Lajme nga vendi
Qindra të rinj “rrezikojnë” të drejtën e votës, kjo është arsyeja
450 të rinj të cilët do të mbushin 18 vjet deri në ditën e zgjedhjeve presidenciale, përkatësisht më 24 prill nuk kanë asnjë dokument identifikimi me qëllim që të mund të shfrytëzojnë të drejtën e votës për herë të parë. Ndërkohë mbi 80 të rinj nga gjithsej 101 në terrorin e Shkupit kanë arritur të aplikojnë për dokumente në thirrjen e fundit të MPB-së për fotografim pa terminë.
“Rreth 450 shtetas të cilët kanë mbushur moshën 18 vjeç nuk kanë asnjë dokument biometrik, as letërnjoftim dhe as pasaportë. Në territorin e qytetit të Shkupit, 101 persona të cilët kanë mbushur moshën 18 vjeçare nuk posedojnë asnjë dokument biometrik, as letërnjoftim dhe as pasaportë. Prej tyre, 81 persona janë fotografuar në stacionin “Prolet” më 6 prill 2024”, njoftojnë nga MPB .
Përderisa këta të rinj presin që të pajisen me dokumente, para sporteleve të MPB-së presin edhe shumë qytetarë. Sipas tyre pritjet për marrjen e dokumenteve me procedurë të rregullt zgjatë më shumë se dy muaj.
“Isha për lejen e vozitjes dhe dy muaj që pres tani e mora. Pasaportë nxorët? Jo nuk më duhet ku do shkoj, letërnjoftim kam dhe ja këtë dy muaj që pres me procedurë të shpejtë”, tha një qytetar.
“Për pasaportë ishit? Po, e mora tani. Pas sa kohe? Pas dy muaj e gjysmë” , u shpreh një tjetër qytetar.
“E mora pas 3 muajsh pasaportën por mirë është”, theksoi një qytetar.
“Isha për të ndryshuar dokumentet. Ka pritje dhe rrëmujë por çfarë të bëjmë ata janë procedurat, ai shtet është. Jo ende nuk kam caktuar termin”, deklaroi një tjetër qytetar.
“Ishim për fotografim, njëherë më procedurë të rregullt për datën 11 nëntor por që duhet të shkojmë tek vajza dhe u deshtë të nxjerrim me procedurë të shpejtë, 6400 denarë për një pasaportë edhe të mos kesh e kisha patjetër. Ky është shteti ynë”, kështu tha një qytetar i anketuar nga Alsat.
Nga Ministria e Punëve të Brendshme njoftojnë se deri më 4 prill për letërnjoftim me emrin e ri të shtetit kanë aplikuar mbi 1 milion e 200 mijë qytetarë, për pasaportë rreth 1 milion e 490 mijë qytetarë dhe për leje të vozitjes rreth 646 mijë qytetarë. /Alsat.mk
Komisioni për Çështje të Zgjedhjeve dhe Emërimeve në seancën e sotme e ka përcaktuar Faton Selamin si propozim për Avokat të ri të Popullit.
Ai është jurist i diplomuar dhe magjistër i shkencave juridike në Fakultetin Juridik të Universitetit Shtetëror të Tetovës. Ka dhënë me sukses edhe provimin e jurisprudencës dhe atë noterial.
Për zgjedhjen e tij nevojitet që të votojnë së paku 61 deputetë në Kuvend, si dhe të sigurohet shumicë e Badinterit – përkatësisht së paku 20 vota “pro” nga gjithsej 39 deputetë që i përkasin komuniteteve që nuk janë shumicë.
Koalicioni opozitar shqiptar VLEN ka finalizuar marrëveshjen për ndarjen e kandidaturave për zgjedhjet lokale që do të mbahen në nëntor të këtij viti.
Burime të INA bëjnë të ditur se marrëveshja është arritur pas një takimi vendimtar të zhvilluar mbrëmjen e djeshme mes liderëve të partive përbërëse të koalicionit. Pas diskutimeve intensive, është vendosur ndarja përfundimtare e kandidaturave në disa nga komunat kryesore me shumicë shqiptare në vend.
Sipas marrëveshjes që e ka mësuar INA, këto janë kandidaturat që pritet të jenë zyrtare:
Çair – Izet Mexhiti
Tetovë – Bilall Kasami
Kërçovë – Fatmir Limani
Gostivar – Fadil Cana
Saraj – Muhamed Elmazi
Dibër-Fisnik Mela
Bogovinë-Feti Abazi
Tearcë-Daut Memishi
Zhelinë-Blerim Sejdiu
Bërvenicë-Haqim Ramadani
Studeniçan – Afet Jashari
Likovë – Nexhmedin Sadiku
Vrapçishtë-Hamit Shabani
Haraçinë-pritet të vendoset mes dy emrave?
Emrat e përmendur pritet të konfirmohen dhe zyrtarizohen edhe formalisht nga krerët e koalicionit VLEN.(INA)
Zv.kryeministri i parë i Qeverisë së Maqedonisë së Veriut, Izet Mexhiti, në intervistë për “Euronews Albania” konfirmoi se do të jetë kandidat për kryetar të Komunës së Çairit nga koalicioni VLEN.
Ai tha se çdo herë që ka garuar në Çair, ka dalë fitues, ndërsa në këto zgjedhje pret konfirmim të fitores së VLEN-it.
“Po, do të kandidoj, do të jem kandidat për kryetar komune të Komunës së Çairit. Jam kryetari i parë i Çairit që kam qenë në detyrë për 13 vjet. Kam qenë zëvendëskryeministër i parë për gati një vit tani, por vlerësimet dhe analizat e koalicionit VLEN na kanë çuar në përfundimin se duhet të kandidoj përsëri për Komunën e Çairit”, tha Mexhiti.
Ai shtoi se gara do të jetë e hapur, por është i bindur në fitoren e koalicionit VLEN.
“Garë është garë. Nuk dua të jem tepër i sigurt, por sa herë që kam kandiduar për Çair kam dalë fitues, dhe këtë herë fituesi do të jetë VLEN”, tha Mexhiti.
Ndryshe, Izet Mexhiti në zgjedhjet lokale për Çairin përballë do të ketë Bujar Osmanin nga BDI, i cili ditë më parë gjithashtu konfirmoi kandidaturën për kryetar të kësaj komune.
Conference League: Skuadrat shqiptare kërkojnë kalimin në raundin
Faton Selami propozohet për Avokat të Popullit
VLEN arrin marrëveshje për kandidaturat në zgjedhjet lokale
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve