Lajme nga vendi
Gruevski tregon si u arratis, duhej të merrte me vete edhe bashkëpunëtorët e ngushtë
Gruevski tregon si u arratis, duhej të merrte me vete edhe bashkëpunëtorët e ngushtë
I arratisuri dhe ish-kryeministri Nikola Gruevski, duke iu përgjigjur kritikave të ish-ministres Gordana Jankuloska, zbuloi se plani për arratisje në Hungari ishte bërë edhe para se PSP të ngrinte akuzat në vitin 2016. Ai gjithashtu zbuloi se është diskutuar për strehimin e Jankulloskës dhe disa bashkëpunëtorëve të tij të ngushtë atje.
– Diku përpara se PSP të ngrinte akuzat e para në vitin 2016, një nga bashkëpunëtorët tanë në atë kohë ishte në Hungari dhe më pas tha se ai vlerësoi se autoritetet atje ishin plotësisht të vetëdijshme se ajo që po ndodhte në Maqedoni ishte persekutim i pastër politik nga PSP, dhe se ai është i sigurt se nëse dikush që është nën një persekutim të tillë kërkon azil në atë vend, autoritetet nuk do të ndikojnë negativisht në institucionet e tyre për të refuzuar azilin dhe do t’i lënë ato të vendosin në mënyrë të pavarur dhe pa ndikime negative. Dhe nëse politikanët nuk do të kenë ndikim negativ dhe do të qëndrojnë neutralë, atëherë kjo do të thoshte që çështja jonë, e cila ishte persekutim i pastër politik, do të pranohej nga çdo institucion i lirë shtetëror si një fakt i padiskutueshëm.
Ai po ashtu tha se është një qeveri shumë sovrane që nga jashtë nuk mund t’i thuhet se çfarë duhet të bëjë, nëse nuk mendojnë ashtu dhe nuk pajtohen me të”, shkruan Gruevski.
Ai shton se Jankulloska kur e ka dëgjuar këtë ide është gëzuar si “fëmijë i vogël”.
– Më kujtohet kur e dëgjoi këtë Gordana Jankulovska, si u gëzua fort dhe hapur si një “fëmijë i vogël” me shumë komente pozitive para disa personave të tjerë që po ashtu ishin nën persekutim dhe që nuk do t’i emërtoj tani, duke thënë se do të të jetë shumë e mirë një zgjidhje e përkohshme për persekutimin politik ndaj nesh.
Edhe si juriste, ajo na tregoi ligjërisht për të drejtat që jep statusi i azilit, duke përfshirë se qeveria që kryen përndjekjen politike nuk mund të arrijë në asnjë mënyrë qëllimet për të burgosur dikë të pafajshëm, se familja mund të marrë të njëjtin status dhe të bashkohen, se i kanë pothuajse të gjitha të drejtat si qytetarë të atij vendi, duke i përshkruar në detaje etj., thotë Gruevski.
Në postimin e tij në Facebook ai shkruan Jankuloska me “v” në mbiemër, edhe pse ajo ishte një nga bashkëpunëtoret e tij më të afërta për vite me radhë.
– Pse atëherë ajo vendosi të mos kërkojë azil, është çështje e saj, pasi e di që po ta kishte kërkuar do ta kishte marrë, sepse sapo institucionet e një shteti anëtar të BE-së serioze dhe sovrane i japin azil një personi për mbrojtje nga përndjekje të caktuara politike, sidomos për një ish-kryeministër, sigurisht kur bëhet fjalë për anëtarët e tjerë të qeverisë së tij, të cilët padyshim janë pjesë e të njëjtës përndjekje, vendimi nuk mund të jetë ndryshe, përveç se i njëjtë si për të”, vazhdon Gruevski.
Ai tregon gjithashtu se përmes një letre u ka ofruar bashkëpunëtorëve të tij të arratisen në Hungari.
– Më vonë e njoftova Gordanën për të njëjtën gjë me një letër të dorëzuar të cilën ajo e lexoi në prani të prrsonit që ia çoi para shtëpisë së saj, kurse në të njëjtën mënyrë iu drejtova disa personave të tjerë nga ekipi im që në atë kohë ishin nën një persekutim të fortë politik.
Në atë letër, unë i theksova asaj, si dhe gjithë të tjerëve, se nëse vendosin të ndërmarrin atë hap pasi të mbërrijnë këtu në Hungari, mund të llogarisin në gjithë ndihmën time për t’i përshtatur ata në mjedisin e ri. Disa nga ata njerëz po përgatiteshin të vinin, madje erdhën të afërmit e tyre për të biseduar me mua se si shkoi procesi i marrjes së azilit etj., por në momentin e fundit ata anuluan për arsye të njohura për ta, tregon Gruevski.
Ndryshe, prokuroria asnjëherë nuk zbuloi se kush e ndihmoi Gruevskin të planifikonte arratisjen e tij dhe të largohej nga vendi. Hetimi paraprak për këtë rast është ende i hapur.
Gruevski, në vitin 2018, pasi paraprakisht kishte zbrazur llogaritë e tij bankare me 120 mijë euro, u arratis nga Maqedonia për të mos vuajtur dënimin me dy vite burg për rastin “Tanku”. Rruga e arratisjes së tij ishte përmes Shqipërisë, Malit të Zi dhe Serbisë, me destinacion përfundimtar Hungarinë.
Аgjencia për Shërbime Mediatike Audio dhe Audiovizuele, pas përfundimit të konsultimit publik, dhe me qëllim të sqarimit të mënyrës së zbatimit të dispozitave të Kodit Zgjedhor, sot miratoi Udhëzimin për radiodifuzerëtt për Zgjedhjet lokale 2025.
