Lajme nga vendi
Xhaferi i prerë: Gjuha shqipe do të presë hapjen tjetër të Kushtetutës!
“PROCEDURA NDRYSHIMIT KUSHTETUESE MUND TË FILLOJË, NDËRKOHË TË VAZHDOJË DIALOGU POLITIK”
Përkundër deklaratave të partive politike se, do të bëjnë përpjekje që në kuadër të ndryshimeve kushtetuese, të përfshihet edhe ndryshimi i formulimit 20% që i referohet gjuhës shqipe, kryetar i Kuvendit, Talat Xhaferi ka përjashtuar këtë mundësi, njofton KlanM.
Ai tha se në kuadër të kësaj iniciative, nuk ka hapësirë të bëhet ndërhyrje jashtë asaj që është sjell në vendimin e qeverisë, por për këtë do të duhej iniciativë tjetër, sepse, pasi që të dorëzohen në Kuvend propozim amendamentet, nuk mund të dorëzohen amendamente të reja, jashtë asaj që i propozon Qeveria si propozues.
Ai poashtu, sic njofton KlanM, ka thënë, se nuk mund të zhvillohet iniciativë paralele për ndryshim të kushtetutës, pasi ka afate të caktuara për të pasur iniciativë të re për ndryshimet kushtetuese.
“As propozuesi nuk guxon të dalë jashtë asaj që është sjellë vendimi. Ata nuk mund të propozojnë amendament të ri, sepse propozues i draft amendament është propozues i iniciativës” – tha Talat Xhaferi.
Xhaferi, gjatë një brifingu me gazetarët, sic percjell KlanM, njoftoi se, procesi i miratimit të ndryshimeve kushtetuese mund të zgjasë nga katër muaj e gjysmë deri në gjashtë muaj maksimum, ndërsa afatet do të rrjedhin nga momenti që iniciativa të dorëzohet në Kuvend.
Ai tha se, për këtë çështje është i domosdoshëm konsensusi politik, pasi për miratimin e nevojës për ndryshimet kushtetuese nevojitet 80 vota. Por, sipas tij edhe pse shumica nuk ka siguruar ende këtë numër, procedura mund të fillojë dhe dialogu politik të vazhdojë në ndërkohë.
“Nuk ka asnjë pengesë ligjore që diskutimi për ndryshimet kushtetuese të fillojë, edhe pse nuk është siguruar mbështetje prej dy të tretave për ndryshimet kushtetuese. Procedura për miratimin e nevojës së ndryshimit të Kushtetutës mund të fillojë, ndërsa 30 ditët e ardhshme, deri sa të vijë në votim, të punohet në sigurimin e shumicës për ndryshimet – më saktësisht dialogu politik të vazhdojë” – deklaroi Xhaferi.
Grupi punues të premten (26 maj) miratoi propozim iniciativën për ndryshimet kushtetuese. Iniciativa, sic njofton KlanM, po shqyrtohet fillimisht në Ministrinë e Drejtësisë, më pas do të dorëzohet në Qeveri për shqyrtim dhe miratim dhe në fund, do të dorëzohet në Kuvend, pas çka do të fillojë procedura për ndryshimet kushtetuese. /KlanMacedonia/
Ministria e Punëve të Brendshme i njofton qytetarët se, sipas informacioneve të pranuara nga organet kompetente të Republikës së Greqisë, më 27.07.2026 (e hënë) është paralajmëruar grevë e punonjësve të doganave në pikat kufitare greke Evzoni (Bogorodicë), Dojrani (Dojran) dhe Niki (Mexhitli).
“Gjatë periudhës nga ora 05:00 deri në 09:00 sipas kohës së Maqedonisë (06:00–10:00 sipas kohës së Greqisë), në këto pika kufitare, automjetet e udhëtarëve do të lejohen të kalojnë çdo 10 minuta, ndërsa qarkullimi i automjeteve të transportit të mallrave do të jetë plotësisht i ndërprerë, si për hyrje ashtu edhe për dalje nga Republika e Greqisë”.
“Ministria e Punëve të Brendshme do të ndërmarrë të gjitha masat e nevojshme dhe do të angazhojë të gjitha kapacitetet njerëzore dhe teknike për menaxhimin e situatës”, – thonë nga MPB.
Sipas të dhënave nga institucionet publike shëndetësore në Gostivar, gjatë ditës së djeshme (23.07.2026) janë regjistruar gjithsej 197 pacientë të rinj, përkatësisht persona që për herë të parë kanë kërkuar ndihmë mjekësore, çka tregon një ulje krahasuar me një ditë më parë.
Në Spitalin e Përgjithshëm “Dr. Ferid Murad” në Gostivar janë regjistruar gjithsej 117 vizita të reja, prej të cilave 82 në repartin e sëmundjeve infektive (pa shtrime të reja në spital dhe me tre pacientë të liruar), 40 në repartin e pediatrisë dhe 7 vizita në Qendrën e Urgjencës.
Në Shtëpinë e Shëndetit në Gostivar janë regjistruar 80 vizita të reja në shërbimin kujdestar, si dhe 13 thirrje në Shërbimin e Ndihmës së Shpejtë.
Lajme nga vendi
Hetime për kredinë hungareze 1 miliardë € që mori Maqedonia e Veriut, urdhëron Magyar
Qeveria në Hungari, e udhëhequr nga Péter Magyar, do të hetojë nëse ka pasur keqpërdorim të mundshëm të fondeve shtetërore në lidhje me kredinë prej një miliard eurosh që “Eximbanka” shtetërore ia dha Maqedonisë së Veriut.
Kështu njoftoi dje Magyar, i cili, siç raportuan mediat vendase, ndau se kredia e marrë nga Maqedonia e Veriut është një nga katër rastet e lidhura me “Eximbank”-un, për të cilat sot Ministria e Ekonomisë dhe Energjetikës ka dorëzuar ankesa, shkruan Fokus.
„Ministria e Ekonomisë dhe Energjetikës dorëzoi katër ankesa të enjten për mashtrim të dyshuar në vlerë totale prej një mijë miliardë forintash, në katër raste të ndryshme. Të gjitha kanë të bëjnë me aktivitetet e ‘Eximbank’-ut“ – tha Magyar.
Ai theksoi se kredia u dha në kushte shumë të favorshme me një normë interesi prej 3,25 për qind.
Kredia, tha ai, do t’i kushtojë buxhetit hungarez 90 miliardë forinta (rreth 248 milionë euro) për shkak të diferencave të interesit.
„Kjo paraqet një barrë prej 90 miliardë forintash (rreth 248 milionë euro) për buxhetin hungarez, ndërsa shteti hungarez mori përsipër garanci 100 për qind për kredinë nën udhëheqjen e qeverisë së Orbanit“, tha Magyar.
Sipas tij, norma e interesit me të cilën “Eximbanka” shtetërore i dha kredinë Maqedonisë është shumë më e favorshme se normat e interesit me të cilat kompanitë hungareze dhe qytetarët e vendit marrin hua.(INA)
MPB, të hënën në mëngjes grevë e doganierëve grekë në pikat kufitare
Spanja shpall emergjencën kombëtare për shkak të zjarreve masive, mbi 10 mijë persona evakuohen
Ulet numri i rasteve të qytetarëve që kërkojnë ndihmë mjekësore në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
