Buxheti i shtetit, i cili financohet nga qytetarët edhe për zgjedhjet e vitit të kaluar, ishte burimi kryesor i financimit për partitë politike për fushatën zgjedhore, sipas raporteve të auditimit për zgjedhjet parlamentare dhe presidenciale të mbajtura në vitin 2024.

Të ardhurat totale për fushatën zgjedhore të të gjithë shtatëmbëdhjetë pjesëmarrësve në Zgjedhjet Parlamentare të vitit 2024 arrijnë në 386.710 mijë denarë dhe përfshijnë të ardhurat e gjeneruara në llogaritë transaksionale “për fushatën zgjedhore” (140.978 mijë denarë), të ardhurat nga donacionet në natyrë (963 mijë denarë) dhe të ardhurat e siguruara nga buxheti i shtetit për reklama politike të paguara (PPA) (244.769 mijë denarë). Kjo tregon se 63.3 përqind e të ardhurave totale sigurohen nga Buxheti i Shtetit dhe paguhen nga Komisioni Shtetëror i Zgjedhjeve, ndërsa 26,7 përqind janë fonde të siguruara nga burime të tjera të financimit.

Enti Shtetëror i Auditimit sot publikoi raportin mbi auditimin financiar të kryer së bashku me auditimin e përputhshmërisë së pasqyrave të përgjithshme financiare të llogarive të “fushatës zgjedhore” të të gjithë pjesëmarrësve në zgjedhjet parlamentare të vitit 2024, të përgatitura në përputhje me Programin Vjetor të Punës për vitin 2024 dhe nenin 85 të Kodit Zgjedhor.

“Pjesën më të madhe në të ardhurat totale e ka Koalicioni “MAQEDONIA JUAJ” e udhëhequr nga OBRM-PDUKM (37%), e ndjekur nga Koalicioni “Për një të Ardhme Evropiane” e udhëhequr nga LSDM (25%), Koalicioni “FRONTI EUROPIAN” i udhëhequr nga BDI (15%), Koalicioni VLEN e udhëhequr nga Alternativa (13%), E Majta (4%), Koalicioni “GUXIM PËR MAQEDONINË” e udhëhequr nga GROM (2%), ndërsa pjesa e pjesëmarrësve të tjerë është nën 1%”, thuhet në raportin e Auditimit.

Mjetet e paguara në 000 denarë për reklama të paguara politike për pjesëmarrësit në fushatën zgjedhore

Advertisement

KSHZ-ja për Marrëdhënie me Publikun e Radiotelevizioneve, Mediave të Shkruara dhe Portaleve të Internetit u pagoi gjithsej 244.769 mijë denarë ose 3.979,984 euro 16 pjesëmarrësve në Zgjedhjet Parlamentare të vitit 2024.

Nga VLEN në një kumtesë për media thonë se “për çdo ditë, BDI përhap shpifje të ulëta dhe të paturpshme kundër qeverisjes së VLEN-it, duke tentuar të mashtrojë opinionin publik me pretendime boshe për gjoja rënie të përfaqësimit të shqiptarëve nëpër institucione”. Nga VLEN thonë se e vërteta është ndryshe dhe faktet flasin qartë.

“Po kjo BDI që sot bërtet për përfaqësim, ka qenë për 20 vite në pushtet dhe në këtë periudhë ka lënë shqiptarët zero të përfaqësuar në shumë prej institucioneve kyçe të shtetit. Ja disa nga dëshmitë të kësaj hipokrizie: 0 shqiptarë në Njësinë Speciale “Tigrat”; 0 shqiptarë në Njësinë Speciale “Ujqit”; 0 shqiptarë në Njësinë e Ndërhyrjes së Shpejtë; 0 shqiptarë në Drejtorinë e Zonave të Lira Ekonomike; 0 shqiptarë në Akademinë e Shkencave; 0 shqiptarë në Agjencionin e Filmit”.

“BDI nuk ka as moral dhe as të drejtë të flasë për përfaqësim, ajo është partia që e ka tradhtuar Marrëveshjen e Ohrit dhe gjakun e dëshmorëve, të cilët luftuan pikërisht për përfaqësim të drejtë dhe barazi në çdo institucion. Për BDI-në, shqiptarët në këto institucione kanë qenë të barabartë me zero!”, thonë nga VLEN.

Më tej shtojnë se ata nuk do të lejojë më që mashtrimet të bëhen standard.

“Ne do të vazhdojmë ta publikojmë të vërtetën, të nxjerrim në shesh çdo institucion ku shqiptarët janë përjashtuar dhe të punojmë për barazi të vërtetë! Dhe sa rëndësi i kushton VLEN shqiptarëve, tregon fakti që vetëm për 1 vit qeverisje po sjellim Ligjin për përfaqësim të drejtë dhe adekuat, i cili, përveç përmirësimit të numrit të përfaqësuesve shqiptarë, garanton edhe cilësi më të lartë, duke siguruar që ata të jenë profesionistë dhe me ndikim real në vendimmarrje”, thonë nga VLEN.

Advertisement

Një ekip nga Njësia për Mbrojtje Atomike, Biologjike dhe Kimike është angazhuar për mbledhjen e të dhënave me qëllim përcaktimin e cilësisë së ajrit si pasojë e djegies së mbeturinave në rajonin e Vizbegut, në Komunën e Shuto Orizares, njofton Shtabi i Përgjithshëm i Ushtrisë, përcjell TV21.

“Në përputhje me vendimin e presidentes Gordana Siljanovska-Davkova për përfshirjen e pjesëtarëve të Ushtrisë në shuarjen e zjarreve, si dhe me vendimin e Qeverisë për shpalljen e gjendjes së krizës për shkak të shtimit të zjarreve, Ushtria është aktivisht e angazhuar në operacionet për shuarjen e zjarreve në të gjithë territorin e vendit. Angazhimi vjen edhe si përgjigje ndaj kërkesave të Qendrës për Menaxhim me Kriza”, thonë nga Shtabi i Përgjithshëm.

Nga atje shtojnë se aktualisht, mbi 150 pjesëtarë të Ushtrisë janë të angazhuar në tri komuna: në Gjorçe Petrov janë të angazhuar mbi 60 persona, në Kriva Pallankë rreth 30 persona, ndërsa në fshatin Nikoliq të Dojranit mbi 50 persona.