Lajme nga vendi
Aliu: Do të insistoj që ligji për media të përmirësojë mjedisin mediatik
Një grup pune së shpejti do të fillojë punën për një ligj për mediat, që do të krijojë një kornizë ligjore për portalet dhe mediat elektronike në vend, duke promovuar transparencën, mbrojtjen e lirisë së shprehjes dhe inkurajimin e gazetarisë për përforcim të themeleve të një shoqërie demokratike, njoftoi dje ministri i Shoqërisë Informatike dhe Administratës Azir Aliu, gjatë llogaridhënies për 100 ditët e para të punës së kabinetit të tij.
Duke iu referuar reformave në shërbimet mediatike, Aliu tregoi se pret që të votohen ndryshimet e propozuara në Ligjin për Shërbimet Mediatike Audio dhe Audiovizuale (ASHMAAV) që janë në procedurë kuvendore, si dhe se ndërhyrjet e mëposhtme ligjore në këtë fushë do të të jenë në përputhje me direktivat e BE-së dhe për përmirësimin e situatës në sektorin mediatik.
“Digjitalizimi, administrata publike dhe mediat janë shumë të rëndësishme për përmirësimin e ambientit demokratik në vend, ndaj do të insistoj që ky ligj të përmirësojë hapësirën mediatike, jo ta përkeqësojë atë”, tha Aliu.
Ndryshimet e Ligjit në fazën e parë, janë të lidhura me qasjen në fonde nga Evropa Kreative, ndërsa së shpejti, siç njoftoi ai, do të përfundojë edhe pjesa e dytë e cila do të krijojë një kuadër ligjor për mediat private në vendin tonë.
“Ligji u nda në dy faza për shkak të Evropës Krijuese, shpresoj të votohet për tre-katër ditë. Faza e dytë, e cila ka pesë vite që po punohet, funksionon si asnjëherë më parë, ne jemi hapur për të gjithë ata që janë të përfshirë drejtpërdrejt ose tërthorazi në këtë eko sistem mediatik. Sot kam një takim me mediat vendore. Është afër fundit, po punojmë së bashku me Zyrën e BE-së në Maqedoni, me ekspertë vendor dhe ndërkombëtar dhe vlerësoj se në fund do të kemi një ligj në të cilin ne si qytetarë fillimisht do të jemi të kënaqur me transparencën e institucioneve publike, politikanët dhe menaxherët në institucionet publike, por do të jemi realisht të informuar për proceset që ndodhin në shoqërinë tonë”, tha Aliu në pyetjen e një gazetari.
Procesi, theksoi ai, ka qenë i hapur që në ditën e parë që unë kam qenë ministër në MSHIA. Prioriteti ynë atëherë ishte vetëm faza e parë, ndërsa fazën e dytë e kemi punuar për një muaj e gjysmë. Ende nuk mund të them se cili nga lehtësuesit është i kënaqur, më pak i kënaqur apo i pakënaqur fare sepse procesi është në vazhdim dhe shpresoj dhe po punojmë që të kemi një kuadër ligjor ku të gjithë do të jenë të kënaqur. Qëllimi do të jetë që të kemi një ligj optimal dhe të pranueshëm ku askush nuk do të jetë shumë i pakënaqur, që ligji të jetë i pranueshëm”, tha Aliu.
Ai thotë se do ta miratojë ligjin pasi të bindet nga ekspertët se ai është në përputhje me direktivat e BE-së dhe do të përmirësojë, siç tha ai, eko-sistemin e mediave.
“Digjitalizimi, administrata publike dhe mediat janë shumë të rëndësishme për përmirësimin e ambientit demokratik në vend, prandaj do të insistoj ai ligj ta përmirësojë hapësirën mediatike, jo ta përkeqësojë”, tha Aliu.
Në llogaridhënien për punën e bërë në 100 ditët e para të punës së tij ministrore, Aliu theksoi se janë të përkushtuar që të inkurajojnë mediat e lira që i shërbejnë interesit më të lartë publik, promovojnë transparencën dhe mbështesin llogaridhënien në çdo nivel. Për ta arritur këtë, theksoi ai, filluam procesin e reformimit të ligjeve për mediat, duke i harmonizuar ato me legjislacionin e Bashkimit Evropian.
“Këto 100 ditë ishin dëshmi e vendosmërisë dhe këmbënguljes sonë kolektive, arritëm në pika të jashtëzakonshme në kërkimin e transparencës, digjitalizimit dhe reformave administrative. Jemi të vetëdijshëm se qytetarët presin edhe më shumë nga ne. Janë shumë të shkurtëra 100 ditët për të përmbushur të gjitha pritjet. Por pritshmëria e parë, e nevojës për një qeverisje të popullit, me popullin dhe për popullin, është realizuar”, tha Aliu./almakos/.
Në Qendrën për Kulturë në Tetovë, në organizim të Familjes Ramadani dhe Shoqatës së Shkrimtarëve “Oeneum”, promovohen librat “Një melodi e këputur” e autorit Selim Ramadani, “Arti dhe pavdekësia – Selim Ramadani, me autorë Hava Muçollari dhe Ilmi Dervishi dhe “Na bashkoi poezia 25” me autorë Merita Shefqet Abazi dhe Ilmi Dervishi.
Këto promovime u bënë në kuadër të ceremonisë përkujtimore “Arti i përjetësisë – Selim Ramadani” post mortum.
Shkrimtarë, poet por edhe ata që e kanë njohur për së afërmi vazhdojnë të insistojnë që Teatri I Tetovës ta mbajë emrin e tij.
AGIM VINCA – Krijues
“Selimi merrej edhe me krijimtari letrare, nuk ishte pa talent as edhe në këtë fushë, por për mua, ai në radhë të parë është aktor, është artist, krijues që la gjurmë në kulturën shqiptare, ndaj konsideroj se institucioni Teatri I Tetovës, që është teatër profesionist, duhet ta mbajë emrin e tij
Krijimtaria e tij ka qenë ushqimi i tij shpirtëror duke kërkuar hapësirë botimi në revistat dhe gazetat e asaj kohe ku ka qenë produktiv për aq sa ka shkruar duke u marrë me disa zhanre njëkohësisht.
XHELAL ZEJNELI – Profesor
“Ta zbardhim fytyrën, personalitetin, figurën e Selim Ramadanit, I cili është Migjeni i shqiptarëve, këtu në qytetin rrëzë Sharrit. Ka vdekur I ri 30-vjeçar në Spitalin e Shkupit dhe është aktori I parë shqiptar në Maqedoni, I diplomuar, I shkolluar që e ka kryer Akademinë e Artit. Të tjerët pas tij, shqiptarë të Maqedonisë, vijnë pas 30 vjetëve. Emrin e tij ne duhet ta përjetësojmë, nëpër institucionet e shkollat tona, universitetin, teatrin e Tetovës I cili është pa emër”
Ceremonia përkujtimore u organizua nga familja Ramadani në nderim të veprimtarisë së tij dhe boshllëkut që ka lënë pas. Ai u nda nga jeta i ri, gati në moshë sa Migjeni pa arritur t’i nxjerr të gjitha këngët e pakëndueme.
Kjo ceremoni mblodhi në Tetovë, krijues nga të gjitha hapësirat shqiptare.
Salla sportive e qytetit në Tetovë, e ndërtuar në vitet e 80-ta të shekullit të kaluar, ende nuk është vënë në përdorim.
Ky objekt sportiv me një kapacitet prej rreth 5,000 vendesh është i vetmi në qytet që përmbush standardet për ndeshje ndërkombëtare dhe të ligës së parë.
Megjithatë, në vend të sportit, salla, e cila strehon disa kompani prodhuese dhe shërbyese, përdoret për biznes.
Kryetari i Komunës së Tetovës, Bilall Kaami, tha se janë fituar të gjitha “betejat” ligjore dhe tani, salla është nën kompetencat e Komunës.
