Lajme nga vendi
KRIZA GODET BIZNESET | Pa rroga mbesin 32 mijë punëtorë
Në muajin shkurt afër 12.500 punëtorë kanë mbetur pa paga, ndërsa në muajin mars kjo shifër është rritur në 32 mijë punëtorë që nuk kanë fituar pagat e tyre. Apo me fjalë të tjera në muajt shkurt dhe mars mbi 45 mijë punëtorë nuk kanë realizuar të ardhurat e tyre mujore.
Nga Drejtoria për të Ardhura Publike, thonë se janë ndërmarrë të gjitha masat për pagat e shkurtit, ndërsa tani po rrjedhin edhe afatet e caktuara për paga e muajit mars, duke shtuar se presin që të zvogëlohet numri i atyre kompanive që nuk kanë plotësuar obligimet e tyre. Nga DAP, thonë se nuk ekzistojnë analiza se a bëhet fjalë për të njëjtat firma që në të dy muajt nuk kanë paguar pagat, mirëpo vlerësojnë se gjasat janë të mëdha që të ketë një përputhje të caktuar. Sipas ligjit, kompanitë që nuk plotësojnë obligimet së pari paralajmërohen, ndërsa në pas ballafaqohen me bllokadë.
Disa nga punëdhënësit kanë dorëzuar formularët për llogaritjen e pagës që nuk e kanë paguar, ndërsa të tjerë nuk kanë dorëzuar fare dokumentet përkatëse për llogaritjen e pagës në DAP.
Nga Organizata e Punëdhënësve thonë se nuk bëhet fjalë për kompani të mëdha, por për kompani të vogla ku disa prej tyre kanë më pak se tre vite që punojnë dhe kanë probleme financiare në funksionimin e tyre. “Punonjësit nuk duhet të presin me muaj që kjo të ndodhë, por nevojitet që menjëherë pas skadimit të 3 muajve të nisin procedurat e falimentimit për të mbrojtur kërkesat e tyre, sepse në raste të tilla kur kompania nuk ka mundur të paguajë rroga për 3 muaj resht, ajo kompani vështirë se mund të mbijetojë në treg”, thotë Angel Dimitrov nga Organizata e Punëdhënësve.
Sipas tij, bizneseve të vogla ju mungojnë mjete qarkulluese dhe ndodh që nuk kanë mundësi të paguajnë pagat, andaj duhet të rritet edhe tavani për hapjen e një firme nga 5000 euro që është në kundër vlerë të denarit. Duhet të shqyrtohen edhe mundësia që vetë të punësuarit të ngrenë çështjen e procedurës falimentuese pas tre pagave të papaguara me çka do të mbrohen punëtorët dhe borxhlinjtë.
Edhe në vitet e kaluara si rrjedhojë e luftës në Ukrainë, krizës energjetike dhe asaj nga pandemia, uljes së qarkullimit etj, punëtorët kishin mbetur pa paga në periudha të caktuara. Vetëm në muajin prill të vitit 2022, afër 90 mijë punëtorë nuk kishin marrë pagat e tyre. Bizneset ankohen se në kohë paqartësie por edhe të rritjes së pagës minimale, të rritjes së kostos së punës, e kanë të rënduar tejmase punën e tyre të përditshme.
Sipas të dhënave të DAP, në muajin mars 2022 mbi 4000 kompani nuk kishin dorëzuar fare përllogaritje pagash , ndërsa mbi 3000 kompani I kishin kanë dorëzuar ato por nuk kishin paguar pagën në afatin e caktuar. Në prill 2022, shifrat u rritën ku mbi 6000 kompani ishin pa përllogaritje dhe 16000 kompani nuk e përmbushën afatin e pagesës së pagave. DAP intervenoi me bllokimin e llogarive të një pjese të kompanive, që edhe pas paralajmërimit nuk I paguan pagat.
Njëherësh në vitin e kaluar më shumë kompani i kanë paguar pagat edhe pas datës 15 të muajit aktual si obligim ligjor, apo pas paralajmërimit nga DAP.
Nga ana tjetër, shoqata “ Punëtori i zëshëm i tekstilit” pretendon se zhvillimet dhe rritja e pagës minimale nuk janë arsyeja e mos pagesës së pagave. Sipas tyre, ky problem vazhdon prej vitesh dhe duhet zgjidhur.
“Sistemi i pagimit të pagave nuk funksionon prej vitesh dhe nuk respektohet afati ligjor për pagesën e tyre. Jo se paga minimale e rritur e bën këtë. Ky është një problem që vazhdon prej vitesh. Në fund, pas mos pagesës së pagave edhe pas disa muajsh, siç kemi raste, vetëm punëtori mbetet i dëmtuar dhe mund t’i kërkojë ato në një proces gjyqësor, por i njëjti jo gjithmonë është efektiv, nëse kompania është e bllokuar dhe mbyllet”, thonë nga shoqata “ Punëtori i zëshëm i tekstilit”. Bile shtojnë se ekzistojnë më shumë raste kur po gjenden mënyra dhe forma të ndryshme vetëm që të mos paguhen pagat
Në Universitetin “Shën Kirili dhe Metodi” në Shkup, u mbajt Forumi i Parë Vjetor për Cilësinë në Arsimin e Lartë, në të cilin mori pjesë Rektori i Universitetit të Tetovës Prof. Dr. Jusuf Zejneli.
Ky forum kishte për qëllim shpërndarjen e përvojave dhe arritjeve të deritanishme në zbatimin e sistemit të ri për ndjekjen dhe përmirësimin e cilësisë në arsimin e lartë, në përputhje me standardet kombëtare dhe ato të Shoqatës Evropiane për Sigurimin e Cilësisë në Arsimin e Lartë.
