Lajme nga vendi
Qytetarët përgatiten për festën e Bajramit, ankesa për rritjen e çmimeve të produkteve
Qytetarët po bëjnë përgatitjet e fundit për festën e Fitër Bajramit. Tregu i Bitpazarit sikurse çdo vit tjetër është i mbushur me blerës. Pavarësisht çmimeve të larta dhe të ardhurave të ulëta, qytetarët thonë se do të shënojnë këtë festë me aq sa kanë mundësi.
“Kadaif, mish, diçka diçka. Çmimet për dit shkojnë në rritje… Aq sa kemi aq marrim. Sa kemi mundësi, aq marrim, ma shumë nuk ka…. Shumë e kemi shkurtu, s’ka nuk arrijmë t’I mbulojmë. Me fatura me të gjitha, nuk arrijmë, askund nuk jemi. A këto rrogat e veta I kanë rrit, a pensionet dhe rrogat e qytetarëve askund” tha një qytetar.
“Njëherë vetëm po shikoj se si janë çmimet. Çmimet të mos flas më tutje, sipas rrogave… Akoma nuk e kemi vendos, ta shohim… Sivjet nuk është njësoj si në vitet e kaluara, se rroga nuk ka të mira, për pensione të mos flasim fare. Ti bi ato ministrat, të ua jap unë pensionin tim ministrave, ta shohim se çfarë mendojnë, çfarë do të blejë ai me 200 euro. Ato lërë më që nuk e dijnë as vet se sa I kanë rrogat, plus nga ana tjetër kështu që marrin” u shpreh një tjetër qytetar.
Shitësit të kënaqur me lëvizjen. Disa thonë se çmimet janë standard, ndërsa disa të tjerë pajtohen se çmimet janë relativisht të larta.
“Ka shitje, ka interesim, çmimet I kemi mirë, nuk janë shumë të shtrenjta, myshteritë janë të kënaqur.., tha një shitës
Viti prej vitit ka dallim, tash nuk është si më herët. Më herët kishte më shumë punë, tani nuk jemi edhe pa hiç, nuk është për t’u ankuar, pa bakllav bajram nuk ka…Një kilogram është 200 denarë. Standard, si për bajram si jashtë çmimi është i njejtë…Arrat I kemi 500 denarë një kilogram, kadaifi një top është 100 denarë, gjys kilogrami.”
“ Sivjet nuk ka çmime shumë të larta sikur vjet, vjet ishin shumë të larta, sivjet, standard, kanë qenë më të ulëta se vjet. Për shitësit jo shumë punë, nuk blejnë se nuk kanë të holla, pa pas të holla nuk blihet asgjë, shumë, të gjithë janë me ndihma sociale, për atë nuk ka të holla dhe prandaj nuk ka shumë lëvizje për me harxhu mallin… Shitja në këto dy tre ditë ka lëvizë pak më shumë, më shumë harxhohet çdo artikull.” – shitës.
Lajme nga vendi
RDM kërkon një zgjidhje për deponinë e Jugohromit në mënyrë që Shkupi të mos pësojë një katastrofë si ajo në Gostivar
Pas rastit të ujit të ndotur në Gostivar, partia Ripërtitja Demokratike e Maqedonisë (RDM) apelon se një skenar i ngjashëm katastrofik na kërcënon vetëm një hap larg Shkupit. Partia kërkon një zgjidhje urgjente për rrezikun nga deponia “Jugohrom” në Jegunovcë.
“Sistemi duhet të veprojë më në fund në mënyrë parandaluese, sepse kërcënimi i kromit gjashtëvalent për burimin Rashçe është një rrezik i drejtpërdrejtë për furnizimin me ujë të kryeqytetit. “Jugohromi” gjashtëvalent është një substancë kimike jashtëzakonisht toksike dhe kancerogjene. Burimi Rashçe është burimi kryesor i ujit të pijshëm për të gjithë Shkupin. Një reagim “post-festum” këtu do të thoshte një katastrofë për qindra mijëra qytetarë”, thonë nga RDM.
Ata kërkojnë që institucionet të marrin të gjitha masat e nevojshme, sepse uji i pijshëm është interesi strategjik numër një.
“Kur bëhet fjalë për mbrojtjen e burimeve tona, zëri i qytetarëve dhe veprimi politik duhet të shkojnë dorë për dore”, thuhet në deklaratën e RDM-së.
Epidemiologët janë të vendosur, uji nga ujësjellësi i qytetit në Gostivar nuk duhet të përdoret për të pirë ose për të përgatitur ushqim derisa autoritetet të konfirmojnë se është i sigurt për përdorim. përcjell Zhurnal.mk .
Policia ka filluar të sanksionojë shoferët e skuterëve elektrikë që nuk i përmbahen rregullave të reja ligjore. Ndryshimet në Ligjin për Sigurinë në Trafikun Rrugor hynë në fuqi më 14 korrik dhe deri më tani janë lëshuar gjithsej 12 gjoba.
Sipas informacionit nga Ministria e Punëve të Brendshme, deri më tani janë lëshuar tre gjoba për drejtimin e një skuteri elektrik pa helmetë mbrojtëse, për të cilën parashikohet gjobë prej 50 euro.
Përveç kësaj, policia ka lëshuar nëntë gjoba për drejtimin e një skuteri në zonat ku lëvizja e këtij lloji automjeti nuk lejohet, me një gjobë prej 80 euro.
Është regjistruar edhe një gjobë prej 100 euro për përdorimin e telefonit celular gjatë drejtimit të një skuteri elektrik.
MPB informon se të gjitha sanksionet e lëshuara deri më tani kanë të bëjnë me të rriturit dhe deri më tani nuk është konfiskuar asnjë skuter elektrik.
Në skenën e verës tetovare “Tetova N`Festë”, Ansambli Kombëtar i Këngëve dhe Valleve “Shota”, solli një program artistik plot ngjyra, ritëm dhe emocion për publikun tetovar.
Çdo hap valljeje, çdo tingull dhe çdo varg u shndërrua në një rrëfim, sepse arti i vërtetë flet me gjuhën e zemrës, ndërsa tradita mbetet jehona që i reziston kohës.
Edhe mbrëmë programi artistik ishte përgatitur enkas me këngë e valle nga trevat shqiptare.
Koncerti u hap me vallen e Tiranës me koreografi të Bekim Jazexhiut, valle kjo e cila është ndërtuar me motive të Shqipërisë së Mesme.
Më pas u paraqitën solistët Saranda Alija, Samir Krasniqi, Myrvete Bajrami – Haziri, Violeta Kukaj një emër I njohur I skenës, por edhe me “Vallen e Dibrës”.
Një figurë e madhe artistike si Qamili I Vogël kërkon shpirtin e duhur ku tenori Liridon Sadriu solli një nga perlat madhështore “Zambaku I Bardhë”.
Pjesa e dytë e mbrëmjes udhëtoi në Jugun e Shqipërisë përkatësisht në Labëri duke sjellë “Vallen e Çobanit”.
Spikati “Kënga e Flamurit” në interpretim të Samir Krasniqit këngë kjo e trashëguar nga rapsodët e mirënjohur Salih e Feriz Krasniqi e përpunuar mjeshtërisht nga Ylber Arsllanaj, Vallja “Festa e Bashkimit”, por edhe kënga kushtuar heroit legjendar Adem Jasharit “Ai është gjallë” në interpretim të Violeta Kukaj.
AKV “Shota” me dekada të tëra ka ruajtur dhe kultivuar thesarin e pashtershëm burimor duke e sjellë atë me krenari para publikut brenda dhe jashtë trojeve shqiptare.
Ky ansambël vazhdon të jetë zë dhe shpirt i festave kombëtare, duke përcjellë mesazhin e lirisë, unitetit dhe identitetit shqiptar./Tv Koha/
RDM kërkon një zgjidhje për deponinë e Jugohromit në mënyrë që Shkupi të mos pësojë një katastrofë si ajo në Gostivar
MPB fillon me gjoba për drejtuesit e skuterëve elektrik
“TETOVA N`FESTË”: ANSAMBLI “SHOTA” SOLLI NGJYRA, RITËM DHE EMOCIONE!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
