Lajme nga bota
Dy persona të vrarë nga të shtënat në një fabrikë të Mercedes Benzit në Gjermani
Dy persona u vranë nga të shtënat në një fabrikë të Mercedes Benzit në jugperëndim të Gjermanisë të enjten, derisa bëhet e ditur që policia ka arrestuar një të dyshuar.
I dyshuari, 53-vjeçar, hapi zjarr ndaj viktimave përpara se punonjësit e sigurisë të fabrikës që ndodhet në qytetin Sindelfingen, ta ndalonin atë dhe t’ia dorëzonin policisë.
I dyshuari nuk ka bërë rezistencë ndaj arrestimit, thanë ata, dhe viktimat, të dy të moshës 44-vjeçare, vdiqën nga plagët e marra.
Hetuesit nuk kanë përcaktuar ende një motiv për të shtënat e së enjtes.
Incidenti ishte i fundit nga një numër i të shtënave masive në Gjermani gjatë viteve të fundit, shumë prej të cilave kishin lidhje me ekstremizmin fetar.
Qeveria gjermane ishte zotuar të ashpërsonte më tej ligjet e saj për armët pasi një person i armatosur hapi zjarr ndaj njerëzve të mbledhur në një sallë të Dëshmitarëve të Jehovait në Hamburg në muajin mars, duke vrarë tetë persona.
Ministrja e Brendshme, Nancy Faeser, kishte thënë pas atij sulmi se qeveria do të rishikonte ligjet e saj të armëve.
Socialdemokratët, partia e saj dhe e kancelarit Olaf Scholz, kanë bërë presion për ashpërsim të ligjeve që do të kufizonte numrin e armëve në dispozicion.
Mercedes-Benz prodhon makinën e tij luksoze S-Class në uzinën e Sindelfingen, që ndodhet rreth 17 kilometra në jugperëndim të Shtutgartit.
Stafi në vendin e prodhimit – një fuqi punëtore prej 35.000 personash – u evakuua pas të shtënave, të cilat ndodhën pasi i dyshuari hyri në vend në orën 7:45 të mëngjesit, thanë policia dhe prokurori i Shtutgartit.
BELGJIKË- Autoritetet belge kanë çmontuar një një organizate kriminale shqiptare. Mësohet se policia në lidhje me ketë operacion ka zhvilluar 18 kontrolle të cilat rezultuan me 15 arrestime mes tyre 10 shqiptarë. Organizata përdorte ndërmjetës për të rregulluar automjetet dhe numrat e telefonave celularë.
Ekipet e policisë kontrolluan ndërtesat në Kortrijk, Menen, Harelbeke, Waregem, Wervik, Mouscron, Asse, Machelen, Antwerp, Ronse, Ledeberg, Verviers, Engis dhe Bruksel. Më shumë se 120 oficerë punuan së bashku dhe tre skuadra qensh nuhatës përforcuan operacionin.
Rojet, shpesh pa dokumente ruanin plantacionet, ndërsa dokumentet e falsifikuara siguronin kamuflazh shtesë. Në total, u gjetën më shumë se 3.200 bimë dhe prerje marijuane. Dy lokacione në Menen dhe Kortrijk dukeshin se ishin në ndërtim e sipër. Ekspertët mjeko-ligjorë analizuan të gjitha gjurmët, ku u analizuan 4.8 kilogramë mrijuanë, tre makina, armë të ndaluara dhe para të gatshme. Llogaritë bankare dhe kriptovaluta u ngrinë.
14 burra dhe një grua (të moshës 27-53 vjeç) përfunduan në burg. Midis tyre ishin dhjetë shqiptarë, tre belgë, një kongolez dhe një rumun. 11 të dyshuar u paraqitën para gjyqtarit hetues në Bruges. Ata u arrestuan për trafik droge në kontekst kriminal. Një burrë italian i kërkuar është në pritje të ekstradimit. Tre të dyshuar u liruan me kusht.https://noa.al/
Lajme nga bota
Sulm terrorist në një Kishë Ortodokse në Siri, 15 persona të vdekur dhe 25 të plagosur
SIRI- Një sulm terrosist ka ndodhur në një Kishë Ortodokse Greke në Damask të Sirisë. Mësohet se një person ka vendosur eksplozivë në Kishë, duke shkaktuar një numër të madh vdekjesh.
Raportet fillestare thonë se të paktën 15 persona janë vrarë dhe 25 janë plagosur, shumë prej të cilëve janë në gjendje kritike. Autoritetet fillimisht e kanë llogaritur numrin e të vdekurve në 9 dhe të plagosurit 13. Ministria e Brendshme Siriane tha se kamikazi që hodhi veten në erë në një kishë në Damask ishte anëtar i grupit Shteti Islamik.
Dëshmitarët okularë flasin për një autor (dhe ndoshta një person të dytë) i cili filloi të qëllonte pa dallim para se të shpërthente bomba. Agjencia shtetërore e lajmeve SANA konfirmoi sulmin ndaj kishës dhe se pati “shumë viktima”.
Observatori Sirian për të Drejtat e Njeriut, nga ana e tij, tha se viktimat ishin civilë dhe se incidenti ishte nën hetim. Kisha, e cila u ndërtua në shekullin e 8-të dhe u rinovua në shekullin e 19-të, u dëmtua. Ajo konsiderohet si një nga më të rëndësishmet për komunitetin ortodoks grek në Damask dhe është gjithashtu një vend për tubime shoqërore të dielave dhe festave fetare.https://noa.al/
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Lajme nga bota
Parlamenti iranian kërkon mbylljen e Ngushticës së Hormuzit! Panik global për çmimet e naftës
Parlamenti i Iranit ka votuar për të mbyllur kanalin jetësor të transportit detar të Hormuzit në shenjë hakmarrjeje ndaj sulmit të Donald Trump ndaj vendit, duke shkaktuar frikën e një rritjeje të ndjeshme të çmimeve të naftës që mund të shkaktojë një recesion global.
Por vendimi i Trump për të ndjekur Izraelin duke nisur një sulm të SHBA-së ndaj Iranit ka shkaktuar një zinxhir ngjarjesh që analistët paralajmëruan se mund t’i rrisin çmimet shumë më tej kur tregjet të hapen në orën 23:00 sipas kohës së Mbretërisë së Bashkuar tëdielën.
Një e pesta e konsumit botëror të naftës rrjedh përmes ngushticës së Hormuzit, e cila është një portë hyrëse nga Gjiri Persik.
Vota, e raportuar nga Reuters, nuk është detyruese sepse vendimi përfundimtar i takon këshillit suprem të sigurisë kombëtare të Iranit. Por analistët tashmë parashikonin një rritje deri në 5 dollarë para se rezultati i votimit të dihej.
Sekretari amerikan i Shtetit, Marco Rubio, u bëri thirrje të dielën autoriteteve kineze që të nxisin Iranin të mos mbyllë Ngushticën e Hormuzit, njërës prej rrugëve kryesore në botë për transportim të naftës.
Deklarata e Rubios në emisionin “Sunday Morning Futures with Maria Bartiromo” në Fox News erdhi pasi televizioni shtetëror iranian Press TV raportoi se Parlamenti i Iranit ka miratuar një masë për mbylljen e Ngushticës së Hormuzit, përmes së cilës kalon rreth 20% e furnizimit global me naftë dhe gaz.
VLEN: Maqedonia e Veriut angazhohet për paqe
Ibrahimi u përgjigjet kritikëve të Ligjit për përfaqësim: Për 22 vjet nuk miratuan asnjë ligj, numrat i përdorën për të përfituar milionat
ASH: Me këtë ligj, pa mekanizma detyrues, shqiptarëve u hiqet e drejta kushtetuese për përfaqësim
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve