Lajme nga vendi
U ndanë për t’u bashkuar! Partitë shqiptare në zgjedhje me dy tabore, por sa do të mbijetojnë?
Në zgjedhjet e ardhshme parlamentare, partitë politike shqiptare do të garojnë në dy tabore. VLEN-i kundër Frontit Europian. E para përbëhet nga katër parti politike, ndërsa Fronti Europian nga shtatë parti politike, duke përfshirë Lidhjen e Romëve, Partinë Demokratike Turke dhe eventualisht ASh krahu i Selës. Nëse bashkimin e partive multi nacionale e kemi parë te tabori maqedonas, kjo për herë të parë ndodhë te partitë shqiptare. Ky koalicion i Frontit Europian, sipas Izet Mexhiti nga koalicioni VLEN, nuk do të mbijetojë as 24 orë pas zgjedhjeve sepse sipas tij, nëse BDI nuk hynë në Qeveri, partitë më të vogla do ta braktisin.
“Të cilët BDI-ja mund t’i mbanë vetëm nëse është pjesë e Qeverisë, nëse është opozitë, shkruani ku të doni, brenda 24 orëve do të përgjysmohet ajo listë dhe do t’i takojë taborit tjetër. Sepse nuk janë aty përshkak qëllimeve të përbashkëta, nuk janë përshkak idealeve, i ka bashkuar vetëm interesi qeveritar, ndarja e resoreve, ndarja e të mirave qeveritare”, tha Izet Mexhiti – kryetar i LD.
E nga ana tjetër, Blerim Bexheti nga Bashkimi Demokratik për Integrim, para pak ditësh në Click Plus tha se përpjekjet e opozitës për t’u bashkuar janë të kota sepse në çdo cikël zgjedhor është i njejti refren dhe assesi nuk arrijnë ta fitojnë BDI-në.
“Në çdo cikël zgjedhor, parlamentare apo lokale, opozita, partitë politike shqiptare që janë oponencë e BDI-së, kanë bërë përpjekje që të shesin sikur janë bashkuar dhe të krijojnë një mobilizim, gjoja sot është momenti dhe dita, në këto zgjedhje do e mundim BDI-në por jemi dëshmitarë se në çdo cikël është i njejti refren, e njejta frazë e refrenit. Por në çdo cikël BDI ka dalë fitues”, theksoi Blerim Bexheti – BDI.
Por si arritën të bashkohen të gjitha këto parti shqiptare dhe nga ku burojnë? Nëse BDI dhe PDSH kanë përvojë më të gjatë në skenën politike, partitë tjera kanë lindur më vonë si rezultat i pakënaqësive dhe përçarjeve brenda partiake. Me përçarje është përballur çdo parti politike deri tani. Nga Lëvizja Besa e cila edhe pak muaj mbushë 10 vjet, deri tani kanë dalë edhe tre liderë të tjerë që kanë formuar parti të tyre politike. Afrim Gashi doli nga Besa dhe formoi Alternativën. Arjanit Hoxha doli nga Besa dhe formoi Partinë Demokratike Europiane. Skender Rexhepi edhe pse së fundmi u shkëput nga Alternativa, në fillim edhe ai ishte pjesë e Lëvizjes Besa, formoi Lëvizjen Populli. Nga PDSH u formua fillimisht LR-PDSH e që më pas u ribrendua në Aleancë për Shqiptarët. Por edhe kjo parti së fundmi u përça në dy pjesë me dy kryetarë të ndryshëm, Arben Taravarin dhe Ziadin Selën. Derisa Gjykata e Tetovës të sjellë një vendim se kujt do t’i përket partia, që të dy kanë ndarë rrugët për pjesmarje në zgjedhje, njëri me VLEN-in e tjetri me shumë gjasa me Frontin Europian. Edhe kreu i Lëvizjes Demokratike Izet Mexhiti, partinë e formoi pas daljes së tij nga Bashkimi Demokratik për Integrim.
