet interne dhe këto provime do të sjellin më shumë pikë gjatë regjistrimit në fakultet.
Në kuadër të aktiviteteve të Verës Tetovare “Tetova n’Festë”, u organizua ora poetike “Puhizë në Vargje”, të organizuar nga Shoqata e Shkrimtarëve “OENEUM”.
Ky aktivitet mblodhi poetë, krijues dhe dashamirës të letërsisë, duke sjellë një mbrëmje të veçantë kushtuar poezisë, fjalës së bukur dhe vlerave kulturore që pasurojnë jetën artistike të qytetit tonë.
U lexuan poezi, poetët nga vendi, Kosova e Shqipëria lexuan punimet e tyre autoriale. Ata vinin nga Kukësi, Dibra, Prizreni, Vitia, Suhareka, Shkupi, Gostivari dhe Tetova.
Komuna e Tetovës, sic thanë autoritetet e kësaj Komune, mbetet e përkushtuar në mbështetjen e aktiviteteve kulturore që promovojnë krijimtarinë, artin dhe afirmimin e vlerave letrare.
Shoqata e Shkrimtarëve Oeneum ka falënderuar pjesëmarrësit e orës poetike “Puhizë në vargje” por ka nderuar me mirënjohje edhe Bruno Cekën veprimtarin e cështjes kombëtare që veprom në diasporë duke potencuar se vlera dhe kontributi I tyre për çështje kombëtare është e pa përshkrueshme me fjalë./Tv Koha/
Dje në ora 14:00 në Tetovë, zyrtarë policorë nga SPB Tetovë kanë privuar nga liria një 29-vjeçare nga Tetova, duke vepruar sipas një denoncimi paraprak se ajo kishte sulmuar fizikisht djalin e saj shtatëvjeçar. Ajo është ndaluar në stacionin policor dhe pas dokumentimit të rastit do të vijojë parashtresë përkatëse.
……
Dje në ora 00:15, në SPB Tetovë, një 46-vjeçar nga fshati Xhepçisht ka denoncuar se në oborrin e një shtëpie në fshati Xhepçisht është sulmuar fizikisht nga dy persona nga i njëjti fshat, ndërsa është përdorur edhe një send të fortë. Po ndërmerren masa për zbardhjen e rastit.
……
Dje në ora 12:45 në SPB Tetovë, një grua 38 vjeçare nga Tetova ka denoncuar se ka vërejtur se nga data 30.06.2026 deri më 15.07.2026 janë kryer 78 transaksione të paautorizuara me kartelën e saj debitore, me çka është dëmtuar për një shumë të përgjithshme prej 226.172 denarë. Po ndërmerren masa për zbardhjen e rastit.
……
Dje në ora 11:00, në rrugën Kuzman Josifovski Pitu në Tetovë, zyrtarë policorë nga SPB Tetovë, në bazë të urdhëresës gjyqësore, kanë privuar nga liria një 59-vjeçar nga Tetova, i kërkuar për vuajtje të dënimit me burg për vepër penale të kryer sipas nenit 235 a paragrafi 1 të Kodit Penal. Ai është dërguar në Institucionin Ndëshkimor Përmirësues Burgu i Tetovës për vuajtjen e dënimit.
…..
Dje në ora 13:50, në SPB Tetovë, një 34-vjeçar nga Tetova ka denoncuar se në rrethin e një fabrike në Tetovë është sulmuar fizikisht. Po punohet në zbardhjen e rastit.
……
Dje në ora 17:45, në bulevardin Vëllezërit Gjinovski në Gostivar, zyrtarë policorë nga Stacioni Policor për Siguri në Trafikun Rrugor Gostivar kanë ndaluar një moped me targa të Gostivarit, i drejtuar nga një 17 vjeçar nga fshati Bellovisht, Gostivar. Gjatë kontrollit është konstatuar se i mituri po drejtonte mopedin para se të fitonte të drejtën e drejtimit, përkatësisht pa patentë shofer. Pas konsultimit me prokurorin publik kujdestar pranë PTHP Gostivar, shoferi është privuar nga liria, mopedi është konfiskuar dhe pas dokumentimit të rastit do të dorëzohet kallëzim përkatës.
……
Pas mesnate në ora 00:25, në një kazino në Tetovë, zyrtarë policorë nga SPB Tetovë kanë privuar nga liria një 59-vjeçar nga fshati Reçicë e Vogël, pasi gjatë kontrollit tek ai është gjetur një qese me lëndë pluhur të bardhë. Pas dokumentimit të rastit do të dorëzohet parashtresë përkatëse.
……
Pas mesnate në ora 00:30, në rrugën rajonale Tetovë – Jazhincë, në fshatin Përshefcë, zyrtarë policorë nga Stacioni Policor Tearcë kanë ndaluar një automjet udhëtarësh BMV me targa të Tetovës, i drejtuar nga një 19-vjeçar, ndërsa si bashkëudhëtarë kanë qenë dy 19-vjeçarë tjerë dhe një 14 vjeçar, të gjithë nga fshati Novo Sellë, Zhelinë. Gjatë kontrollit të automjetit janë gjetur dhe konfiskuar tri kapele të zeza fantomka, tri thika dhe një pendrek. Ata janë arrestuar dhe ndaluar në stacionin policor dhe pas dokumentimit të rastit do t u dorëzohet kallëzim përkatës sipas nenit 80 paragrafi 1 të Ligjit për Armët.
Lajme nga vendi
AUV-ja po kryen analiza të jashtëzakonshme, analizat e fundit treguan se uji në Gostivar ka qenë i sigurt për pije
Pas paraqitjes së një numri të shtuar të qytetarëve që gjatë dhjetë ditëve të fundit janë ankuar për probleme me stomakun, Agjencia e Ushqimit dhe Veterinarisë (AUV) ka kërkuar të kryhen kontrolle të jashtëzakonshme të ujit të pijshëm që shpërndahet përmes ujësjellësit të qytetit në Gostivar. Nga Departamenti për Higjienë dhe Ekologji Shëndetësore pranë Qendrës së Shëndetit Publik-Gostivar, kanë konfirmuar se dje është kryer një kontroll i jashtëzakonshëm dhe janë marrë mostra nga katër pika matëse.
Në lidhje me: Dyshime për ndotje të ujit në Gostivar, MPB: Ujësjellësi dhe komuna dyshohet se injektuan në rrjet ujë nga ujërat e zeza
“Sa i përket ujit dhe situatës aktuale, përveç analizave të rregullta kemi bërë edhe analiza të jashtëzakonshme. Rezultatet e fundit të analizave që i kemi kryer të hënën ishin të mira, përkatësisht parametrat fiziko-kimikë dhe mikrobiologjikë ishin në rregull. Dje kemi marrë edhe disa mostra të tjera për analiza të jashtëzakonshme, por për rezultatet duhet të presim deri nesër ose eventualisht deri të hënën. Për momentin nuk mund të themi asgjë konkrete për to”, deklaroi për MIA-n, dr. Berun Mustafa, specialist i higjienës në Qendrën e Shëndetit Publik në Gostivar.
Nga Spitali i Përgjithshëm “Ferid Murad” kanë konfirmuar se në repartin infektiv dhe atë pediatrik ka një numër të shtuar kontrollesh dhe qytetarësh që ankohen për diarre, dhimbje barku, të vjella dhe temperaturë të lartë. Sipas gjetjeve fillestare dhe pamjes klinike, me shumë gjasa bëhet fjalë për viroza sezonale dhe nuk ka lidhje epidemiologjike mes rasteve. Mjekët rekomandojnë që qytetarët të kenë kujdes më të madh për higjienën dhe zakonet e përditshme, veçanërisht gjatë periudhës së verës kur temperaturat janë të larta dhe rreziku nga infeksionet e zorrëve rritet ndjeshëm.
“Qytetarët duhet të jenë të kujdesshëm për shkak të numrit të shtuar të sëmundjeve të zorrëve, si nga uji ashtu edhe nga ushqimi. Para së gjithash, nuk duhet të konsumojnë ushqime që mund të shkaktojnë këto sëmundje, si ushqimet që nuk janë përgatitur mirë termikisht. Ushqimet dhe produktet duhet të jenë të freskëta. Gjithashtu, frutat dhe perimet duhet të lahen mirë para përdorimit. Dhe natyrisht, uji duhet të përdoret nga burime për të cilat qytetarët konsiderojnë se janë të sigurta”, rekomandoi dr. Mustafa.
Tri analizat e fundit të ujit nga ujësjellësi i Gostivarit, të kryera gjatë muajit të fundit nga Departamenti për Higjienë dhe Ekologji Shëndetësore pranë Qendrës së Shëndetit Publik, kanë treguar se uji ka qenë i shëndetshëm dhe i sigurt për përdorim.
“TETOVA N`FESTË”: MBAHET ORA POETIKE “PUHIZË NË VARGJE”
Kronika e zezë – Tetovë dhe Gostivar, 16 Korrik
AUV-ja po kryen analiza të jashtëzakonshme, analizat e fundit treguan se uji në Gostivar ka qenë i sigurt për pije
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
