Kampionati i ri 2026/2027 i futbollit në Ligën e Parë starton nesër me fillim në ora 17.00 me ndeshjen hapëse në Kavadar mes Tikveshit dhe Arsimit. Katër ndeshjet tjera zhvillohen të shtunën dhe të dielën.

Me ndeshjet e xhiros së parë të caktuara të zhvillohen këtë fundjave zyrtarisht  starton kampionati i ri 2026/2027 në Ligën e parë të futbollit  vendor.

Sezoni I ri futbollistik në vend nis me sistemin e ri garues katër rrethor, pasi në Ligën e Parë garojnë vetëm 10 ekipe.

Sipari i kampionatit të ri hapet të premten me ndeshjen mes Tikveshit dhe  Arsimit.  Dy skuadrat gjatë merkatos së verës  kanë  bërë  lëvizje  të  shumta  dhe  kanë zhvilluar përgatitje  cilësore  që  e kanë dëshmuar  me ndeshjet kontrolluese  dhe  sezonin e ri e presin  të përgatitur.

Në seancën e sotme  stërvitore KF Arsimi, asistoi edhe TV Koha, ku ra në sy  atmosfera e lartë e punës.

Advertisement

LABINOT MUSLIU – Ndihmës trajner

‘’ Gjykojmë se ekipi është i përgatitur  tashmë 30 e  ca  ditë në fazë përgatitore , në tre fazat  e  fazës përgatitore me përforcimet e reja  që  kanë  arritur  dhe me  përgatitjet  të cilat  kanë shkuar  në mënyrën më të mirë të mundshme. Shpresojmë  që të  fillojmë mbarë ashtu  siç  filluam  edhe në vitin e kaluar  pse  jo edhe më mirë.  Dihet  që  luajmë  në Kavadar  kundër  Tikveshit  një ekip solid, një ekip  me  disa  vite  eksperiencë në Ligën e Parë. Por  mbi gjitha  ne  luajmë  për llogarit  tona dhe mbaj  bindjen  që na  si staf dhe ekipi, lojtarët  nëpër gjithësi  kemi  përgatitur  ndeshjen  në mënyrën më të mirë të mundshme dhe  shpresojmë  që  të dalim nesër me  rezultat  pozitiv. Do të thotë  ekipi është i gjithi  në dispozicion  përveç  dy lojtarëve  të ri  të  cilët na  kanë ardhur   por ende  presim lejen nga  Federatat  nga  shtet  ku vinë‘’deklaroi ndihmës  trajneri  Labinot Musliu

 Sa i përket epilogut të kësaj ndeshje ndihmës trajneri  Musliu thotë  si  gjithmonë  nga  çdo ndeshje  presim  rezultat pozitiv

LABINOT MUSLIU – Ndihmës trajner

‘’Gjithsesi  presim rezultat pozitiv . Ne asnjëherë nuk shkojmë   ta  themë pak më  lirshëm s e as dorëzohemi  po as  fluturojmë  në kuptim  të  sportit , të  futbollit jemi  me këmbë mbi tokë , shkojmë të bëjmë ndeshjen tonë  të realizojmë strategjinë tonë , vizionin tonë  dhe  shpresojmë që në  fund  të  ndeshjes  të  dalim pozitiv’’ tha  trajneri Musliu

Advertisement

Të shtunën takohen  Struga Trim  Lum – Shkëndija e Haraçinës  dhe Vardari – Bregallnica , ndërsa  të dielën Sileksi – Bashkimi  dhe Shkëndija  –  Skopje që  do të zhvillohet në stadiumin e kampit stërvitor të FFM-së .

Të  gjitha  ndeshjet e xhiros së parë  fillojnë në ora  17:00./Tv Koha/ 

Në kuadër të manifestimit kulturor “Vera Tetovare”, në Tetovë u mbajt paneli i diskutimit me temë “Diaspora dhe Tetova”, ku morën pjesë mërgimtarë të suksesshëm nga fusha e biznesit, institucioneve dhe vendimmarrjes në vendet ku jetojnë. Në panel u diskutua për forcimin e bashkëpunimit ekonomik e shoqëror me diasporën, si dhe për krijimin e kushteve më të favorshme për investimet e saj në Tetovë.

Panelistët vlerësuan se diaspora mbetet një nga asetet më të rëndësishme për zhvillimin e qytetit dhe theksuan nevojën për krijimin e urave të bashkëpunimit ndërmjet mërgatës dhe institucioneve vendore.

Ridvan Azizi – Panelist
“Qëllimi i këtij aktiviteti është të kuptohet edhe më shumë, në aspektin akademik dhe shoqëror, ndikimi i diasporës në Tetovë dhe mënyrat se si mund të krijohen ura bashkëpunimi në të ardhmen. Tetova ka një mërgatë të madhe dhe synimi është që ajo të kontribuojë më shumë, jo vetëm në aspektin ekonomik, por edhe në atë shoqëror e social, duke lehtësuar edhe investimet që mund të realizohen këtu.”

Gafar Vejseli tha se organizime të tilla krijojnë mundësi për koordinim më të mirë ndërmjet diasporës, institucioneve dhe komunitetit të biznesit.

Gafar Vejseli – Kryetar i Klubit të Biznesit

Advertisement

“Është shumë i rëndësishëm organizimi i kësaj konference dhe besoj se duhet të vazhdojë edhe në vitet e ardhshme. Të paktën të bëhemi bashkë, të njihemi mes vete dhe të kontribuojmë për qytetin. Si Klubi i Biznesit jemi të angazhuar për bashkëpunim me institucionet shtetërore dhe komunat, në mënyrë që të bashkërendojmë investimet dhe interesin e diasporës, veçanërisht të kompanive nga Gjermania.”

Edhe Lumni Ademi vlerësoi lidhjen e fortë të diasporës me vendlindjen, duke theksuar rëndësinë e bashkëpunimit të vazhdueshëm.

Lumni Ademi – Mjek në Zvicër
“Jam shumë i nderuar që jam pjesë e këtij paneli me temën e diasporës. Këtu vërehet një lidhje shumë e fortë ndërmjet diasporës dhe vendlindjes, ndërsa do të prezantojmë mënyrat se si ky bashkëpunim mund të zhvillohet edhe më tej.”

Kryetari i Komunës së Tetovës, Bilall Kasami, tha se ky panel pasqyron realitetin e sotëm të diasporës shqiptare, e cila përfaqësohet nga njerëz të suksesshëm në biznes, institucione dhe organizata në vende të ndryshme të Evropës dhe në Shtetet e Bashkuara të Amerikës. Sipas tij, ky është një format që krijon hapësirë për bashkëpunim më të ngushtë dhe përfshirje më të madhe të potencialit të mërgatës në zhvillimin e Tetovës.

Bilall Kasami – Kryetar i Komunës së Tetovës
“Besoj fuqishëm se ky format i panelit është më se i përshtatshëm dhe reflekton realitetin që po jetojmë. Kemi përfaqësues nga pothuajse të gjitha shtetet evropiane, nga SHBA-ja dhe nga vendet ku jeton diaspora jonë. Gjithashtu kemi përfaqësues nga biznesi, organizata të ndryshme dhe institucione që mbajnë pozita të rëndësishme në Evropë dhe SHBA.”

Advertisement

Duke folur për të drejtën e votës së diasporës, Kasami tha se po shqyrtohen modele që do t’u mundësonin mërgimtarëve të votojnë nga vendet ku jetojnë, përmes postës ose në mënyrë elektronike. Ai shtoi se diaspora mbetet një nga prioritetet e institucioneve dhe se angazhimi për ta përfshirë më shumë në proceset demokratike dhe zhvillimore do të vazhdojë.

Bilall Kasami – Kryetar i Komunës së Tetovës
“Prandaj po bisedohen opsionet që diaspora të mund të votojë. Bisedimet janë që të ketë mundësi të votohet përmes postës ose përmes votimit elektronik, duke shfrytëzuar teknologjitë e fundit. Ne punojmë dhe garantojmë se nuk e harrojmë diasporën; ajo mbetet në krye të prioriteteve dhe agjendës sonë.”

Paneli “Diaspora dhe Tetova” u vlerësua si një mundësi për të forcuar lidhjet ndërmjet Tetovës dhe mërgatës, me synimin që përvoja, njohuritë dhe investimet e saj të kontribuojnë më shumë në zhvillimin ekonomik dhe shoqëror të qytetit. TV KOHA

Doganierët në pikën kufitare Tabanoc, gjatë hyrjes në shtet, kanë parandaluar një tentativë për kontrabandimin e 348 gramëve stoli ari, me vlerë prej 1.3 milionë denarësh.

Rasti u zbulua gjatë një kontrolli të detajuar të një automjeti me të cilin udhëtonte një çift bashkëshortësh, shtetas të Maqedonisë së Veriut me vendbanim në Belgjikë.

Në çantën e bashkëudhëtares u gjetën 26 copë stoli ari.

Ndaj saj, Departamenti i Hetimeve pranë Sektorit për Kontroll dhe Hetime ka ngritur kallëzim penal për veprën penale “kontrabandë”, e dënueshme sipas Kodit Penal.

Nga Drejtoria e Doganave njoftojnë se gjatë këtij viti janë zbuluar 13 raste të kontrabandimit të arit, ku janë sekuestruar më shumë se 2.5 kilogramë stoli ari dhe monedha ari.

Advertisement