VLEN në një kumtesë për media thotë se brenda një kohe shumë të shkurtër, janë ndërmarrë hapa të fuqishëm dhe të guximshëm për avancimin dhe përfaqësimin real të kuadrove shqiptare në institucionet shtetërore, aty ku për dekada ka munguar barazia, profesionalizmi dhe meritokracia.

Nga VLEN thonë se në Qendrën për Menaxhim me Kriza (QMK), vetëm tre javë pas emërimit të Muhamed Aliut si drejtor, janë avancuar katër shqiptarë me mbi 20 vite përvojë, ndërkohë që janë në proces edhe dhjetëra punësime e avancime të tjera. Procesi po ecën me intensitet dhe transparencë të paparë më parë.

“Në EMV–Furnizim me Ngrohje, drejtori Ali Ismaili ka ndërmarrë masa konkrete për forcimin e kapaciteteve menaxheriale, përmes tre punësimeve të reja dhe tre avancimeve në pozita udhëheqëse për shqiptarët. Për herë të parë, promovimet në këtë ndërmarrje po bëhen mbi baza të meritës dhe profesionalizmit, jo përmes lidhjeve partiake apo familjare”.

“Ndërkohë, në EM –HEC Treska Shkup, ku drejtimin e mban Astrit Iljazi, u finalizua me sukses konkursi për punësim dhe u nënshkruan kontrata për 7 punësime të reja me afat të pacaktuar, një hap i rëndësishëm drejt krijimit të vendeve të punës për të rinjtë shqiptarë. Këto janë 7 punësime për 10 muaj qeverisje nga VLEN, krahasuar me vetëm 17 punësime të shqiptarëve nga BDI në 22 vite pushtet!”.

“VLEN po vendos standarde të reja të qeverisjes, ku fjala e dhënë bëhet realitet dhe ku qytetarët ndihen të përfaqësuar me dinjitet. Po rikthejmë besimin në institucione, po krijojmë hapësirë për kuadrot e reja dhe të afta, dhe po garantojmë shërbime cilësore për të gjithë qytetarët, pa dallim”, thonë nga VLEN.

Advertisement

Moti me diell dhe i ngrohtë, me vranësira të vogla deri në mesatare. Pasdite pritet mot jostabil me reshje të rrëmbyeshme të shiut, bubullima dhe erë të përforcuar. Temperatura minimale do të jetë në interval prej 10 deri në 19, ndërsa ajo maksimale do të arrij prej 29 deri në 37 gradë, shkruan Alsat.

Në Shkup moti do të jetë me diell dhe i ngrohtë, me vranësira të vogla deri në mesatare. Pasdite në disa pjesë të luginës do të ketë kushte për reshje të shiut dhe bubullima. Temperatura minimale do të ulet në 18, ndërsa ajo maksimale do të arrij në 36 gradë Celsiusë.

Qeveria e Republikës së Maqedonisë së Veriut, përmes një komunikate zyrtare, ka bërë të ditur se ka ndërmarrë masa konkrete për të rritur efikasitetin energjetik dhe për të promovuar përdorimin e burimeve të rinovueshme të energjisë në institucionet arsimore. Në këtë drejtim, gjatë muajve të verës, në 50 shkolla në mbarë vendin do të instalohen sisteme fotovoltaike.

Ministria e Arsimit dhe Shkencës ka nënshkruar një marrëveshje për një grant të pakthyeshëm prej 1.1 milion eurosh me Bankën për Zhvillim të Këshillit të Evropës, e cila do të përdoret për këto investime në energjinë e pastër.

“Nëpërmjet këtij investimi do të realizohen kursime të konsiderueshme buxhetore, të cilat më pas mund të riinvestohen në projekte infrastrukturore, tekste shkollore dhe mjete ndihmëse digjitale për nxënësit,” thuhet në njoftimin e Qeverisë.

Përveç përfitimeve ekonomike, ky projekt synon të kontribuojë edhe në uljen e ndotjes së mjedisit, duke u bërë një shembull pozitiv i tranzicionit drejt energjisë së gjelbër në sektorin publik.