‘’Përfundimisht pas gati 5 viteve në krye të detyrës në Komunën e Tetovës janë fituar betejat ligjore dhe salla e sportit i është kthyer komunës së Tetovës. Komuna e Tetovës është duke përgatitur projekt për rikonstruminin e sallës dhe e njëjta të jetë në shërbim të sportit dhe atë duke i plotësuar të gjitha kriteret për lojëra ndërkombëtare për destinimin që e ka. Për basket, volejboll, hendboll dhe gjithë këto sporte të cila luhen në sallë. Unë besoj se shumë shpejt përkrah stadiumit si një terren kapital për sportin tetovar edhe salla e sportit do të jetë në shërbim të sportistëve tetovar’’ deklaroi kryetari i Komunës Bilall Kasami
Komuna e Tetovës thotë se palestra sportive e qytetit iu dha me koncesion një kompanie private në vitin 2001, e cila, sipas marrëveshjes, ka të drejtë ta menaxhojë deri në vitin 2034.
Janë zhvilluar negociata për ndërprerjen e koncesionit dhe dorëzimin e sallës te pushteti vendor, kurse sipas kreut të Komunës, tashmë salla vehet në shërbim të qytetarëve.
Këtë vit, Komuna e Tetovës mori në zotërim stadiumin e qytetit, i cili gjithashtu menaxhohej nga koncesionari privat që tani menaxhon palestrën sportive të qytetit.
Sipas njoftimeve të pushtetit vendor, stadiumi në Tetovë, ku aktualisht po kryhen aktivitete ndërtimi, do të marrë një pamje të re brenda 18 muajsh.
Shaban Sinani – TV Koha
Më 17.04.2026, zyrtarë policorë nga DPB Gostivar kanë privuar nga liria personin J.A.(28) nga fshati Senokos i Gostivarit. Gjatë bastisjes në shtëpinë e tij dhe objektet ndihmëse, të kryer me urdhër gjyqësor, zyrtarët policorë kanë gjetur dhe sekuestruar marihuanë. Pas dokumentimit të plotë të rastit, ndaj tij do të paraqitet kallëzim përkatës.
…..
Më 17.04.2026 në ora 10:20, zyrtarë policorë nga DPB Gostivar kanë arrestuar personat A.B.S.(55) dhe L.I.(60), të dy nga fshati Çajlë i Gostivarit, të cilët kanë prishur rendin dhe qetësinë publike me një përleshje fizike mes vete. Pas dokumentimit të plotë të rastit do të vijojë parashtresë përkatëse.
…..
Më 17.04.2026 në ora 13:15 në rrugën “Bllagoja Toska” në Tetovë, zyrtarë policorë nga SPB Tetovë kanë privuar nga liria personin H.K.(24) nga Tetova. Gjatë ndërmarrjes së masave, zyrtarët policorë kanë ndaluar një motoçikletë me targa të Tetovës, të cilin e drejtonte H.K., ku është konstatuar se e drejtonte pa leje drejtimi. Pas dokumentimit të plotë të rastit do të vijojë kallëzim përkatës.
……
Më 17.04.2026 në ora 16:30 në rrugën “Risto Oxhaklieski” në Gostivar, zyrtarë policorë nga DPB Gostivar kanë arrestuar Gj.A.(45) nga Gostivari pasi ka prishur rendin dhe qetësinë publike dhe pas marrjes së masave është konstatuar se është nën ndikimin e alkoolit, gjegjësisht i janë matur 1.67 promilë alkool në gjak. Pas dokumentimit të plotë të rastit do të vijojë parashtresë përkatëse.
…….
Më 17.04.2026 në ora 21:20 në Gostivar, në vendin e quajtur “Qelqore”, zyrtarë policorë nga DPB Gostivar kanë privuar nga liria personin N.R.(34) nga Gostivari, i cili drejtonte automjetin e udhëtarëve “Fiat” me targa të Gostivarit pa pasur të dhënë provimin për patentë shoferi. Pas dokumentimit të plotë të rastit do të vijojë kallëzim përkatës.
……
Më 17.04.2026 në ora 22:40, zyrtarë policorë nga DPB Gostivar kanë arrestuar personin L.E.(39) nga fshati Banjicë e Epërme e Gostivarit, pasi që ka prishur rendin dhe qetësinë publike me sjellje agresive. Pas dokumentimit të plotë të rastit do të vijojë parashtresë përkatëse.
……
Më 17.04.2026 në ora 14:55 në SPB Tetovë, personi L.I.(44) nga Tetova ka denoncuar se rreth orës 12:00 në një shkollë fillore, djali i tij i mitur është sulmuar fizikisht nga një bashkënxënës i tij. Po ndërmerren masa për zbardhjen e rastit.
……
Më 17.04.2026 në ora 20:15, zyrtarë policorë nga Departamenti i Policisë Galatë kanë privuar nga liria personin E.M. nga një fshat i Gostivarit, duke vepruar sipas denoncimeve paraprake se ka drejtuar kërcënime ndaj ish-partneres së tij 35-vjeçare dhe familjes së saj. Pas dokumentimit të plotë të rastit do të vijojë parashtresë përkatëse.
…..
Më 17.04.2026 në ora 19:00 në Departamentin e Policisë Rostushë, A.B.(21) ka denoncuar se në vendin e quajtur “Çeshma e Poshtme” në fshatin Skudrinjë, pas një mosmarrëveshjeje paraprake për vendparkim, është sulmuar fizikisht nga A.R.(50), të dy nga fshati Skudrinjë, komuna e Mavrovës dhe Rostushës. Po ndërmerren masa për zbardhjen e rastit.
……
Më 17.04.2026 në ora 22:15 në DPB Gostivar është denoncuar prishje e rendit dhe qetësisë publike me përleshje fizike mes E.A. dhe L.”x”. Gjatë ndërmarrjes së masave, zyrtarët policorë kanë gjetur të lënduar L.”x”, të cilit i është dhënë ndihmë nga qytetarët, ndërsa personi tjetër është larguar nga vendi i ngjarjes. Po ndërmerren masa për zbardhjen e rastit.
……
Më 17.04.2026 në ora 22:50 në fshatin Pallçisht i Poshtëm, komuna e Bogovinës, zyrtarë policorë nga Departamenti i Policisë Kamjan kanë privuar nga liria personat M.A.(27), Sh.H.(35), S.R.(43) dhe A.D.(36), të gjithë nga fshati Toplicë, pasi gjatë kontrollit të automjetit të udhëtarëve “Opel” me targa të Gostivarit, të cilin e drejtonte Sh.H., ndërsa të tjerët ishin pasagjerë, në automjet është gjetur dhe sekuestruar marihuanë. Pas dokumentimit të plotë të rastit do të vijojë parashtresë përkatëse.
……
Më 17.04.2026 në ora 16:00 në rrugën rajonale Shkup-Tetovë, në fshatin Zhelinë, zyrtarë policorë kanë ndaluar automjetin e udhëtarëve “Mercedes” me targa të Tetovës, të drejtuar nga K.Sh.(31) nga fshati Rogle, komuna e Zhelinës. Gjatë kontrollit të ushtruar, zyrtarët policorë kanë konstatuar se i denoncuari kryen transport publik të udhëtarëve pa licencë. Pas dokumentimit të plotë të rastit do të vijojë kallëzim përkatës.
…..
Më 18.04.2026 në ora 00:40 në DPB Gostivar, nga Qendra Urgjente Gostivar është denoncuar se tek ata është dërguar me lëndime të rënda trupore 42-vjeçarja V.N.. Sipas denoncimit, ajo i ka marrë lëndimet nga shpërthimi i një bombole gazi dhe për shkak të seriozitetit të lëndimeve është transferuar në Kompleksin e Klinikave “Nënë Tereza” në Shkup. Këqyrja e vendit të ngjarjes është kryer nga ekipi i DPB Gostivar.
KARATE: ISA ELMAZI PJESËMARRËS NICOSIA KARATE OPEN 2026
“ARTI I PËRJETËSISË”: CEREMONI PËRKUJTIMORE PËR SELIM RAMADANIN!
ÇEFERIN NGA SHKUPI: FUTBOLLI S`DUHET TË JETË PRIVILEGJ PËR TË PASURIT!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota3 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni3 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Sport3 weeks agoBARDHI: NËNVLERËSIMI VETËM SE NA MOTIVON KUNDËR DANIMARKËS!