Lajme nga vendi
NDËRKOMBËTARËT, ASNJË KUNDËRSHTIM PËR NDRYSHIMIN POLITIK QË PO VJEN TEK SHQIPTARËT E MAQEDONISË
Arben Taravari, njëri nga partnerët e koalicionit “VLEN” ka konfirmuar se një pjesë e shkrimeve të disa mediave për ndarjen e dikastereve qeveritare dhe posteve zyrtare janë të sakta. Sipas Taravarit, ndoshta sot ose nesër do të shpallet marrëveshja përfundimtare mes partnerëve të ardhshëm qeveritar, VLEN-it dhe VMRO-DPMNE-së.
“Aleanca do të ketë dy ministri, një zëvendëskryeministër për qeverisje të mirë dhe transparencë dhe ministrin e shëndetësisë dhe dy zëvendësiministra, si dhe dy sekretar shtetëror, gjegjësisht zv.ministër për mbrojtje dhe zv.ministër për bujqësi. Sekretar shetëror në shëndetësi dhe një tjetër që tani nuk më kujtohet”, shprehet Taravari.
Taravari tha se emrat e kuadorve që do të emërkohen në këto pozita ende nuk i kanë definuar. I pyetur nëse do të jetë ministri i ardhshëm i Shëndetësisë, ai tha se nuk ka vendosur dhe ende është duke menduar nëse do ta pranojë këtë pozitë.
“Nuk përjashtohet mundësia, por nuk është definitive”, tha Taravari.
Taravari komentoi edhe rezultatet nga rivotimi dhe theksoi se ata kanë qenë në avantazh më 8 maj dhe tani, siç tha ai, janë në avantazh të madh.
“BDI mund ta ankimon rezultatin, por rezultatet janë këto që janë. Ishte e pritshme dhe tani vala e ndryshimit është ajo që nuk mund të ndalet, prandaj BDI-ja duhet të pajtohet me rezultatin. Qytetarët tani janë liruar, votojnë pak më lirshëm se sa më parë dhe uroj që BDI-ja ta pranon këtë realitet. Tash VLEN-i ka një deputet më shumë, BDI-ja një deputet më pak”, deklaroi Taravari.
Deklarata e Taravarit mes tjerash tregon se bisedat për formimin e qeverisë së re kanë avancuar deri në atë stad, saqë janë ndarë edhe resoret e eshalonit të dytë, e jo vetëm ato të eshalonit të parë, shkruan Zhrunal. Ajo që bie në sy, ndoshta për herë të parë, ëprfaqësuesit e bashkësisë ndërkombëtare as në mënyrë të drejtpërdrejtë e as në mënyrë të tërthortë nuk po deklarohen konkretisht lidhur me ndryshimet që po vërehen në horizontin politik.
Geer: Nuk përzihemi në negociatat e partive për qeverinë e re, kemi komunikim me të gjithë
Ambasadori i BE-së në Shkup, David Geer, sot ka thënë se BE nuk është e interesuar për deklaratat e partive politike gjatë fushatës, por do të vlerësojë veprimet e tyre pas formimit të qeverisë së re.
Geer gjithashtu tha se nuk i komenton negociatat mes partive për formimin e qeverisë së re, duke shtuar se ata janë në komunikim me të gjitha partitë.
“Unë nuk mund të komentoj në lidhje me negociatat të cilat për momentin janë duke u zhvilluar. Me rëndësi është të potencohet se kishim zgjedhje demokratike, të cilat duhet të rezultojnë me formimin e qeverisë së re. Sa i përket BE-së ne jemi të interesuar të bashkëpunojmë me të gjithë ata do të punojnë për avancimin e rrugëtimit drejt BE-së dhe ata të cilët do të punojnë në reformat e kërkuara nga BE dhe të gjitha hapat tjerë që do të kontribuojnë për anëtarësimin sa më të shpejtë të vendit në BE”.
“Ne flasim me të gjitha partitë politike, që janë duke biseduar për qeverinë e re. Sa i përket negociatave ajo nuk është punë e BE-së. Në praktikë të gjitha partitë gjatë fushatës kanë pasur agjendë politike e cila jep rrugëtimin e qartë të integrimit në BE. Pra, nuk ka të bëjë me atë se çfarë partitë thonë, por ne do të vlerësojmë atë çfarë do të bëjnë ata pas formimit të qeverisë”, tha mes tjerash Geer, i cili sot ishte për vizitë në Universitetin e Tetovës.
Probleme në ndarjen e “kulaçit opozitar” mes BDI-së dhe LSDM-së!?
Deri sa VMRO dhe VLEN po negociojnë për ndarjen e kulaçit qeveritar, LSDM dhe Front Evropian do të negociojnë për ndarjen e “kulaçit opozitar”, shkruan Zhurnal. Mirëpo situata për ndarjen e këtij “kulaçI” duket paksa e komplikuar, sepse bëhet fjalë për dy koalicione me mandate të barabarta. Kjo do të komplikojë ndarjen e pozitave që i takojnë partive opozitare, kryetarin e Komisionit Shtetëror të Zgjedhjeve dhe dy trupat punues në Kuvend, Komisionin për financa dhe buxhet dhe Komisionin e përhershëm anketues për liritë dhe të drejtat e njeriut. Normat ligjore nuk i referohen koalicioneve, por partive politike si pozitë dhe opozitë. Përkatësisht, Kodi Zgjedhor i referohet “dy partive në opozitë” dhe jo koalicioneve. Ndërsa në dispozita tjera i referohet partive në opozitë të cilat në zgjedhjet e fundit për deputet në Kuvend që kanë siguruar më së shumti vota.
“Nga kandidatët e propozuar në listë, partitë politike në opozitë propozojnë kryetarin dhe dy anëtarë në KSHZ, ndërsa partitë në pushtet propozojnë nënkryetarin dhe tre anëtarë”. – Kodi Zgjedhor, neni 27, paragrafi 27.
Edhe në Kuvend, Rregullorja nuk i referohet koalicioneve por grupeve parlamentare, apo “numrit të deputetëve në grupet parlamentare”. Në këtë situatë mbetet e paqartë se cilit koalicion do t’i takon kryetari i Komisionit për financa dhe buxhet, derisa LSDM-ja dhe BDI-ja si udhëheqëse të koalicionit (derisa përfundojnë si parti opozitare) nuk ndahen në subjekte të veçanta me qëllim organizimin nëpër trupa punues.
“Përbërja e trupave punues dhe e komisioneve anketuese përcaktohet me vendim të Kuvendit, varësisht nga numri i deputeteve në grupet parlamentare, nga deputetët të cilët nuk janë të organizuar në grupe të deputetëve dhe në përputhje me Ligjin për mundësi të barabarta të femrave dhe meshkujve”. – Rregullorja e Kuvendit, Neni 118, paragrafi 5.
Sipas certifikimit të 118 deputetëve, derisa pritet certifikimi edhe i dy deputetëve të tjerë, Koalicioni “Fronti Evropian” dhe Koalicioni “Për të ardhme Evropiane” kanë nga 18 mandate, ndërsa me numër të votave Koalicioni “Për të ardhme Evropiane” është mbi 17 mijë vota para “Frontit Evropiane”. Deri më tani nuk ka pasur praktika kur partia e parë dhe e dytë opozitare është ndarë me numër të votave./Zhurnal
Me 27 vota pro, Këshilli Komunal ka miratuar buxhetin e Komunës së Tetovës për vitin 2026. Propozim-buxheti kap vlerën mbi 44 milionë euro, nga të cilat rreth 17 milionë euro janë të dedikuara për projekte kapitale. Kryetari i Komunës së Tetovës, Bilall Kasami, theksoi se buxheti për vitin 2026 është më i madh krahasuar me vitin paraprak dhe se bëhet fjalë për një buxhet zhvillimor.
“Për herë të parë, rreth 40 për qind e buxhetit është e dedikuar për investime kapitale. Në buxhetet e mëparshme, 70 deri në 80 për qind shkonin për paga dhe shpenzime operative. Ky buxhet parasheh ndërtimin e shkollave të reja, pishina, rrugë, kanalizim, ujë të pijshëm dhe projekte të tjera në interes të drejtpërdrejtë të qytetarëve”, deklaroi Kasami.
Ai sqaroi se janë paraparë mbi 200 mijë euro për projektimin dhe depërtimin e një rruge të re në fshatin Shipkovicë, e cila do të jetë pjesë e lidhjes rrugore Tetovë-Prizren.
“Në Shipkovicë do të ndërtohet një qarkore, në mënyrë që rruga të mos kalojë përmes fshatit, pasi rruga ekzistuese nuk i plotëson kushtet. Janë ndarë mbi 200 mijë euro për projektimin dhe depërtimin e kësaj qarkoreje. Segmenti nga Tetova deri në Shipkovicë i plotëson kushtet, ndërsa pjesa nga Shipkovica drejt fshatrave të tjera do të zgjerohet”, shtoi Kasami.
Këshilltari nga Lista Më Mirë për Tetovën, Agron Arifi, kritikoi disa zëra të buxhetit, duke theksuar se në të janë përfshirë mjete për rrugë që, sipas tij, janë realizuar gjatë fushatës zgjedhore.
“Bëhet fjalë për projekte që janë realizuar gjatë vitit 2025 dhe që do të paguhen nga buxheti i vitit 2026. Gjithashtu, kemi punësime me kontrata në Komunën e Tetovës, me një vlerë rreth 570 mijë euro. Propozova një amendament për rregullimin e fushës sportive në Gjimnazin ‘Kiril Pejçinoviç’, por nuk u pranua me arsyetimin se aty do të ketë investim privat”, tha Arifi.
Gjatë seancës, këshilltarët e Aleanca Kombëtare për Integrim akuzuan se edhe për vitin 2026 është paraparë një buxhet i konsiderueshëm për punësime, të cilat i cilësuan si punësime të militantëve partiakë. Këto akuza u hodhën poshtë nga kryetari Kasami, i cili deklaroi se në Komunën e Tetovës askush nuk merr pagë pa kryer punë. Po ashtu, këshilltarët e AKI-së kërkuan që të ndahen mjete edhe për rrugën në fshatin Gajre, duke theksuar se ajo është lënë në harresë dhe ndodhet në gjendje të rënduar infrastrukturore./TV KOHA/
Deputeti i VLEN-it, Adnan Azizi, ka reaguar me një mesazh publik lidhur me përurimin e bulevardit të ri në Tetovë, duke vlerësuar lart punën e kryetarit të Komunës, Bilall Kasami.
Në reagimin e tij, Azizi thekson se puna, ndryshimi dhe transformimi i Tetovës janë të lidhura drejtpërdrejt me emrin e Bilall Kasamit, të cilin e cilëson si “kryetarin më të suksesshëm të të gjitha kohërave”.
“Urime bulevardi i ri të gjithë qytetarëve”, ka shkruar deputeti Azizi, duke nënvizuar se projektet infrastrukturore janë dëshmi konkrete e angazhimit për zhvillimin e qytetit dhe përmirësimin e jetës së përditshme të banorëve të Tetovës.
Sipas tij, investimet e realizuara në infrastrukturë po e shndërrojnë Tetovën në një qytet më funksional, modern dhe të denjë për qytetarët e saj, ndërsa përurimi i bulevardit të ri paraqet një hap të rëndësishëm në këtë drejtim.
Lajme nga vendi
Nënshkruhet Marrëveshja për hua me BERZH-in me vlerë 20.9 milionë euro – do të furnizohen lokomotiva elektrike për HRMV Transport
Një marrëveshje për hua midis HM Transport dhe Bankës Evropiane për Rindërtim dhe Zhvillim (BERZH) në vlerë prej 20.9 milionë euro është nënshkruar sot në Qeveri. Me huanë do të do të furnizohen lokomotiva elektrike me pjesë rezervë, ndërsa qëllimi është transport më i madh i mallrave dhe gjenerimi i të ardhurave për ndërmarrjen.
Siç u tha para nënshkrimit, projekti është një hap i rëndësishëm drejt modernizimit të HM Transport, si dhe drejt përmirësimit të sigurisë dhe efikasitetit të transportit hekurudhor të mallrave.
Kushtet nën të cilat u siguruan mjetet – një periudhë afatgjatë e shlyerjes, një periudhë e favorshme grejs dhe një normë interesi konkurruese, janë në përputhje të plotë me strategjinë për menaxhim të përgjegjshëm të borxhit publik dhe sigurimin e financave publike të qëndrueshme.
“Sot po flasim për diçka që është lënë pas dore me dekada, por që është me rëndësi thelbësore për ekonominë, eksportin dhe të ardhmen evropiane të Maqedonisë, dhe kjo është hekurudha. Gjendja që trashëguam ishte katastrofike. Deri vonë, HM Transport nuk kishte asnjë lokomotivë plotësisht funksionale”, nënvizoi kryeministri Hristijan Mickoski, sipas të cilit kjo është një ripërtëritje sistematike e sektorit hekurudhor.
Mickoski informoi edhe se Marrëveshjes për hua i parapriu një analizë e nevojave, funksionalitetit dhe operueshmërisë së HM Transport.
Sipas zëvendëskryeministrit dhe ministrit të Transportit Aleksandar Nikolloski dhe ministres së Financave Gordana Dimitrieska-Kochoska, nënshkrimi i Marrëveshjes është një hap kyç për transformimin e plotë të HRMV Transport në një ndërmarrje moderne që do t’u përgjigjet nevojave të klientëve të saj.
“Lokomotivat e reja do ta ndryshojnë plotësisht pamjen dhe, së bashku me ato ekzistuese, do të jenë në gjendje t’i shërbejnë plotësisht transportit”, tha Nikolloski.
Ministrja Dimitrieska-Koçoska theksoi se Marrëveshja për hua është rezultat i negociatave intensive dhe konstruktive dhe është një konfirmim i besimit që institucionet financiare ndërkombëtare kanë në politikat tona dhe në drejtimin në të cilin po lëviz vendi.
“Me ngjarjen e sotme dhe nënshkrimin e Marrëveshjes për borxh për financimin e projektit “Rinovimi i flotës së mjeteve” drejtpërdrejtë investojmë në rritjen e kapaciteteve dhe efikasitetit të Hekurudhave të Republikës së Maqedonisë – Transport SHA Shkup, përmes furnizimit të lokomotivave të reja të cilat do të mundësojnë vëllim dhe siguri më të madhe në transportin hekurudhor transportues. Kjo do të thotë lidhshmëri më e mirë, konkurrencë më e madhe e ekonomisë vendore dhe mundësi të reja për gjenerimin e të ardhurave. Veçanërisht është e rëndësishme që projekti përfshin edhe vendosjen e sistemit bashkëkohor ERP, me të cilin krijohet bazë për menaxhim më të mirë me burimet, efikasitet të rritur operativ dhe nivel më të lartë të menaxhimit korporativ në sektorin hekurudhor”, theksoi ministrja.
Ky është një shembull, shtoi, i një qasjeje të integruar – jo vetëm investime në infrastrukturë, por edhe forcim institucional dhe menaxhues.
Në nënshkrim, përveç përfaqësuesve të BERZH-it, morën pjesë përfaqësues të Ministrisë së Transportit dhe menaxhmentit të HRMV Transport.
Miratohet buxheti i Tetovës, mbi 17 milionë euro për projekte kapitale
Adnan Azizi: Puna, ndryshimi dhe transformimi i Tetovës kanë emër – Bilall Kasami
Zjarr në Prizren, humb jetën një fëmijë njëvjeçar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
