Lajme nga vendi
Përmbaruesit “zhveshin” qytetarët e varfër, kamata më e lartë se borxhi si ka mundësi?
Qytetarët e varfër janë cak i shtypjes dhe presionit në emër të ligjit nga përmbaruesit. Ata që më së shumti kanë nevojë të marrin para hua apo borxh nga banka ose shoqëri të tjera juridike për arsye jetike e për të plotësuar ndonjë nevojë të tyre esenciale, por për shkaqe të tjera nuk mund ta paguajnë borxhin në kohë, fundosen dhe përfundojnë nga intervenimi ç’njerëzor i përmbaruesve. Pra, në emër të ligjit përmbaruesit shkelin ligjin me dy këmbë, dhe i “zhveshin” qytetarët, pra gjithçka i marrin vetëm shpirtin ua lënë. E kjo është shkelje e ligjit duke marrë edhe mjetet shtëpiake, si televizor e frigorifer, duke ndërprerë e bllokuar burimet e vetme financiare si rrogën apo pensionin, shtesat për fëmijë, e të tjera. Nga ana tjetër kamata sipas dispozitave ligjore aktuale nuk ka tavan, dhe një qytetarë që ka borxh 3 mijë euro zhytet deri në 15 mijë euro e më shumë, kjo i bie që qytetari vdes e nuk mund ta paguajë borxhin, por kamata vazhdon të jetojë e të rritet pa ndërprerje, madje t’i bartet edhe trashëgimtarëve. Kjo nënkupton që me ligjet që duhet të jenë në shërbim të qytetarëve shkatërrohen qytetarët. Avokati i popullit, Naser Ziberi, gjatë prononcimit të tij për Zhurnal, tha që kanë ngritur procedurë për ndryshime në këtë ligj për kamatën, si dhe ankesat që vijnë nga qytetarët deri te avokati i popullit për dëmet që ua shkaktojnë përmbaruesit janë rrëqethëse, shkruan Zhurnal.
Përmbaruesit në mbrojtje të interesit të bankave shkatërrojnë dhe fundosin qytetarët –
Përmbarimi është i paraparë si instrument me qëllim që të mos dëmtohen bankat apo kreditorët ato që kryesisht japin hua. Dhe, si i tillë paraqet instrument efikas sepse në të kaluarën gjyqet kanë qenë të mbushura me lëndë dhe këto shoqëri bankare nuk kanë mund t’i realizojnë të drejtat e tyre, prandaj është paraparë përmbarimi si shërbim publik i cili ushtrohet nga përmbaruesit. Por, në realitet ky shërbim publik kur shkelet nga vetë përmbaruesit kjo shkon krejt në kurriz të qytetarëve duke dëmtuar deri në palcë si pasojë e ngarkesës dhe shtimit të borxhit, deri në afat të pa caktuar.
Avokati i popullit, Naser Ziberi, për Zhurnal tha se nuk është problemi te ekzistenca e përmbaruesve, por te shkeljet e dispozitave ligjore që bëhen pikërisht nga këta përmbarues. Sepse, sipas tij përmbaruesit marrin mjete që nuk janë të parapara për përmbarim, kamata nuk ka tavan, bllokohet burimi i vetëm financiar e të tjera, që krejt këto rëndojnë jetesën e qytetarëve.
“Nuk paraqet problem sistemi, por keqpërdorimi sistemit. Do të thotë rastet kur përmbaruesit nuk respektojnë dispozitat ligjore për përmbarim, ligjeve për marrëdhënie obligative të cilat shpesh herë shkelen nga ana e përmbaruesve. Këto shkelje shpesh herë ndodhin në rastet kur përmbaruesi nuk e bënë informimin në kohë të kreditorit apo atij që ka borxh, pra mos njoftimi në kohë ja shkurton mundësinë qytetarit që ta shlyejë borxhin dhe mos t’i bllokohet llogaria, mos t’i rritet kamata. Problemi i dytë paraqitet kur përmbaruesi merr mjetet të cilat me ligj janë të ndaluara të preken siç janë ndihma sociale, shtesat fëmijërore, e kështu me radhë, ose merren më shumë mjete se sa me ligj është e lejuar. Kur një qytetarë e ka burim të vetëm financiar rrogën apo pensionin, përmbaruesi nuk guxon ta ndalojë më shumë se një të tretën, por në praktikë ndodhë e kundërta”, tha avokati popullit, Naser Ziberi, për Zhurnal.
Ai shtoi se, problem tjetër shumë serioz janë edhe mjetet që përmbarohen, pasi shpesh herë ndodhë të përmbarohen mjete që janë ekzistenciale si kushte elementare për jetesë, duke përfshirë këtu edhe mobiljet e shtëpisë, aparate të ndryshme si televizor, frigorifer, mjete të cilat ligjërisht janë të përjashtuara nga përmbarimi.
Por, nuk është kjo e tëra pasi çështja kryesore dhe shumë problematike e dëmtuese për qytetarët është edhe mungesa e një tavani për kamatën. Pra, në mënyrë legjitime kamata rritet pa ndërprerë dhe kalon shumën e borxhit, dhjetëfishohet deri në pa kufi. E kjo rëndon dhe shton borxhin sa më shumë, që qytetarët mos të kenë mundësi kurrë në jetë ta shlyejnë atë borxh, që i bie edhe nëse paguajnë me këste paguajnë vetëm kamatën por jo edhe borxhin. Më e trishtë se kaq, qytetari vdes por borxhi vazhdon të jetojë dhe i transferohet trashëgimtarëve.
“Kamata me ligjin për marrëdhënie obligative dhe ligjin për përmbarim nuk është e kufizuar, kur bëhet fjalë për kamatën ndëshkuese ajo nuk ka tavan. Nëse një qytetarë për një vit, dy, tre nuk ka mundësi për ta kthyer borxhin e ecën pa ndërprerë kamata, dhe në këtë mënyrë qytetari asnjëherë nuk mund të lirohet nga borxhi. E për këtë çështje ne kemi dërguar propozim deri në Qeveri që të ndryshojnë dispozitat e ligjit për marrëdhënie detyrimore, neni 286A, dhe të thuhet se: kur kamata ndëshkuese do ta arrijë shumën e borxhit kryesor të ndërpritet që të mos rritet më tutje. Ky propozim edhe pse me vonesë është pranuar, tani ka kaluar fazën e parë në Kuvend dhe pritet faza e dytë”, tha Ziberi.
Kur flasim për përmbarues dhe qytetarët si palë të dëmtuar, avokati i popullit tha për Zhurnal se ka jashtëzakonisht shumë ankesa nga qytetarët të cilat janë rrëqethëse, një borxh prej 3 mijë eruove, i bëhet 10 mijë e deri 15 mijë euro, ose mos të flitet për shumë më të mëdha kur borxhi është 20 mijë apo 30 mijë euro, qytetarët vdesin dhe nuk arrijnë ta paguajnë borxhin, madje u bartet edhe trashëgimtarëve borxhi.
Nuk ka mundësi logjike që një qytetarë me një pagë minimale përnjëherë të paguajë një shumë aq të lartë të borxhit, edhe nëse paguan me këste i bie që paguan vetëm kamatën por jo edhe borxhin, prandaj mos kufizimi i kamatës ndëshkuese paraqet problem serioz për qytetarët. Prandaj, kur kërkohen shkaqet tjera pos mungesës së punës se përse qytetarët braktisin vendin, në këtë shkaqe mund të llogaritet edhe kjo “përdhosje” e dinjitetit të qytetarët që në emër të ndihmës e mbrojtjes ligjore shkatërrohen, fundosen dhe dëmtohen maksimalisht qytetarët. /Zhurnal.mk
Lajme nga vendi
Në shtator, tetë burra në Maqedoni u diagnostikuan me HIV, vetëm këtë vit janë regjistruar 49 raste të reja
Në shtator të këtij viti, në Maqedoninë e Veriut u regjistruan tetë raste të reja me HIV/AIDS, të gjitha te persona të gjinisë mashkullore, tregojnë të dhënat nga buletini më i ri mujor i Institutit të Shëndetit Publik (ISHP). Katër nga personat e diagnostikuar rishtazi janë të moshës 30 deri në 39 vjeç, ndërsa nga një rast është regjistruar në grupmoshat 15–19 vjeç, 20–29 vjeç, 40–49 vjeç dhe 50–59 vjeç, transmeton Portalb.mk.
Në shtator u raportuan edhe dy raste të vdekjes te persona me HIV, të cilët ishin regjistruar më parë me këtë infeksion, përkatësisht në vitin 2015 dhe 2018. Të dy personat që vdiqën ishin të moshës 40 deri në 49 vjeç. Sipas të dhënave të ISHP-së, nga fillimi i vitit 2026 deri më 30 shtator, në vend janë regjistruar gjithsej 49 raste me HIV/AIDS.
Që nga fillimi i regjistrimit të rasteve, në vitin 1987, e deri në shtator të vitit 2026, në vend janë regjistruar gjithsej 778 persona me HIV/AIDS. Prej tyre, 520 persona jetojnë me HIV/AIDS, 144 kanë vdekur, ndërsa 114 figurojnë si të humbur për ndjekje, përkatësisht si persona që janë shpërngulur jashtë vendit.
Në buletinin për sëmundjet akute infektive thuhet se gjatë shtatorit në Maqedoninë e Veriut katër persona kanë vdekur nga ethet e Nilit Perëndimor, ndërsa gjithsej 1.042 persona janë prekur nga sëmundje akute infektive. Numri i të prekurve është 22 përqind më i lartë krahasuar me të njëjtin muaj të vitit të kaluar, kur ishin regjistruar 854 raste.
“Të katër personat që kanë vdekur ishin të moshës 65 deri në 70 vjeç dhe te ta ishte diagnostikuar forma neuroinvazive e etheve të Nilit Perëndimor. Ata ishin të hospitalizuar në Klinikën Universitare për Sëmundje Infektive dhe Gjendje Febrile në Shkup, ndërsa te të gjithë ishin regjistruar edhe sëmundje shoqëruese”, thuhet në buletin.
Epidemia e etheve të Nilit Perëndimor është ende në vazhdim.
Pjesa më e madhe e sëmundjeve infektive të regjistruara në shtator ishin infeksione të zorrëve. Nga gjithsej 1.042 rastet e raportuara, 694 ishin raste me enterokolit, që përbëjnë 66,6 përqind të të gjitha sëmundjeve akute infektive të regjistruara.
Krahasuar me shtatorin e vitit të kaluar, kur ishin raportuar 465 raste me enterokolit, këtë vit është shënuar rritje prej 49,2 përqind. Nga fillimi i këtij viti deri në fund të shtatorit janë regjistruar 4.313 raste, që është 43,1 përqind më shumë sesa në të njëjtën periudhë të vitit të kaluar.
Në vendin e dytë për nga shpeshtësia janë lija e dhenve, me 123 persona të prekur, të ndjekura nga salmoneloza me 56 raste, zgjebja me 47 raste dhe infeksionet bakteriale e intoksikimet e shkaktuara nga ushqimi me 30 raste.
Në shtator u regjistruan edhe 29 raste të mononukleozës infektive, tetë raste të sëmundjes së legjionarëve dhe gjashtë infeksione të shkaktuara nga bakteri Escherichia coli.
Lajme nga vendi
Ministria e Transformimit Digjital në RMV bllokon përkohësisht trafikun e jashtëm në internet si masë parandaluese
Ministria e Transformimit Digjital informon se, si pjesë e aktiviteteve parandaluese, trafiku i jashtëm në internet në sistemet e prekura është bllokuar përkohësisht, me qëllim parandalimin e shfrytëzimit të mundshëm të dobësive.
Prandaj, ata theksojnë se Ministria, përmes Sektorit të Sigurisë Kibernetike dhe ekipit qeveritar të sigurisë kompjuterike (MKD-GOV-CSIRT), vazhdon me monitorimin e zgjeruar dhe të vazhdueshëm të kërcënimeve kibernetike, analizën e ngjarjeve të sigurisë dhe të dhënave të regjistrave, si dhe kontrollin e treguesve të mundshëm të kompromentimit.
Përndryshe, institucionet qeveritare dhe kompanitë në të gjithë Evropën dhe botën u detyruan të mbyllin faqet e tyre të internetit dje, pasi u zbuluan të meta serioze në gjuhën e programimit mbi të cilën bazohet pjesa më e madhe e internetit, raportuan mediat botërore.
Ministria e Transformimit Digjital informon se, si pjesë e aktiviteteve parandaluese, trafiku i jashtëm i internetit në sistemet e prekura u bllokua përkohësisht, me qëllim parandalimin e shfrytëzimit të mundshëm të dobësive.
Më pas, shtohet, u kryen kontrolle në versionet e softuerit dhe u aplikuan patch-e dhe përditësime të përshtatshme sigurie, si dhe u kontrollua funksionaliteti dhe siguria e serverëve të internetit.
Masat, thonë nga Ministria, synojnë të zvogëlojnë rrezikun e aksesit të paautorizuar dhe kompromentimit të mundshëm të serverëve të internetit.
“Sipas kontrolleve të kryera deri më tani, nuk janë gjetur indikacione për shfrytëzim të suksesshëm të dobësive të listuara ose për kompromentimin e faqeve të internetit të Qeverisë dhe ministrive”, thuhet në njoftim.
Mesazhe të fuqishme për integrimin e Ballkanit Perëndimor në Bashkimin Evropian dhe diskutime thelbësore për zhvillimin ekonomik. Këto janë pritshmëritë e kryeministrit Hristijan Mickoski nga Samiti i sotëm i Procesit të Berlinit, që po mbahet në Mal të Zi.
Para fillimit të takimeve, Mickoski theksoi se dosja e Maqedonisë është e ndërlikuar dhe se vendi prej kohësh e ka merituar t’i nisë negociatat për anëtarësim, të cilat ende nuk kanë filluar për shkak të, siç tha ai, arsyeve artificiale. Megjithatë, ai konfirmoi se Qeveria mbetet plotësisht e përkushtuar ndaj agjendës së reformave dhe rrugës evropiane.
Në fjalimin e tij, Mickoski u ndal edhe te situata e ndërlikuar gjeopolitike dhe ekonomike, duke përmendur luftën në Ukrainë dhe luftën me Iranin, krizën në tregjet financiare, si dhe protestat nëpër Evropë. Ai theksoi gatishmërinë e vendit për të kontribuar në tejkalimin e këtyre sfidave.
“Dosja e Maqedonisë është shumë e ndërlikuar. Prej kohësh e kemi merituar të jemi pjesë e BE-së, por, për fat të keq, për shkak të disa arsyeve artificiale, ende nuk jemi në gjendje t’i fillojmë negociatat. Po jetojmë në kohë shumë sfiduese. Me gjasë, jemi dëshmitarë të disa prej periudhave më sfiduese që njerëzimi mund t’i kujtojë në këtë shekull: lufta e Rusisë në Ukrainë, si dhe lufta me Iranin, kriza në tregjet financiare, protestat në të gjithë Evropën dhe gjithçka që lidhet me to. Prandaj, duhet të gjejmë një mënyrë për të dalë nga kjo situatë në botë, veçanërisht në Evropë, ndërsa Qeveria ime është fuqishëm e përkushtuar të kontribuojë në këtë drejtim”, deklaroi Mickoski para fillimit të Samitit.
Anëtarësimi i Malit të Zi në Bashkimin Evropian është një objektiv i arritshëm, ndërsa vendi ka shënuar përparim të madh dhe pothuajse i ka përmbyllur negociatat e anëtarësimit, deklaroi kancelari gjerman Friedrich Merz në Samitin e sotëm.
Ai theksoi se reformat, vullneti politik dhe bashkëpunimi rajonal janë thelbësore për të gjithë Ballkanin Perëndimor. Merz nënvizoi gjithashtu rëndësinë e ruajtjes së paqes, refuzimit të dhunës dhe tejkalimit të së kaluarës, duke vënë theks të veçantë te nevoja për normalizimin e dialogut ndërmjet Prishtinës dhe Beogradit.
“Protestat në rajon na kujtojnë se duhet të vazhdojmë me zgjerimin dhe forcimin e paqes. Kur përballemi me protesta, qoftë në Bashkimin Evropian apo diku tjetër, dhuna nuk duhet të jetë alternativë për asnjërën palë. Është shumë e vështirë të përparojmë nëse e kaluara vazhdimisht na pengon. Polarizimi nuk do të sjellë kurrë një Evropë më të suksesshme. Ne e kemi refuzuar glorifikimin e kriminelëve të luftës dhe, nëse duam një të ardhme më të mirë për fëmijët tanë, nuk duhet t’i nxisim më tej konfliktet. Duhet ta normalizojmë dialogun ndërmjet Prishtinës dhe Beogradit”, tha Merz.
Merz bëri thirrje për përgjegjësi dhe hapa konkretë në zgjidhjen e çështjeve të hapura në rajon, duke theksuar se Gjermania mbetet e përkushtuar ndaj Procesit të Berlinit dhe perspektivës evropiane të Ballkanit Perëndimor.
Në Samitin, i cili kryesohet nga kryeministri malazez Milojko Spajiq, në fokus janë forcimi i Tregut të Përbashkët Rajonal, siguria dhe tranzicioni i gjelbër.
“Stolat” e betonit u rrokullisën në bulevard, Rama ironizon pedagogët dhe refuzimin e tyre për dialog: Erdhën përsëri…
Në shtator, tetë burra në Maqedoni u diagnostikuan me HIV, vetëm këtë vit janë regjistruar 49 raste të reja
Ministria e Transformimit Digjital në RMV bllokon përkohësisht trafikun e jashtëm në internet si masë parandaluese
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoKrimi i rëndë në Kosovë/ Kjo është 25-vjeçarja që u vra me armë zjarri, dyshohet se u qëllua nga bashkëshorti i saj, ishte në javën e 34 të shtatzënisë
-
Lajme nga rajoni1 month agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga vendi2 months agoNdahen 109 vendime pune në Spitalin Klinik të Tetovës