Lajme nga vendi
Osmani nga Shtipi: Këto zgjedhje janë betejë mes dy koncepteve – për integrim evropian përballë izolimit
Këto zgjedhje nuk janë zgjedhje ndërmjet partive të ndryshme politike dhe kandidatëve të ndryshëm. Kjo është një betejë mes dy koncepteve. Koncepti i integrimit evropian përballë konceptit të izolimit. Koncepti i bashkëjetesës përballë konceptit të tensioneve dhe urrejtjes etnike. Koncepti i progresit përballë konceptit të regresionit, tha sonte në fjalimin e tij në tubimin në Shtip, Bujar Osmani, kandidati për president i BDI-së dhe koalicionit “Fronti Evropian”.
Ai para anëtarëve dhe simpatizantëve të Partisë Demokratike të Turqisë dhe BDI-së theksoi se jeta e ka mësuar se secili prej nesh ka cilësi dhe ka mundësi të ketë sukses, nëse shteti i jep shansin të ketë sukses.
“Kjo u bë obsesioni im dhe prandaj hyra në politikë, të luftoj për të ndërtuar një shtet dhe shoqëri, në të cilën çdo fëmijë pavarësisht nga përkatësia etnike, pavarësisht nga feja e tij, pavarësisht nëse vjen nga një familje e varfër apo e pasur apo nëse vjen nga një fshat apo zonë urbane mund të ketë sukses nëse ka ambicie për ta bërë këtë dhe është i përkushtuar për të arritur sukses. Prandaj edhe kam hyrë në këtë garë, sepse mendoj se ky vend e meriton”, tha Osmani.
Ai shtoi se deri më tani është arritur shumë, duke parë nga perspektiva e popullit të tij, të cilët deri para 20 vitesh ishin krejtësisht të përjashtuar nga punët shtetërore, ndërsa vetëm 0.2 për qind ishin të punësuar në institucionet shtetërore dhe publike.
Ai theksoi se pikërisht Marrëveshja Kornizë u dha një shans shqiptarëve, të cilët ishin popull i përjashtuar, një shans për t’u bërë popull i kryeministrit të këtij vendi, të ministrave të parë të punëve të jashtme, financave dhe siç tha, panë se çfarë do të thotë të kesh mundësi të barabarta për të gjithë.
“Frontin evropian” e formuam si një mbrojte për të gjitha përpjekjet për të ndërpreë mundësinë e barazisë dhe drejtësisë në këtë vend, ndërsa arritëm aq larg dhe ju turqit e ndjetë atë, dhe boshnjakët dhe romët, ndërsa maqedonasit nuk humbën asgjë. Përkundrazi, ata fituan bashkëqytetarë besnikë. Ata e panë se drejtësia dhe barazia është një vlerë e shtuar, ata panë se diversiteti është vetëm një pasuri e një shoqërie multietnike dhe e një shteti multietnik. Jemi bërë demokracia më e mirë etnike multifunksionale, për të cilën Bosnja e Hercegovina sot vetëm mund ta ëndërrojë, të jetë si ne”, tha Osmani.
Në fjalimin e tij në tubimin në Shtip, ai theksoi se kemi arritur deri në zgjedhje, kur edhe një herë jemi në udhëkryq. Ai tha se ekziston një opsion politik, i cili kërkon 61 deputetë për të përjashtuar shqiptarët dhe komunitetet tjera etnike nga procesi i vendimmarrjes.
“Vëllezër dhe motra, nuk ka ide më të madhe shoviniste, pas një ideje nacionaliste, sesa të kërkosh 61 deputetë për të mos u varur nga votat e të tjerëve, thotë Osmani.
Vuri re se në politikë nuk ka vakum, ose je i përfshirë ose kërkon alternativë. Osmani theksoi se aktualisht ka një ofertë për prishjen e Marrëveshjes së Prespës, ndërsa me prishjen e saj në të njëjtën ditë do të thotë izolim i plotë i shtetit nga flukset ndërkombëtare, ndërprerje e fondeve evropiane dhe pikërisht për këtë shteti ynë do të izolohet si një apendiks në Ballkan.
Para simpatizantëve dhe anëtarëve të Partisë Demokratike të Turqisë (PDT) dhe BDI-së u drejtua edhe kryetari i PDT-së Bejxhan Iljas i cili theksoi se këto zgjedhje janë kritike, si shtylla themelore të demokracisë dhe të ardhmes së vendit tonë të përbashkët.
“Si Parti Demokratike Turke, ne gjithmonë kemi luftuar për mbrojtjen dhe promovimin e të drejtave të komuniteteve pakicë. Në këto zgjedhje, për të dëgjuar më fort zërin e komunitetit turk dhe për të mbrojtur më mirë të drejtat tona, vendosëm të mbështesim kandidatin për kryetar të BDI-së apo të “Frontit Evropian”, të nderuarin Bujar Osmani”, tha Iljas.
Kandidati për president i BDI-së dhe “Frontit Evropian”, Osmani, më herët gjatë ditës së sotme ka pasur takime me qytetarët në Radovish dhe Shtip
Sonte në Çarshinë e Shkupit, fillon edicioni i parë i Festivalit Ndërkombëtar i Muzikës “Çarshia”. Kryetari i Komunës së Çairit, Izet Mexhiti tha se festivali do të ketë program të larmishëm duke filluar nga muzika klasike, opera, flamengo po edhe zhanre të tjera.
Mexhiti zbuloi se qëllimi i Komunës është që ky festival të bëhet tradicional dhe të organizohet për çdo vit.
Çarshia e Vjetër ka qenë gjithmonë një vend takimi i kulturave, njerëzve dhe historisë. Pikërisht për këtë arsye besojmë se është vendi i duhur që edhe arti të marrë një rol më të madh në jetën publike dhe të krijojë një lidhje të natyrshme mes trashëgimisë sonë dhe krijimtarisë bashkëkohore. Ne besojmë se investimi në kulturë është po aq i rëndësishëm sa investimi në çdo fushë tjetër të zhvillimit të qytetit.
Ministri i Kulturës, Sedat Sulejmani tha se mbështet dhe do të vazhdojë të mbështesë nisma të këtilla. Sipas Sulejmanit, pas Verës Tetovare, Festivali Çarshia bën që vendbanimet shqiptare të frymojnë në ritmin e kulturës, artit dhe trashëgimisë tonë kombëtare.
Kjo ka një domethënije të veçantë për arsye se do të jetë edhe si urë lidhëse mes kulturës sonë tradicionale dhe asaj bashkëkohore. Unë si ministër i Kulturës dhe Turizmit do të jemë gjithmonë në përkrahje të iniciativave të kësaj natyre dhe shpresoj që gjithmonë bashkarisht kështu do të korrim suksese të mëdhaja.
Në organizimin e Festivalit “Çarshia” ka ndihmuar edhe Inva Mula, njëra nga sopranot shqiptare me famë ndërkombëtare e cila tha se me këtë festival hapet një rrugë e re e artit, dijes dhe bashkëpunimit të paqes. Njoftoi se në këtë festival do të ketë artistë shqiptarë dhe jo vetëm, sipas saj, do të ketë artist nga Spasnja, Franca dhe jo vetëm.
Kjo them se është edhe do të thoja se është gjëja më e bukur që mund të ndodhi sot në Çarshi. Në këtë vënd që ju e thatë shum bukur, që flet me traditë, flet me një histori të lashtë dhe ne po përjetojmë, emocione dhe do të përjetojmë me artistët, e këto emocione të cilat janë të trashëguara dhe ne duhet t’i mbajmë të ndezura.
Festivali do të zhvillohet në dy prej monumenteve më të rëndësishme të trashëgimisë kulturore të Çarshisë edhe atë në Suli Han dhe Kurshumli Han dhe nga sonte, i njejti do të zgjasë deri më 26 korrik. Tv Koha
Lajme nga vendi
Mickoski: Qeveria do t’i dëmshpërblejë qytetarët që pësuan dëme nga moti i keq në Shkup
Kryetari i Qeverisë, Hristijan Mickoski, duke iu përgjigjur sot pyetjes gazetareske lidhur me atë se a do të dëmshpërblehen qytetarët për dëmet e shkaktuara nga moti i keq në Shkup, deklaroi:
“Sa i përket dëmshpërblimit të qytetarëve që pësuan dëme nga moti i keq, mund të them se komunat dhe institucionet në kuadër të tyre formojnë komisione. Qytetarët që kanë pësuar dëme duhet t’i paraqesin ato pranë këtyre komisioneve. Komisionet do të bëjnë vlerësimin e dëmeve dhe më pas do t’i dorëzojnë raportet në Komitetin për Vlerësimin e Dëmeve, i cili do t’ia përcjellë Qeverisë, ndërsa ne, në përputhje me ligjin dhe praktikën, do të ndërhyjmë dhe do t’i dëmshpërblejmë të gjithë qytetarët që kanë paraqitur dëmet e tyre. Apeloj te të gjithë qytetarët që kanë pësuar dëme t’i paraqesin ato, në mënyrë që Komisioni të dalë në terren, t’i konstatojë dëmet dhe Qeveria të marrë specifikimin e tyre, që të mund t’i dëmshpërblejmë.”
Dje në orën 17:40 në rrugën “JNA” në Gostivar, zyrtarë policorë nga DPB Gostivar kanë privuar nga liria dy 27-vjeçarë, të dy nga Gostivari. Gjatë kontrollit është gjetur një lëndë e bardhë pluhur dhe një kartëmonedhë prej 1000 denarësh me mbetje të lëndës së bardhë. Pas dokumentimit të plotë të rastit, ndaj tyre do të dorëzohen kallëzimet përkatëse.
……Pas mesnate në orën 02:55, zyrtarë policorë nga SPB Tetovë kanë privuar nga liria një 23 vjeçar nga fshati Nerasht dhe një 27-vjeçar nga fshati Bozovcë. Ata janë zënë në kryqëzimin mes rrugës “Boris Kidriç” dhe rrugës “Bllagoja Toska” në Tetovë duke prishur rendin dhe qetësinë publike me përleshje fizike mes vete. Gjatë kontrollit te njëri prej tyre janë gjetur katër paketime me marijuanë dhe ai është ndaluar në stacionin policor për procedurë të mëtejshme. Pas dokumentimit të plotë të rastit, ndaj të dyve do të dorëzohen parashtresat përkatëse.
……Dje në orën 22:35 në rrugën “Jasht Vardarit” në Tetovë, zyrtarë policorë nga SPB Tetovë kanë privuar nga liria një 47-vjeçar nga Tetova për shkak të dyshimit për vepër të kryer penale “cenimi e sigurisë” sipas nenit 133 të Kodit Penal. Sipas të denoncuarës, më 21.07.2026 rreth orës 18:15 në rrugën “107” në Tetovë, ai me pistoletë i është kërcënuar një 43-vjeçari nga Tetova. Ai është ndaluar në stacionin policor dhe pas dokumentimit të plotë të rastit ndaj tij do të vijojë parashtresa përkatëse.
……Pas mesnate në orën 00:10 në rrugën “Major Çede Filipovski” në Gostivar, zyrtarë policorë kanë privuar nga liria një 28-vjeçar nga Gostivari. Ai pa leje ka marrë një automjet zyrtar të udhëtarëve “Citroen” me targa të Gostivarit në pronësi të Kryqit të Kuq, ku shërbente si vullnetar, dhe me automjetin ka goditur disa automjete të parkuara. Gjatë kontrollit është konstatuar se ai e drejtonte automjetin pa pasur leje drejtimi, përkatsishtë pa patentë shoferi. Ai është ndaluar në stacionin policor dhe pas dokumentimit të rastit ndaj tij do të vijojë parashtresa përkatëse.
