Lajme nga vendi
SHGM: Vendim i turpshëm i Gjykatës së Apelit në Shkup në dëm të gazetarisë hulumtuese
Shoqata e Gazetarëve të Maqedonisë (SHGM) dhe Sindikata e Pavarur e Gazetarëve dhe Punonjësve Mediatik (SPGPM) reagojnë ndaj vendimit të Gjykatës së apelit në Shkup ku siç thonë ishte në dëm të gazetarisë hulumtuese, përcjellë Klan M, ku thonë se do ta informojnë Federatën Evropiane të Gazetarëve (FEG), ku janë anëtarë, për këtë vendim të Gjykatës së Apelit në Shkup dhe do të tregojnë se është çështje presioni përmes gjykatës ndaj gazetarisë së lirë. Këshilli për Etikë në Media në Maqedoni (KEMM) do të informojë edhe Rrjetin e Këshillave të Pavarur të Mediave në Evropë (RRKPME) për rastin, ku SPGPM është anëtare.
Ja kumtesa e plotë:
”Këshilli i Gjykatës së Apelit në Shkup, i përbërë nga gjykatësit Gordana Gjorçeva, kryetare e këshillit, Suad Aliu dhe Vllatko Samarxhiski, anëtarë të këshillit, mori një vendim të turpshëm në dëm të gazetarisë së lirë ndaj kolegëve të Laboratorit të Gazetarëve Hulumtues (IRL).
Kjo gjykatë e anuloi aktgjykimin e Gjykatës Themelore Civile Shkup në favor të gazetarëve, dhe e ktheu në rigjykim rastin në të cilin ish zëvendëskryeministri Koço Angjushev paditi Sashka Cvetkovskën dhe IRL-në.
Ky lloj vendimi i gjykatësve të Gjykatës së Apelit në Shkup dhe në përgjithësi kjo lloj praktike e keqe gjyqësore ndikon negativisht në lirinë e shprehjes dhe nxit autocensurën, veçanërisht nëse merret parasysh se padia është private dhe paditësi është njeri i fuqishëm ekonomikisht dhe në qeverisjen e kaluar ka mbajtur postin e zëvendës kryeministrit në Qeveri.
Është e rëndësishme të theksohet se këto lloj padish shërbejnë për të shkaktuar frikësimin dhe shterrjen e mundshme financiare të gazetarëve të paditur.
Theksojmë se zakonisht qëllimi i këtij lloji të padive nuk është për mbrojtjen e imazhit personal, por për të keqtrajtuar, për t’i demotivuar gazetarët dhe për t’i shmangur nga kritikat publike. Ky lloj padish njihen si padi strategjike për parandalimin e pjesëmarrjes në publik (SLAPP) dhe për to Këshilli i Evropës ka përpiluar rekomandime që u janë dhënë shteteve anëtare për t’i penguar ata, pasi cenojnë të drejtën e informimit të qytetarëve.
Problem shtesë në lidhje me këtë rast është edhe tentativa e djeshme për diskreditim publik nga Departamenti për Marrëdhënie me Publikun dhe Marketing të “Fero Invest” Sh.PK Shkup, e cila në një deklaratë për media ka dhënë interpretimin e saj për këtë rast gjyqësor.
Në njoftimin e transmetuar nga disa media, ata e vendosin veten në rolin e gjykatës, paragjykojnë vendimin e ardhshëm të gjykatës dhe me fyerje ndaj koleges Sashka Cvetkovska, thonë se ajo “ka keqpërdorur pozitën e saj si gazetare, që është një shkelje e rëndë e Ligjit për Media dhe parimeve bazë gazetareske”.
Në këtë mënyrë mund të interpretohet se “Fero Invest” po i bën presion shtesë Gjykatës Themelore Civile, e cila sërish duhet të veprojë në padinë private të Angjushev ndaj gazetarëve, dhe së dyti, po tentohet të ndikohet në opinion në favor të paditësit dhe në dëm të lirisë së shprehjes.
Për rikujtim, IRL për këtë storje mori çmimin e parë me temën “Ballafaqimi me ndotjen e ajrit – përforcimi i vetëdijes publike për problemet dhe zgjidhjet e mundshme”, nga Shoqata e Gazetarëve të Maqedonisë, në bashkëpunim me Programin e Kombeve të Bashkuara për Zhvillim (UNDP).
Përveç kësaj, më 23 maj 2021, Këshilli i Nderit në SHGM e hodhi poshtë kërkesën e Angjushevit për gjoja shkelje të
Kodit të Etikës së Gazetarëve dhe deklaroi se ky lajm ofron informacione dhe prova që janë patur në dispozicion autorët e lajmit investigativ, pra nuk është shkelur neni 1, dhe me ofrimin për incizimin e deklaratës së Angjushevit, nuk ka shkelje të nenit 3 të Kodit të Gazetarëve të Maqedonisë.
Shoqata e Gazetarëve të Maqedonisë (SHGM) dhe Sindikata e Pavarur e Gazetarëve dhe Punonjësve Mediatik (SPGPM) do ta informojnë Federatën Evropiane të Gazetarëve (FEG), ku janë anëtarë, për këtë vendim të Gjykatës së Apelit në Shkup dhe do të tregojnë se është çështje presioni përmes gjykatës ndaj gazetarisë së lirë. Këshilli për Etikë në Media në Maqedoni (KEMM) do të informojë edhe Rrjetin e Këshillave të Pavarur të Mediave në Evropë (RRKPME) për rastin, ku SPGPM është anëtare” – thuhet në kumtesën e Shoqatës së Gazetarëve të Maqedonisë (SHGM). /KlanMacedonia/
Në kuadër të aktiviteteve të Verës Tetovare “Tetova n’Festë”, u organizua ora poetike “Puhizë në Vargje”, të organizuar nga Shoqata e Shkrimtarëve “OENEUM”.
Ky aktivitet mblodhi poetë, krijues dhe dashamirës të letërsisë, duke sjellë një mbrëmje të veçantë kushtuar poezisë, fjalës së bukur dhe vlerave kulturore që pasurojnë jetën artistike të qytetit tonë.
U lexuan poezi, poetët nga vendi, Kosova e Shqipëria lexuan punimet e tyre autoriale. Ata vinin nga Kukësi, Dibra, Prizreni, Vitia, Suhareka, Shkupi, Gostivari dhe Tetova.
Komuna e Tetovës, sic thanë autoritetet e kësaj Komune, mbetet e përkushtuar në mbështetjen e aktiviteteve kulturore që promovojnë krijimtarinë, artin dhe afirmimin e vlerave letrare.
Shoqata e Shkrimtarëve Oeneum ka falënderuar pjesëmarrësit e orës poetike “Puhizë në vargje” por ka nderuar me mirënjohje edhe Bruno Cekën veprimtarin e cështjes kombëtare që veprom në diasporë duke potencuar se vlera dhe kontributi I tyre për çështje kombëtare është e pa përshkrueshme me fjalë./Tv Koha/
Dje në ora 14:00 në Tetovë, zyrtarë policorë nga SPB Tetovë kanë privuar nga liria një 29-vjeçare nga Tetova, duke vepruar sipas një denoncimi paraprak se ajo kishte sulmuar fizikisht djalin e saj shtatëvjeçar. Ajo është ndaluar në stacionin policor dhe pas dokumentimit të rastit do të vijojë parashtresë përkatëse.
……
Dje në ora 00:15, në SPB Tetovë, një 46-vjeçar nga fshati Xhepçisht ka denoncuar se në oborrin e një shtëpie në fshati Xhepçisht është sulmuar fizikisht nga dy persona nga i njëjti fshat, ndërsa është përdorur edhe një send të fortë. Po ndërmerren masa për zbardhjen e rastit.
……
Dje në ora 12:45 në SPB Tetovë, një grua 38 vjeçare nga Tetova ka denoncuar se ka vërejtur se nga data 30.06.2026 deri më 15.07.2026 janë kryer 78 transaksione të paautorizuara me kartelën e saj debitore, me çka është dëmtuar për një shumë të përgjithshme prej 226.172 denarë. Po ndërmerren masa për zbardhjen e rastit.
……
Dje në ora 11:00, në rrugën Kuzman Josifovski Pitu në Tetovë, zyrtarë policorë nga SPB Tetovë, në bazë të urdhëresës gjyqësore, kanë privuar nga liria një 59-vjeçar nga Tetova, i kërkuar për vuajtje të dënimit me burg për vepër penale të kryer sipas nenit 235 a paragrafi 1 të Kodit Penal. Ai është dërguar në Institucionin Ndëshkimor Përmirësues Burgu i Tetovës për vuajtjen e dënimit.
…..
Dje në ora 13:50, në SPB Tetovë, një 34-vjeçar nga Tetova ka denoncuar se në rrethin e një fabrike në Tetovë është sulmuar fizikisht. Po punohet në zbardhjen e rastit.
……
Dje në ora 17:45, në bulevardin Vëllezërit Gjinovski në Gostivar, zyrtarë policorë nga Stacioni Policor për Siguri në Trafikun Rrugor Gostivar kanë ndaluar një moped me targa të Gostivarit, i drejtuar nga një 17 vjeçar nga fshati Bellovisht, Gostivar. Gjatë kontrollit është konstatuar se i mituri po drejtonte mopedin para se të fitonte të drejtën e drejtimit, përkatësisht pa patentë shofer. Pas konsultimit me prokurorin publik kujdestar pranë PTHP Gostivar, shoferi është privuar nga liria, mopedi është konfiskuar dhe pas dokumentimit të rastit do të dorëzohet kallëzim përkatës.
……
Pas mesnate në ora 00:25, në një kazino në Tetovë, zyrtarë policorë nga SPB Tetovë kanë privuar nga liria një 59-vjeçar nga fshati Reçicë e Vogël, pasi gjatë kontrollit tek ai është gjetur një qese me lëndë pluhur të bardhë. Pas dokumentimit të rastit do të dorëzohet parashtresë përkatëse.
……
Pas mesnate në ora 00:30, në rrugën rajonale Tetovë – Jazhincë, në fshatin Përshefcë, zyrtarë policorë nga Stacioni Policor Tearcë kanë ndaluar një automjet udhëtarësh BMV me targa të Tetovës, i drejtuar nga një 19-vjeçar, ndërsa si bashkëudhëtarë kanë qenë dy 19-vjeçarë tjerë dhe një 14 vjeçar, të gjithë nga fshati Novo Sellë, Zhelinë. Gjatë kontrollit të automjetit janë gjetur dhe konfiskuar tri kapele të zeza fantomka, tri thika dhe një pendrek. Ata janë arrestuar dhe ndaluar në stacionin policor dhe pas dokumentimit të rastit do t u dorëzohet kallëzim përkatës sipas nenit 80 paragrafi 1 të Ligjit për Armët.
Lajme nga vendi
AUV-ja po kryen analiza të jashtëzakonshme, analizat e fundit treguan se uji në Gostivar ka qenë i sigurt për pije
Pas paraqitjes së një numri të shtuar të qytetarëve që gjatë dhjetë ditëve të fundit janë ankuar për probleme me stomakun, Agjencia e Ushqimit dhe Veterinarisë (AUV) ka kërkuar të kryhen kontrolle të jashtëzakonshme të ujit të pijshëm që shpërndahet përmes ujësjellësit të qytetit në Gostivar. Nga Departamenti për Higjienë dhe Ekologji Shëndetësore pranë Qendrës së Shëndetit Publik-Gostivar, kanë konfirmuar se dje është kryer një kontroll i jashtëzakonshëm dhe janë marrë mostra nga katër pika matëse.
Në lidhje me: Dyshime për ndotje të ujit në Gostivar, MPB: Ujësjellësi dhe komuna dyshohet se injektuan në rrjet ujë nga ujërat e zeza
“Sa i përket ujit dhe situatës aktuale, përveç analizave të rregullta kemi bërë edhe analiza të jashtëzakonshme. Rezultatet e fundit të analizave që i kemi kryer të hënën ishin të mira, përkatësisht parametrat fiziko-kimikë dhe mikrobiologjikë ishin në rregull. Dje kemi marrë edhe disa mostra të tjera për analiza të jashtëzakonshme, por për rezultatet duhet të presim deri nesër ose eventualisht deri të hënën. Për momentin nuk mund të themi asgjë konkrete për to”, deklaroi për MIA-n, dr. Berun Mustafa, specialist i higjienës në Qendrën e Shëndetit Publik në Gostivar.
Nga Spitali i Përgjithshëm “Ferid Murad” kanë konfirmuar se në repartin infektiv dhe atë pediatrik ka një numër të shtuar kontrollesh dhe qytetarësh që ankohen për diarre, dhimbje barku, të vjella dhe temperaturë të lartë. Sipas gjetjeve fillestare dhe pamjes klinike, me shumë gjasa bëhet fjalë për viroza sezonale dhe nuk ka lidhje epidemiologjike mes rasteve. Mjekët rekomandojnë që qytetarët të kenë kujdes më të madh për higjienën dhe zakonet e përditshme, veçanërisht gjatë periudhës së verës kur temperaturat janë të larta dhe rreziku nga infeksionet e zorrëve rritet ndjeshëm.
“Qytetarët duhet të jenë të kujdesshëm për shkak të numrit të shtuar të sëmundjeve të zorrëve, si nga uji ashtu edhe nga ushqimi. Para së gjithash, nuk duhet të konsumojnë ushqime që mund të shkaktojnë këto sëmundje, si ushqimet që nuk janë përgatitur mirë termikisht. Ushqimet dhe produktet duhet të jenë të freskëta. Gjithashtu, frutat dhe perimet duhet të lahen mirë para përdorimit. Dhe natyrisht, uji duhet të përdoret nga burime për të cilat qytetarët konsiderojnë se janë të sigurta”, rekomandoi dr. Mustafa.
Tri analizat e fundit të ujit nga ujësjellësi i Gostivarit, të kryera gjatë muajit të fundit nga Departamenti për Higjienë dhe Ekologji Shëndetësore pranë Qendrës së Shëndetit Publik, kanë treguar se uji ka qenë i shëndetshëm dhe i sigurt për përdorim.
“TETOVA N`FESTË”: MBAHET ORA POETIKE “PUHIZË NË VARGJE”
Kronika e zezë – Tetovë dhe Gostivar, 16 Korrik
AUV-ja po kryen analiza të jashtëzakonshme, analizat e fundit treguan se uji në Gostivar ka qenë i sigurt për pije
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
