Lajme nga vendi
Sipas matematikave të partive tona, shqiptarët do fitojnë 40 deri 45 deputetë! Sa janë reale?
Kalkulimi me numra të mundshëm të deputetëve në zgjedhjet që afrohen, është një metodë e njohur për të bë fushatë në funksion të mobilizimit të strukturave partiake dhe frymëzimit me një “fitore të sigurt” që po afrohet. Kjo metodë po përdoret edhe tani kur ka filluar fushata jozyrtare për zgjedhjet e 8 majit.
Fillimisht në këtë temë ka folur zëvendës kryeministri dhe dhe ministri për Sistem Politik, Artan Grubi.
Duke treguar synimet e e BDI-s në zgjedhjet parlamentare të 8 majit, Grubi ka parashikuar se BDI do të arrijë të fitojë 20 deputetë në këto zgjedhje. “Siç po ecin bisedimet në BDI, ne do të kemi mbi 20 deputetë në zgjedhjet e këtij viti më 8 maj… Unë jam i bindur. E shkrova edhe në një letër se kishte pyetje nga gazetarët. E shkrova ’20+’. Ky është parashikimi im në përputhje me të gjitha sondazhet”, deklaroi Grubi. Bashkëpartiaku i tiij, Blerim Bexheti, ka bë parashikim edhe më optimist, duke e ndërlidhur numrin e deputetëve që do fiton BDI-ja me emrin e Televizionit 21, ku ishte mysafir. “Realisht korrespondon me emrin e televizionit tuaj – 21+”, tha Bexheti, duke u shprehur i bindur në fitore të sigurt të partisë së tij.
Kalkulime optimiste bën edhe opozita. Kryetari i Alternativës, Afrim Gashi, tha se pritjet e tyre janë se numri i deputetëve që do të fitojmë koalicioni VLEN do të jetë mbi 20 deputetë.
“Duke e parë opinioni, aktivistët, frymën që është krijuar, euforinë, nevojën për ndryshim, ky vullnet i popullit shqiptarë për ndryshim nuk ka kush e ndalë. Nuk ka faktor të kësaj bote që mund ta ndalë këtë ndryshim. Andaj jam i bindur për fitore dhe pastaj sa do të jetë fitorja është më relative, por mendoj se vullneti i madh i shqiptarëve për ndryshim do të sjell rezultat befasues”, deklaroi Gashi.
Ai bëri thirrje që gjithë qytetarët të votojnë VLEN-in, për ta fuqizuar atë në qeverinë e ardhshme në mënyrë që të shtyjë përpara sa më lehtë projektet dhe proceset për shqiptarët. Gashi poashtu ka vlerësuar se dalja e shqiptarëve në zgjedhje në dy blloqe është e shëndetshme dhe beson që do të rritet edhe numri i deputetëve shqiptarë dhe shtoi se koalicioni VLEN ka njohuri dhe dije si dhe guximin për ta sjell ndryshimin dhe nuk dirigjohen nga askush por se janë “zëri dhe vullneti i gjithë shqiptarëve” dhe shtoi se spektri politik shqiptar po shkon drejt pjekjes politike, dhe se 30 vite demokraci janë pak për të pjekur.
Në bazë të kalkulimeve të partive politike, del se partitë shqiptare do të fitojnë 40 deri 45 deputetë. Parashtrohet sa janë reale këto parashikime? Realisht, për shqiptarët do të ishte sukses që të tejkalohet numri i deputetëve shqiptarë nga zgjedhjet e fundit, që lëvizi mes 30 dhe 33 deputetëve, varësisht se si zhvilloheshin lëvizjet e deputetëve drejt pushtetit ekzekutiv. Numri 35 do të ishte një numër solid, i cili numerikisht do e faktorizonte politikën shqiptare. Megjithatë, duhet të kemi parasysh se numrat ndonjëherë nuk paraqesin me automatizëm edhe faktorizim real politik, sepse kemi pasur raste kur me më pak deputetë janë ë më shumë punë dhe anasjelltas, shkruan Zhurnal.
Poashtu dihet se me sistemin aktual zgjedhor në Maqedoninë e Veriut, numri i deputetëve shqiptarë përballë atyre maqedonas dhe të komuniteteve tjera varet në masë të madhe nga shumë faktorë objektiv dhe subjektiv. Faktori i parë është se me sa lista garojnë partitë shqiptare. Faktori i dytë është se sa është përqindja e daljes së votuesve shqiptarë, e sa përqindja e daljes së votuesve të komuniteteve tjera në zgjedhje. Faktori tjetër është se sa janë pastruar listat zgjedhore nga votuesit fantomë, një plagë e madhe nga e cila kanë lënguar proceset zgjedhore në të kaluarën.
Poashtu, vite me radhë ishte prezente dukuria që votuesit shqiptarë në përqindje më të vogël të marin pjesë në zgjedhje, në krahasim me ata maqedonas, që deri diku u përmirësua në zgjedhjet e vitit 2020 edhe atë jo që u rrit aq shumë përqindja e shqiptarëve, por u vërejt rënie e përqindjes së maqedonasve që dolën në zgjedhje. Kjo ishte pasqyrim i menjëhershëm i dy dukurive shqetësuese:
- Dukuria e parë – Zhgënjimi i votuesve nga politika dhe premtimet e parealizuara
- Dukuria e dytë- Shpopullimi i Maqedonisë së Veriut dhe dyndja drejt vendeve perëndimore.
Në zgjedhjet e 8 majit ekzistojnë parakushte reale që jehona e votuesve të jetë më e lartë, sepse ëhet fjalë për zgjedhje të dyfishta në ntë njëjtën ditë- raundi i dytë i zgjedhjeve presidenciale dhe zgjedhjet parlamentare, shkruan Zhurnal.
Por kjo nuk do të thotë me automatizëm që do të rritet numri i deputetëve shqiptarë, duke pasur parasysh se rritje mund të ketë edhe tek jehona e votuesve maqedonas. Jehona e votuesve shqiptarë dhe maqedonas gërshetohet kryesisht në katër Njësi zgjedhore, ku struktura e votuesve është e përzier.
Në Njësinë numër 1, nga koncentrimi i votës shqiptare por edhe nga jehona e njërit dhe komunitetit tjetër varet nëse shqiptarët do të kenë 4 deputetë, do të bien në 3 ose do të arrijnë për herë të parë të fitojnë 5 deputetë.
E njëjta gjë vërehet edhe në Njësinë numër 2, ku nga “jehona e gërshetuar” varet nëse shqiptarët do të ruajnë numrin aktual prej 5 deputetëve, do të bien në katër, ose do të arrijnë për herë të parë të fitojnë 6 deputetë.
Në Njësin numër 5, partitë shqiptare në vitin 2020 arritën maksimumin e deritanishëm duke fituar 4 deputetë. Dilema e zgjedhjeve të ardhshme është nëse ky numër mund të rritet në 5, të mbetet njësoj, ose të bie në tre deputetë.
Në njësinë numër 6, jehona dhe koncentrimi i votuesve përcaktojnë nëse partitë shqiptare do të fitojnë 15, 16 ose eventualisht 17 deputetë. Kjo Njësi konsiderohet edhe si “hambari” më i madh i votave shqiptare, që mund të përcaktojë edhe fituesin e zgjedhjeve.
Vite me radhë, ndër procese zgjedhore, partitë shqiptare bëjnë përpjekje për të fituar një mandat deputeti edhe në Njësinë zgjedhore numër 3, ku votojnë votuesit shqiptarë të Velesit dhe ashkës, por deri tani ky synim nuk është arritur as veçmas, e as kur është garuar me koalicione./Zhurnal
Unionet e studentëve nga Universiteti i Tetovës, Universiteti “Nënë Tereza” dhe Universiteti i Evropës Juglindore kanë adresuar një thirrje publike drejtuar profesorëve universitarë, duke kërkuar mbështetjen e tyre për protestën e paralajmëruar më 6 prill, ora 12:30.
Përmes një letre pubike, studentët kërkojnë solidaritet dhe përkrahje nga profesorët e tyre, sic thonë, për një çështje që lidhet drejtpërdrejt me respektimin e të drejtave të garantuara me Kushtetutë dhe ligj – konkretisht, mundësinë për dhënien e provimit të jurisprudencës në gjuhën shqipe.
Rrugëtimi ynë akademik, sic thonë studentët, na ka bashkuar në momente krenarie, kujtime të bukura studentore por edhe sfida të përbashkëta.
“Sot gjendemi përballë një sfide të këtillë, ku mbështetja dhe zëri juaj janë të domosdoshëm për ne. Unionet e Studentëve në Universitetin e Tetovës, Universitetin e Evropës Juglindore dhe Universitetin “Nënë Tereza” janë bashkuar për të kërkuar një të drejtë që na takon me Kushtetutë dhe ligj, por që për vite me radhë u mohohet kolegëve tanë nga Fikulteti Juridik mundësinë për të dhënë provimin e jurisprudencës në gjuhën shqipe”
Në letrën publike gjithashtu thuhet se duke parë politizimin, refuzimin dhe pengesat që u paraqiten, tre unionet e studentëve kanë thirrur protestë më 6 prill ora 12.30 në Shkup duke filluar marshutën nga Ura e Gurit.
Mbështetja juaj e çmuar nuk ka munguar asnjëherë, thonë studentët, prandaj shprehen të bindur se profesorët universitar edhe kësaj radhe do të qëndrojnë pranë tyre jo vetëm në kampuset universitare por edhe përmes një mbështetjeje publike dhe pjesëmarrjes suaj në ditën e protestës.
Gjatë ditës dhe natës së kaluar, në rajonin e SPB Tetovë janë shoqëruar gjashtë persona për shkak të dyshimit të bazuar për vepër penale sipas nenit 297-a të Kodit Penal – “drejtim I pakujdesshëm i mjetit motorik”. Të gjithë personat kanë drejtuar mjetet pa fituar të drejtën e drejtimit, gjegjësishtë pa leje drejtimi, me çrast mjetet u janë sekuestruar:
Në rr. “Bllagoja Toska” në Tetovë (ora 12:00 dhe 12:35): Janë privuar nga liria një 65-vjeçar nga fshati Pallaticë dhe një 62-vjeçar nga Tetova, të cilët drejtonin motoçikletë me targa të Tetovës. Në rr. “Iliria” në Tetovë në ora 13:45, në prani të prindit është privuar nga liria një 15-vjeçar i mitur nga Tetova, i cili drejtonte motoçikletë me targa të Tetovës.
Në lagjen “Çarshia e Epërme” në Tetovë, në ora 00:20, është privuar nga liria një 26-vjeçar nga fshati Trebosh, i cili drejtonte automjetin “Porsche” me targa të Tetovës.
Në rr.”Beliçica” në Gostivar në ora 01:15, është privuar nga liria një 20-vjeçar nga fshati Debresh, i cili drejtonte automjetin “Range Rover” me targa të Gostivarit.
Në rr.”Vëllezërit Gjinovski” në Gostivar në ora 01:20, është privuar nga liria një 52-vjeçar nga fshati Çegran, i cili drejtonte automjetin “Audi” me targa të Tetovës. Të gjithë janë ndaluar në stacion policor dhe pas dokumentimit të rasteve do të pasojnë parashtresat përkatëse.
……Dje, në orën 15:20 në Stacionin Policor të Gostivarit është shoqëruar një 24-vjeçare nga Gjermania, me qëndrim në Gostivar, për shkak të dyshimit për përfshirjen e saj në një sulm fizik të raportuar më parë, më datë 13 Djetor 2025.
……Dje, në orën 17:37 në DPB Gostivar është raportuar se në një shtëpi në rr. “Vëllezërit Gjinovski” është gjetur i vdekur një 73-vjeçar nga Gostivari, i cili jetonte vetëm. Mjeku I Ndihmës së Shpejtë ka konstatuar vdekjen pa gjurmë të dukshme dhune. Me urdhër të prokurorit publik, trupi është dërguar për obduksion.
……Sot, në mëngjes në orën 02:40 në rr.”Todor Cipovski Merxhan” në Tetovë, zyrtarët policorë kanë privuar nga liria një 31-vjeçar dhe një 30-vjeçar, të dy nga Shkupi, pasi që janë sjellë në mënyrë agresive ndaj policisë gjatë kryerjes së detyrës zyrtare. Ata janë ndaluar në stacion dhe pas dokumentimit do të vijojë kallëzimi përkatës.
Dje, në orën 22:50 në Tetovë, zyrtarë policorë nga SPB Tetovë kanë privuar nga liria personin një 27-vjeçar nga Tetova, pasi që tek ai është gjetur dhe sekuestruar një lëndë pluhur i bardhë.
Një rast i njëjtë është evidentuar edhe sot pas mesnate në në orën 00:20 në Tetovë, zyrtarë policorë nga SPB Tetovë kanë privuar nga liria një 44-vjeçar nga Tetova.
Studentët që kanë qëndruar dhe punuar më shumë se gjashtë muaj në Gjermani dhe kanë përfituar kthim të tatimit, mund të përballen me detyrime shtesë tatimore në Maqedoninë e Veriut. Kjo ka shkakuar revolt dhe reagime nga studentët.
Në vend të përmirësimit të standardit studentor dhe zgjerimit të beneficioneve për studentët, ata që kanë vendosur të fitojnë të ardhura shtesë përmes programit “Work and Travel”, më së shpeshti në Gjermani, kanë marrë njoftime nga Drejtoria e të Ardhurave Publike me detyrim për të paguar tatim mbi të ardhurat e realizuara.
Sipas informacioneve të publikuara nga organizata studentore, studentët janë thirrur të paraqesin deklaratë elektronike tatimore dhe të deklarojnë të ardhurat e realizuara jashtë vendit.
Bëhet fjalë për të ardhura që tashmë kanë kaluar tatimin në Gjermani, ndërsa kërkohet edhe pagesë shtesë e tatimit për mjetet e marra si kthim i tatimit të mbajtur, të cilat janë transferuar në llogari valutore në vend.
Kuvendet studentore vlerësojnë se ky vendim është i papranueshëm. dhe bëjnë thirrje për respektimin e plotë të marrëveshjes bilaterale mes Maqedonisë së Veriut dhe Gjermanisë për shmangien e tatimit të dyfishtë.
Drejtoria e të Ardhurave Publike njoftoi se studentët nuk janë “në shënjestër” dhe se nuk po vendosen detyrime të reja tatimore, por po zbatohen ligjet ekzistuese.
Institucioni thekson se qëllimi është vendosja e rendit dhe zbatimi i barabartë i rregullave tatimore për të gjithë qytetarët.
Studentët që kanë punuar jashtë vendit duhet të deklarojnë të ardhurat, por nuk do të ketë tatim të dyfishtë. Sipas marrëveshjes me Gjermaninë, tatimi për punë afatshkurtër nën 183 ditë paguhet në Maqedoninë e Veriut.
Nga DAP theksojnë se masat janë të orientuara drejt deklarimit vullnetar, dhe jo ndëshkimit.
Për rikujtim, tatimi mbi të ardhurat në Gjermani është rreth 16%, ndërsa në Maqedoninë e Veriut norma është 10% (efektivisht 11.11% në përllogaritjen bruto).
PROTESTA E 6 PRILLIT: STUDENTËT FTOJNË PROFESORËT PËR MBËSHTETJE!
SPB ; Kronika e zezë për ditën e djeshme 31 Mars Tetovë dhe Gostivar
KOMPLETOHEN 48 VENDET PJESËMARRËSE NË BOTËRORIN 2026
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Lajme nga rajoni6 days agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga bota6 days ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen