Komunikata e plotë e VLEN-it

Sot “këndimi” i Bujar Osmanit po merr një tjetër kuptim: Artan Grubi është para drejtësisë, ndërsa Bujari vazhdon të presë momentin për të bërë hapin drejt kreut të BDI-së.

Për muaj me radhë, Bujari ka heshtur për Grubin, edhe pse dikur të dy ishin në krye të BDI-së. Ndërsa sot bën sikur nuk kanë pasur asnjë histori të përbashkët politike.

Në vend që mandatin e ministrit të Jashtëm ta përdorte për interesat e shtetit, Bujari e shfrytëzoi për hesapet e tij brenda BDI-së, duke “kënduar” sa andej e këndej dhe duke bërë llogaritë për kreun e BDI-së.

Sot skenari po bëhet gjithnjë e më i qartë: Grubi para gjykatës, Ali Ahmeti nën presion, ndërsa Bujari pret karrigen e kryetarit të BDI-së.

Advertisement

Por pyetja është e thjeshtë: pse Bujari heshti për Grubin kur ishin bashkë në majë të BDI-së? Çfarë di ai për këtë histori dhe pse sot sillet sikur Grubi nuk ka ekzistuar?

Sepse në politikë, ndonjëherë nuk është e rëndësishme vetëm kush flet, por edhe pse ka heshtur deri tani.

Nëse “këndimi” i Bujarit ishte për drejtësi, le ta thotë hapur. Nëse ishte për pushtet dhe për karrigen e Ali Ahmetit, këtë tashmë po e kuptojnë të gjithë.

Grubi le të përgjigjet para drejtësisë. Bujari le t’u përgjigjet qytetarëve.

Advertisement

Presidentja bullgare Iliana Jotova deklaroi se Sofja zyrtare nuk do të heqë dorë nga bullgarët në Republikën e Maqedonisë së Veriut dhe do të vazhdojë të mbrojë të drejtat e tyre. Kreu i shtetit theksoi se Bullgaria dhe Maqedonia e Veriut ndajnë histori të përbashkët dhe nuk kanë asgjë për të ndarë. Jotova kundërshtoi provokimet dhe poshtërimet ndaj të cilave u nënshtrohen qytetarët e vendit fqinj perëndimor, me vetëdije kombëtare bullgare.

“Në Republikën e Maqedonisë së Veriut sot flitet me shumë urrejtje e shumë përçarje për bullgarët. Ndërsa, historia jonë është e përbashkët. Çfarë kemi për të ndarë? Edhe sot ka provokime e poshtërime. Është detyrë e ne politikanëve dhe e të gjithë njerëzve, që të ngrihemi kundër kësaj urrejtjeje e kundër kësaj përçarjeje. Ne nuk do t’ju tradhtojmë. Nuk do të heqim dorë nga ju dhe do t’i mbrojmë të drejtat tuaja, të çdo njeriu. Dhe kjo nuk është deklaratë politike”, tha Jotova.

Ajo ka deklaruar se ky është leximi i vërtetë i testamentit të ilindenasve, të cilët e dinin se vetëm në unitet, vetëm në bashkimin e një populli. Yotova gjithashtu u bëri thirrje bullgarëve të ngrenë kokën me krenari duke ndjekur shembullin e paraardhësve të tyre.

“Këta heronj që po na shikojnë nga lart tani do të shikojnë me një buzëqeshje dhe do të thonë se ne jemi të denjë për sakrificën e tyre”, deklaroi presidentja bullgare.

Prodhuesit bujqësor raportojnë se subvencionet e vitit 2025 ende nuk janë derdhur në llogaritë e tyre bankare, edhe pse sipas tyre tani shpejt vjen koha për pagesën për këtë vit.

Prodhuesit e grurit, qumështit dhe kultivuesit e sektorëve të tjerë theksojnë se pritja e gjatë, e shoqëruar me kritere të rrepta administrative, po e vështirëson tejkalimin e kësaj gjendjeje të rëndë.

Ndërsa reagimet e prodhuesve bëhen çdo ditë e më të ashpra, krerët e shtetit arsyetojnë vonesat me situatën e trashëguar financiare dhe problemet teknike.

Sipas të dhënave nga shoqatat e bujqërve, vlera totale e mjeteve të pashlyera nga shteti ka kaluar shifrën e 100 milionë eurove. Edhe pse Ministria e Bujqësisë deri në mars të vitit 2026 arriti të shlyejë një pjesë të obligimeve prej rreth 30 milionë eurosh, mbi 70 milionë euro mbeten të bllokuara vetëm për periudhat e kaluara, ndërkohë që detyrimet vazhdojnë të grumbullohen.

Kryeministri Hristijan Mickoski dhe drejtuesit e Agjencisë për Mbështetje Financiare në Bujqësi dhe Zhvillim Rural (AMFBZH) theksuan se me rebalancin e buxhetit janë siguruar mjetet e nevojshme për të përmbyllur ciklin e borxheve të mbetura nga vitet e kaluara, përfshirë periudhën 2021–2025.

Advertisement

Nga qeveria bëjnë me dije se paralelisht po zhvillohet edhe procesi i aplikimit për programin e ri të vitit 2026, me qëllim vendosjen e një stabiliteti afatgjatë.

“Gjetëm probleme shqetësuese, borxhe të grumbulluara, programe të papaguara dyvjeçare dhe akumulime boshe. Me rebalancin siguruam mjetet për shlyerjen e këtyre detyrimeve. Planifikojmë t’i përfundojmë pagesat direkte në bujqësi për vitin 2025″, premtoi muajin e kaluar kryeministri Mickoski.

Megjithatë, bujqit mbeten skeptikë ndaj afateve dhe premtimeve të reja. Sipas tyre, çdo vonesë dëmton zinxhirin e prodhimit vendor, duke i lënë familjet bujqësore pa mjete elementare për të nisur ciklet e reja të mbjelljeve dhe kultivimit.