Connect with us

Lajme nga vendi

Mungojnë inspektorët për kontroll të ushqimit

Published

on

Agjencia e Ushqimit dhe Veterinarisë ka nevojë për të paktën 40 inspektorë të rinj me qëllim që të sigurohet garanci më e madhe e ushqimit në treg. Drejtori i Agjencisë së Ushqimeve dhe Veterinarisë, Nikollçe Babovski tha se nga Qeveria e re do të kërkohen punësime të reja.

“Ka megjithatë numri I inspektorëve gjithmonë mundet dhe duhet të jetë më i lartë, me këtë sigurojmë garanci, akoma më të madhe për atë që është në treg. Momentalisht kemi rreth 180 inspektorë për të gjitha repartet, domethënë në përgjithësi…. Na duhen të paktën edhe 40 inspektorë”, tha Nikollçe Babovski, drejtor i Agjencisë së ushqimeve dhe veterinarisë.

Agjencia e Ushqimit dhe Veterinarisë siguron këmbëngul se qytetarët në Maqedoninë e Veriut konsumojnë ushqim të sigurt, duke nënvizuar se në vetëm 5 muaj janë realizuar rreth 22 mijë kontrolle inspektuese.

“Po ne konsumojmë ushqim të sigurt, cilësinë e ushqimit e konfirmojnë prodhuesit ose përpunuesit ata që janë të obliguar për këtë dhe vetë numri I inspektimeve që ua thash tregon se vërtetë inspektorët tonë me ndërgjegje e kryejnë punën”, deklaroi Nikollçe Babovski, drejtor i Agjencisë së ushqimeve dhe veterinarisë.

Babovski thotë se në botë më shumë se 600 milion njerëz në vit sëmuren prej ushqimit të pasigurt, jo të duhur dhe të parregullt, ndërsa rreth 420 milion njerëz në vit vdesin si pasojë e ushqimit të pasigurt. /Alsat.mk

Advertisement

Lajme nga vendi

Javën a ardhshme do të kryhet dezinsektim në qytetin e Tetovës

Published

on

Komuna e Tetovës njofton se do të kryhet dezinsektim në territorin e qytetit të Tetovës.

ju njoftojmë se më 13.06.2025, Komuna e Tetovës në bashkëpunim me SH.T.P.SH “PRONTTO”, do të realizoj dezinsektimi nga toka në territorin e qytetit të Tetovës, për zhdukjen e mushkonjave dhe dëmtuesve të tjerë.

Dezinsektimi do të zhvillohet në orët e mbrëmjes pas orës 22:00 deri në orët e hershme të mëngjesit, dhe do të kryhet vetëm nëse kushtet atmosferike janë të favorshme.
Lusim qytetarët dhe veçanërisht bletarët të ndërmarrin masa mbrojtëse dhe të nevojshme për sigurinë e tyre dhe të bletëve”, thuhet në njoftimin e Komunës së Tetovës.
Continue Reading

Lajme nga vendi

Miratohet aktakuza për rastin “Onkologjia”

Published

on

Gjykata Penale ka miratuar aktakuzën për keqpërdorimet në Klinikën e Onkologjisë në Shkup, ku përfshihen ish-drejtorët e klinikës, Nino Vasev dhe Nehat Nuhi. Akuza ka edhe kundër tre onkologëve.

Gjykata Penale informon se ankesa e mbrojtjes është refuzuar kurse aktakuza është miratuar, kështu që kjo çështje do t’i caktohet ndonjë gjykatësit përmes sistemit AKMIS për procedura të mëtejshme dhe do të caktohet datë për seancën e parë kryesore.

Vasev akuzohet për dy vepra penale – shpërdorim të detyrës dhe rrezikim të shëndetit të pacientëve kurse akuzohen gjithashtu dy onkologë që u kanë ofruar terapi pacientëve pa bazë mjekësore.

Sipas aktakuzës së dytë, Vasev dhe Nuhi akuzohen për mashtrim, duke shkaktuar dëm prej 35 milionë euro në buxhetin e shtetit.

Continue Reading

Lajme nga vendi

Vëllezërit nga Debreshi dënohen me nga 40 vite burg për vrasjen makabre të Resul Kahremanit

Published

on

Pas më shumë se 10 muaj hetimesh dhe procesi gjyqësor, Gjykata ka shpallur fajtorë tre vëllezërit nga fshati Debresh i Gostivarit për vrasjen brutale të Resul Kahremanit, 35 vjeç. Ata janë dënuar me nga 40 vite burgim secili, që është dënimi maksimal sipas Kodit Penal të Maqedonisë së Veriut për këtë vepër penale.

Ngjarja ndodhi më 23 korrik 2024, kur sipas njoftimit zyrtar të Ministrisë së Punëve të Brendshme, ndaj viktimës u qëllua me armë zjarri nga një veturë tip “Volvo” me targa të Zvicrës, në pronësi të të dyshuarve. Vrasja u raportua në ora 17:15 në SPB Tetovë.

Sipas Policisë, menjëherë pas ngjarjes u arrestua njëri nga autorët, B.B., dhe nga ai u sekuestrua edhe pushka automatike me të cilën dyshohet se është kryer krimi. Hetimet e mëvonshme vërtetuan përfshirjen edhe të vëllait të tij, J.B., si bashkëkryerës.

Continue Reading

Më të lexuarat