Lajme nga vendi
22 milionë euro për bursa jashtë shtetit, asnjë benefit për vendin
Një hulumtim i Institutit për Demokraci dhe Analiza Ekonomike tregon se Ministria e Arsimit dhe Shkencës nuk e ka idenë se ku kanë përfunduar studentët që kanë marrë bursa për studime jashtë vendit. Edhe pse nga taksapaguesit janë paguar 22 milionë euro me kusht që pas përfundimit të shkollës bursisti të punojë të paktën dy vjet në një institucion shtetëror dhe të koontribojë në vend, Ministria e Arsimit dhe Shkencës nuk posedon të dhëna mbi statusin e 188 studentëve të cilët kanë përfituar nga bursa shtetërore (28% e studentëve të ciklit të parë dhe 75% e studentëve të ciklit të dytë).
IDEA
“Shqetësuese është mënyra se si MASh menaxhon me programën për bursa studimore jashtë vendit. Edhe pse një ndër kushtet të cilat pranohen nga bursistët është që pas studimeve të kthehen dhe të jetojnë në Maqedoninë e Veriut si dhe të punojnë në institucione nëse ekziston mundësia, Ministria e Arsimit dhe Shkencës nuk posedon të dhëna mbi statusin e 188 studentëve të cilët kanë përfituar nga bursa shtetërore. Pra nuk dihet se ku jetojnë dhe çfarë punojnë”.
IDEA supozon se studentët për të cilët MASh nuk posedon të dhëna jetojnë dhe punojnë jashtë shtetit.
Nga viti 2010 deri në vitin 2023 nga ky program kanë përfituar gjithësej 380 studentë, edhe atë 211 për studime deri diplomike dhe 169 për studime postdiplomike. Analizuar nga prizmi i përfaqësimit etnik, nga përfituesit e bursave deridiplomike vetëm 14% janë shqiptar, ndërsa nga ato postdiplomike 20% janë shqiptarë.
Të ndara sipa shtetit, të dhënat për studime deridiplomike tregojnë se numri më i madh i studentëve kanë zgjedhur Mbretërin e Bashkuar, edhe atë gjithsej 109 studentë/e, apo rreth 50.9% nga numri i përgjithshëm. Pas Mbretërisë së Bashkuar vie Holanda me 46 studentë/e apo rreth 21% nga numri i përgjithshëm, ndërsa në Shtetet e Bashkuara të Amerikës studimet deridiplomike me bursë shtetërore i kanë ndjekur 40 studentë/e apo rreth 18.6% nga numri i përgjithshëm.
Ministria e Arsimit dhe Shkencës mbulon pothuajse të gjitha shpenzimet e studentëve që studiojnë jashtë vendit. Në konkursin e fundit të shpallur nga ana e MASh për studime deridiplomike jashtë shtetit potencohet që përfituesit e bursës shtetërore i mbulohen këto shpenzime:
Shpenzimet për regjistrim me vlerë deri në 40.000 dollarë amerikanë në vit, një biletë avioni në fillim të studimeve dhe një bilet avioni pas përfundimit të studimeve apo një biletë avioni kthyese. Shpenzime për jetesë, të cilat variojnë sipas shtetit – p.sh. në Gjermani bursa mujore është 44.108 denarë apo rreth 717 euro. /SHENJA/
Prokurori Publik i Shtetit nuk sheh pengesa që hetimi për zjarrin në Koçan, i cili mori jetën e 62 personave, të përfundojë deri më 17 qershor, siç parasheh afati ligjor prej tre muajsh. Pa zbuluar detaje, prokurori tha se hetimi është në një fazë shumë të rëndësishme dhe dëshmitarët aktualisht po merren në pyetje si në Koçan ashtu edhe në Shkup. Sipas Kocevskit, nuk ka selektivizëm në hetim. Ai përsëriti sot, siç deklaroi edhe më parë Alsat, se hetimi mund të zgjerohet për të përfshirë të dyshuar të ri.
“Dëshmitarët po merren aktualisht në pyetje, si edhe të dëmtuarit dhe persona të tjerë që dinë diçka rreth ngjarjes. Ndërkohë, ata po koordinohen edhe me ekspertët në lidhje me atë që duhet të kryhet ekspertizë. Pra, nuk ka selektivizëm deri më tani, nuk do të ketë as në të ardhmen. Unë tashmë thashë për një media, kështu që derisa të përfundojë hetimi, zgjerim i mundshëm është i mundur, megjithatë, kjo varet nga provat dhe ajo që do të sigurojnë prokurorët publikë”, tha Ljupço Kocevski, Prokuror Publik i Shtetit.
Përpara tragjedisë në Koçan, qeveria filloi procedurë për shkarkimin e Kocevskit, e cila tani është e pezulluar. Nëse kjo procedurë do të vazhdojë apo jo, për Kocevskin, është vendim politik.
“E kam thënë disa herë këtë, kështu që është vendim politik. Për momentin, që nga fillimi i procedurës, nuk kam pasur asnjë presion apo kërcënim në këtë drejtim”, theksoi Ljupço Kocevski, Prokuror Publik i Shtetit.
Hetimi në Koçan filloi menjëherë pas tragjedisë, më 17 mars, dhe prokuroria ka tre muaj kohë për të përgatitur aktakuzë. 13 prokurorë po punojnë në hetimin, i cili është zgjeruar disa herë deri më tani, dhe i cili deri më tani ka përfshirë 68 persona fizikë dhe tre juridikë. /Alsat.mk
Lajme nga vendi
Sot u mbajt prezantimi i drejtimeve dhe profileve që ofrojnë shkollat e mesme të Tetovës në “Ditën e Hapur”
68 persona dyshohen për tragjedinë në Koçan, po merren në pyetje dëshmitarët
Gjykata e Apelit ua rriti dënimet disa prej të akuzuarëve në rastin “Llaskarca”
Sot u mbajt prezantimi i drejtimeve dhe profileve që ofrojnë shkollat e mesme të Tetovës në “Ditën e Hapur”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve