Lajme nga vendi
Seancë solemne me rastin e shënimit të ditës së Komunës së Tetovës
Më 3 mars të vitit 1991, u formua këshilli i parë komunal shumëpartiak i komunës së Tetovës, duke i hapur rrugë kështu përfaqësimit qytetar në institucionet lokale .Tre Marsi është një ditë shumë e rëndësishme për qytetarët e Tetovës. Kështu tha kryetari i komunës së Tetovës Bilall Bilall Kasami, në shënimin e ditës së komunës së Tetovës. Kasami më tej u ndal edhe në projektet që janë realizuar në komunën që drejton ai.
“Viti 2023, është viti i realizimit të shumë projekteve madhore jo vetëm në infrastrukturë, por edhe në arsim, kulturë dhe në sferat tjera. Për një vit janë bërë shumë punë, por do të ndalemi vetëm tek projektet më madhore duke nisur me rikonstruimin e rrugës në fshatin Vicë një segment shumë i rëndësishëm për banorët e malësisë, pastaj hapja e bulevardit ‘Bllagoja Toska’, e cila për vite të tëra ishte lënë në harresë dhe për një vit ne arritëm ta përfundojmë tërësisht. Një projekt tjetër që i takon infrastrukturës është vazhdimi i bulevardit ‘Vidoja Smilevski Bato’, që depërton deri në fshatin Poroj dhe ky bulevard këtë vit do të jetë i përfunduar dhe në shërbim të qytetarëve”, deklaroi kryetari i komunës së Tetovës Bilall Kasami.
Ai është ndalur edhe tek projekti më i madh që është duhet të realizohet në komunën e Tetovës.
“Investimet në infrastrukturën rrugore, instalimet nëntokësore dhe rregullimi i kanalizimeve fekale e atmosferike konfirmojnë përkushtimin dhe angazhimin tonë. Përfituam projektin për ndërtimin e kanalizimit fekal në fshatrat Poroj, Xhepçisht, Reçicë e Vogël dhe Reçicë e Madhe, Falishtë si dhe një pjesë të qytetit një projekt që arrin në 40 milion euro mjete të siguruara nga institucionet ndërkombëtare si dhe shumë projekte të tjera infrastrukturore. Gjatë vitit 2023 brenda kësaj periudhe kemi investuar në përmirësimin e kushteve për mbarëvajtje të procesit mësimor me të gjitha parametrat dhe standardet që i nënkupton mësimi modern dhe kualitativ. Shumë klube dhe sportistë kanë marr mbështetjen e komunës për të realizuar projektet e tyre në afirmimin e vlerave sportive tek të rinjtë tanë”, theksoi Kasami.
Ai është shprehur se sot kemi një komunë të konsoliduar, transparente, të zhvilluar, të hapur për të gjithë qytetarët pa marrë parasysh përkatësinë e tyre etnike dhe religjioze. “Tashmë hyjmë në një fazë të re, në një periudhë ku ne duhet të gjithë së bashku të angazhohemi dhe të jemi më të përkushtuar për të ndryshuar një herë e përgjithmonë pamjen e Tetovës, ta bëjmë një qytet më bashkëkohor me kushte më solide dhe më të sigurt për të gjithë ne”, nënvizoi Kasami.
Me këtë rast, në seancën solemne, janë ndarë edhe mirënjohje për veteranët e arsimit, për nxënësit më të dalluar, sportistët, klubet si dhe personalitete të ndryshme që kanë kontribuar në afirmimin e komunës së Tetovës.Tetova Expres
Deri në fund të muajit mars, Komuna e Zhelinës do të bëhet me pallat të kulturës. Kështu së paku thotë Kryetari i Komunës së Zhelinës, Blerim Sejdiu i cili njofton se faza e parë ka kushtuar 350 mijë euro dhe se njëjta është finansuar nga TAV Maqedoni. Ndërsa faza e dytë thuajse në të njëjtën shumë, është finansuar me mjete nga kredia hungareze përmes Ministrisë së Kulturës.
“Ndërtimi ka zgjatur tre vite, për arsye jo se është punuar në mënyrë permanente por sepse është përfunduar njëra fazë dhe është dashur që kohë që të gjejmë mjete për fazën e dytë. Tani jemi duke përfunduar, unë jam i gëzuar që jemi duke e përfunduar atë projekt sepse ka raste kur kanë ngecur me dekada projektet tjera por nuk është një rast i tillë tek ne. Projekti ka kushutar afërsisht 600 mijë euro”.
Me të përfunduar tërësisht, Komuna e Zhelinës do të bëj kërkesë në Ministri të Kulturës që pallati i kulturës në Komunë të Zhelinës të jetë i karakterit nacional e jo vetëm lokal, me çka do të siguroheshin fonde për mirëmbajte dhe funksionim të vazhdueshëm.
“Ideja dhe qëllimi jonë është që këtë pallat kulture ta shpallim me status nacional. Pra që të jetë pallat i kulturës nacional që të finansohet, që nënkuptohet të finansohet nga burimet e buxhetit shtetëror dhe jo nga Komuna. Me këtë ne të gjejmë resurse të vazhdueshme dhe të përhershme të mirëmbajtes dhe funksionimit të këtij pallati të kulturës”.
Përndryshe, në Komunë të Bogovinës, ka gati 10 vite që pallati i kulturës është filluar por ka mbetur vetëm në skelet, beton dhe hekur! Zv/kryeministri Bekim Sali ditë më parë tha se janë të gatshëm që të ndihmojnë kudo që paraqitet nevoja për zhvillim të kulturës sidomos në vende rurale. TV KOHA
Mevlan Ademi, një nga iniciuesit e studentëve që kërkuan provim të jurispodencës në gjuhën shqipe thotë se nuk ka nevojë për krijimin e ligjit të ri, pasi që majfton ligji për përdorimin e gjuhëve, që studentët sipas nevojës dhe dëshirës, të i nënshtrohen testit të jurispodencës në gjuhën e tyre amëtare. Ademi thotë se deklaratat e Ministrit të Drejtësisë i shohin si të pabaza dhe jo korrekte.
Ademi thotë se ka dy vite që merren me këtë çështje por që ende nuk kanë gjetur zgjidhje.
Ndërsa nuk përjashton edhe mundësinë e protestave nëse nuk merren parasysh kërkesat e tyre.
Për provimin e jurisprudencës, Televizioni Koha e pyeti edhe ambasadorin e BE-së Mihalis Rokas i cili tha se duhet të zhvillohet me dialog gjithëpërfshirës me palët e interesuara dhe të mos politizohet.
“Ne jemi të vetëdijshëm për këtë çështje, e cila ka pasur shumë jehonë publike gjatë ditëve të fundit. Natyrisht, Kushtetuta dhe legjislacioni kombëtar duhet të respektohen dhe kur lindin çështje të tilla është thelbësore që të zhvillohet një dialog gjithëpërfshirës me të gjithë palët e interesuara, në mënyrë të matur dhe, mundësisht, pa u politizuar”, u shpreh Mihails Rokas – Ambasador i BE-së në RMV.
Përndryshe, për provimin e jurispodencës në gjuhën shqipe pati deklarata kontradiktore edhe të kryeministrit të vendit, Hristjan Mickoski i cili fillimisht tha se të gjithë ata që duan mund t’i testojnë njohuritë e tyre në gjuhën amëtare, që një ditë më pas ta demanton veten dhe të kërkoj ligj të ri! Ndërkaq Ministri i Drejtësisë Igor Fillkov në vend se të zbaton ligjin po bën interpretim të tij, akuzojnë partitë opozitare. Në këtë debat u përfshi edhe Ambasadori i Shqipërisë Denion Meidani duke i mbështetur fuqishëm studentët shqiptar që kërkojnë provimi i jurispodencës të mbahet në gjuhën shqipe. TV KOHA
Edhe kjo e shtunë e gjeti Stacionin e Autobusëve në Tetovë, me pamjet e njëjta. Njerëz që udhëtonin, valixhe, autobusë që merrnin udhëtarët, përqafime ndarjesh dhe dëshira për kthim sa më të shpejtë.
Destinacionet e autobusëve tashmë dihen. Gjermania, Italia, Zvicra janë bërë destinacione tepër të preferuara për qytetarët e rajonit të Pollogut.
Në jëtë stacion dëgjon histori nga më të ndryshmet. Dikush blen biletën për një drejtim, dikush kthyese, tjetri shkon të punojë apo për vizitë, kurse të tjerët kthehen pas pushimeve.
“Udhëtoj për në Hamburg – Gjermani. Shkoj të punoj ta nxjerrim një kafshatë buk. Jam nga Sallareva, fëmijtë I kemi atje por ne pleqtë më shpesh vijmë në vendlindje”
“Edhe unë udhëtoj në Hamburg. Jam pensionist, familjen e kam atje, kam ardhë për nja dy muaj në pushim me bashkëshorten”
-A do të ktheheni përgjithmonë në vendlindje?
“Une po, por fëmijtë nuk besoj! Fëmijtë I kanë fëmijtë atje, ata vijnë për pushime 1 muaj kur janë pushimet, por fëmijtë e tyre s`besoj, janë asimiluar”
-Cila është arsyeja?
“Unë kur kam dalë në Gjermani kam qenë 17 vjeç. Tash I kam 72, ku është arsyeja? Përse kam dalë unë atje? Jo se s`ka perspektivë, por këtu s`ka besë, fjala e dhënë mungon këtu”
“Udhëtoj në Folinjo të Italisë, atje jetoj dhe mësoj. Kam lindur në Folinjo kurse vij nga Makedonski Brodi”
-Mendoni të ktheheni në Maqedoni?
“Gjithcka është e mundshme, varet!”
“Jam nga Pallatica, shkoj në Itali për të punuar. Në Itali më duket më mirë për të punuar se atje e kam edhe familjen. Besoj se një ditë do të kthehem në Maqedoni”.
Kjo e shtunë e gjeti Stacionin e Autobusëve në Tetovë pa një rrëmujë të madhe. Mbase për shkak se jemi në prag të muajit të bekuar të Ramazanit dhe njerëzit duan që këtë Ramazan ta kalojnë pranë familjes.
Shpresojmë që rrëmuja të bëhet në prag të Fitër-Bajramit kur shumë mërgimtarë pritet të kthehen në vendlindje. Ardhje të cilës I gëzohen, jo vec familjarët e tyre, por edhe bizneset për shkak të impaktit ekonomik që sjellin mërgimtarët. TV KOHA
PALLATI I KULTURËS NË ZHELINË DREJT PËRFUNDIMIT, SYNOHET STATUSI NACIONAL (VIDEO)
PROVIMI I JURISPRUDENCËS NË SHQIP – PROTESTA NËSE NUK PRANOHET!(VIDEO)
TETOVË: STACIONI I AUTOBUSËVE – HISTORI TË LARGIMEVE DHE KTHIMEVE! (VIDEO)
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
