Connect with us

Lajme nga vendi

Protestojnë mësuesit ; Bashkimi i lëndëve mësimore është sikur kirurgët të shuajnë zjarrin kurse zjarrfikësit të punojnë në konfeksion -pa punë mund të mbesin 200 mësimdhënës!

Published

on

Sindikata e pavarur për arsim dhe  shkencë  (SPASH kanë mbajtur sot protestë në Shkup, siç kanë theksuar, në interes të të drejtave të punëtorëve të arsimit dhe kanë kërkuar që të mos kombinohen lëndët mësimore dhe të respektohen marrëveshjet kolektive. Protesta nisi në mesditë nga Parku i Gruas dhe të pranishmit shkuan në këmbë drejt godinës së Ministrisë së Arsimit dhe Shkencës, ku mbajtën fjalime.

Njerëzit e parë të sindikatave thanë se shprehin pakënaqësinë e tyre si pasojë e mungesës së dialogut social, nëpërkëmbjes së të drejtave të punëtorëve, nëpërkëmbjes së dinjitetit të edukatorëve, mospërfilljes së ligjeve dhe marrëveshjeve kolektive. Ata njoftuan se nëse nuk do të ketë dëgjim dhe nëse nuk ndodhin ndryshime rrënjësore së shpejti nga ana e MASH-it, do të bëjnë thirrje për hapa më radikalë, që nënkupton organizimin e një “greve të thjeshtë apo të bardhë” në varësi të mbështetjes sindikaliste.

Anëtarët e sindikatës shprehen të pakënaqur me njoftimet për bashkim të disa lëndëve mësimore Gjeografi, Histori, Kimi, Fizikë, Biologji, Edukatë Qytetare, Etikë, Informatikë dhe Edukim Teknik. Sipas kryetarit të Sindikatës së Pavarur për Arsim, Tomislav Gievski, një dukuri e tillë mund të shkaktojë humbjen e një pjese të vendeve të punës, dhe në të njëjtën kohë cenon integritetin profesional të punëtorëve.

– Gjeografi u aftësua për të mësuar gjeografinë, historiani u aftësua për të mësuar historinë… Me ndryshime të tilla, pedagogët bëhen universalë, secili prej tyre duhet të jetë i përshtatshëm për çdo lëndë për të dhënë mësim. Është si të dërgosh kirurgë për të shuar zjarrin kurse zjarëfiksit  për të punuar në një fabrikë veshjesh. Po nëpërkëmbet profesionalizmi, tha Gievski.

Ata janë të pakënaqur edhe me mosrespektimin e kontratave kolektive në sektorin e arsimit.

Advertisement

Gievski thekson se kontratat kolektive me vite nuk respektohen në arsim.

– Momentalisht, paga më e ulët për shkallën më të ulët  është neto 12.000 denarë, dhe kemi qenë dëshmitarë se paga minimale në vend është neto 20.175 denarë. Kur bëhet fjalë për pedagogët, vazhdimisht thuhet se nuk ka para, se shteti është në krizë, por e pamë se si ata shpejt gjetën një mënyrë për t’i rritur 78 për qind pagat e zyrtarëve të tyre shtetërorë. Për zyrtarët publikë ligji është ligj dhe duhet respektuar, edukatoret janë gjithmonë anash, nuk respektohen kontratat kolektive për shtesat, rroga është vonuar vazhdimisht në 20 vitet e fundit, asnjëherë nuk është paguar në afatin e paraparë me ligj, tha Gievski.

Sipas tij, Sindikata e Pavarur për Arsimin nuk ka pasur takim me ministrin aktual të Arsimit Jeton Shaqiri, edhe pse kanë pasur rreth dhjetë kërkesa. – Asnjëherë nuk kemi marrë përgjigje, asnjë dëshirë nga ana e ministrit për të biseduar me ne, prandaj ai duhet të na dëgjojë nga këtu, tha Gievski.

Arsyeja e shkrirjes së lëndëve, sipas tij, është vetëm për të mos zgjidhur problemet e pedagogëve.

– Me kombinimin e lëndëve brenda pesë viteve me zbatim të plotë, mesatarisht humbet një vend pune në dy shkolla. Unë marr shkolla që kanë një mesatare prej katër notash për klasë. Mungojnë 24 orë nga lëndët natyrore dhe sociale, së bashku me heqjen e lëndës së inovacionit. Kjo është vendimtare, thotë Gievski.

Advertisement

Kryetari i Konfederatës së organizatave sindikale të Maqedonisë, Marjan Risteski, megjithatë, theksoi se ngritja e nivelit të punëtorëve arsimorë është tregues se, siç tha ai, diçka nuk është në rregull në shtetin tonë.

– Qeveria po ikën me vetëdije, duhet të na kishte dhënë një metodologji se sa do të jetë përqindja e pagave dhe si do të llogariten. Nuk e di pse duan të blejnë kohë, por durimi i qytetarëve është duke u mbaruar, tha Risteski.

Sipas tij, nëse në Kuvend kalojnë ndryshimet legjislative që kanë të bëjnë me korridoret, do të shihet zemërimi i punëtorëve. – Së shpejti do të mbahet protestë masive, paralajmëroi Risteski. transmeton Tv Koha

Advertisement

Lajme nga vendi

MPB paralajmëron: Kujdes nga SMS-të mashtruese për gjobat e trafikut

Published

on

Ministria e Punëve të Brendshme ka paralajmëruar qytetarët për shtimin e mesazheve mashtruese përmes SMS-ve, postës elektronike dhe rrjeteve sociale, përmes të cilave kërkohet pagesa e kundërvajtjeve të supozuara rrugore të regjistruara nga sistemi “Qyteti i Sigurt”.

Sipas MPB-së, bëhet fjalë për mashtrime të llojit “phishing”, ku qytetarëve u dërgohen mesazhe me linqe të rreme, përmes të cilave kërkohet që të fusin të dhënat e tyre personale dhe bankare. Qëllimi i këtyre veprimeve është keqpërdorimi i informacioneve dhe mjeteve financiare të qytetarëve. MPB-ja u bën apel qytetarëve që të mos hapin linqe të dyshimta dhe të mos vendosin të dhënat e kartelave bankare, fjalëkalimet apo informacione të tjera personale në ueb-faqe të paverifikuara. Gjithashtu, qytetarët këshillohen të mos kryejnë pagesa përmes linqeve të pranuara në mesazhe të dyshimta.
Nga Ministria rikujtojnë se njoftimet zyrtare me SMS për kundërvajtjet rrugore nga sistemi “Qyteti i Sigurt” dërgohen ekskluzivisht nga dërguesi “MVR-SC“ dhe përmbajnë detyrimisht targën e automjetit me të cilin është kryer kundërvajtja. Ndërkaq, linku zyrtar për informacione dhe pagesën e kundërvajtjeve është: http://safecountry.mvr.gov.mk. Sektori për Krim Kompjuterik pranë MPB-së, ndërkohë, po ndërmerr masa dhe veprime për zbulimin dhe sanksionimin e personave të përfshirë në këto mashtrime.
MPB-ja u bën thirrje qytetarëve që të tregojnë kujdes të shtuar dhe të verifikojnë çdo njoftim para se të ndërmarrin ndonjë veprim. përcjell Zhurnal.mk .

Continue Reading

Lajme nga vendi

Iskra Haxhi Vasileva merr drejtimin e Prokurorisë për Krim të Organizuar dhe Korrupsion, përpara saj disa raste të bujshme

Published

on

Iskra Haxhi Vasileva ka marrë zyrtarisht detyrën e shefes së Prokurorisë për Ndjekjen e Krimit të Organizuar dhe Korrupsionit në Maqedoninë e Veriut. Në moshën 43-vjeçare, ajo bëhet drejtuesja më e re e këtij institucioni, pasi bëri betimin para anëtarëve të Këshillit të Prokurorëve.

Pas marrjes së detyrës, Haxhi Vasileva deklaroi se e konsideron nder emërimin në këtë funksion, por theksoi se ai njëkohësisht e ngarkon me përgjegjësi të madhe.

Emri i saj është bërë i njohur në opinion kryesisht përmes disa rasteve të bujshme që lidhen me korrupsionin e nivelit të lartë.

Ajo është prokurore në rastin e 350 mijë eurove të gjetura te gjyqtari i Apelit, Gjoko Ristov, si dhe në rastin kundër ish-drejtorit të Inspektoratit Shtetëror të Bujqësisë, Vace Anakiev, i dyshuar për ryshfet. Gjithashtu, udhëheq hetimet ndaj ish-drejtorit të Drejtorisë së Doganave, Stefan Bogoev, ndërsa ka qenë e përfshirë edhe në rastin kundër ish-kryetarit të Komunës së Novo Sellës, Boro Stojçev, lidhur me çështjen e marihuanës. Ajo ishte prokurore edhe në fillimet e rastit kundër kardiologut Zhan Mitrev.

Në krye të Prokurorisë, Haxhi Vasileva nuk trashëgon vetëm një funksion drejtues, por edhe një sërë lëndësh të hapura dhe çështjesh të ndjeshme që presin përgjigje institucionale.

Advertisement

Ndër temat që kanë ngjallur debat në javët e fundit është edhe hyrja e Alta Bankës në Maqedoninë e Veriut. Kryeprokurori i Shtetit, Nenad Saveski, ka deklaruar shkurt se institucionet po e ndjekin situatën.

E pyetur nga BIRN nëse Prokuroria ka një qëndrim lidhur me këtë çështje, Haxhi Vasileva tha se për momentin nuk mund të përgjigjet pa shqyrtuar paraprakisht materialet përkatëse.

Ajo theksoi se, në rast se paraqiten indicie ose baza më serioze për dyshime, çështja do të ndiqet me vëmendje.

„Nëse kemi gjurmë ose baza më serioze, natyrisht se këto janë tema që ndiqen me kujdes“, deklaroi ajo, duke iu referuar mundësisë së hapjes së lëndëve me iniciativë të Prokurorisë.

Sa i përket bashkëpunimit me Prokurorinë për Krim të Organizuar të Serbisë, ajo tha se bashkëpunimi ndërkombëtar është pjesë e detyrimeve ligjore dhe se me Serbinë ekziston një bashkëpunim i mirë.

Advertisement

Ndërkohë, partitë opozitare kanë kërkuar hapjen e hetimeve edhe për hyrjen e Alta Bankës në vend, si dhe për destinimin dhe shpenzimin e mjeteve të Lotarisë Shtetërore për organizimin e festimeve me rastin e Ditës së Pavarësisë. Deri më tani, të paktën publikisht, nuk ka informacione për veprime konkrete të Prokurorisë lidhur me këto çështje.

Lëndët e vjetra, sfida e parë për drejtuesen e re

Në tavolinën e saj e presin edhe disa lëndë që prej vitesh nuk kanë marrë epilog.

Një ndër to është rasti „Talir“, në të cilin VMRO-DPMNE akuzohet për pastrim parash, ndërsa procesi gjyqësor zvarritet prej gati tetë vitesh pa një vendim përfundimtar.

Sipas BIRN, gjatë këtij viti të gjitha seancat gjyqësore për këtë rast janë shtyrë ose anuluar. Publikimi vë në pikëpyetje edhe angazhimin e prokurores Engellushe Kadriu, e cila e mori lëndën nga Lençe Ristoska, për t’i dhënë më shumë dinamikë procesit.

Advertisement

Një tjetër sfidë janë dy lëndët e hapura lidhur me pretendimet për përgjim të paligjshëm të kryeministrit Hristijan Mickoski. Dyshimet për përgjim u bënë publike nga vetë Mickoski, i cili u referua në informacione nga Agjencia për Siguri Kombëtare dhe Agjencia për Zbulim.

Njëra nga lëndët është hapur në dhjetor të vitit 2024, por deri më tani në asnjërën nuk është nisur hetim dhe nuk ka persona të dyshuar.

Vëmendje të veçantë kërkon edhe rasti i furnizimit me mazut, i cili shkaktoi reagime të shumta politike. Prokurorja Katerina Kolaroviq fillimisht e hodhi poshtë kallëzimin penal, por prokurori i lartë Jovan Cvetanovski e anuloi vendimin dhe e ktheu lëndën në Prokurorinë për Ndjekjen e Krimit të Organizuar dhe Korrupsionit.

Çështja mori edhe dimension politik pas deklaratave publike të kryeministrit Hristijan Mickoski dhe ministrit të Punëve të Brendshme, Pançe Toshkovski.

Këto janë vetëm disa nga rastet në të cilat drejtuesja e re do të duhet të dëshmojë nëse prioritetet e saj do të mbeten vetëm premtime programore apo do të shndërrohen në rezultate konkrete.

Advertisement

Në programin me të cilin fitoi këtë pozitë, Haxhi Vasileva ka premtuar procedura më efikase dhe më të shpejta, hetime financiare dhe konfiskim të pasurisë së përfituar në mënyrë të paligjshme, forcim të kapaciteteve institucionale, digjitalizim, si dhe rritje të transparencës dhe besimit të publikut.

Haxhi Vasileva, e cila ushtron detyrën e prokurores që nga viti 2009, në funksionin e ri do të punojë me një ekip prej 11 prokurorësh.(INA)

Continue Reading

Lajme nga vendi

AKSION GUERIL: PËR DEPUTETËT MISH – PËR STUDENTËT QEPË DHE KONZERVA!

Published

on

Me një aksion gueril urban të titulluar “Kontrastet shoqërore”, organizatat joqeveritare u dolën në mbështetje studentëve dhe luftës së tyre për një standard më të mirë jetese.

Me dy tavolina të ndryshme dhe dy meny të ndryshme, njëra për deputetët dhe tjetra për studentët, në sheshin e vogël pranë Qendrës Tregtare “Bunjakovec” në Shkup, grupi “Aksionet artistike urbane” synon të paraqesë edhe vizualisht pabarazinë në shoqërinë e Maqedonisë.

Siç shihet në aksion, aktivistët e këtij grupi duan të tregojnë se tryeza studentore, me bukë, një konservë ton dhe qepë, pasqyron kufizimet e shumës prej 140 denarësh që studentët marrin nga shteti si subvencion për ushqim.

Në anën tjetër, menyja dhe ushqimi i shtruar në tryezën e deputetëve hapin çështjen e çmimeve të privilegjuara në bufenë e Kuvendit dhe pyetjen se përse pikërisht ata që kanë më shumë, në këtë shtet, gjithmonë paguajnë më pak.

Sipas aktivistëve, kontrasti bardhezi mes dy tavolinave tregon më së miri se me 140 denarë nuk mund të sigurohet një vakt studentor i denjë dhe i balancuar nga ana ushqyese.

Advertisement

“Deri kur për disa luks në kurriz të shtetit, e për të tjerët luftë për mbijetesë?” – ka shkruar në Facebook, Blendi Hodai nga Forumi për Reforma në Arsim.

Pikërisht vlera e shujtës studentore ishte bërë shkas i një përplasjeje mes tij dhe Kryeministrit Mickoski, pasi ky i fundit kishte deklaruar se nuk është sjellje e mirë të ofendohen profesorët.

Blendi Hodai kishte publikuar në profiling e tij në Facebook, menynë e restorantit të Kuvendit, ku deputetët mund të ushqehen me çmime të privilegjuara.

“Pyetja është e thjeshtë: pse ushqimi me çmime të privilegjuara për funksionarët konsiderohet i arsyeshëm, ndërsa subvencionimi i ushqimit për studentët bëhet objekt debati?” – kishte shtruar pyetjen Blendi Hodai./Tv Koha/

Advertisement
Continue Reading

Më të lexuarat