Lajme nga vendi
Lëvizja BESA kërkon që Qeveria e të distancohet nga projekti “Ballkani i Hapur”
As që dyshonim ndonjëherë se kjo Qeveri është kahëzuar në drejtim të realizimit të projekteve serbo-ruse, por me “aktin” e djeshëm “vulosën” paralajmërimet e Lëvizjes BESA, të cilat dëshmonin se përbërja qeveritare është “mashë” në duart e projekteve anti kombëtare.
Pas disa përpjekjeve që të konkretizohet projekti “Ballkani i Hapur”, Edi Rama si njëri nga nismëtarët kryesor hetoi planin e rikthimit të sundimit serbo-rus në Ballkan, përmes realizimit të projektit të sipërpërmendur dhe në deklarimin e fundit u shpreh kundër kësaj nisme të mbrapsht.
Për dallim nga qëndrimi i Kryeministrit shqiptar, kreu i Qeverisë së Maqedonisë së Veriut, Kovaçevski ripotencoi që projekti “Open Ballkan” qenka nismë e ndritur, ngase përmes të njëjtit, popullata dhe mallërat do të qarkullojë më lirshëm, gjë e cila nuk ndodhi ngaqë edhe sivjet diaspora shqiptare u ballafaqua me pritjet e gjata nëpër kufij.
Kjo nuk mjaftoi për partnerin e koalicionit LSDM-BDI, e cila përmes “zëdhënësit” të Rrugëve të Maqedonisë –Ejup Rustemi, rikonfirmoi partneritetin në lidhje me këtë projekt, duke u ndje i ngazëllyer në përqafjet e Kryeministrit të Serbisë-Bërnabiq, promovuan “programin” e përbashkët mes Serbisë dhe Maqedonisë së Veriut në pagesën e taksave rrugore.
Lëvizja BESA kërkon nga Qeveria e krimit dhe korupsionit që të heq dorë nga projekti “Ballkani i Hapur”, sidomos kur në këtë nismë anashkalohet Kosova.
Projektet e përbashkëta, realizohen vetëm duke pasur fqinjësi të mirë me bazament njohjen e ndërsjellë, dhe asesi duke kryer krime ndaj një populli, të cilit nuk i kanë kërkuar falje dhe akoma nuk ka asnjë aktvendim përgjegjësie kundër fajtorit të shpallur edhe nga faktorët ndërkombëtar.
Mbeten të papranueshme të gjitha projektet, të cilat shkelin interesat e cilit do populli dhe sidomos të Kosovës në këtë situatë.
Kërkojmë nga BDI (i shpalluri si pinjoll i Ballkanit të Hapur) bashkë me vasalët e tyre, të ndjekin qëndrimet e Kosovës, të cilat janë kundër çdo projekti që rikthen kombin shqiptar në “kthetrat” ruso-jugosllave.
Njëkohësisht u bëjmë thirrje që vizitat e ardhshme që organizohen në Tiranë, të mos i shfrytëzojnë, për “fotoset-pozime” në darkat e majme të shtruara në këto kohë krizash dhe konfliktesh në Ballkan e më gjerë.
Lëvizja BESA në vazhdimsi mbetet kundër çdo nisme, e cila si bazament nuk do të ketë fqinjësinë e mirë, agjendën pro-evropiane dhe njohjen e ndërsjellë ndër-shtetërore.
Andaj kërkojmë edhe njëherë që Maqedonia e Veriut, të heq dorë nga nisma e “Ballkanit të Hapur” dhe orientimi i vetëm të mbetet “Procesi i Berlinit”, i cili në thelb përmban euro-integrimin e të gjithë popujve, duke respektuar vlerat e gjithë secilit pa-kushte.
Abdush Demiri – sekretar gjeneral i Lëvizjes BESA.
Lajme nga vendi
Bilall Kasami: Historike! Nisin punimet per 10 kilometrat e autostrades Shkup-Bllace
Bashkëkryetari i VLEN-it dhe kryetari i Komunës së Tetovës, Bilall Kasami, ka përshëndetur nisjen e punimeve për ndërtimin e 10 kilometrave të autostradës Shkup–Bllacë.
Kasami e ka cilësuar këtë projekt si një moment historik dhe me rëndësi strategjike për vendin, duke theksuar se infrastruktura e re rrugore do të forcojë lidhjen mes Maqedonisë së Veriut dhe Kosovës dhe do të krijojë mundësi të reja për zhvillim ekonomik.
“Historike! Më në fund vendosëm gurthemelin dhe filluam punimet për 10 kilometrat e autostradës Shkup–Bllacë”, është shprehur Kasami.
Sipas tij, realizimi i këtij projekti është rezultat i angazhimit të VLEN-it dhe Qeverisë, ndërsa përfitimet pritet të ndihen nga qytetarët dhe ekonomia e vendit.
“Ky projekt strategjik që na lidh dhe afron me Kosovën, me rëndësi të veçantë ekonomike, po jetësohet falë vizionit dhe përkushtimit të VLEN-it dhe të Qeverisë. I përgëzoj të gjithë qytetarët. Ta gëzojmë!”, ka deklaruar Kasami.
Pas dy dekadash pritje, sot zyrtarisht u hodh gurthemeli i autostradës Shkup–Bllacë.
Në ceremoninë zyrtare të nisjes së punimeve, përveç kryeministrit të Maqedonisë së Veriut, Hristijan Mickoski, mori pjesë edhe kryeministri i Kosovës, Albin Kurti.
Atmosferë nga hedhja e gurthemelit
Kryeministri i vendit, Hristijan Mickoski, tha se kjo autostradë do të lehtësojë qarkullimin e mallrave mes dy vendeve dhe do ta kthejë Shkupin në një qendër të rëndësishme të rajonit.
“Sot jemi dëshmitarë të fillimit të këtij projekti, i cili për këtë Qeveri ishte prioritet që nga koha kur morëm detyrën, para 25–26 muajsh. Është një projekt që për ne ka shumë domethënie. Për dy vendet tona, për qytetarët e Kosovës dhe të Maqedonisë së Veriut, do të nënkuptojë ekonomi më të mirë, shkëmbim më të madh, transport më të mirë dhe, gjithashtu, lidhje më të mira. jemi shtet që nuk kemi dalje në det por kemi fatin të jemi udhëkryqi kryesor i dy korridoreve të rëndësishme pan-evropiane, Korridorit 8 dhe 10d, ky projekt është shumë i rëndësishëm. Pas 20 vitesh, ky projekt po bëhet realitet. Ishte premtim i kësaj Qeverie, VMRO–VLEN–ZNAM, dhe pres që në një kohë të shkurtër të shohim avancim të madh në terren.”
Ndërkaq, kryeministri i Kosovës, Albin Kurti, foli për përfitimet që të dyja vendet do t’i kenë nga ky aks i rëndësishëm, por edhe për projektet e tjera të përbashkëta, përfshirë rrugën Tetovë–Prizren.
“Këtij vizioni i përket edhe projekti Prizren–Tetovë, përmes tunelit, të cilin po e realizojmë gjithashtu bashkërisht. Këto projekte janë ura gjigante të zhvillimit, bashkëpunimit dhe afrimit mes qytetarëve tanë. / Një falënderim i veçantë shkon edhe për koalicionin e partive shqiptare për kontributin e tyre në punë të mira e të mbara, në shërbim të qytetarëve dhe të bashkëpunimit mes dy vendeve.”
Në ceremoni, përveç zyrtarëve qeveritarë, morën pjesë edhe dy liderët e VLEN-it, Bilall Kasami dhe Izet Mexhiti.Pas ceremonisë së hedhjes së gurthemelit, krerët e VLEN-it pritet të zhvillojnë sot një takim kokë më kokë me kryeministrin e Kosovës, Albin Kurti./Tv Koha – Shkup/
Avionët ushtarakë amerikanë, të angazhuar në operacionet që lidhen me luftën me Iranin, çdo ditë ulen dhe ngrihen nga aeroportet maqedonase, ndërsa një pjesë e tyre qëndrojnë këtu para se të nisen sërish drejt Gjirit Persik.
Këtë e ka bërë të ditur kryeministri Hristijan Mickoski në një intervistë për mediumin amerikan „Breitbart Neës“, pjesa e parë e së cilës u publikua pardje. Bëhet fjalë për pjesën e intervistës ku kryeministri flet për mbështetjen konkrete që Maqedonia e Veriut u jep Shteteve të Bashkuara të Amerikës.
„Breitbart“ e vendos përdorimin e aeroporteve maqedonase drejtpërdrejt në kontekstin e luftës me Iranin, duke theksuar se Forcat Ajrore të SHBA-së i përdorin ato si lokacion strategjik pranë Lindjes së Mesme.
„Forcat Ajrore amerikane i përdorin aeroportet tona, kështu që çdo ditë avionë të Forcave Ajrore amerikane ulen dhe ngrihen nga aeroportet tona. Disa prej tyre i përdorin aeroportet tona për parkim, për pak pushim, dhe më pas nisen sërish drejt Gjirit.Kemi qiell të hapur për avionët amerikanë, për avionët ushtarakë, dhe jemi krenarë dhe të gatshëm të ofrojmë një mbështetje të tillë për Forcat Ajrore amerikane“
Në intervistë nuk bëhet e ditur se për cilat lloje të avionëve ushtarakë amerikanë bëhet fjalë, dhe as në cilat aeroporte maqedonase ulen. Gjithashtu, nuk sqarohet nëse gjatë qëndrimit në vend kryhet furnizim me karburant apo ndonjë lloj tjetër furnizimi logjistik. Mickoski konkretisht flet për „parkim“ dhe „pushim“, pas së cilave, sipas tij, avionët vazhdojnë sërish drejt Gjirit Persik.
Mickoski këtë bashkëpunim e vendos në një kontekst më të gjerë të partneritetit strategjik mes Shkupit dhe Uashingtonit. Në intervistë ai thotë se kur SHBA-ja kishte nevojë për mbështetjen e aleatëve, Maqedonia e Veriut „nuk u fsheh në turmë“, por qëndroi në anën e Amerikës, edhe kur kjo sillte kosto politike.
Bilall Kasami: Historike! Nisin punimet per 10 kilometrat e autostrades Shkup-Bllace
HIDHET GURTHEMELI I AUTOSTRADËS SHKUP – BLLACË
MICKOSKI: AVIONËT E SHBA-së SHFRYTËZOJNË AEROPORTET E RMV-së!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
