Lajme nga vendi
Tetë vjet nga konflikti i armatosur në “Lagjen e Trimave”
Sot mbushen tetë vjet nga konflikti i armatosur në “Lagjen e Trimave”, në Kumanovë, ku jetën e humbën tetë pjesëtarë të Ministrisë së Punëve të Brendshme, ndërsa rreth dyzetë mbetën të plagosur. Në konfliktin e armatosur përveç tetë pjesëtarëve të forcave policore, u vranë edhe 10 pjesëtarë të grupit të armatosur.
Për ngjarjet në “Lagjen e Trimave” nga muaji shkurt i vitit 2016 në Gjykatën penale është zhvilluar seancë gjyqësore kundër 29 personave të cilët akuzohen për vepra penale “Organizatë terroriste” dhe “Terrorizëm”. Të gjithë 29 të akuzuarit për rastin e Kumanovës para Gjykatës u deklaruan se nuk ndihen fajtorë.
Rasti më vonë u bashkua me lëndën “Rufeja” në të cilin u zhvillua proces kundër tetë personave ndihmës të grupit të armatosur nga “Lagjja e Trimave” me çka numri i të akuzuarve u rrit në gjithsej 37.
Prokuroria Themelore Publike ka ngritur procedurë për të arrestuarit në aksionin në Kumanovë pasi MPB-ja parashtroi kallëzim penal deri tek Prokuroria Themelore Publike për ndjekjen e krimit të organizuar dhe korrupsionit kundër numrit të caktuar të personave për “rrezikim terrorist të rendit kushtetues dhe sigurisë”.
Nga 37 të akuzuar për “Terrorizëm” dhe “Organizatë terroriste”, 33 persona janë dënuar për veprat, ndërsa katër persona është sjell aktvendim lirimi.
Gjykata Penale në nëntor të vitit 2017 me burg të përjetshëm i dënoi Andi Krasniqi-Malisheva, Demë Shehu, Fadil Fejzullahu, Nasuf Bekiri, Valdet Zekaj, Beg Bajra dhe Fejzulla Rushitovski. Me 40 vite burg u dënuan, Komandant Sokoli, Esat Kafexholli, Ardian Bujari, Shefqet Hallaçi, Betim Kabashi, Genci Sefaj, Enver Hoxha Klein, Rufki Dogani, Bajram Elshani, Nexhmedin Lika, Lirim Krasniqi, Sevdail Miftari, Fatmir Reçica.
Me 20 vjet burg janë dënuar Kenan Isni, Fadil Elshani, Lirim Demiri, Hajrush Abdia, Landrit Rrustemaj, Mirsad Qerimi. Musadik Pajaziti dhe Ebip Aliji janë dënuar me nga 12 vite burg. Arsim Bajrami dhe Elham Arifi nga 13 vite. 14 vite iu shqiptuan Seadudin Abdullait ndërsa 18 vite Ragmi Latifit. Prej të dënuarve, 19 janë shtetas kosovarë ndërsa të tjerët nga Maqedonia. Vetëm katër persona të akuzuar për logjistikë nga Maqedonia janë liruar tërësisht nga akuzat. Vlerësimi i aktakuzës u bë në fund të vitit 2015 kur për herë të parë, grupi prej 37 të akuzuarve u mblodh në sallën e vogël të Gjykatës Penale. Shqyrtimi kryesor filloi më 10 shkurt të vitit 2016. Seancat e para gjyqësore ishin thuajse të heshtura, por në fjalët hyrëse që kishin mundësi t’i japin të arrestuarit, u denoncua likuidimi i Beg Rizajt dhe Mirsad Ndrecajt, por edhe disa pjesëtarëve të grupit, pas arrestimit.
Prokuroria kërkoi burg të përjetshëm për të gjithë 37 të akuzuarit për “Terrorizëm” dhe “Organizatë terroriste”.
Qeveria në muajin nëntor para tri vjetëve pranoi të hapet hetimi ndërkombëtar për rastin “Lagjja e Trimave”.
Moti sot do të jetë i ndryshueshëm me vranësira dhe periudha të herëpashershme me diell. Gjatë ditës do të fryjë erë e dobët deri mesatare nga drejtimi jugor, ndërsa në pjesët perëndimore të vendit do të ketë kushte për shfaqjen e mjegullës.
Temperaturat minimale do të lëvizin nga 4 deri në 10 gradë Celsius, ndërsa ato maksimale do të arrijnë nga 12 deri në 17 gradë.
Në Shkup, moti do të jetë i ndryshueshëm me vranësira, me kushte për reshje të dobëta lokale shiu. Do të fryjë erë e dobët nga drejtime të ndryshueshme. Temperatura minimale do të jetë 8 gradë, ndërsa ajo maksimale do të arrijë në 17 gradë.
Sipas paralajmërimit të Drejtorisë për Punë Hidrometeorologjike (DPH), deri në fillim të javës së ardhshme moti do të jetë i ndryshueshëm me vranësira dhe reshje të herëpashershme shiu. Për shkak të depërtimit të një mase ajrore më të ftohtë nga veriu, nga e shtuna temperaturat do të jenë në rënie. Do të fryjë erë e dobët deri mesatare, ndërsa të premten erë e fortë dhe herë pas here shumë e fortë nga drejtimi jugor.