Gjatë punimeve u prezantuan praktikat më të mira të njësive universitare, si dhe hapat e ardhshëm për zhvillimin e arsimit të lartë dhe rritjen e cilësisë.
Një nga pikat më të rëndësishme të forumit ishte thellimi i bashkëpunimit ndërmjet komunitetit akademik dhe sektorit të biznesit, me qëllim krijimin e një sistemi arsimor më të përshtatur dhe më relevant për nevojat e tregut të punës.
Forumi përfundoi me diskutime të frytshme dhe me qëllime të përbashkëta për forcimin e standardeve akademike dhe bashkëpunimit institucional në fushën e arsimit të lartë.
Wizz Air, prej sot dhe nesër fillon fluturime në pesë destinacione të reja – Bari, Stokholm, Madrid, Larnaka dhe Bazel, të cilat do të operojnë nga Aeroporti Ndërkombëtar i Shkupit dhe Aeroporti Shën Pali Apostull në Ohër, njoftoi TAV Macedonia, transmeton Portalb.mk.
Fluturimi i parë në linjën e re Shkup-Stokholm u nis nga Aeroporti i Shkupit këtë mëngjes në orën 6:05 të mëngjesit, dhe destinacioni i tij është aeroporti kryesor në kryeqytetin suedez – Arlanda.
Fluturimi i Wizz Air nga Shkupi për në qytetin e Barit në bregdetin italian është planifikuar për sot pasdite në orën 14:40, ndërsa aeroplani për në Bazel, Zvicër, është planifikuar të niset nga Aeroporti i Ohrit saktësisht në mesditë.
Linja e re Shkup-Madrid do të fillojë gjithashtu nesër (28 tetor), me fluturimin e parë në orën 16:05. Kthimi i linjës Shkup-Larnaka do të fillojë me një fluturim që mbërrin nga Larnaka në Shkup nesër në orën 7:15.
Fluturimet që fillojnë sot, 27 tetor, nga Shkupi për në Stokholm dhe për në Bari, si dhe nga Ohri për në Bazel, do të operohen dy herë në javë, pra çdo të hënë dhe të premte.
Linjat që do të fillojnë nesër – nga Shkupi për në Madrid, do të zhvillohen çdo të martë, të premte dhe të shtunë, ndërsa nga Shkupi për në Larnaka – të martën dhe të shtunën.
TAV Macedonia thotë se presin një vëllim të madh të trafikut të pasagjerëve në të pesë linjat e reja të Wizz Air, duke marrë parasysh faktin se të gjitha këto qytete janë destinacione tërheqëse turistike që ishin të kërkuara nga pasagjerët.
Nga pesë linjat e reja që fillojnë sot dhe nesër, Madridi dhe Bari janë destinacione krejtësisht të reja për tregun maqedonas, pra kryeqyteti i Maqedonisë do të lidhet për herë të parë me kryeqytetin spanjoll dhe qytetin bregdetar italian.
Larnaka dhe Bazeli janë linja të rivendosura, ndërsa Shkupi – Stokholmi është e re sepse Wizz Air tani do të fluturojë për në aeroportin kryesor në metropolin suedez – “Arlanda”.
“ Besoj se do t’i shijoni destinacionet e reja, dhe ne nuk po ndalemi këtu, jemi të përkushtuar të ofrojmë sa më shumë destinacione të jetë e mundur nga të dy aeroportet dhe jam i sigurt se gjëra edhe më emocionuese na presin”, tha drejtori i përgjithshëm i TAV Macedonia, Nexhat Kurt, në një deklaratë me shkrim.
Përveç pesë linjave të reja që fillojnë sot dhe nesër, Nikolloski njoftoi se më 3 nëntor do të fillojnë edhe fluturimet për në Gjenevë, e cila, sipas tij, është një destinacion jashtëzakonisht i rëndësishëm, sepse përveç turistëve, pritet të sjellë biznesmenë në Shkup. Fluturime direkte për në Pragë dhe Këln duhet të futen gjithashtu nga 15 dhjetori.
Komisioni Rregullator për Energjetikë (KRRE) solli vendimin, me të cilin bëhet rritja e çmimeve të shitjes me pakicë të derivateve të naftës mesatarisht 0,88 % në raport me vendimin e datës 20.10.2025.
Nga data 28.10.2025, ora 00:01 çmimet maksimale të derivateve të naftës do të jenë:
EUROSUPER BS – 95 73,50 (denarë/litër)
EUROSUPER BS – 98 75,50 (denarë/litër)
EURODIZEL BS (D-E V) 68,00 (denarë/litër)
Vaj për Djegie Ekstra i Lehtë 1 (EL-1) 67,50 (denarë/litër)
Mazut М-1 SU 36,057 (denarë/kilogram)
Çmimet e shitjes me pakicë të benzinës EUROSUPER BS-95 dhe EUROSUPER BS-98 rriten për 0,50 den/l.
Çmimet e shitjes me pakicë të EURODIZELIT (D-Е V) dhe të Vajit Ekstra të Lehtë për Amvisëri (ЕL-1) rriten për 1,00 denarë/litër.
Çmimi i shitjes me pakicë i Мazutit М-1 SU rritet për 0,010 den/kg dhe do të jetë 36,057 den/kg.
Theksojmë se këto janë çmimet maksimale të derivateve të naftës nga ora 00:01 e datës 28.10.2025.
UT – pjesë thelbësore e Forumit të Parë Vjetor për Cilësinë në Arsimin e Lartë
Wizz Air nisi pesë linja të reja nga aeroportet e Shkupit dhe Ohrit
REALI FITON EL KLASIKON KUNDËR BARCELONËS
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
