Lajme nga vendi
Mexhiti: Ali Ahmeti s’ka besim te ministrat, prandaj në zgjedhje del me “gardën e vjetër”

Kryetari i Lëvizjes Demokratike, Izet Mexhiti, në një intervistë për gazetën LAJM ka komentuar zërat për rikthimin e “gardës së vjetër” të BDI-së në garën për zgjedhjet parlamentare.
Sipas informacioneve në media, në krye të listave të BDI-së për deputetë, do të jenë të renditur Blerim Bexheti, Sadulla Duraku, Musa Xhaferi e Ali Ahmeti. Mexhiti thotë se Ahmetin e ka të qartë se ministrant aktual të BDI-së, nuk kanë ndikim në terren prandaj ka vendosur t’i rikthejë emrat e vjetër në këto zgjedhje.
“Është indicative. Në fillim si “Grup i Zjarrit” kemi bërë revizon të raportit të qeveritarëve, dmth ekzekutivit, a kanë punuar, sa kanë punuar dy vitet e para dhe raporti ynë doli më keq seç e pritëm për ekzeutivin që është edhe tani. Mirëpo ato si kundërpërgjigje bën disa takime dhe paraqitje në mediume, bile edhe në kryesi qendrore. Ndoshta e fundit ka qenë, paraqiten një anketë që 98% të qytetarëve e përkrahin ekzekutivin, në krye me z.Grubi. Bile nga z.Xhaferi u quajtën si periudha e Moecetungit me përkrahje 98% te qytetarët dhe është indicative që pikërisht me këtë përkrahje te qytetarët, kaq të suksesshëm z.Ahmeti nuk i parashikon aspak në lista. Është kontradiktore. Ekzekutiv i suksesshëm ndërsa kur vijnë zgjedhjet ose kryetari nuk i nxjerr ose i ikin ballafaqimit, i ikin mejdanit”, tha Mexhiti për gazetën LAJM.
Sipas burimeve brenda BDI-së, bartësit e listave duket të jenë të sigurt, Blerim Bexheti në zonën 1, Sadulla Duraku në zonën 2, Ziadin Sela në z 5, pas tij Musa Xhaferi, dhe Ali Ahmeti në zonën 6.
Lajme nga vendi
68 persona dyshohen për tragjedinë në Koçan, po merren në pyetje dëshmitarët

Prokurori Publik i Shtetit nuk sheh pengesa që hetimi për zjarrin në Koçan, i cili mori jetën e 62 personave, të përfundojë deri më 17 qershor, siç parasheh afati ligjor prej tre muajsh. Pa zbuluar detaje, prokurori tha se hetimi është në një fazë shumë të rëndësishme dhe dëshmitarët aktualisht po merren në pyetje si në Koçan ashtu edhe në Shkup. Sipas Kocevskit, nuk ka selektivizëm në hetim. Ai përsëriti sot, siç deklaroi edhe më parë Alsat, se hetimi mund të zgjerohet për të përfshirë të dyshuar të ri.
“Dëshmitarët po merren aktualisht në pyetje, si edhe të dëmtuarit dhe persona të tjerë që dinë diçka rreth ngjarjes. Ndërkohë, ata po koordinohen edhe me ekspertët në lidhje me atë që duhet të kryhet ekspertizë. Pra, nuk ka selektivizëm deri më tani, nuk do të ketë as në të ardhmen. Unë tashmë thashë për një media, kështu që derisa të përfundojë hetimi, zgjerim i mundshëm është i mundur, megjithatë, kjo varet nga provat dhe ajo që do të sigurojnë prokurorët publikë”, tha Ljupço Kocevski, Prokuror Publik i Shtetit.
Përpara tragjedisë në Koçan, qeveria filloi procedurë për shkarkimin e Kocevskit, e cila tani është e pezulluar. Nëse kjo procedurë do të vazhdojë apo jo, për Kocevskin, është vendim politik.
“E kam thënë disa herë këtë, kështu që është vendim politik. Për momentin, që nga fillimi i procedurës, nuk kam pasur asnjë presion apo kërcënim në këtë drejtim”, theksoi Ljupço Kocevski, Prokuror Publik i Shtetit.
Hetimi në Koçan filloi menjëherë pas tragjedisë, më 17 mars, dhe prokuroria ka tre muaj kohë për të përgatitur aktakuzë. 13 prokurorë po punojnë në hetimin, i cili është zgjeruar disa herë deri më tani, dhe i cili deri më tani ka përfshirë 68 persona fizikë dhe tre juridikë. /Alsat.mk
Lajme nga vendi
Gjykata e Apelit ua rriti dënimet disa prej të akuzuarëve në rastin “Llaskarca”

Lajme nga vendi
Sot u mbajt prezantimi i drejtimeve dhe profileve që ofrojnë shkollat e mesme të Tetovës në “Ditën e Hapur”

-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve