Lajme nga vendi
Gratë e punësuara në komunën e Tetovës së bashku me kryetarin mbollën lule në qendër të qytetit
Me mbjelljen e luleve para ndërtesës së komunës dhe në qendër të qytetit, Komuna e Tetovës ka shënuar 8 Marsin Ditën Ndërkombëtare të Gruas. Kryetari Bilal Kasami së bashku me bashkëshorten dhe gratë e punësuara në administratën komunale mbollën qindra trëndafila.
“Me propozim të përfaqësueseve tona ngja gjinia femërore në administratë, në vend që t’u dhuronim një lule të vetme, dolëm së bashku për të mbjellë trëndafila në qytet, që ajo të zgjasë më shumë dhe të jetë në shërbim të të gjithë qytetarëve. Gratë japin një kontribut për shoqërinë dhe me këtë akt treguan një gjest jovetjak në shërbim të të gjithë qytetarëve të Tetovës. Kjo bukuri që do të jetë në qendër të qytetit do ta shohin të gjithë banorët e Tetovës. U urojmë festën me dëshirën për t’u përfaqësuar dhe dëgjuar më shumë në shoqëri dhe në një pjesë të rëndësishme të shoqërisë”, theksoi Bilal Kasami.
Përfaqësimi i grave në komunë dhe në parti është specifik dhe relativ, theksoi Kasami në pyetjet e gazetarëve.
“Në ndërmarrjet publike, fatkeqësisht nuk ka bartës të një funksioni publik drejtor, sepse është një post më specifik. Por në shkolla, kryesisht gra janë bartëset e posteve drejtoreshë, veçanërisht në shkollat fillore, ku pothuajse të gjitha janë gra. Jemi duke punuar që të kemi më shumë përfaqësim të grave në të gjitha institucionet e komunës së Tetovës, por megjithatë kjo një dëshirë në aspektin se çfarë mund dhe duan të jenë gratë”, theksoi Kasami.
Kryetari i komunës shtoi se në politikë po i kushtohet vëmendje zgjidhjes ligjore të përfaqësimit prej 40% të grave, me tentativë për të rritur këtë përqindje.
Lajme nga vendi
MSH: Po trajnohen specializantë dhe studentë të mjekësisë, po krijojmë kapacitete sipas kritereve të larta evropiane
Në kuadër të Qendrës së Simulimit Mjekësor trajnohen specializantë, studentë të mjekësisë, ekipe të urgjencës, personel nga kujdesi intensiv, gjinekologjia dhe neonatologjia, krijohen kapacitete që i përshtaten kritereve më të larta evropiane dhe ku përgatitja e stafit vjen nga një model strategjik , i vendosur për edukim dhe punë të vazhdueshme, thonë nga Ministria e Shëndetësisë.
Me 600 specializantë të rinj dhe mbi 1.250 punësime në institucionet shëndetësore gjatë 45 ditëve të fundit, projektojmë shëndetësinë sipas nevojave reale të qytetarëve.
Simulatorët në QSM janë të teknologjisë më të avancuar, në të cilët mund të simulohen pothuajse të gjitha dukuritë dhe gjendjet patologjike të njeriut. Është një mjedis ku dija shndërrohet në përvojë, e përvoja bëhet siguri për çdo jetë që varet nga sistemi shëndetësor.
“Krijojmë kapacitete që i përshtaten kritereve më të larta evropiane dhe ku përgatitja e stafit vjen nga një model strategjik , i vendosur për edukim dhe punë të vazhdueshme. Me 600 specializantë të rinj dhe mbi 1.250 punësime në institucionet shëndetësore gjatë 45 ditëve të fundit, projektojmë shëndetësinë sipas nevojave reale të qytetarëve. Qasja jonë është e qartë – investojmë te njerëzit”, thonë nga Ministria e Shëndetësisë nga ku theksojnë se ky vizion shndërrohet në praktikë përmes funksionimit të suksesshëm të Qendrës së Simulimit Mjekësor.
MPB ka njoftuar se më datë 15.08.2025, në ora 07:37, në SPB Shkup është raportuar se në një hotel në rajonin e Bit Pazarit është gjetur i vdekur A.Z. (44) nga Turqia. Nga ana e mjekut të Ndihmës së Shpejtë është konstatuar vdekja pa shenja të dukshme dhune. Është kryer ekspertizë në vendngjarje nga ekipi i SPB Shkup, ndërsa me urdhër të prokurorit publik trupi i të ndjerit është dërguar për obduksion.
Lajme nga vendi
I morri 1700 euro për ta kaluar patent shoferin në Tetovë, denoncohet për mashtrim një person nga Shkupi
MPB njofton se me datë 15.08.2025, në orën 09:30, në Sektorin e Punëve të Brendshme të Tetovës, një 19-vjeçar nga një fshat i Tetovës ka raportuar se ishte mashtruar për 1700 euro nga F.I. nga Shkupi, i cili i kishte premtuar se do ta ndihmonte të kalonte provimin e patentë shofeeit. Sipas raportimit, pasi i dha paratë, F.I. nuk ka pranuar të kontaktojë me të, pas së cilës ai e ka kuptuar se ishte mashtruar. Po merren masa për zbardhjen e rastit.
BE pas Samitit Tramp-Putin: Ukrainës i nevojiten garanci për sovranitetin dhe integritetin
MSH: Po trajnohen specializantë dhe studentë të mjekësisë, po krijojmë kapacitete sipas kritereve të larta evropiane
Turist turk gjendet i vdekur në një hotel në Shkup
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve