Lajme nga vendi
Nuk u hapën klasët në shqip në Idrizovë, fëmijët shqiptarë detyrohen të mësojnë maqedonisht
Mos lejimi i mësimit shqip nga klasa e gjashtë deri në të nëntën në shkollën fillore “Njegosh” të Komunës së GaziBabës ka detyruar disa nga nxënësit shqiptarë të Idrizovës që tashmë janë në klasë të gjashtë të vazhdojnë mësimin në gjuhën maqedonase
Nga Këshilli i prindërve thanë se nga gjithsej 13 nxënës të klasës së gjashtë, 2 janë rikthyer në mësim maqedonisht në shkollën “Njegosh”, 2 të tjerë kanë vazhduar në shkollën e fshatit Ognjancë ndërsa të tjerët vazhdojnë mësimin në shkollën fillore “ Kongresi i Manastirit” në Çair, për të cilën ministri i Arsimit, Jeton Shaqiri e paralajmëroi si zgjidhje të përkohshme.
Gjithashtu, Shaqiri kishte paralajmëruar para prindërve dhe nxënësve se zgjidhja e problemit do të arrihet në nisjen e gjysmëvjetorit të dytë, respektivisht do të hapet paralelja shqipe për klasën e gjashtë.
Pesë muaj pas këtij premtimi zgjidhje e problemit nuk është arritur. Drejtori i shkollës “Kongresi i Manastirit”, Faik Xhoni tha për Alsat se deri më sot nuk ka marrë asnjë njoftim me shkrim se deri kur nxënësit e Idrizovës do të ndjekin mësimin në këtë shkollë.
“Ne do t’ju dalim në ndihmë deri në fund mirëpo shkresë se deri kur do të qëndrojnë fëmijët këtu ende s’kemi. Kur të vjen shkresa ato do të shkojnë në shkollën e tyre nëse ju plotësohen kushtet atje. Përderisa nuk u plotësohen ato do të qëndrojnë këtu, nëse duhet edhe deri në fund të vitit shkollor, vitin e ardhshëm ta shohim. Fëmijët të rregullt janë, kanë transport të organizuar, vijnë me prindërit, i sjellin me vetura dhe i bartin prapë”, tha Faik Xhoni, drejtor i sh.f “Kongresi i Manastirit”.
Për rastin e Idrizovës tashmë kanë reaguar Avokati i Popullit, Komisioni për Parandalim dhe mbrojtje nga Diskriminimi si dhe Inspektorati i Arsimit.
Madje, ky i fundit ka konfirmuar se në shkollën “Njegosh” në Jurumleri ka hapësira të mjaftueshme për hapjen e paraleleve shtesë, në këtë rast hapjen e paraleles së gjashtë më mësim në gjuhën shqipe.
Pavarësisht paralajmërimeve dhe vërejtjeve, nga Komuna e Gazi Babës nuk ka asnjë lëvizje për zgjidhjen e çështjes, përveç kërkesës së dorëzuar në Ministrinë e Transportit dhe Lidhjeve për tokën ku parashikohet ndërtimi i një objekti shkollor për nxënësit e Idrizovës./Alsat
Deri në fund të muajit mars, Komuna e Zhelinës do të bëhet me pallat të kulturës. Kështu së paku thotë Kryetari i Komunës së Zhelinës, Blerim Sejdiu i cili njofton se faza e parë ka kushtuar 350 mijë euro dhe se njëjta është finansuar nga TAV Maqedoni. Ndërsa faza e dytë thuajse në të njëjtën shumë, është finansuar me mjete nga kredia hungareze përmes Ministrisë së Kulturës.
“Ndërtimi ka zgjatur tre vite, për arsye jo se është punuar në mënyrë permanente por sepse është përfunduar njëra fazë dhe është dashur që kohë që të gjejmë mjete për fazën e dytë. Tani jemi duke përfunduar, unë jam i gëzuar që jemi duke e përfunduar atë projekt sepse ka raste kur kanë ngecur me dekada projektet tjera por nuk është një rast i tillë tek ne. Projekti ka kushutar afërsisht 600 mijë euro”.
Me të përfunduar tërësisht, Komuna e Zhelinës do të bëj kërkesë në Ministri të Kulturës që pallati i kulturës në Komunë të Zhelinës të jetë i karakterit nacional e jo vetëm lokal, me çka do të siguroheshin fonde për mirëmbajte dhe funksionim të vazhdueshëm.
“Ideja dhe qëllimi jonë është që këtë pallat kulture ta shpallim me status nacional. Pra që të jetë pallat i kulturës nacional që të finansohet, që nënkuptohet të finansohet nga burimet e buxhetit shtetëror dhe jo nga Komuna. Me këtë ne të gjejmë resurse të vazhdueshme dhe të përhershme të mirëmbajtes dhe funksionimit të këtij pallati të kulturës”.
Përndryshe, në Komunë të Bogovinës, ka gati 10 vite që pallati i kulturës është filluar por ka mbetur vetëm në skelet, beton dhe hekur! Zv/kryeministri Bekim Sali ditë më parë tha se janë të gatshëm që të ndihmojnë kudo që paraqitet nevoja për zhvillim të kulturës sidomos në vende rurale. TV KOHA
Mevlan Ademi, një nga iniciuesit e studentëve që kërkuan provim të jurispodencës në gjuhën shqipe thotë se nuk ka nevojë për krijimin e ligjit të ri, pasi që majfton ligji për përdorimin e gjuhëve, që studentët sipas nevojës dhe dëshirës, të i nënshtrohen testit të jurispodencës në gjuhën e tyre amëtare. Ademi thotë se deklaratat e Ministrit të Drejtësisë i shohin si të pabaza dhe jo korrekte.
Ademi thotë se ka dy vite që merren me këtë çështje por që ende nuk kanë gjetur zgjidhje.
Ndërsa nuk përjashton edhe mundësinë e protestave nëse nuk merren parasysh kërkesat e tyre.
Për provimin e jurisprudencës, Televizioni Koha e pyeti edhe ambasadorin e BE-së Mihalis Rokas i cili tha se duhet të zhvillohet me dialog gjithëpërfshirës me palët e interesuara dhe të mos politizohet.
“Ne jemi të vetëdijshëm për këtë çështje, e cila ka pasur shumë jehonë publike gjatë ditëve të fundit. Natyrisht, Kushtetuta dhe legjislacioni kombëtar duhet të respektohen dhe kur lindin çështje të tilla është thelbësore që të zhvillohet një dialog gjithëpërfshirës me të gjithë palët e interesuara, në mënyrë të matur dhe, mundësisht, pa u politizuar”, u shpreh Mihails Rokas – Ambasador i BE-së në RMV.
Përndryshe, për provimin e jurispodencës në gjuhën shqipe pati deklarata kontradiktore edhe të kryeministrit të vendit, Hristjan Mickoski i cili fillimisht tha se të gjithë ata që duan mund t’i testojnë njohuritë e tyre në gjuhën amëtare, që një ditë më pas ta demanton veten dhe të kërkoj ligj të ri! Ndërkaq Ministri i Drejtësisë Igor Fillkov në vend se të zbaton ligjin po bën interpretim të tij, akuzojnë partitë opozitare. Në këtë debat u përfshi edhe Ambasadori i Shqipërisë Denion Meidani duke i mbështetur fuqishëm studentët shqiptar që kërkojnë provimi i jurispodencës të mbahet në gjuhën shqipe. TV KOHA
Edhe kjo e shtunë e gjeti Stacionin e Autobusëve në Tetovë, me pamjet e njëjta. Njerëz që udhëtonin, valixhe, autobusë që merrnin udhëtarët, përqafime ndarjesh dhe dëshira për kthim sa më të shpejtë.
Destinacionet e autobusëve tashmë dihen. Gjermania, Italia, Zvicra janë bërë destinacione tepër të preferuara për qytetarët e rajonit të Pollogut.
Në jëtë stacion dëgjon histori nga më të ndryshmet. Dikush blen biletën për një drejtim, dikush kthyese, tjetri shkon të punojë apo për vizitë, kurse të tjerët kthehen pas pushimeve.
“Udhëtoj për në Hamburg – Gjermani. Shkoj të punoj ta nxjerrim një kafshatë buk. Jam nga Sallareva, fëmijtë I kemi atje por ne pleqtë më shpesh vijmë në vendlindje”
“Edhe unë udhëtoj në Hamburg. Jam pensionist, familjen e kam atje, kam ardhë për nja dy muaj në pushim me bashkëshorten”
-A do të ktheheni përgjithmonë në vendlindje?
“Une po, por fëmijtë nuk besoj! Fëmijtë I kanë fëmijtë atje, ata vijnë për pushime 1 muaj kur janë pushimet, por fëmijtë e tyre s`besoj, janë asimiluar”
-Cila është arsyeja?
“Unë kur kam dalë në Gjermani kam qenë 17 vjeç. Tash I kam 72, ku është arsyeja? Përse kam dalë unë atje? Jo se s`ka perspektivë, por këtu s`ka besë, fjala e dhënë mungon këtu”
“Udhëtoj në Folinjo të Italisë, atje jetoj dhe mësoj. Kam lindur në Folinjo kurse vij nga Makedonski Brodi”
-Mendoni të ktheheni në Maqedoni?
“Gjithcka është e mundshme, varet!”
“Jam nga Pallatica, shkoj në Itali për të punuar. Në Itali më duket më mirë për të punuar se atje e kam edhe familjen. Besoj se një ditë do të kthehem në Maqedoni”.
Kjo e shtunë e gjeti Stacionin e Autobusëve në Tetovë pa një rrëmujë të madhe. Mbase për shkak se jemi në prag të muajit të bekuar të Ramazanit dhe njerëzit duan që këtë Ramazan ta kalojnë pranë familjes.
Shpresojmë që rrëmuja të bëhet në prag të Fitër-Bajramit kur shumë mërgimtarë pritet të kthehen në vendlindje. Ardhje të cilës I gëzohen, jo vec familjarët e tyre, por edhe bizneset për shkak të impaktit ekonomik që sjellin mërgimtarët. TV KOHA
PALLATI I KULTURËS NË ZHELINË DREJT PËRFUNDIMIT, SYNOHET STATUSI NACIONAL (VIDEO)
PROVIMI I JURISPRUDENCËS NË SHQIP – PROTESTA NËSE NUK PRANOHET!(VIDEO)
TETOVË: STACIONI I AUTOBUSËVE – HISTORI TË LARGIMEVE DHE KTHIMEVE! (VIDEO)
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