Lajme nga vendi
TETOVA MES TENSIONEVE DHE DEZINFORMATAVE TË “POROSITURA” PËR PROBLEME NDËRETNIKE (VIDEO)
Jo të pakta janë rastet kur disa media të caktuara në gjuhën maqedonase raportojnë për konflikte ndëretnike në Tetovë. Më shpesh, për sulme të pretenduara të njërit grup që përbën shumicë në Tetovë, kundrjet një grupi tjetër që është pakicë në qytetin tonë multietnik. Megjithatë, ku është qëllimi i tyre dhe cilës agjendë i shërbejnë ngritja e tensioneve ndëretnike dhe shkaktimi i frikës te të rinjtë, kryesisht te të miturit?!
Nga policia e Tetovës thonë se pas rastit të 7 shtatorit kur pati me të vërtetë konflikt mes tifogrupeve, kanë pësuar vetëm dy raste të izoluara që kanë kaluar pa dhunë dhe pasoja. Nga SPB Tetovë përgënjeshtrojnë lajmet se ka pasur raste të tjera ku janë përfshirë tifogrupet apo sulme me motive etnike!
FATMIR REXHEPI – SPB TETOVË
Nga SPB TETOVË thonë se janë në dijeni të faqeve në rrjetin social tik tok ku plasohen video të ndryshme që nxisin urrejtje ndëretnike dhe se këto faqe po monitorohen.
Në suaza të qetësimit të tensioneve të krijuara nga këto lajme, Kryetari i Komunës së Tetovës, Bilall Kasami, priti në takim Myftiun e Tetovës, Selver Xhemaili dhe Mitropolitin Josif, ku diskutuan për zhvillimet e fundit dhe incidentet e izoluara ndëretnike në qytet.
Pas takimit, palët përcollën mesazh të përbashkët për ruajtjen e paqes, tolerancës dhe harmonisë ndërmjet komuniteteve, duke theksuar se Tetova është shtëpi e përbashkët për të gjithë qytetarët.
Gjithashtu, u shpreh gatishmëria për krijimin e një platforme të përbashkët bashkëpunimi me institucionet fetare, shkollat, prindërit dhe organizatat qytetare, me synim afrimin e të rinjve dhe parandalimin e tensioneve ndëretnike.
Kujtojmë se dy vitet e fundit, gjegjësisht pas ndryshimit të pushtetit, rastet e dhunës me motive etnike janë dyfishuar në Tetovë.
Vetë Ministri i Punëve të Brendshme Pance Toshkovski në muajin shtator tha se do të ndërmarin masa konkrete kundër rasteve të tilla por edhe dezinformatave, megjithatë deri tani nuk ka asgjë konkrete./Tv Koha/
Lajme nga vendi
BANORËT E LAGJES JASHTË VARDARIT – RRETHI NË V.S.BATO TË BËHET SA MË SHPEJTË (video)
Po flitet gjatë kohë, por punë nuk po bëhet. Kjo është ankesa e banorëve të lagjes jashtë vardarit kur pyeten për rrethrotullimin e premtuar nga Komuna e Tetovës, që pritet të lidh dy lagje të mëdha të qytetit.
Banorët thonë se me realizimin e rrethrotullimit, përveç se do të shkurtohet rruga dhe do të lehtësohet qarkullimi, më me rëndësi është rritja e sigurisë për nxënësit që kalojnë këtë rrugë dhe të pleqve që shkojnë 5 herë në ditë në xhami.
Kryetari i Komunës së Tetovës, Bilall Kasami thotë se kanë përfunduar të gjithë procedurat dhe se janë në pritje të një leje komunikacioni nga Ministria e Punëve të Brendshme. Ai premton se me tu marr kjo leje, menjëherë do të fillojnë punimet.
“Aty duhet të sigurojmë leje të komunikacionit. Projekti ekgziston, procedurat janë bërë të gjitha për shpronsim. Ka mbetur vetëm leja e komunikacionit që duhet ta sigurojmë nga Ministia e Punëve të Brendshme që të nisin punimet për depërtimin e asaj rruge aty” tha Bilall Kasami, Kryetar i Komunës së Tetovës.
Banorët presin që këto projekte të realizohen sa më shpejt, pasi deri atëherë rreziku për aksidente mbetet i lartë, veçanërisht për fëmijët dhe këmbësorët që kalojnë çdo ditë në këtë segment rrugor. Kujtojmë se edhe pengesat për zhvillimin e shpejtësisë apo policët rrugorë në jëtë zonë janë të dëmtuara dhe deri tani as Komuna e as Policia nuk kanë ndërmarrë asgjë për sanimin e tyre. Në mungesë të pengesave, shpejtësia që zhvillohet nga shoferët e papërgjegjshëm është jashtëzakonisht e madhe. Situata bëhet edhe më shqetësuese për shkak se pranë kësaj rruge ndodhen një çerdhe, një shkollë fillore dhe një xhami, ndërsa çdo ditë dhjetëra fëmijë dhe qytetarë detyrohen ta kalojnë rrugën./Tv Koha/
Moti sot me kushte të paqëndrueshme, vranësira dhe reshje shiu
SHKUPI NIKOQIR I KAMPIONATIN EVROPIAN TË KICKBOKSIT (VIDEO)
TETOVA MES TENSIONEVE DHE DEZINFORMATAVE TË “POROSITURA” PËR PROBLEME NDËRETNIKE (VIDEO)
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13