Kur sot Blerim Bexheti dhe partia e tij BDI flasin për drejtësi dhe institucione, opinioni ka të drejtë t’i pyesë: ku ishin ata kur ndërtohej sistemi që i mbulonte tragjeditë dhe krimet ndaj shqiptarëve?

Pikërisht Blerim Bexheti, si ish-ministër i drejtësisë, së bashku me Sasho Mijalkovin, emëronte dhe përzgjidhte gjyqtarët dhe prokurorët që më pas heshtnin, mbulonin dhe nuk vepronin në rastet që tronditën tërë opinionin:

Për rastin “Monstra”, ku shqiptarët u akuzuan padrejtësisht si terroristë;

Për “Lagjen e Trimave”, ku u vranë 10 shqiptarë dhe e vërteta kurrë nuk u hetua;

Për rastin “Alfa”, ku shqiptarët u dënuan mbi akuza të montuara;

Advertisement

Për tragjeditë në Tetovë, Durmo Tours, Besa Trans , pa asnjë dorëheqje, pa asnjë ndëshkim serioz.

Të gjitha këto raste kanë një të përbashkët: të njëjtët gjyqtarë dhe prokurorë të emëruar në kohën e BDI-së, që nuk ndërmorën asnjë veprim.

Blerim Bexheti nuk është pjesëmarrës i rastësishëm, ai është krijuesi i atij sistemi të pandëshkueshmërisë, ku jetët dhe të drejtat e shqiptarëve u margjinalizuan, u injoruan dhe u sakrifikuan për marrëveshje politike dhe karrierë personale.

Sot, kur institucionet më në fund kanë filluar të reagojnë dhe të kërkojnë përgjegjësi, ata që ndërtuan sistemin e heshtjes dhe të pandëshkueshmërisë nuk kanë as moralin dhe as kredibilitetin për të folur për drejtësi.

Shqiptarët nuk harrojnë.

Advertisement

Nuk harrojmë kush e mbyllte drejtësinë pas dyerve të Këshillit Gjyqësor.

Nuk harrojmë kush heshti kur vdisnin bashkëqytetarët tanë.

Nuk harrojmë kush bashkëpunonte me Mijalkovin, e jo me të vërtetën.

Koha e pandëshkueshmërisë ka marrë fund.

Po vjen koha e përgjegjësisë së vërtetë.

Advertisement

Derisa zgjat blerja e rekoltës së duhanit vendas, nuk do të importohet duhan nga jashtë. Ky është një nga ndryshimet kryesore në Ligjin për duhan, i cili u miratua në Kuvend dhe që nga 29 korriku, me shpalljen në Gazetën zyrtare, ka hyrë në fuqi.

Lidhja e shoqatave bujqësore është e kënaqur nga ndryshimet ligjore dhe beson se kjo e mbron prodhimin vendor.

“Me këtë, së pari, po mbrojmë prodhimit tonë vendor të duhanit. Domethënë, nga 16 nëntori deri më 28 shkurt të vitit të ardhshëm, derisa zgjat blerja, asnjë kilogram duhan nuk mund të blihet ose importohet. Kjo ishte gjëja më e rëndësishme për ne dhe patëm ndihmë të madhe nga Ministria dhe ministri i Bujqësisë”, tha Kire Risteski, kryetar i Lidhjes.

Nga Ministria e Bujqësisë, Pylltarisë dhe Ekonomisë së Ujërave precizojnë se që nga shkurti janë marrë vendime se ndryshimet ligjore janë të nevojshme për të përmirësuar tregtinë, blerjen e duhanit dhe për të mbështetur prodhimin e qëndrueshëm.