Connect with us

Lajme nga vendi

(VIDEO) Pragu për kandidatët e pavarur i papranueshëm për nismat qytetare

Published

1 year ago

on

Nisma qytetare “Më mirë për Tetovën” ka reaguar ndaj partive politike që me procedurë të përshpejtuar kanë sjellur kodin zgjedhor i cili pengon pjesëmarrjen e listave qytetare në zgjedhjet e ardhshme parlamentare dhe lokale. Sipas kësaj nisme, këta ndryshime ligjore e risin pragun për mbledhje të nënshkrimeve për listat e pavarura qytetarë, dhe e vështirësojnë pjesëmarrjen e tyre në zgjedhje.“Partitë politike thirren në rekomandimet e OSBE/ODIHR për demokratizim dhe barabarësi në zgjedhje, ndërsa me këto ndryshime bëhet e kundërta.iniciativat qytetare diskriminohen në dobi të partive politike. Këto ndryshime ligjore janë propozuar nga VMRO, LSDM, BDI Arbër Ademi dhe ASH Adnan Neziri. Propozimi i tyre heshturazi është miratuar edhe nga partitë opozitare. Ky veprim i përbashkët i partive politike nxjerr në sipërfaqe lojën e dyfishtë të partive politike kinse janë armiq të përbetuar para publikut, por gjithmonë gjejnë mënyrën për të bashkëvepruar kur cënohet terreni i tyre” reaguan nga Nisma qytetare “Më mirë për Tetovën”.Më tej ata theksojnë se për frontin e ashtuquajtur evropian të kryesuar nga BDI është e kuptueshme një qëndrim kaq armiqësor ndaj iniciativave qytetare, pasi për dallim nga kuazi-opozita, vetëm aktivistët qytetarë kanë qenë ata të cilët kanë rezistuar bindshëm kundër politikave të demshme të BDI-së. Hipokrizia më e madhe është se këto ndryshime ne ligj janë mbështetur edhe nga 2 deputetë të koalicionit VLEN, deputeti Kastriot Rexhepi dhe deputetja Safije Sadiki Shaini. Pyesim deputët e lartpërmendur a i kanë lexuar ndryshimet në ligj dhe a mund t’i sqarojnë opinionit pse kanë votuar këto ndryshime diskriminuese ndaj iniciativave qytetare?Pyesim kryetarët e partive politike të deputetëve opozitar që votuan pro, Izet Mexhiti LD dhe Afrim Gashi AAA, a kanë pasur koordinim paraprak me partitë në pozitë për këtë qëndrim diskriminues ndaj iniciativave qytetare.Pyesim koalicionin VLEN se cfar qëndrimi kanë ndaj iniciativave qytetarë. A i shohin ata si armiq, ashtu sikur BDI.Ndryshimet e reja ligjore i detyrojnë iniciativat qytetare në qytetet e mëdha si Tetova, të mbledhin 850 nënshkrime, që është gati se e barabartë me numrin e nënshkrimeve për formim të një subjekti politik, për të cilën nevojiten 1000 nënshkrime. Ky kushtëzim është i papranueshëm, skajshmërisht diskriminues dhe veprim anti evropian, prandaj urgjentisht kërkojmë ndryshime ligjore” theksuan më tej nga Nisma qytetare “Më mirë për Tetovën”.Ata kanë kërkuar që për kandidatët e pavarur më së shumti te kët 50 nënshkrime , të lejohet mbledhja e nënshkrimeve në teren dhe jashtë zyrave të Komisionit Qendror Zgjedhor, të zgjatet periudha e nënshkrimeve në 30 ditë,të lejohet emri i listës së pavarur në fletën e votimit, të lejohet qasja e të pavarurve në listën zgjedhore.”Ndryshimet e reja ligjore e zvogëlojnë hapsirën e veprimit të iniciativave të pavarura qytetare, dhe i detyrojnë ata që të organizohen në formë të partive politike. Izolimi i iniciativave të pavarura qytetare nga aktiviteti politik është vepër anti-demokratike dhe diskriminuese” reaguan nga Nisma qytetare “Më mirë për Tetovën”. TV KOHA

Related Topics:
Advertisement

Lajme nga vendi

Deklarata për zgjedhje të drejta dhe demokratike në RMV nuk është nënshkruar vetëm nga “Levica”

Published

7 minutes ago

on

September 9, 2025

By

Deklarata për zgjedhje të drejta, të lira dhe demokratike e propozuar nga kryetari i Kuvendit, e cila do të jetë në rendin e ditës të seancës plenare të planifikuar për datën 12 të këtij muaji, nuk është nënshkruar vetëm nga grupi parlamentar i “Levica”, transmeton Portalb.mk.

Kryetari i Kuvendit, Afrim Gashi, është i kënaqur dhe shpreson që deklarata të arrijë te çdo deputet në mënyrë që të ketë zgjedhje lokale të drejta dhe demokratike. Deri më tani, siç thotë ai, nuk ka komente mbi Draft-deklaratën.

“Si Kuvend, po bëjmë gjithçka që mundemi që të kemi një betejë politike, jo incidente. Zgjedhjet janë treguesi më i mirë i demokracisë në një shoqëri. Pas kaq shumë vitesh pavarësie, është turp të flasim për incidente. Bëj thirrje për zgjedhje të drejta dhe demokratike dhe që të gjithë të mbajnë përgjegjësinë e tyre, tha Gashi në takimin e sotëm me gazetarët.

Përveç deklaratës, seanca plenare e datës 12 të këtij muaji do të përfshijë edhe pyetje deputetësh nga opozita.

Parlamenti ka kërkuar që Qeveria të ketë ministra të pranishëm në seancat e pyetjeve të deputetëve në mënyrë që të mund të përgjigjen.

Advertisement

Siç thotë Gashi, ai e diskutoi këtë me kryeministrin Mickoski, i cili u pajtua me kërkesën, duke theksuar se si kryeministër, me praninë e tij në seanca, ai jep shembullin që edhe ministrat duhet të marrin pjesë.

Përndryshe, zgjedhjet lokale do të të mbahen më 19 tetor – rrethi i parë dhe 2 nëntor – rrethi i dytë. 

Continue Reading

Lajme nga vendi

RMV së shpejti në Asamblenë e OKB-së: “Jo në emrin tonë”, nisma për Palestinën me protestë para MPJ-së

Published

2 hours ago

on

September 9, 2025

By

Sot, më 9 shtator, në orën 18:00, nisma “Të gjithë për Palestinën” po organizon protestë përpara Ministrisë së Punëve të Jashtme, në pritje të pjesëmarrjes së Maqedonisë në Asamblenë e Përgjithshme të Kombeve të Bashkuara, transmeton Portalb.mk.

Nisma, në kuadër të këtyre ngjarjeve protestuese, po i bën thirrje publikut të nënshkruajë një peticion duke kërkuar që qeveria dhe përfaqësuesit ndërkombëtarë të Maqedonisë të votojnë në mbështetje të Palestinës gjatë kësaj asambleje.

Kujtojmë se Maqedonia e Veriut disa herë ka abstenuar në rezolutat që kërkojnë armëpushim në Gaza.

Në qershor vendi abstenoi në rezolutën për armëpushim të menjëhershëm dhe mbrojtje të civilëve në Gaza.

Edhe në shtator të viti 2024 pati abstenuar rezolutën e Asamblesë së Përgjithshme të OKB-së  që kërkonte që Izraeli t’i japë fund prezencës së tij të paligjshme në Gaza dhe Bregun Perëndimor të pushtuar brenda një viti.

Advertisement

Maqedonia e Veriut abstenoi nga votimi, së bashku me Britaninë e Madhe, Gjermaninë, Italinë, Holandën, Austrinë, Zvicrën, Suedinë, Danimarkën, Kroacinë, Bullgarinë, Rumaninë, Poloninë, Sllovakinë, Lituaninë, Ukrainën, Serbinë, Shqipërinë, Kanadanë, Indinë, Australinë, dhe vende të tjera.

Maqedonia e Veriut, votoi e përmbajtur edhe në tetor 2023 në miratimin e rezolutës me të cilën bëhej thirrje për armëpushim të menjëhershëm në Rripin e Gazës. Rezoluta e cila ishte propozim i Jordanit, u miratua me 120 vota “për”, me 14 “kundër” dhe 45 “të përmbajtur”. Maqedonia e Veriut ishte në mesin e vendeve e cila ishte e përmbajtur për rezolutën me të cilën dënohen të gjitha aktet e dhunës kundër civilëve palestinez dhe izraelit, si dhe sulmet terroriste dhe joselektive, ndërsa gjithashtu bënte thirrje për ndihmë të papenguar dhe mbrojtje të civilëve.

Continue Reading

Lajme nga vendi

Shtrenjtohen çmimet e derivateve të naftës

Published

2 hours ago

on

September 9, 2025

By

Komisioni Rregullator për Energjetikë (KRRE) solli vendim, me të cilin bëhet rritja e çmimeve të shitjes me pakicë të derivateve të naftës, mesatarisht për 0,46 % në raport me vendimin e datës 01.09.2025.
Nga data 10.09.2025 nga ora 00:01 çmimet maksimale të derivateve të naftës do të jenë:

EUROSUPER BS – 95 76,00 (denarë/litër)
EUROSUPER BS – 98 78,00 (denarë/litër)
EURODIZEL BS (D-Е V) 69,50 (denarë/litër)

Vaj për djegie Ekstra i Lehtë 1 (EL -1) 69,00 (denarë/litër)
Mazut М-1 SU 37,148 (denarë/kilogram)

Çmimet e shitjes me pakicë të benzinës EUROSUPER BS – 95 dhe EUROSUPER BS – 98 si dhe të EURODIZEL (D-E-V) dhe të Vajit Ekstra të Lehtë për amvisëri (EL-1) rriten për 1,00 den/litër.

Çmimi i shitjes me pakicë të Mazut M-1 SU ulet për 1,245 den/kg dhe tani do të jetë 37,148 den/kg. Theksojmë se këto janë çmimet maksimale të derivateve të naftës që nga ora 00:01 e datës 10.09.2025.

Advertisement
Continue Reading

Më të lexuarat