Lajme nga vendi
Nevojitet ritëm i shpejtë për reformat në gjithë Ballkanin Perëndimor
Rreth njëzet vjet presin disa vende të Ballkanit Perëndimorpër afrimin në BE, por rruga është me pengesa. Reformat e nevojshme në shumë drejtime nuk janë zbatuar, po ashtu për shumë kohë në BE ka munguar vullneti politik dhe një strategji e qartë ndaj Ballkanit Perëndimor.
E pikërisht tani, kur Europa po përballet me dy luftra – lufta sulmuese e Rusisë në Ukrainë dhe konflikti në Lindjen e Mesme – po bëhet e qartë, se një Ballkan Perëndimor i pa stabilizuar mund të jetë një rrezik shtesë për sigurinë. “Lufta sulmuese ruse ndaj Ukrainës e ka bërë një domosdoshmëri gjeopolitike zgjerimin e BE-së”, tha ministrja e Jashtme gjermane Annalena Baerbock të hënën (4.03.2024) në Mal të Zi – stacioni i parë i vizitës së saj në udhëtimin dy ditor në Ballkanin Perëndimor.
Mali i Zi po rrit shpejtësinë
Koha e zgjedhur për udhëtimi i kryediplomates gjermane nuk është rastësi: Në mes të marsit publikohet raporti i radhës i Komisionit të BE-së për progresin dhe pak pas tij në samitin e BE-së do të diskutohen hapat e mëtejshëm. Vendi anëtar i NATO-s, Mali i Zi, njëri prej gjashtë vendeve aspirante për antarësim në BE, ka përparuar mjaft në procesin e negociatave.
Mali i Zi nisi një reformë në drejtësi dhe posti vakant prej vitesh i kryeprokurorit tani më në fund u plotësua nën presionin e Brukselit. Megjithatë deri në përmbushjen e të gjitha kritereve rruga është e gjatë. Pavarësisht kësaj qeveria pro-europiane e Malit të Zi po nxit procesin me një plan mjaft ambicioz: “28 by 28” është nisma kombëtare, që ka për qëllim antarësimin e vendit deri në vitin 2028 në BE.
Nga 2028 bë BE?
Baerbock nuk dëshironte të pozicionohej konkretisht për datën, duke nënvizuar, se duam ta përshkojmë bashkarisht rrugën për në BE e “madje sa më shpejt”. Por zgjerimi nuk është “qëllim në vetvete, por i shërben forcimit të Europës sonë të përbashkët”, tha ajo. Nga 33 kapituj të hapur Mali i Zi deri tani ka përmbyllur vetëm tre. Megjithatë ministri i Jashtëm malazez, Filip Ivanovic, dha një sinjal pozitiv. Vendi i tij do t’i përmbahet datës së antarësimit në vitin 2028: “Eshtë e mundur dhe realiste”, siguroi ai.
Në Mal të Zi fryma pro antarësimit në BE është mjaft pozitive: Gati 80 përqind e popullsisë janë për antarësimin e vendit në BE. Ndërsa në Serbi vetëm një në tre qytetarë preferojnë antarësimin e vendit të tyre në BE. Udhëheqja aktuale e Malit të Zi do ta shfrytëzojë këtë frymë pozitive të popullsisë për avancimin e reformave.
Bosnja në udhëkryq
Edhe qeveria e Bosnjes dhe Hercegovinës, ku Baerbock qendroi të martën (5.03.2024) siguroi, se do të angazhohet për reformat e nevojshme për në BE. Krahas një ligji për luftën kundër pastrimit të parave dhe financimit të terrorizmit ky vend do të miratojë edhe një ligj tjetër lidhur me konfliktin e interesit dhe do të nisë reformën në drejtësi.
Ministrja e Jashtme e sheh aktualisjt Bosnjen dhe Hercegovinën në një “udhëkryq vendimtar” në rrugën drejt BE-së. “Ka herë pas here momente në histori, ku duhet kapur çasti dhe duhet shfrytëzuar shansi”, tërhoqi vëmendjen Baerbock në Sarajevo gjatë konferencës së shtypit me homologun boshnjak Elmedin Konakoviç.
Sidoqoftë proceset e vendimmarrjes në Bosnje dhe Hercegovinë janë shumë të vështira. Për shkak të ndarjes në tri etni të vendit reformat e mëdha janë të lidhura me procese të vështira e të mundimshme të vendimmarrjes. “Secili politikan këtu mund t’i bllokojë proceset e vendimmarrjes”, shpjegoi ministri iJashtëm i Bosnje dhe Hercegovinës, Elmedin Konakovic, gjendjen në vend. “Ne nuk duam t’ua pengojmë shansin qytetarëve tanë për antarësimin në BE”, theksoi ai.
Influenca ruse destabilizuese
Bosnje dhe Hercegovina është që nga dhjetori 2022 vend kandidat për antarësim në BE. Udhëheqja në Sarajevë ndërkohë po lufton jo vetëm për gatishmërinë për reforma të të gjitha pjesëve të vendit, por edhe ndaj influencës gjithnjë në rritje e përpjekjeve të Moskës për destabilizim. Në Bosnje dhe Hercegovinë këto përpjekje kanë një emër: Milorad Dodik. Presidenti nacionalist i Republika Srpska (RS) synon shkëputjen e pjesës serbe nga vendi. Ngjashëm si edhe presidneti i Serbisë Vuçiq, edhe Dodik ruan kontakte të ngushta me Kremlinin dhe së fundi vizitoi Aleksandër Lukashenkon dhe Vladimir Putinin.
Në pamje të jashtme udhëheqja e Bosnje dhe Hercegovinës përpiqet ta nënvleftësojë rolin problematik të separatistit Dodik. Njerëzit në vend tashmë janë ambjentuar me të, tha Ivanoviç. Por Baerbock në takimin e përbashkët tërhoqi vëmendjen nga rreziku i “fantazive për shkëputje” dhe bëri thirrje për ruajtjen e unitetit të vendit në rrugën për në BE. “Ne duam, që Bosnje dhe Hercegovina të antarësohet si një e tërë në BE”, tha ajo në Sarajevë.
Ballkani Perëndimor në aspektin gjeopolitik më i rëndësishëm se kurrë më parë
Krahas problemeve të politikës së brendshme dhe rritjes së influencës nga Rusia, situata aktuale gjeopolitike krijon shqetësim në Ballkanin Perëndimor. Disa druajnë, se pas zgjedhjeve të BE-së në Parlamentin Europian mund të ketë më shumë deputetë skeptikë ndaj zgjerimit dhe se në SHBA Donald Trump mund të fitojë zgjedhjet presidenciale. Ndaj ka shqetësim, se kjo do ta zbehte sërish vëmendjen e Europës ndaj Ballkanit Perëndimor.
Por nuk e shohin kështu gjendjen politikanët gjermanë që merren me politikën e jashtme. Politikani kristiandemokrat, Jürgen Hardt, i cili bënte pjesë në delegacionin e ministress ë Jashtme Baerbock gjatë këtyre vizitave në Ballkanin Perëndimor, mendon, se pikërisht zhvillime të tilla do ta rrisin edhe më shumë peshën gjeopolitike të këtij rajoni për Europën. Rëndësia e këtij rajoni “është aktualisht me e madhe se asnjëherë më parë”, i tha ai DW-së. Ky rajon nuk duhet të lihet si zonë e influencës ruse.
“Pikërisht në një sfond të tillë, që ballkani perëndimor është kaq pranë nesh, qëllimi ynë duhet tëjetë, që Europa dhe Perëndimi të luajnë aty rol parësor”, tha i dërguari i posaçëm i qeverisë gjermane për vendet e Ballkanit Perëndimor, Manuel Sarrazin, i cili gjithashtu shoqëronte ministren Baerbock gjatë këtyre vizitave. Një rajon kaq i afërt i pastabilizuar mund të kthehej në një pikë të dobët për Europën.
Lajme nga vendi
Ganiu i përgjigjet Arsovskës: S’kam pse të arratisem në Kosovë! Arsovskën mund ta dërgoj në Ferizaj që ta mësojë si zhvillohen qytetet
Kryetari i komunës së Çairit, Visar Ganiu, i është përgjigjur kryetares së Shkupit Danella Arsovska, e cila ditë më parë porositi Ganiun të arratisen në Kosovë për t’i shpëtuar ndjekjes për keqpërdorimet në komunën e Çairit.
Në emisionin “Dialog te Lajmi”, Ganiu tha se nuk ka asnjë arsye për t’u arratisur në Kosovë, ndërsa tha se Arsovskën mund ta dërgojë në Ferizaj për ta mësuar se si zhvillohen qytetet.
“Vetë paraqitja e asaj tregon për nivelin, tregon për brendinë që e ka ajo ndaj neve edhe si shqiptarë, në këtë kontekst. Për shkak se vetë fakti që përmend Kosovën, Kosova sigurisht që te ajo asocon për diçka të keqe. Unë nuk arratisem në Kosovë, unë shkoj e vizitoj Kosovën shumë shpesh sepse atje kam familjen. Qyteti që më së shumti e frekuentoj është Ferizaji sepse nëna ime e ndjerë ka qenë prej Ferizaji. Ndonjëherë mund ta ftoj z.Arsovska për kafe dhe ta sheh se si evaluojnë qytetet dhe ata kryetar që janë menaxhet të mirë. Sot, Ferizaji mund të them që është konkurent edhe me Prishtinën si kryeqendër, mos të flas për kryeqendrat tjera se si zhvillohen në rajon këtu, duke marrë parasysh edhe Tiranën edhe Prishtinën. Për fat të keq Shkupi është në nivelin më të ulët. Arsyen e dimë të gjithë, e dinë edhe qytetarët. Është Danella Arsovska. Një njeri që nuk e ka lëvizur një cm asnjë punë në qytetin e Shkupit”, tha Ganiu në emisionin “Dialog te Lajmi” që transmetohet sot në ora 17:00.
Lajme nga vendi
Toshkovski për ngjarjet me Arsovskën: Ajo që po sheh publiku maqedonas është një cirk dhe një paradë para zgjedhjeve lokale
Ministri i Punëve të Brendshme, Pançe Toshkovski, në lidhje me thirrjet e kryetares së Qytetit të Shkupit Danella Arsovska që autoritetet të marrin masa për ndërtimet pa leje në Çair, si dhe kërcënimet me jetë, thotë se MPB-ja dhe Prokuroria reagojnë për çdo kallëzim ndaj kujtdo. Për punën e kryetarëve të komunave për atë se çfarë lejohet dhe nuk lejohet të ndërtohet me ligj, ai thotë se është mirë që ta bëjnë këtë gjatë gjithë mandatit të tyre dhe jo vetëm para zgjedhjeve.
“Është mirë që secili në Maqedoni të bëjë punën për të cilën paguhet. Komunat duhet të kontrollojnë kompetencat e tyre në lidhje me atë që lejohet të ndërtohet me ligj, çfarë nuk lejohet të ndërtohet me ligj, është mirë që ta bëjnë këtë gjatë gjithë mandatit të tyre, është mirë që ta bëjnë këtë që nga fillimi kur emërohen në një pozicion të caktuar në vazhdimësi për 4 vjet sa zgjat mandati, është gjithashtu mirë që ta bëjnë këtë, dhe është mirë që qytetarët në fund të atij mandati të japin një vlerësim se si e kanë kryer punën e tyre në katër vitet e kaluara. Dhe është mirë që njëherë e përgjithmonë në Maqedoni secili që merr para nga buxheti të bëjë punën për të cilën paguhet”, tha Toshkovski, duke iu përgjigjur pyetjeve gazetareske.
Toshkovski theksoi se detyra e kryetarit të komunës dhe kryetarëve të tjerë është që të veprojnë sipas dispozitave të ligjit për ndërtim në pjesën e juridiksionit të tyre dhe të kontrollojnë se si po kryhet ndërtimi, çfarë po ndërtohet, a po ndërmerren veprime në përputhje me ligjin apo jo, dhe detyra e MPB-së është që të veprojë në përputhje me urdhrat e gjykatës ose të Prokurorisë publike që të mund të ndërmarrë veprime të duhura, me qëllim që siç tha, të kemi qasje jo selektive dhe më ndryshe në kuadër të zbatimit të ligjit.
“Nëse kërcënime serioze bëhen nga kushdo, ndaj kujtdo dhe denoncohen në Ministrinë e Punëve të Brendshme dhe në përputhje me aktet ligjore dhe nënligjore, konstatohet nevoja për të ndërmarrë veprime të caktuara në kompetencë të MPB-së, ju siguroj se do t’i marrim menjëherë. Ka procedurë për të përcaktuar nëse ka kërcënim serioz, si duhet të reagojë Ministria në mënyrë të duhur, si duhet të reagojë Prokuroria, si duhet të reagojë gjykata ndaj veprimeve të tilla që ndërmerren si veprime procedurale në të gjitha hapat”, tha Toshkovski.
Ai përsëriti se secili duhet ta bëjë punën që paguhet sipas ligjit dhe nëse është e mundur, theksoi ai, jo për hir të cirkut apo paradës.
“Ajo që po sheh publiku i Maqedonisë është ekskluzivisht cirk dhe paradë para zgjedhjeve lokale. Nëse do të kishte qenë brenda vitit të parë, do të ishte mirëseardhur dhe do të ishte vërtet e sinqertë, njerëzit e dinë këtë, këta njerëz e dinë kur diçka është e sinqertë dhe e dinë kur diçka është për hir të një cirku. Këtu nuk bëhet fjalë për dëshirën për të vendosur rregull në Maqedoni, këtu flasim për paradë dhe cirk, ndërsa MPB do të veprojë në kuadër të kompetencave të veta ashtu siç ka vepruar edhe më parë”, tha Toshkovski.
Kryetarja e Qytetit të Shkupit Danella Arsovska dhe kryeministri Hristijan Mickoski këto ditë kanë shkëmbyer mesazhe përmes opinionit. Kryeministri pardje deklaroi se Prokurorisë duhet t’i lihet të veprojë sipas provave të dorëzuara dje nga kryetarja e Shkupit Arsovska lidhur me objektet ilegale të legalizuara në komunën e Çairit dhe e inkurajoi atë që të raportojë në MPB se po kërcënohet me jetë. Ndërkaq, Arsovska mëngjesin e sotëm përmes Fejsbuk-ut i është drejtuar kryeministrit duke e akuzuar se ka lejuar kryetarin e Komunës së Çairit, Visar Ganiu të legalizojë objektet pa leje, duke thënë se nuk do të dorëzohet dhe as nuk do të largohet.
VLEN akoma nuk ka caktuar kandidatin me të cilin pretendon të fitojë Komunën e Kërçovës.
Sipas Bilall Kasamit, ka disa opsione, por për t’u përcaktuar me cilin do të garohet, do të respektohen disa procedura.
Kasami tha se kandidati që do të shkojë në raundin e dytë për Kërçovën do të jetë ai i VLEN-it. Procedura për përcaktimin e kandidatëve nëpër komunat tjera është në rrjedhë e sipër.
“Parimisht VLEN do të ketë kandidat në të gjitha komunat ku shqiptarët janë shumicë, përfshi edhe Kërçovën për ku janë disa kandidatë. Do të shohim t’i përzgjedhim kandidatët më të mirë. Në koordinim më strukturat, qytetarët dhe sektorin civil, përfshi edhe me agjencitë që bëjnë matjen e mendimit publik, do të shohim se cili kandidat do të jetë më i miri për Kërçovën. Ne besojmë se ai kandidat do të jetë i VLEN-it dhe do ta përkrahim atë”, tha Bilall Kasami, VLEN.
Ganiu i përgjigjet Arsovskës: S’kam pse të arratisem në Kosovë! Arsovskën mund ta dërgoj në Ferizaj që ta mësojë si zhvillohen qytetet
Toshkovski për ngjarjet me Arsovskën: Ajo që po sheh publiku maqedonas është një cirk dhe një paradë para zgjedhjeve lokale
Kush do të jetë kandidat për komunën e Kërçovës nga VLEN?
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
Me iniciativë të kryeshefit Rijat Ali, shërbimet për dokumentacione edhe në stacionet lokale
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve