Lajme nga vendi
Shumë toka bujqësore të pambjella në Pollog
Vitet e fundit, gjithnjë e më shumë në Pollog mund të hasim të fusha të këtilla, të pambjella e të lëna anash. E gjithë kjo sepse nuk ka leverdi, thonë bujqit të cilët dita ditës mendohen që të heqin dorë krejtësisht nga bujqësia.
Nagip Rushiti merrej me bujqësi rreth pesë dekada. Por vitin e fundit, ai hoqi dorë, për shkak të punës me humbje. Sipas tij 20 vitet e fundit janë më të zezat për bujqësinë, ndërsa akuzon shtetin se nuk ndihmon aspak.
“Kurrë nuk kemi qenë me keq se këta 20 vite. Kemi punuar jemi bërë idare por këta 20 vite vetëm jemi duke humbur. Ka mbet djali ai e shtyn edhe pak se tjerë për bujqësinë skam më. Unë jam hek krejt prej bujqësisë më e shtyj dita ditës. Shteti nuk ndihmon, nëse s’jep ryshfet s’ka. Kam konkurruar disa herë për makinat, po që se nuk i jep dikujt s’ka makinë. Patjetër të japish. Nipi im konkurroi mori makinën më shtrenjtë se me e ble i doli, këtij ryshfet atij ryshfet dhe nuk mbetet gjë s’mund t’ia dalësh. Janë bërë hajdutë të mëdhenj të pa ngirë. Kjo është absurde edhe në komunizëm nuk kemi qenë kaq të shtypur”, u shpreh Nagip Rushiti, bujk.
Bekim Reshiti nga Reçica e Vogël thotë se dikur nuk kishte arë pa mbjell, ndërsa tani me rritjen e shpenzimeve fushat mbetën të zbrazëta.
“Më parë nuk kishte arë që s’punohej, tash duket se punohen por krejt shkretë kanë mbet shkaku i harxhimeve të mëdha. S’kemi leverdi e lejmë më mirë pa mbjellë. Shteti duket kurse ndihmon, por, ndihmon me naftë vetëm sa për të shkuar te ara dhe të kthehesh, aq na ndihmon. Për punëtor është vështirë nuk ka, edhe ata pak që janë nuk ke leverdi t’i marrësh, dyzet dhe pesëdhjetë euro kërkojnë edhe atë me orar të caktuar me bukën tonë. Familjarisht jemi marrë vetëm me bujqësi por dalë ngadalë e shoh se nuk shkon, dua ta le krejt”, theksoi Bekim Reshiti, bujk.
Nga Njësia rajonale e ministrisë së Bujqësisë në Tetovë, informojnë se vitin e shkuar ka pasur afër 4.000 aplikime për masa për bujqit dhe blegtorët, ndërsa këtë vit ky numër ka shënuar rënie. Shkak për këtë sipas kësaj Njësie janë edhe kushtet klimatike, të cilat kanë ndikuar që, korrjet e grurit të ulen për rreth tridhjetë për qind.
Mëngjesin e sotëm më ftohtë është në Kodrën e Diellit, tre gradë, ndërsa në 24 orët e fundit më shumë shi ka rënë në Kriva Pallankë, 17 litra për metër katror.
Siç informoi Drejtoria për Punë Hidrometeorologjike, deri në orën 08:30 janë matur 5 gradë në Llazaropolë, 8 në Krushevë dhe Hanet e Mavrovës, 9 në Ohër dhe Berovë, 10 në Kriva Pallankë dhe Pretor, 11 në Vinicë dhe Prilep, 12 në Shkup-Zajçev Rid, Manastir, Kumanovë, Tetovë dhe Shtip, 13 gradë në Shkup – Petrovec, Strumicë, Veles, Kavadar dhe Demir Kapi, si dhe 14 gradë në Gjevgjeli.
Deri në orën 8 kanë rënë 15 litra shi për njësi sipërfaqe në Pretor, 12 në Shkup – Petrovec, 10 në Kumanovë, 9 në Kodrën e Diellit, 8 në Tetovë, 7 në Vinicë, 5 në Berovë, 4 në Manastir dhe Gjevgjeli, 3 në Shkup – Zajçev Rid, si dhe një në Veles, Ohër, Krushevë dhe Strumicë.
Moti sot do të jetë i ndryshueshëm me vranësira dhe reshje lokale të shiut. Do të fryjë erë e lehtë deri mesatare nga drejtimi verior. Temperatura maksimale do të lëvizë prej 16 deri në 22 gradë.
Në Shkup, pjesërisht vranët, gjatë ditës me periudha me diell. Do të fryjë erë e lehtë deri mesatare nga drejtimi verior. Temperatura maksimale do të arrijë deri në 22 gradë.
Një delegacion i Gjykatës Kushtetuese të Republikës së Turqisë, i kryesuar nga kryetari Kadir Ozkaja, sot do të realizojë vizitë zyrtare në Republikën e Maqedonisë së Veriut dhe takim dypalësh me kryetarin e Gjykatës Kushtetuese Darko Kostadinovski dhe gjykatësve të tjerë të kësaj gjykate.
Siç informojnë nga Gjykata Kushtetuese, në kuadër të vizitës, do të bëhet hapje solemne e sallës për mbajtjen e mbledhjeve, ku do të prezantohet pajisja e re për digjitalizim të Gjykatës Kushtetuese.
“Qëllimi i kësaj pajisjeje teknologjike është të promovojë digjitalizimin dhe të sigurojë punë më efikase dhe transparente të Gjykatës. Sistemet e reja mundësojnë: takime hibride me pajisje të integruar audio dhe video – një pjesë e pjesëmarrësve të pranishëm në sallë, ndërsa një pjesë onlajn”, thuhet në njoftim.
Komunikacioni në rrugët e vendit po zhvillohet pa ndërprerje, nëpër rrugë të thata. Intensiteti i komunikacionit në akset rrugore jashtë mjediseve urbane është mesatar. Në vendkalimet e tjera kufitare në anën e Maqedonisë nuk ka vonesa më të gjata për hyrje dhe dalje nga vendi, informojnë nga LAMM.
LAMM rekomandon shpejtësi të adaptuar të lëvizjes, respektimin e sinjaleve të vendosura të komunikacionit e veçanërisht drejtim të kujdesshëm të automjetit, posaçërisht në rrugët nëpër gryka malore dhe lugina të lumenjve ku ekziston mundësia e rrëshqitjes së dheut. Kjo vlen veçanërisht për akset rrugore Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Tirana mirëpret në tetor Forumin e parë të Investimeve BE-Ballkani Perëndimor
BMW-ja tërheq mbi rreth 200 mijë automjete në SHBA për shkak të defektit në motorit
Më ftohtë në Kodrën e Diellit, më së shumti shi në Kriva Pallankë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve