Me rastin e Ditës Ndërkombëtare Kundër Korrupsionit, VLEN kujton se kjo nuk është një ditë formale për deklarata boshe, por një alarm i fortë për një sëmundje që ka gërryer themelet e shtetit për vite me radhë.

Korrupsioni nuk është thjesht shkelje ligjore, është tradhti ndaj qytetarëve, vjedhje e së ardhmes dhe shkatërrim i besimit publik. Ai nuk luftohet me fjalë, as me dokumente për sy e faqe. Luftohet me vendime të guximshme, me njerëz të pastër dhe me refuzim të kompromisit me të keqen, dhe këtë po e bëjmë.

Shteti nuk pastrohet me deklarata, por me karakter. Institucionet nuk ndërtohen me propagandë, por me integritet. Dhe drejtësia nuk është luks, është detyrim. VLEN është e vendosur ta çmontojë kulturën e pandëshkueshmërisë dhe të ndërtojë një shtet ku pushteti nuk është privilegj por përgjegjësi.
Në këtë betejë, indiferenca është bashkëpunim me korrupsionin. Heshtja është mbështetje për padrejtësinë. Sot nuk mjafton ta dënojmë korrupsionin, duhet ta shkulim nga rrënjët.

VLEN mbetet e palëkundur: zero tolerancë ndaj korrupsionit, zero kompromis me krimin, zero frikë nga e vërteta.

Nga Ministria e Punëve të Brendshme njoftojnë se gjatë mbrëmjes së djeshme, është arrestuar një 28-vjeçar nga fshati Kopanicë, pasi i njëjti, ishte kapur duke transportuar pesë emigrantë nga Egjipti.

“Më 08.12.2025 në orën 20:30, në vendin e quajtur “Nova petla” në Gjevgjeli, punonjës policorë nga Stacioni Policor për Kalim Kufitar dhe Mbikëqyrje Kufitare Bogorodicë, e arrestuan R.R. (28) nga fshati Kopanicë, rrethina e Shkupit. Gjatë kontrollit në automjetin “Peugeot” me targa nga Gostivari, që e drejtonte ai, u gjetën pesë emigrantë nga Egjipti. Emigrantët u dërguan në Qendrën e Pranimit – Transit “Vinojug” në Gjevgjeli, dhe pas dokumentimit të plotë të rastit, kundër R.R. do të parashtrohet kallëzim i duhur penal”, thonë nga MPB.

Kompania ajrore me buxhet të ulët “Izixhet” nga viti i ardhshëm do të realizojë fluturime sezonale nga Bodrumi deri në Shkup dhe Sarajevë, njoftoi portali “Eks ju aviejshën”.

Linja ajrore për Shkup do të fillojë nga 2 korriku dhe do të realizohen çdo të enjte, ndërsa nga Sarajeva nga 28 qershori, gjegjësisht çdo të diele.

“Izixhet” me “Anadolluxhet” i shërbeu dy linjat ajrore në të kaluarën, deri në Shkup prej vitit 2022 deri në vitin 2024, ndërsa nga Sarajeva prej vitit 2021 deri në vitin 2014.