Lajme nga vendi
Zëvendëskryeministri i parë, njëherit Ministër i Ambientit Jetësorë dhe Planifikimit Hapësinor, Izet Mexhiti sot takim pune me kryetarin e komunës së Tetovës, Bilall Kasamin

Zëvendëskryeministri i parë, njëherit Ministër i Ambientit Jetësorë dhe Planifikimit Hapësinor, Izet Mexhiti zhvilloi sot takim pune me kryetarin e komunës së Tetovës, Bilall Kasamin.
Gjatë këtij takimi siç bëhet e ditur është biseduar mbi një nga shtyllat kryesore të programit të Qeverisë – decentralizimin.
“Komunat përfaqësojnë pushtetin e parë të drejtpërdrejtë për nevojat e qytetarëve dhe janë motori kryesor i zhvillimit ekonomik. Në këtë kontekst, ne dëshirojmë të ju informojmë se bashkërisht kemi diskutuar për më shumë projekte, mes cilave për projektin e gypit kryesor të ujësjellësit, finansim të rrjeteve sekondare të ujësjellësit, ndërtimin e stacionit për pastrim të ujërave të zeza, zgjërim të rrjetit për kanalizim në qytetin e Tetovës, si dhe ndërtim i rrjetit të ri të kanalizimit prej 32.4 km, të financuara nga buxheti qëndror, i cili do të dedikohet për projekte kapitale dhe infrastrukturore në komuna. Këto projekte synojnë të përmirësojnë cilësinë e jetës së qytetarëve, dhe të nxisin zhvillimin e qëndrueshëm ekonomik në të gjithë vendin.
Gjatë takimit tonë theksuam rëndësinë e decentralizimit për të forcuar efikasitetin e komunave. Komunat janë në vijën e parë të përmbushjes së nevojave të qytetarëve dhe mund të veprojnë më shpejt dhe me më shumë fleksibilitet në adresimin e sfidave për qytetarë.
Dhe, me këtë në mendje, ne, bashkë po hartojmë një plan të detajuar, për të vizituar të gjitha komunat, me qëllim dinamizimin e procedurave për realizimin e projekteve me rëndësi jetike, për banorët e tyre.
Në takimin tonë, premtova se Qeveria do të jetë garantuesi që të gjitha komunat do të kenë mbështetje të barabartë! Ne besojmë se vetëm përmes një mbështetjeje të tillë, mund të sigurojmë një zhvillim të madh, të qëndrueshëm dhe të barabartë në të gjitha rajonet e vendit tonë.
Ne, përveç tjerash kemi premtuar zhvillim ekonomik, dhe jemi të prerë që ta realizojmë edhe këtë zotim.
Me këtë frymë, ne jemi të gatshëm të ndërmarrim hapat e nevojshëm për të realizuar këto projekte, dhe për të siguruar që qytetarët tanë të përfitojnë nga këto investime të rëndësishme”, ka njoftuar Mexhiti.(INA)
Lajme nga vendi
Miratohet aktakuza për rastin “Onkologjia”

Gjykata Penale ka miratuar aktakuzën për keqpërdorimet në Klinikën e Onkologjisë në Shkup, ku përfshihen ish-drejtorët e klinikës, Nino Vasev dhe Nehat Nuhi. Akuza ka edhe kundër tre onkologëve.
Gjykata Penale informon se ankesa e mbrojtjes është refuzuar kurse aktakuza është miratuar, kështu që kjo çështje do t’i caktohet ndonjë gjykatësit përmes sistemit AKMIS për procedura të mëtejshme dhe do të caktohet datë për seancën e parë kryesore.
Vasev akuzohet për dy vepra penale – shpërdorim të detyrës dhe rrezikim të shëndetit të pacientëve kurse akuzohen gjithashtu dy onkologë që u kanë ofruar terapi pacientëve pa bazë mjekësore.
Sipas aktakuzës së dytë, Vasev dhe Nuhi akuzohen për mashtrim, duke shkaktuar dëm prej 35 milionë euro në buxhetin e shtetit.
Lajme nga vendi
Vëllezërit nga Debreshi dënohen me nga 40 vite burg për vrasjen makabre të Resul Kahremanit

Pas më shumë se 10 muaj hetimesh dhe procesi gjyqësor, Gjykata ka shpallur fajtorë tre vëllezërit nga fshati Debresh i Gostivarit për vrasjen brutale të Resul Kahremanit, 35 vjeç. Ata janë dënuar me nga 40 vite burgim secili, që është dënimi maksimal sipas Kodit Penal të Maqedonisë së Veriut për këtë vepër penale.
Ngjarja ndodhi më 23 korrik 2024, kur sipas njoftimit zyrtar të Ministrisë së Punëve të Brendshme, ndaj viktimës u qëllua me armë zjarri nga një veturë tip “Volvo” me targa të Zvicrës, në pronësi të të dyshuarve. Vrasja u raportua në ora 17:15 në SPB Tetovë.
Sipas Policisë, menjëherë pas ngjarjes u arrestua njëri nga autorët, B.B., dhe nga ai u sekuestrua edhe pushka automatike me të cilën dyshohet se është kryer krimi. Hetimet e mëvonshme vërtetuan përfshirjen edhe të vëllait të tij, J.B., si bashkëkryerës.
Lajme nga vendi
Prokuroria hap hetim ndaj tre personave për tentativë vrasjeje në Shkup

Prokuroria ka hapur hetim ndaj tre personave të cilët dyshohet se kanë dashur të mbysin një person tjetër
“Prokurori Publik i Prokurorisë Themelore Publike në Shkup lëshoi një Urdhër për të zhvilluar një procedurë hetimore kundër tre personave të cilët dyshohen se për kryerjen e veprës penale “tentim vrasje”
dyshuar për tentativë për të kryer një vepër penale si bashkëpunëtorë – Vrasje.
Të dyshuarit, dy vëllezër dhe i njohuri i tyre, me dashje u përpoqën t’i merrnin jetën një personi dhe rrezikuan jetën e dy të tjerëve. Ata e kryen krimin para një klubi fitnesi në Çair, më 1 qershor në mbrëmje.
Incidenti filloi si një grindje verbale në të cilën ata shkëmbyen fyerje dhe sharje, dhe vazhdoi me një përleshje fizike, dhe në një moment i dyshuari i parë nxori një thikë dhe e goditi të dëmtuarin në gju, bark dhe gjoks. Lëndime u shkaktuan edhe dy të dëmtuarve të tjerë të cilët u përpoqën t’i ndanin dhe t’i ndihmonin të plagosurit”, thuhet në njoftimin e Prokurorisë.
Nga atje shtojnë se prokurori publik i paraqiti gjykatësit të procedurës paraprake një propozim për caktimin e paraburgimit për të tre të dyshuarit.
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve