Uncategorized
Shqetësime në BDI shkaku i Selës për të shkuar me lista të përbashkëta ose më mirë nëse dalin vetë në zgjedhje
ASH krahu i Ziadin Selës i ka rritur ambiciet dhe kërkon nga BDI 3 deri 5 deputetë për të shkuar me lista të përbashkëta. Kjo me sa duket po i shkakton telashe kreut të BDI-së Ali Ahmeti brenda në parti. Një grup bashkëpartiakësh të tij ka shprehur shqetësim deri te Ahmeti se BDI po u ofron shumë partnerëve potencial të koalicionit. Burimi me të cilin bisedoi TV21 thotë se po përpiqen ta bindin kryesinë e partisë se është më mirë të dalin vetë në zgjedhje, sesa t’u japin shumë deputetë partnerëve të koalicionit, të cilët, nëse do të dalin vetë në zgjedhje, siç thotë burimi, nuk të fitojnë më shumë se 1 apo 2 deputetë.
Po çfarë po kërkon ASh-ja e Selës?
Konkretisht në zonën zgjedhore 6, Aleanca kërkon dy pozita fituese, edhe atë për Ilire Dautin dhe Ilir Demirin. Po në rast se zgjerohet koalicioni, ateherë një deputet do të kërkonte edhe Menduh Thaçi, por edhe Arianit Hoxha. Kjo do t’i kushtonte shumë BDI-së, e cila në rast se shkon vetë në zgjedhje ka gjasa që në zonën 6 e vetme të arrijë minimum 5-6 deputetë. E në rast se shkon me koalicion, ateherë lista do të dukej kështu:
(1) Ali Ahmeti BDI
(2) Faton Ahmeti BDI
(3) Ilire Dauti ASh
(4) (Vend i rezervuar për BDI)
(5) PDSH, Menduh Thaçi (ose djali i tij)
(6) Ilir Demiri ASH
(7) Arjanit Hoxha PDE
(8) (Vend i rezervuar për BDI)
Nëse merren parasysh anketat e fundit, në këtë varijant BDI në zonën 6 do të fitonte 3 deri në 4 deputetë, ndërsa të tjerët do të ishin të partnerëve të koalicionit. Prandaj në BDI ka shqetësim dhe revoltë.
Njëjtë është edhe në zonën 5, ku bartës i koalicionit flitet të jetë Ziadin Sela. Burime të TV21 tregojnë se në Strugë do të ketë revoltë tek strukturat e integristëve, ndërsa në degët e tjera, kjo situatë ndoshta mund të menaxhohet, thonë për TV21 burime partiake.
Telashe ka edhe në zonën zgjedhore 2, ku partia e Selës kërkon pozitën e 2-të, më konkretisht për Elmi Azirin. “Luftë” brendapartiake në BDI ka edhe për bartësin, edhe pse Arbër Ademi duket qe ka gjasat më reale që të udhëheqë listën për zonën zgjedhore 2, për të cilën në lojë është edhe Ilir Hasani, po me gjasa minimale. Në rast se BDI shkon me liste te perbashkët të koalcionit, atëherë në lojë do të ishte edhe Basri Bajrami i partisë PDE, numer 4 ose 5 në listë.
Ziadin Sela në prononcim për media tha se pret të konstituohen organet e partisë, që më pas të fillojnë negociatat. Nga partia e Arjanit Hoxhes për TV21 ditë më parë, të pyetur rreth koalicionit, thanë se do të njoftojnë kur të ketë vendim konkret.
Javën e ardhshme pritet të konkretizohen gjërat, derisa në BDI vazhdon presioni ndaj kryetartit Ali Ahmeti që në zgjedhje të shkojnë vetë dhe mos të bëjnë pazare me partitë e tjera./Tv21
Uncategorized
MICKOSKI: HIQEN NËNKRYETARËT NË VMRO-DPMNE, RIKONSTRUIMI I QEVERISË NË MAJ OSE QERSHOR!
Në këtë mandat VMRO-DPMNE nuk do të ketë nënkryetarë partiak. Kështu ka deklaruar gjatë një interviste për RTVM-në, Kryeministri dhe lideri I VMRO-DPMNE-së, Hristijan Mickoski, në vigjilje të Komitetit Qendror të partisë ku duhet të zgjidhen anëtarët e rinj të Komitetit Ekzekutiv dhe Sekretari I ri I Përgjithshëm.
Nënkryetarët e deritashëm të VMRO-DPMNE-së, Aleksandar Nikolovski, Vlado Misajlovski, Gordana Dimitrievska – Koçoska dhe Timço Mucunski, do të propozohen për anëtarë të Komitetit Ekzekutiv.
Në Kongresin e ardhshëm partiak në vitin 2029, Mickoski paralajmëroi se VMRO-DPMNE-ja do të ketë Kryetar të ri dhe udhëheqësi të re.
“Me këta njerëz jam nga dita e parë dhe janë bashkëpunëtorët më të afërt, por sic paralajmërova për vitin 2029 dhe për parimet që I përfaqësoj në Kongresin në 2029 partia do të ketë udhëheqësi të re, kryetar të ri për t`u dhënë hapësirë të gjithë të interesuarve që mendojnë se mund të japin vlerë të shtuar sin ë VMRO-DPMNE poashtu edhe në Qeveri”
Derisa bëhet përpilimi I organeve partiake, Mickoski gjatë intervistës potencoi se do të nis të mendojë edhe për Qeverinë dhe kandidatët e rinj në ekzekutiv si dhe për ndryshimet e resorëve. Ai pret që I gjithë procesi I rikonstruimit qeveritar mund të rrumbullaksohet gjatë majit dhe qershorit.
Uncategorized
Bilall Kasami “ndez motorët” për fitoren e 2 nëntorit, viziton shtabet e lagjeve Teteks dhe Migjeni
Kryetari i Tetovës ka nisur aktivitetet në kuadër të fushatës pë raundin e dytë të zgjedhjeve lokale, me çka ka takuar aktivistët e lagjeve Teteks 1, Teteks 2 dhe Migjeni.
“Sot pata kënaqësinë të vizitoj fabrikën Molika, një nga Sonte zhvilluam takim me aktivistët tanë në shtabet e lagjeve Teteks 1, Teteks 2 dhe Migjeni, me njerëzit që më 19 tetor na dhuruan fitore të qartë e bindëse”.
“Kjo mbështetje është dëshmi e besimit që qytetarët kanë ndaj punës sonë, përkushtimit dhe vizionit për një Tetovë moderne, të pastër dhe me zhvillim të qëndrueshëm”, ka shkruar Kasami në Facebook.
Ai më tej thekson se “me të njëjtin bashkim e energji, më 2 nëntor do ta kurorëzojmë fitoren përfundimtare dhe do ta çojmë Tetovën edhe më përpara”.
Aktivisti i njohur i lagjes Drenovec, Zeka Fazlija, i njohur si një ndër përfaqësuesit kryesorë të krahut të luftës të Ali Ahmetit në këtë lagje, ka njoftuar dorëheqjen e tij nga të gjitha obligimet partiake në kuadër të BDI-së.
Në njoftimin e tij, Fazlija thekson se arsyeja e dorëheqjes janë shkaqe morale ku sipas tij, nuk është përmbushur detyra e marrë përsipër në lagjen e tij.
“Për arsye morale, që nuk u përmbush detyra e marrë përsipër në lagjen time, jap dorëheqjen nga obligimet partiake,”, ka shkruar ne Facebook Fazlija.
Dorëheqja e tij shihet si një sinjal i pakënaqësive të brendshme në strukturat lokale të AKI-së në Tetovë.
Punësim të përhershëm për 40 personat me kontratë në Spitalin Klinik të Tetovës procesi vazhdon
Inspektorati mbyll 26 motele dhe vila, ishin të paregjistruara e nuk plotësonin kushtet minimale
Reformat në arsimin e lartë, studentët e dalluar në 100 universitetet më të mira në botë ose në Maqedoni do të kenë përparësi punësimi në universitetet shtetërore
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