Udhëzimi përfshin rregullat për limitet kohore të reklamave politike me pagesë (RPP), shënjim të porositësit të reklamës, ndarjen e kohës në lajme për Shërbimin publik radiodifuziv, prezantimin politik papagesë të Kanalit të Kuvendit dhe sigurim në qasjes të përmbajtjeve të procesit zgjedhor për personat me aftësi të kufizuar.
“Gjatë fushatës zgjedhore për Zgjedhjet lokale, në rrethin e parë të zgjedhjeve, radiodifuzerët mund të emetojnë gjithësej nëntë minuta e tridhjetë sekonda kohë shtesë për reklamim në kohë reale të transmetimit të programit, të destinuar ekskluzivisht për RPP. Në Udhëzim është përcaktuar saktë ndarja e këtyre minutave ndërmjet pjesëmarrësve në procesin zgjedhor. Në rrethin e dytë të zgjedhjeve koha në total për RPP do të varet nga koha për RPP, që përdoret nga bartësit e listave, kandidatët për kryetarë të së cilës do ta vazhdojnë fushatën zgjedhore në rrethin e dytë. Në të njëjtën kohë, ndarja e kohës ndërmjet bartësve të listave do të jetë e njëjtë dhe në rrethin e parë të fushatës zgjedhore”, informojnë nga ASHMAA.
Gjatë rrethit të parë të fushatës zgjedhore për Zgjedhjet lokale, Shërbimi i Kuvendit, çdo ditë do të ofrojë gjithësej tre orë për prezantim politik papagesë të fushatave të partive politike të përfaqësuiara në Kuvendin e RMV-së, si dhe gjithësej një orë çdo ditë për prezantim politik papagesë të fushatave të bartësve të listave që nuk janë të përfaqësuar në Kuvend. Në rrethin e dytë, gjatë kësaj kohe do të transmetohet papagesë prezantimi i kandidatëve për kryetarë bashkie që do të vazhdojnë fushatën zgjedhore në rrethin e dytë.
Shërbimi publik dhe televizionet në nivel shtetëror që do të publikojnë reklama politike me pagesë, duhet të emetojnë përmbajtje në lidhje me procesin zgjedhor në format të qasshëm për personat me aftësi të kufizuar. Udhëzimi për radiotransmetuesit për Zgjedhjet lokale 2025, është i disponueshëm në linkun.
Një 56-vjepar nga Tetova i kishte lyer me ngjyrë të kuqe targat e regjistrimit që të dukeshin si të automjeteve zyrtare dhe kishte vendosur edhe drita sinjalizuese – flesherë. R.L. u ndalua nga policia në Tearcë gjersa drejtonte një “Mercedes” me targa të ndryshuara dhe pajisje të paligjshme ndriçuese. Punonjësit e policisë ia morën marrë shenjat e regjistrimit dhe dritat sinjalizuese, ndërsa pas dokumentimit të plotë të rastit kundër tij do të paraqiten kallëzime për kundërvajtje nga Ligji për automjete dhe Ligji për siguri të trafikut rrugor.
Lajme nga vendi
VLEN: Në logon tonë jeton historia dhe identiteti shqiptar, jo shërbimi ndaj Gruevskit
BDI, vazhdon fushatën e saj të shpifjeve dhe manipulimeve, kësaj here duke gënjyer edhe për dizajnin në prapavijë të VLEN.
Ky dizajn është pasqyrë e trashëgimisë, krenarisë dhe identitetit tonë kombëtar. Brenda saj janë të gdhendura simbolet që flasin vetë: Kalaja e Shkupit, Malet e Sharrit, Sheshi Skënderbeu me flamurin kombëtar, Çarshia, Stacioni i vjetër i trenit, lumi Vardar, Shtëpia e Beut, Universiteti i Tetovës dhe shumë të tjera. Këto janë themelet e historisë, kulturës dhe përditshmërisë së shqiptarëve në Maqedoninë e Veriut.
Paturpësia e BDI-së paraqitet në shtrembërimin e fakteve, ose edhe më keq në mosnjohjen e simboleve!
Muzeu i Ilindenit paraqet kryengritjen e Krushevës, ku në këtë kryengritje sipas gjitha fakteve historike shqiptarët kanë pasur rol kyç;
2. Universitetin Shtetëror të Tetovës e paraqesin sikur muze të VMRO-së;
3. Përmendoren e Skënderbeut e paraqesin sikur Aleksandri i Madh;
4. Gënjejnë që vetëm flamuri shtetëror është në këtë dizajn, ku duket qartë që krahas flamurit shtetëror, qëndron edhe flamuri kombëtar.
Nëse BDI nuk i sheh këto elemente shqiptare, atëherë kjo ndodh sepse BDI prej kohësh i ka mbyllur sytë ndaj interesave kombëtare dhe i sheh vetëm interesat e Soravisë dhe korrupsionit të vet.
VLEN nuk ka nevojë të fshehë asgjë. Ne flasim me simbolet e shqiptarëve, me historinë tonë, me universitetin e parë shqiptar, me flamurin kuq e zi, me malet, lumenjtë dhe qytetet tona.
Prandaj, çdo shpifje e BDI-së është vetëm një dëshmi tjetër se kjo parti ka humbur busullën shqiptare dhe ka mbetur peng i korrupsionit dhe i shefave të saj të vjetër në Budapest.
VLEN është NJË ZË i shqiptarëve dhe ky zë do të dëgjohet fuqishëm më 19 tetor, me numrin 7, për ndryshimin që e meriton çdo qytetar.
ASHMMA miratoi Udhëzimin për radiodifuzerët për Zgjedhjet lokale 2025
I maskoi targat me kuq si të makinave zyrtare, ndalohet 56-vjeçari nga Tetova
VLEN: Në logon tonë jeton historia dhe identiteti shqiptar, jo shërbimi ndaj Gruevskit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve