Connect with us

Lajme nga bota

Lojrat Olimpike “Paris 2024”, detaje nga ceremonia madhështore mbi lumin e Senës

Published

on

Për herë të parë në histori, ceremonia e hapjes së një olimpiade do të bëhet nëpër qytet dhe jo në një stadium.

Gjashtë kilometra ndajnë Pont d’Austerlitz (Pont D’Austerlitz) dhe Pont d’léna, dhe përgjatë kësaj rruge përgjatë lumit parizien, do të nisen 162 anije, duke marrë me vete më shumë se 10,000 sportistët nga 206 delegacionet që do të marrin pjesë.

Siguria është një nga çështjet shqetësuese dhe për ta arritur këtë, përgjatë lumin Sen do të vendosen rreth 45,000 agjentë. Kulla Eifel gjithmonë imponuese, ku këtë radhë tërheqin vëmendjen unazat olimpike, që debutojnë në emblemën e qytetit.

Njëqind vjet më vonë Lojërat Olimpike kthehen në Qytetin e Dritës, e kur kanë mbetur edhe pak ditë të mbetura, shtohet ankthi, kur në 26 korrik me ceremoninë historike të hapjes do të ndizet edhe flaka olimpike.

Nëse siguria e lejon këtë falë një dislokimi të jashtëzakonshëm agjentësh dhe nuk do të lindë nevoja të aktivizohet plani B ose C (në Trocadero ose Stade de France), “Paris 2024” do të mbahet mend për organizimin e ceremonisë hapëse të parë zhvilluar jashtë stadiumit olimpik. Udhëtimi prej 6 km që sportistët do të bëjnë me varkë ditën e parë do të jetë monumental.

Advertisement

Gjithçka do të nisë në orën 19:30, nga Ura e Austerlitz-it që shkon drejt perëndimit. Dhe prej andej, me vizion të drejtpërdrejtë, do të shfaqet një park unik olimpik.

Të gjithë do të mahniten nga Katedralja Notre Dame, ende në restaurim, Muzeu i Luvrit dhe Muzeu Orsay, me orën e tij të pagabueshme.

Place de la Concorde dhe obelisku i tij, i cili do të presë sportet urbane (BMX, breaking, basketboll 3X3 dhe skateboarding), do të japin gjithashtu mirëseardhjen e tyre të veçantë më pas.

Më pas do të jetë radha e Esplanades dhe Pallatit të Invalidëve ku do të bëhet, gjuajtja me hark dhe kupola elegante prej xhami e Grand Palais, ku do të zhvillohen skerma dhe taekwondo.

Varkat që do të transportojnë 10,500 atletë nga 206 delegacionet, do të kalojnë dy ishujt qendrorë (Saint Louis dhe La Cité) dhe do të kalojnë mbi dhjetë ura, duke përfshirë Urën e njohur Alma ose kushtuar Aleksandrit III, spektakolare me detajet e saj të arta.

Advertisement

E fundit do të jetë Ura Jena, pranë Kullës Eifel dhe kopshteve Trocadero dhe Champ de Mars, ku do të luhet Beachvolley.

Dhe kjo me siguri do të jetë kartolina ikonë që do të mbetet përgjithmonë nga këto Lojëra.

“Kjo ceremoni, me botën ku po jetojmë, është një dhimbje koke për sigurinë, por do të jetë një moment i jashtëzakonshëm për komunitetin”- thotë Yannis Exarchos, drejtori i përgjithshëm i Shërbimeve të Transmetimit Olimpik.

“Ne do të kemi njëqind kamera përgjatë lumit, dyqind telefona celularë në varka, tetë dronë dhe tre helikopterë”.

Pas kufizimeve prej pandemisë në olimpiadën e Tokios, Parisi, me synim e integrimit total, propozon edhe një maratonë të hapur, si dhe dhënien e medaljeve për sportistët në Parkun e Kampionëve.

Advertisement

Lajme nga bota

Danimarka konfirmon dërgimin e të burgosurve në Kosovë më 2027: Presim që puna të nisë këtë verë

Published

on

Të burgosurit e parë nga Danimarka pritet të transferohen në burgun në Gjilan në pjesën e parë të vitit 2027, konfirmuan nga Shërbimi danez i Burgjeve për Radion Evropa e Lirë.
Ky shërbim tha se institucioneve të Kosovës u janë dorëzuar kërkesa specifike për renovimin dhe përshtatjen e burgut të Gjilanit.
“…duke përfshirë një ndërtesë të re për punësim dhe ambiente të reja për vizitorë. Ne presim që puna të nisë këtë verë, kurse gjatë gjysmës se parë të vitit 2027, pritet që burgu të vihet në përdorim”, tha Shërbimi danez i Burgjeve.

Danimarka tha se kjo është një detyrë komplekse, pasi bëhet fjalë për një burg të Kosovës që duhet të funksionojë sipas rregullave daneze.

Shërbimi i Burgjeve tha se kjo është një detyrë sfiduese, duke nisur me renovimin e ndërtesave dhe përshtatjen e tyre sipas nevojave të Danimarkës. Po ashtu, përfaqësuesit danezë kanë zhvilluar vizita të rregullta në objektin e burgut në Gjilan, me qëllim që të planifikohen punët që do të realizohen.
Një gjë e tillë, më 23 maj është konfirmuar për REL-in edhe nga drejtori i përgjithshëm i Shërbimit Korrektues të Kosovës, Ismail Dibrani, i cili ka deklaruar se “të burgosurit nga shteti danez pritet të vendosen në burgun e qytetit të Gjilanit në prillin e 2027-s”.

Megjithatë, ai ka thënë se procesi i renovimeve ende nuk ka nisur.

Transferimi i të burgosurve është pjesë e një marrëveshjeje dhjetëvjeçare mes Kosovës dhe Danimarkës, e cila parasheh shfrytëzimin e Institucionit Korrektues në Gjilan për dërgimin e 300 të burgosurve nga shteti danez.

Advertisement

Kuvendi i Kosovës e ratifikoi marrëveshjen më 23 maj 2024, dy vjet pasi ajo ishte nënshkruar.

Sipas marrëveshjes, personat që do të transferohen nuk do të jenë shtetas të Danimarkës.

Më herët, Ministria e Drejtësisë e Danimarkës kishte deklaruar për REL-in se të burgosurit të cilët do t’i dërgojë në burgun e Gjilanit janë persona të dënuar me dëbim nga Danimarka.

Megjithatë, shteti danez është zotuar se nuk do të sjellë të burgosur me rrezikshmëri të lartë.

Ata nuk do të jenë të dënuar për krime lufte, terrorizëm, apo persona me çrregullime të rënda mendore.

Advertisement

Në këmbim të këtij transferimi, Kosova do të përfitojë mbi 200 milionë euro.

Një pjesë do të investohet në Shërbimin Korrektues, ndërsa pjesa tjetër në energji të ripërtërishme.

Sipas marrëveshjes, Danimarka ka premtuar një tarifë fillestare prej pesë milionë eurosh për të mbuluar periudhën e tranzicionit, që nga hyrja në fuqi e marrëveshjes deri në funksionalizimin e plotë të burgut.

Shërbimi i danez i Burgjeve konfirmoi për REL-in se tashmë kanë paguar shumën fillestare.

Pas kësaj, pagesat do të bëhen çdo tre muaj, në varësi të numrit të të burgosurve të pranishëm në institucion./REL

Advertisement
Continue Reading

Lajme nga bota

Kaosi në Gaza: Ndërprehet shpërndarja e ndihmave, OKB voton për armëpushim urgjent

Published

on

Duke kërkuar nga Izraeli që të rrisë masat për sigurinë e civilëve jashtë perimetrit të pikave të shpërndarjes, Grupi Humanitar për Gazën (GHF), i mbështetur nga Shtetet e Bashkuara, ka njoftuar se nuk do të shpërndajë ndihma ditën e mërkurë.

Sipas Reuters, GHF ka bërë të ditur se i ka kërkuar ushtrisë izraelite të “drejtojë lëvizjen e këmbësorëve në mënyrë që të minimizohet konfuzioni dhe rreziku i përshkallëzimit” pranë zonave ushtarake; të zhvillojë udhëzime më të qarta për civilët; dhe të përmirësojë trajnimin për të mbrojtur sigurinë e tyre.

“Prioriteti ynë mbetet siguria dhe dinjiteti i civilëve që marrin ndihmë”, ka deklaruar një zëdhënës i GHF-së. Nga ana tjetër, një zëdhënës i ushtrisë izraelite ka paralajmëruar civilët që të mos lëvizin në drejtim të pikave të GHF-së ditën e mërkurë, duke i cilësuar ato si “zona luftimesh”.

Kujtojmë se modeli i ri për shpërndarjen e ndihmave për mbi dy milionë banorët e Gazës, nisi gjatë një ofensive të ashpër nga Izraeli që nga fundi i muajit të kaluar. Por, OKB-ja dhe organizata të tjera humanitare kanë thënë se ky model, i cili ka punonjës amerikanë privatë të sigurisë dhe logjistikës, po e “militarizon” ndihmën, pas kaosit të krijuar dhe vrasjeve të shumta në pikat e shpërndarjes.

Poashtu është raportuar se Këshilli i Sigurimit i OKB-së pritet të votojë po të mërkurën për një kërkesë zyrtare për armëpushim midis Izraelit dhe Hamasit, si dhe për garantimin e qasjes humanitare në të gjithë Gazën, ku kequshqyerja është e përhapur dhe ndihmat janë shumë të vogla.

Advertisement
Continue Reading

Lajme nga bota

Dy persona me motoçikletë hedhin granatë dore në një qendër argëtimi në Stamboll, 7 të plagosur

Published

on

Një qendër argëtimi në Kağıthane të Stambollit është sulmuar me granatë dore nga sulmues të paidentifikuar, ku si pasojë shtatë persona mbetën të plagosur nga shpërthimi.

Incidenti ka ndodhur rreth orës 01:40 në rrugën Park në Kağıthane, transmeton Telegrafi.

Sipas mediave turke, një granatë dore u hodh nga 2 persona me motoçikletë në katin e dytë të një ndërtese 5-katëshe në rrugë, e cila përdorej si lokal argëtimi.

Si pasojë e sulmit me bombë, 7 persona u plagosën, 3 prej të cilëve rëndë.

Ekipet mjekësore, sigurisë, ekspertë të bombave, operacioneve speciale, kundërterrorizmit dhe zjarrfikës, u dërguan në vendngjarje pas raportimit.

Advertisement

Përveç kësaj, ekipet ekzaminuan pamjet e kamerave të sigurisë në zonë për të kapur sulmuesit. E shtatë persona, tre prej të cilëve u plagosën rëndë, u dërguan në spital.

Continue Reading

Më të lexuarat