Lajme nga vendi
Çdo polarizim më i madh se dy blloqe politike, pozitë – opozitë, është i dëmshëm për mbrojtje të interesave kombëtare shqiptare
Polarizimi i skenës politike shqiptare në Maqedoninë e Veriut shpeshherë është komentuar si i dëmshëm për realizimin e qëllimeve kombëtare shqiptare. Parti të vogla të cilat janë shkëputur nga subjektet më të mëdha, gjithmonë kanë pasur problemin e mbijetesës dhe kjo është sfidë për çdo subjekt politik në këtë vend. I tillë është edhe sistemi zgjedhor, i cili i eliminon të vegjlit dhe kryesisht i favorizon partitë më të mëdha, shkruan “Zhurnal.mk”.
Themelimi i një lëvizje të re politike nga ish-nënkryetari i BDI-së, Izet Mexhiti ka shkaktuar tronditje në skenën politike dhe aktualisht të gjitha dilemat janë se si do të pozicionohet ky subjekt. Mexhiti paraprakisht ka njoftuar se do të mundohet të krijojë një front të përbashkët opozitar dhe në këtë mënyrë të mbledhin të gjithë qytetarët e pakënaqur me pushtetin e tanishëm. Ai e di qartë se nëse mundohet të funksionojë i vetëm, do ta ketë të vështirë të ngjitet lartë në skenën politike, sepse modeli i tanishëm zgjedhor nuk i favorizon partitë politike më të vogla.
Por, bashkimi i shqiptarëve në fronte të përbashkëta nuk është edhe i lehtë, sepse ambiciet e secilit janë shumë të larta. Çdokush e sheh veten më i madh se tjetri, dhe kur vjen fundi, dështimi është më i idhët se inatet politike.
Në historinë e deritanishme të sistemit politik, në bllokun shqiptarë janë krijuar shumë subjekte të vogla politike, por të gjitha kanë dështuar, në momentin kur është dashur të bashkohen e të bëjnë një bllok të fuqishëm opozitar. Nëse shkohet në zgjedhjet e ardhshme si i vetëm, gjasat për dështim janë shumë më të mëdha.
Kjo është si fjala popullore “delja që ndahet nga kopeja e ha ujku”, e për të mos ndodhur kjo, subjektet politike shqiptare duhet të bashkohen në dy blloqe të mëdha. Çdo polarizim më i madh se dy blloqe politike është i dëmshëm dhe i dobët karshi çdo iniciative për mbrojtje të interesave kombëtare shqiptare, shkruan “Zhurnal.mk”
Thuajse në të gjithë botën demokratike, funksionojnë dy blloqe më të mëdha politike, qoftë në SHBA, qoftë në Evropë, apo qoftë edhe tek pala maqedonase, ku elektorati është i ndarë në dy blloqe, të majtë dhe të djathtë. Edhe pse ka parti të vogla të cilat sigurisht që formohen për shkak të pakënaqësive që ndodhin nga të dyja blloqet politike, në fund të gjithë duke qenë të vetëdijshëm se të përçarë do të humbnin më shumë, arrijnë të formojnë koalicione parazgjedhore, dhe në këtë mënyrë i bashkojnë votat dhe dalin fitues në zgjedhje.
Ky lloj i funksionimit duhet të bëhet leksion edhe për partitë politike shqiptare, të cilat pavarësisht pakënaqësive ose interesave të ngushta, sërish duhet të bashkohen dhe në zgjedhje të dalin si dy blloqe. Pastaj, kush është më i miri, kujt ia beson mandatin populli, ai duhet të udhëheqë me pushtetin në katër vitet e ardhshme.
Kur të jenë dy blloqe të mëdha politike shqiptare, atëherë kjo është e mirë edhe për pushtetin, sepse nuk e lejon të gabojë, nuk e lejon të zhytet thellë në korrupsion ose në manipulime tjera, sepse frikësohet se çdo lëvizje politike mund t’i kushtojë shtrenjtë pushtetit. Edhe për qytetarët është më shume se e dobishme kur ka dy blloqe të partive të mëdha politike, sepse ata nuk mbesin të defokusuar se tek kush duhet të shkojnë e të votojnë. Të gjithë ata që janë të pakënaqur me pushtetin do të orientohen te opozita, dhe të gjithë ata që konsiderojnë se pushteti ka vizion, punon siç duhet dhe i mbron interesat e qytetarëve, atëherë do mbështesin qeverinë, shkruan “Zhurnal.mk”.
Përveç bashkimit të subjekteve politike në dy blloqe, është e nevojshme që partitë politike të garojnë me programe të mirëfillta politike dhe jo me llafe boshe. Deri më tani, thuajse asnjëri subjekt politik nuk ka pasur një profilizim të qartë të programit zgjedhor, sepse më shumë ka mbisunduar folklori politik se sa projektet konkrete.
Andaj, është e rëndësishme që pas më shumë se tridhjetë viteve demokraci, subjektet shqiptare të dinë të ndajnë “shapin nga sheqeri”, ose thënë ndryshe “të dinë të ndajnë interesat kombëtare, nga interesat personale” dhe në këtë formë të zhvillojnë një garë të shëndoshë politike, me programe të caktuara dhe me ide të qarta se si e shohin të ardhmen. Shqiptarët kanë më shumë se kur nevojë që të bashkohen, përndryshe, nëse shkojnë të përçarë mund të vijë edhe deri te përçarja e votave dhe partitë maqedonase të fitojnë më shumë se 61 deputetë, e në këtë mënyrë do t’i humbë vlera e votës shqiptarëve dhe funksionimi i tyre në qeveri do të jetë sa për sy e faqe. Andaj është e rëndësishme që vetëm të bashkuar dhe me qëllime të qarta politike të ecin përpara drejt realizimeve të idealeve për barazi mes bashkësive etnike dhe anëtarësim në Bashkimin Evropian, shkruan “Zhurnal.mk”.
Në Qendrën për Kulturë në Tetovë, në organizim të Familjes Ramadani dhe Shoqatës së Shkrimtarëve “Oeneum”, promovohen librat “Një melodi e këputur” e autorit Selim Ramadani, “Arti dhe pavdekësia – Selim Ramadani, me autorë Hava Muçollari dhe Ilmi Dervishi dhe “Na bashkoi poezia 25” me autorë Merita Shefqet Abazi dhe Ilmi Dervishi.
Këto promovime u bënë në kuadër të ceremonisë përkujtimore “Arti i përjetësisë – Selim Ramadani” post mortum.
Shkrimtarë, poet por edhe ata që e kanë njohur për së afërmi vazhdojnë të insistojnë që Teatri I Tetovës ta mbajë emrin e tij.
AGIM VINCA – Krijues
“Selimi merrej edhe me krijimtari letrare, nuk ishte pa talent as edhe në këtë fushë, por për mua, ai në radhë të parë është aktor, është artist, krijues që la gjurmë në kulturën shqiptare, ndaj konsideroj se institucioni Teatri I Tetovës, që është teatër profesionist, duhet ta mbajë emrin e tij
Krijimtaria e tij ka qenë ushqimi i tij shpirtëror duke kërkuar hapësirë botimi në revistat dhe gazetat e asaj kohe ku ka qenë produktiv për aq sa ka shkruar duke u marrë me disa zhanre njëkohësisht.
XHELAL ZEJNELI – Profesor
“Ta zbardhim fytyrën, personalitetin, figurën e Selim Ramadanit, I cili është Migjeni i shqiptarëve, këtu në qytetin rrëzë Sharrit. Ka vdekur I ri 30-vjeçar në Spitalin e Shkupit dhe është aktori I parë shqiptar në Maqedoni, I diplomuar, I shkolluar që e ka kryer Akademinë e Artit. Të tjerët pas tij, shqiptarë të Maqedonisë, vijnë pas 30 vjetëve. Emrin e tij ne duhet ta përjetësojmë, nëpër institucionet e shkollat tona, universitetin, teatrin e Tetovës I cili është pa emër”
Ceremonia përkujtimore u organizua nga familja Ramadani në nderim të veprimtarisë së tij dhe boshllëkut që ka lënë pas. Ai u nda nga jeta i ri, gati në moshë sa Migjeni pa arritur t’i nxjerr të gjitha këngët e pakëndueme.
Kjo ceremoni mblodhi në Tetovë, krijues nga të gjitha hapësirat shqiptare.
Salla sportive e qytetit në Tetovë, e ndërtuar në vitet e 80-ta të shekullit të kaluar, ende nuk është vënë në përdorim.
Ky objekt sportiv me një kapacitet prej rreth 5,000 vendesh është i vetmi në qytet që përmbush standardet për ndeshje ndërkombëtare dhe të ligës së parë.
Megjithatë, në vend të sportit, salla, e cila strehon disa kompani prodhuese dhe shërbyese, përdoret për biznes.
Kryetari i Komunës së Tetovës, Bilall Kaami, tha se janë fituar të gjitha “betejat” ligjore dhe tani, salla është nën kompetencat e Komunës.
‘’Përfundimisht pas gati 5 viteve në krye të detyrës në Komunën e Tetovës janë fituar betejat ligjore dhe salla e sportit i është kthyer komunës së Tetovës. Komuna e Tetovës është duke përgatitur projekt për rikonstruminin e sallës dhe e njëjta të jetë në shërbim të sportit dhe atë duke i plotësuar të gjitha kriteret për lojëra ndërkombëtare për destinimin që e ka. Për basket, volejboll, hendboll dhe gjithë këto sporte të cila luhen në sallë. Unë besoj se shumë shpejt përkrah stadiumit si një terren kapital për sportin tetovar edhe salla e sportit do të jetë në shërbim të sportistëve tetovar’’ deklaroi kryetari i Komunës Bilall Kasami
Komuna e Tetovës thotë se palestra sportive e qytetit iu dha me koncesion një kompanie private në vitin 2001, e cila, sipas marrëveshjes, ka të drejtë ta menaxhojë deri në vitin 2034.
Janë zhvilluar negociata për ndërprerjen e koncesionit dhe dorëzimin e sallës te pushteti vendor, kurse sipas kreut të Komunës, tashmë salla vehet në shërbim të qytetarëve.
Këtë vit, Komuna e Tetovës mori në zotërim stadiumin e qytetit, i cili gjithashtu menaxhohej nga koncesionari privat që tani menaxhon palestrën sportive të qytetit.
Sipas njoftimeve të pushtetit vendor, stadiumi në Tetovë, ku aktualisht po kryhen aktivitete ndërtimi, do të marrë një pamje të re brenda 18 muajsh.
Shaban Sinani – TV Koha
Më 17.04.2026, zyrtarë policorë nga DPB Gostivar kanë privuar nga liria personin J.A.(28) nga fshati Senokos i Gostivarit. Gjatë bastisjes në shtëpinë e tij dhe objektet ndihmëse, të kryer me urdhër gjyqësor, zyrtarët policorë kanë gjetur dhe sekuestruar marihuanë. Pas dokumentimit të plotë të rastit, ndaj tij do të paraqitet kallëzim përkatës.
…..
Më 17.04.2026 në ora 10:20, zyrtarë policorë nga DPB Gostivar kanë arrestuar personat A.B.S.(55) dhe L.I.(60), të dy nga fshati Çajlë i Gostivarit, të cilët kanë prishur rendin dhe qetësinë publike me një përleshje fizike mes vete. Pas dokumentimit të plotë të rastit do të vijojë parashtresë përkatëse.
…..
Më 17.04.2026 në ora 13:15 në rrugën “Bllagoja Toska” në Tetovë, zyrtarë policorë nga SPB Tetovë kanë privuar nga liria personin H.K.(24) nga Tetova. Gjatë ndërmarrjes së masave, zyrtarët policorë kanë ndaluar një motoçikletë me targa të Tetovës, të cilin e drejtonte H.K., ku është konstatuar se e drejtonte pa leje drejtimi. Pas dokumentimit të plotë të rastit do të vijojë kallëzim përkatës.
……
Më 17.04.2026 në ora 16:30 në rrugën “Risto Oxhaklieski” në Gostivar, zyrtarë policorë nga DPB Gostivar kanë arrestuar Gj.A.(45) nga Gostivari pasi ka prishur rendin dhe qetësinë publike dhe pas marrjes së masave është konstatuar se është nën ndikimin e alkoolit, gjegjësisht i janë matur 1.67 promilë alkool në gjak. Pas dokumentimit të plotë të rastit do të vijojë parashtresë përkatëse.
…….
Më 17.04.2026 në ora 21:20 në Gostivar, në vendin e quajtur “Qelqore”, zyrtarë policorë nga DPB Gostivar kanë privuar nga liria personin N.R.(34) nga Gostivari, i cili drejtonte automjetin e udhëtarëve “Fiat” me targa të Gostivarit pa pasur të dhënë provimin për patentë shoferi. Pas dokumentimit të plotë të rastit do të vijojë kallëzim përkatës.
……
Më 17.04.2026 në ora 22:40, zyrtarë policorë nga DPB Gostivar kanë arrestuar personin L.E.(39) nga fshati Banjicë e Epërme e Gostivarit, pasi që ka prishur rendin dhe qetësinë publike me sjellje agresive. Pas dokumentimit të plotë të rastit do të vijojë parashtresë përkatëse.
……
Më 17.04.2026 në ora 14:55 në SPB Tetovë, personi L.I.(44) nga Tetova ka denoncuar se rreth orës 12:00 në një shkollë fillore, djali i tij i mitur është sulmuar fizikisht nga një bashkënxënës i tij. Po ndërmerren masa për zbardhjen e rastit.
……
Më 17.04.2026 në ora 20:15, zyrtarë policorë nga Departamenti i Policisë Galatë kanë privuar nga liria personin E.M. nga një fshat i Gostivarit, duke vepruar sipas denoncimeve paraprake se ka drejtuar kërcënime ndaj ish-partneres së tij 35-vjeçare dhe familjes së saj. Pas dokumentimit të plotë të rastit do të vijojë parashtresë përkatëse.
…..
Më 17.04.2026 në ora 19:00 në Departamentin e Policisë Rostushë, A.B.(21) ka denoncuar se në vendin e quajtur “Çeshma e Poshtme” në fshatin Skudrinjë, pas një mosmarrëveshjeje paraprake për vendparkim, është sulmuar fizikisht nga A.R.(50), të dy nga fshati Skudrinjë, komuna e Mavrovës dhe Rostushës. Po ndërmerren masa për zbardhjen e rastit.
……
Më 17.04.2026 në ora 22:15 në DPB Gostivar është denoncuar prishje e rendit dhe qetësisë publike me përleshje fizike mes E.A. dhe L.”x”. Gjatë ndërmarrjes së masave, zyrtarët policorë kanë gjetur të lënduar L.”x”, të cilit i është dhënë ndihmë nga qytetarët, ndërsa personi tjetër është larguar nga vendi i ngjarjes. Po ndërmerren masa për zbardhjen e rastit.
……
Më 17.04.2026 në ora 22:50 në fshatin Pallçisht i Poshtëm, komuna e Bogovinës, zyrtarë policorë nga Departamenti i Policisë Kamjan kanë privuar nga liria personat M.A.(27), Sh.H.(35), S.R.(43) dhe A.D.(36), të gjithë nga fshati Toplicë, pasi gjatë kontrollit të automjetit të udhëtarëve “Opel” me targa të Gostivarit, të cilin e drejtonte Sh.H., ndërsa të tjerët ishin pasagjerë, në automjet është gjetur dhe sekuestruar marihuanë. Pas dokumentimit të plotë të rastit do të vijojë parashtresë përkatëse.
……
Më 17.04.2026 në ora 16:00 në rrugën rajonale Shkup-Tetovë, në fshatin Zhelinë, zyrtarë policorë kanë ndaluar automjetin e udhëtarëve “Mercedes” me targa të Tetovës, të drejtuar nga K.Sh.(31) nga fshati Rogle, komuna e Zhelinës. Gjatë kontrollit të ushtruar, zyrtarët policorë kanë konstatuar se i denoncuari kryen transport publik të udhëtarëve pa licencë. Pas dokumentimit të plotë të rastit do të vijojë kallëzim përkatës.
…..
Më 18.04.2026 në ora 00:40 në DPB Gostivar, nga Qendra Urgjente Gostivar është denoncuar se tek ata është dërguar me lëndime të rënda trupore 42-vjeçarja V.N.. Sipas denoncimit, ajo i ka marrë lëndimet nga shpërthimi i një bombole gazi dhe për shkak të seriozitetit të lëndimeve është transferuar në Kompleksin e Klinikave “Nënë Tereza” në Shkup. Këqyrja e vendit të ngjarjes është kryer nga ekipi i DPB Gostivar.
KARATE: ISA ELMAZI PJESËMARRËS NICOSIA KARATE OPEN 2026
“ARTI I PËRJETËSISË”: CEREMONI PËRKUJTIMORE PËR SELIM RAMADANIN!
ÇEFERIN NGA SHKUPI: FUTBOLLI S`DUHET TË JETË PRIVILEGJ PËR TË PASURIT!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota3 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni3 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Sport3 weeks agoBARDHI: NËNVLERËSIMI VETËM SE NA MOTIVON KUNDËR DANIMARKËS!