Lajme nga vendi
Shukova: Është koha të zgjidhet statusi i grumbulluesve joformal të mbeturinave
Qeveria nuk do të heqë dorë nga gjetja e zgjidhjes përfundimtare për grumbulluesit joformal të mbeturinave. Këta janë një grup qytetarësh të cilët kanë të drejta si edhe të gjithë të jerët në shtet. Është koha që çështja e tyre të zgjidhet dhe ata të marrin statusin që e meritojnë, tha sot ministrja e Mjedisit Jetësor dhe Planifikimit Hapësinor, Kaja Shukova.
Siç theksoi Shukova, ka pasur tentime në të kaluarën përmes ndërmarrjeve publike komunale ky grup i qytetarëve të kyçet në sistemin formal, por procesi po shkon shumë vështirë.
“Kjo nuk do të thotë se do të heqim dorë dhe se nuk do të tentojmë në kuadër të sistemeve rajonale për menaxhim me mbeturina të gjejmë zgjidhje përfundimtare që ky sektor joformal të bëhet pjesë e atij formal. Ata janë grup qytetarësh, të cilët, gjithsesi, kanë të drejta si edhe të gjithë të tjerët në këtë shtet. Me të vërtetë është koha që edhe kjo çështje të zgjidhet dhe ky grup i qytetarëve ta marrë statusin që e meriton dhe të jenë pjesë e sektorit formal”, theksoi Shukova, duke u përgjigjur në pyetje pas fjalimit në konferencën “Vizione për të ardhme të gjelbër: Partneritet për qarkullim” që e organizon CIVIL.
Në pyetjen për grumbulluesit e mbeturinave u ndërlidh edhe zëvendëskryeministri për çështje ekoomike, Fatmir Bytyqi, i cili gjithashtu mori pjesë në konferencë.
“Ata janë joformal sepse ndoshta nuk kanë mjaft besim në sistemin dhe besim se nuk do të lihen vetëm nëse bëhen pjesë e grumbulluesve formal. Ky është një ndryshim i plotë i mënyrës sonë se si u qasemi disa problemeve”, tha Bytyqi.
Në fillim të muajit prill, në shumë vende të Ballkanit përfshirë edhe Maqedoninë e Veriut, shpesh vërehet një rënie e papritur e temperaturave, e njohur në popull si “Plakat e Prillit”.
Sipas besimeve popullore, këto ditë janë të paparashikueshme dhe shpesh shoqërohen me erë, reshje apo edhe temperatura të ulëta, që mund të ndikojnë në bujqësi dhe në jetën e përditshme.
Megjithatë, nga këndvështrimi meteorologjik, kjo është një dukuri normale. Ndryshimet e shpejta të motit në pranverë ndodhin për shkak të përplasjes së masave ajrore të ngrohta me ato të ftohta që ende zbresin nga veriu.
Ekspertët këshillojnë kujdes gjatë kësaj periudhe, sidomos për fermerët dhe qytetarët që i besojnë motit të qëndrueshëm pranveror, pasi temperaturat mund të luhaten ndjeshëm brenda pak ditësh.
“Plakat e Prillit” mbeten një term i njohur në traditën popullore, por në thelb janë një kujtesë se pranvera nuk është gjithmonë e qëndrueshme.
Qytetarët e Tetovës tashmë kanë mundësi më të lehtë dhe më të shpejtë për të raportuar problemet me ndriçimin publik në lagjet dhe rrugët e qytetit. Autoritetet lokale u bëjnë thirrje banorëve që çdo defekt apo mungesë të ndriçimit ta paraqesin përmes aplikacionit TE KLIK, në seksionin I-REPORT.
Ky aplikacion është i disponueshëm për përdoruesit e pajisjeve iOS dhe Android, duke ofruar një mënyrë të thjeshtë dhe efikase për komunikim me institucionet përgjegjëse.
Sipas njoftimit, raportimet e qytetarëve ndihmojnë që ekipet përkatëse të reagojnë më shpejt dhe të zgjidhin problemet në kohë, duke përmirësuar sigurinë dhe cilësinë e jetës në qytet.
Falemnderit për bashkëpunimin!
Lajme nga vendi
Feti Abazi dhe zv/ministrja e Transportit, Kaltrina Zekolli: “U bë dorëzimi i projektit për ujësjellësin e fshatit Pallçisht”
Kreu i komunës së Bogovinës Feti Abazi, ditën e sotme ka mirëpritur në takim, zv/ministren e Transportit, zonjën Kaltrina Zekolli.
Qëllimi i takimit, ishte dorëzimi i projektit kryesor për rrjetin sekondar të ujësjellësit në fshatin Pallçisht.
Postimi i plotë i Feti Abazit, në Facebook:
“Sot pata kënaqësinë të pres në takim zyrtar mikeshën e komunës sonë dhe Zëvendësministren e Transportit, znj. Kaltrina Zekolli. Gjatë kësaj vizite të rëndësishme u bë dorëzimi i projektit kryesor për rrjetin sekondar të ujësjellësit në vendbanimin Pallçisht, një hap thelbësor drejt realizimit të këtij projekti jetik për banorët tanë.
Tashmë që disponojmë dokumentacionin e nevojshëm, bashkërisht u dakorduam që në fazën e ardhshme të angazhohemi maksimalisht për sigurimin e mjeteve financiare për zbatimin e tij. Projekti i ujësjellësit për Pallçishtin mbetet prioritet i përbashkët i komunës dhe i Zëvendësministres.
Shpreh falënderim të veçantë për znj. Zekolli për angazhimin e saj të vazhdueshëm dhe përkrahjen konkrete ndaj projekteve që përmirësojnë jetën e qytetarëve tanë”, ka përfunduar, kryetari Abazi.
Problemi me çështjen e ujit, ka vite që i shqetëson banorët e fshatit Pallçisht, të cilët revoltën e tyre, shpesh e kanë shoqëruar edhe me protesta, ndaj qeverisë dhe administratës së kaluar komunale.
“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
Trump paralajmëron Iranin që të bëhet serioz për bisedimet për përfundimin e luftës
”Plakat” nuk falin: Rikthejnë të ftohtin, çfarë janë dhe pse ndodh kjo dukuri
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Sport2 months agoOLIMPIADA DIMËRORE ‘’MILANO CORTINA 2026’’ FILLON MË 6 SHKURT
-
Lajme nga vendi2 months agoVLEN: Me Fetain në krye, nis goditja reale ndaj pasurisë së paligjshme