Mirëpo ashtu siç thonë të gjithë aktorët politik, në politikë kurrë mos thuaj kurrë, dhe e pamundura gjithmonë bëhet e mundur. Thuajse të gjithë ata përfaqësues politik të cilët kanë sharë, kritikuar e ofenduar njëri tjetrin, tani përsëri janë bashkuar për në zgjedhje. Shembujt më të freskët i kemi me tre krerët politik Menduh Thaçin, Skender Rexhepin dhe Arjanit Hoxhën, të cilët karierën politike e kanë ndërtuar me narrativ anti-BDI. E njejta situatë është edhe te VLEN ku Afrim Gashi e Bilall Kasami u përçanë dhe sulmonin njëri tjetrin për vulat e partisë. Kritika nga të dy nuk kanë munguar as ndaj Izet Mexhitit dhe anasjelltas.
Lajme nga vendi
Bilall Kasami nga Saraji: Po e ndërtojmë VLEN-in shtëpi të përbashkët, edhe më të fortë dhe më të organizuar
Në takimin me strukturat në Saraj, Bilall Kasami deklaroi se VLEN po hyn në një fazë të re organizimi dhe fuqizimi politik, me synimin për t’u shndërruar në një subjekt të vetëm politik, raporton Zyrtare.
“Po e nisim këtë rrugëtim për t’iu treguar të gjithëve se VLEN-i do të vazhdojë edhe më fuqishëm. VLEN-i do të vazhdojë edhe më i bashkuar, drejt një organizimi të vetëm, drejt një partie politike, sepse tani sfidat janë edhe më të mëdha se para dy vitesh kur u bëmë bashkë”, u shpreh Kasami.
Ai theksoi se koha kërkon unitet, strukturim më të fortë dhe përgjegjësi më të madhe përballë qytetarëve, duke shtuar se VLEN po ndërtohet si një “shtëpi e përbashkët” për të gjithë ata që besojnë në ndryshim dhe përfaqësim dinjitoz.
Lajme nga vendi
Ora letrare “Kosovë m’a gëzofsh Pavarësinë” tuboi bashkë krijuesit tetovar dhe vitias në 18 vjetorin e Pavarësisë
Shoqata e Shkrimtarëve Oeneum nga Tetova dhe Shoqata e Shkrimtarëve “Ramadan Musliu”nga Vitia në një bashkëpunim kulturor në kuadër të aktiviteteve festive për nder të 18 vjetorit ta Pavarësisë mbajtën një orë letrare “Kosovë m’a gëzofsh Pavarësinë”. Fillimisht krijuesit tetovar u pritën nga Kryetari i Komunës së Vitisë, Sokol Haliti, i cili prezantoi punën dhe aktivitetet e Komunës, sidomos ato në rafshin kulturor dhe ndau mirënjohje për përfaqësuesit e shoqatës nga Tetova, duke vlerësuar lartë angazhimin e tyre në promovimin e kulturës dhe forcimin e bashkëpunimit ndërshqiptar.
Kryetarja e Shoqatës së Shkrimtarëve “Oeneum” nga Tetova, Sadije Aliti, prezantoi punën dhe veprimtaritë kulturore që kjo shoqatë i realizon në Tetovë e më gjërë në hapësirën shqiptare, faleminderoi për mikpritjen dhe nderoi me mirënjohje Kryetarin i Komunës së Vitisë, Sokol Haliti,për kontributin e çmueshëm në përkrahje të artit letrar dhe veprimtarive kulturore shqiptare. Me mirënjohje u nderua edhe kryetari i Shoqatës së Shkrimtarëve “Ramadan Musliu” në Viti, Fadil Abazi. Gjatë bashkëbisedimit u theksua rëndësia e vazhdimit të bashkëpunimit në projekte të përbashkëta kulturore dhe letrare në të ardhmen.
Manifestimi letrar vazhdoi në Sallën e Kuvendit Komunal, në shtëpinë e kulturës, me realizimin e orës poetike “Kosovë m’a gëzofsh Pavarësinë”. Në fillim fjalë përshëndetëse për rëndësinë e kësaj date, për Pavarësinë e Kosovës, paraqitën Sadije Aliti, Kryetare e Shoqatës së Shkrimtarëve “Oeneum” nga Tetova, Fadil Abazi-kryetar i Shoqatës së Shkrimtarëve “Ramadan Musliu” në Viti. Nga Drejtoria për Kulturë, Rini dhe Sport, për këtë bashkëpunim kulturor fjalë miradije shprehu edhe përgjegjësi Valmir Sahiti, ndërsa drejtoresha e Drejtorisë për Arsim, Arta Ajeti e vlerësoi lartë bashkëpunimin mes krijuesve të rinj nga Tetova dhe nga Vitia.
Në orën letrare poezitë e tyre i lexuan krijuesit tetovar dhe vitias, përfaqësues nga Departamenti i të rinjve i Shoqatës së Shkrimtarëve “Oeneum” dhe nxënës nga Gjimnazi “Kuvendi i Lezhës” në Viti, poezi me tematikë dhe frymëzim për nder të kësaj feste, manifestimi u karakterizua nga një frymë solemne dhe një përkushtim i lartë artistik.
Në bibliotekën e qytetit “Ramadan Musliu”, poetët tetovarë dhuruan librat e tyre ku u pritën nga drejtoresha Sadije Dauti, dhe u nënshkrua një memorandum bashkëpunimi mes dy shoqatave.
Në kuadër të njohjes së të rinjve të shkollave e qyteteve tona me trashëgiminë kulturore u vizitua Muzeu i Shkollës së parë Shqipe në fshatin Stubëll, ku u mirëpritën nga dr.Sarë Gjergji, i cili prezantoi historikun e këtij institucioni.
Ky bashkëpunim kulturor pati për qëllim kultivimin e vlerave kulturore, kreativitetin krijues ndërmjet të rinjve, bashkëpunimin mes shkollarëve të mesëm, grupeve letrare dhe Shoqatave të shkrimtarëve, bashkëpunim kulturor për afirmimin dhe njohjen e shkrimtarëve dhe krijuesve të rinj dhe me trashëgiminë kulturore me vizita të ndërsjella.
Lajme nga vendi
GOSTIVAR: GJENDEN DROGË, ARMË DHE MUNICIONE, PRIVOHEN NGA LIRIA KATËR PERSONA (VIDEO)
SPB – Tetovë njofton se gjatë ditës së djeshme, në një objekt hotelier në rrugën “Goce Dellçev” në Gostivar, zyrtarë policorë nga DPB Gostivar kanë privuar nga liria katër persona të moshës nga 22 deri 24 vjec, të gjithë nga Gostivari.
Gjatë kontrollit tek ata, janë gjetur nëntë paketime me lëndë pluhur të bardhë.
Më vonë, sic njofton SPB-Tetovë, me urdhër gjyqësor, është kryer kontroll në shtëpinë e njërit prej të dyshuarve, me ç’rast janë gjetur dhe sekuestruar një pistoletë “Beretta” e kalibrit 22mm, një pushkë karabinë “Zastava” e kalibrit 8,57, një kornizë (karikator) dhe gjithsej 191 plumba të kalibrave të ndryshëm për të cilët nuk posedonte leje.
Pas dokumentimit të rastit, ndaj personave do të parashtrohen kallëzimet përkatëse – thuhet në komunikatën e SPB-Tetovë.
Bilall Kasami nga Saraji: Po e ndërtojmë VLEN-in shtëpi të përbashkët, edhe më të fortë dhe më të organizuar
Ora letrare “Kosovë m’a gëzofsh Pavarësinë” tuboi bashkë krijuesit tetovar dhe vitias në 18 vjetorin e Pavarësisë
BASKETBOLL: FENERBAHÇE KRYESON EUROLIGËN
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