……Dje rreth orës 14:00 në një hapësirë parkingu në rrugën “Bllagoja Toska” në Tetovë, zyrtarë policorë kanë privuar nga liria një të mitur 16-vjeçar nga fshati Poroj. Paraprakisht, ai pa leje drejtimi ka drejtuar automjetin e udhëtarëve “Smart” me targa të Tetovës dhe me automjetin ka qenë i përfshirë në një aksident komunikacioni. Automjeti është konfiskuar dhe ndaluar në stacionin policor, ndërsa biseda zyrtare me të është kryer në prani të inspektorit për delikuencë të të miturve dhe kujdestarit të tij. Pas dokumentimit të rastit, ndaj personit do të dorëzohet kallëzimi përkatës.
……Pas mesnate në orën 02:00 te Pikëpagesa rrugore Zhelinë, zyrtarë policorë kanë privuar nga liria një 20-vjeçar nga fshati Cerovë. Gjatë kontrollit të komunikacionit është konstatuar se ai po drejtonte automjetin e udhëtarëve “Volksëagen Golf” me targa të Tetovës pa leje drejtimi. Automjeti është konfiskuar dhe pas dokumentimit të plotë të rastit ndaj tij do të vijojë parashtresa përkatëse.
……Dje në orën 15:15 në SPB Tetovë, një 42-vjeçare nga rajoni i Tetovës ka denoncuar se është mashtruar nga një person nga Shkupi, pronar i një firme për transport, për shumën prej 700 frangash zvicerane. Sipas të denoncuarës, ata paraprakisht në një rrjet social se kishin rënë dakord që personi t’i sillte një automjet “Volksvagen Polo” nga Zvicra, pas së cilës ai i ka paguar paratë, por automjeti as nuk i është dërguar dhe as nuk i janë kthyer paratë. Po ndërmerren masa për zbardhjen e rastit.
……Dje në orën 11:30 në DPB Gostivar, një 47-vjeçar nga Gostivari, drejtues i një personi juridik, ka denoncuar se ndërmarrja e tij është mashtruar nga një person nga Gostivari për shumën prej 110.700 denarësh. Sipas denoncimit, personi ishte zgjedhur në një shpallje për punësim në firmë, pas së cilës ka kërkuar hua për mbulimin e detyrimeve të mëparshme dhe i janë transferuar paratë, por ai ka refuzuar të fillojë punën dhe i ka ndërprerë të gjitha kontaktet pa i kthyer paratë. Po ndërmerren masa për zbardhjen e rastit.
……Dje në orën 10:00 në SPB Tetovë, një 81-vjeçar nga një fshat i Tetovës ka denoncuar se më 20.07.2026 në shtëpinë familjare, pas një mosmarrëveshjeje të shkurtër, është sulmuar fizikisht nga djali i tij 40-vjeçar. Po ndërmerren masa për zbardhjen e rastit.
……Dje në orën 08:10 në DPB Gostivar, një 21-vjeçare nga një fshat i Gostivarit ka denoncuar se, pas një mosmarrëveshjeje paraprake në shtëpinë familjare, bashkëshorti i saj kundërligjshëm dhe pa pëlqimin e saj ka marrë fëmijën e tyre 10-muajsh për në Zvicër. Për rastin janë njoftuar shërbimet kompetente dhe Qendra për Punë Sociale në Gostivar për zbardhjen e plotë të rastit.
Dje rreth orës 16:30 në SPB Tetovë është denoncuar se në zonën mes fshatrave Pirok dhe Gradec ka shpërthyer një zjarri i cili ka përfshirë një sipërfaqe të madhe me grurë. Zjarri është shuar tërësisht nga ekipi i Njësive Territoriale Kundër Zjarrit Tetovë dhe Bogovinë si dhe nga popullata lokale. Këqyrjen në vendngjarje e ka kryer një ekip nga SPB Tetovë.
ÇARSHIA E SHKUPIT NIS TË FRYMOJË ME TINGUJT E FESTIVALIT NDËRKOMBËTAR TË MUZIKËS
Mickoski: Qeveria do t’i dëmshpërblejë qytetarët që pësuan dëme nga moti i keq në Shkup
Kronika e zezë – Tetovë dhe Gostivar, 22 Korrik
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
