Connect with us

Lajme nga vendi

Tetë vatra zjarri ende aktive në Maqedoni, autoritetet në terren

Published

on

Në 24 orët e fundit janë regjistruar gjithsej 35 zjarre në territorin e vendit, prej tyre aktualisht tetë ngelen aktive.

Zjarri në malin Serta, mbi fshatrat Dragoevë dhe Sellcë, është ende aktiv.

Tre zjarre janë në territorin e komunës së Çashkës, në afërsi të fshatrave Bogomillë dhe Oroshe, afër fshatit Gabrovnik dhe afër fshatrave Jabolçishtë dhe Drenovë.

Zjarri i pestë është në komunën Gradsko, afër fshatit Podles, i cili shtrihet në territorin e komunës së Rosomanit, afër fshatit Sirkovë, zjarr ka edhe në komunën e Makedonski Brodit, afër fshatrave Sllatinë dhe Greshnica.

Zjarr ka edhe në fshatin Nebregovë të komunës së Dollnenit dhe afër fshatit Badilen të komunës së Novosellës.

Advertisement

Një aeroplan policor i tipit Bel-412 nga Departamenti për Njësi Ajrore edhe dje veproi në shuarjen e zjarrit që shpërtheu në malin Serta, ndërmjet fshatrave të Shtipit, Dragoevë dhe Sellcë. Gjatë operacionit, në 26 fluturime u hodhën 39 ton ujë. Nga MPB thonë se zjarri ende është aktiv dhe vazhdojnë aktivitetet për shuarjen e tij.

Kryetari i Komunës së Shtipit, Ivan Jordanova, dje pasdite tha për MIA-n se prerjet në pjesët e malit janë bërë në afërsi të fshatrave.

“Bërja e pjesëve malore ishte e vështirë sepse është një pjesë e pjerët e malit. Flakët janë duke u shuar intensivisht nga toka nga zjarrfikësit e NJTZ-Shtip, Probishtip dhe Koçani, pjesëtarë të Armatës dhe Policisë, NP “Pyjet e Maqedonisë” dhe popullata vendase. Ndërmarrjet komunale të Shtipit dhe katër kompani ndërtimore u bashkuan në shuarjen e zjarrit me makineri ndërtimore, tha Jordanov.

Drejtori i QMK-së Stojançe Angelov informoi se dje në shuarjen e zjarreve janë përfshirë 145 pjesëtarë të Armatës, të sistemuar në vende të ndryshme, 55 policë, prej të cilëve 30 nga Njësia për Sistemim të Shpejtë (NJSSH) dhe 25 pjesëtarë të njësitit “Tigrat”, 40 pjesëtarë të Drejtorisë për Mbrojtje dhe Shpëtim (DMSH).

Advertisement
Advertisement

Lajme nga vendi

Javën a ardhshme do të kryhet dezinsektim në qytetin e Tetovës

Published

on

Komuna e Tetovës njofton se do të kryhet dezinsektim në territorin e qytetit të Tetovës.

ju njoftojmë se më 13.06.2025, Komuna e Tetovës në bashkëpunim me SH.T.P.SH “PRONTTO”, do të realizoj dezinsektimi nga toka në territorin e qytetit të Tetovës, për zhdukjen e mushkonjave dhe dëmtuesve të tjerë.

Dezinsektimi do të zhvillohet në orët e mbrëmjes pas orës 22:00 deri në orët e hershme të mëngjesit, dhe do të kryhet vetëm nëse kushtet atmosferike janë të favorshme.
Lusim qytetarët dhe veçanërisht bletarët të ndërmarrin masa mbrojtëse dhe të nevojshme për sigurinë e tyre dhe të bletëve”, thuhet në njoftimin e Komunës së Tetovës.
Continue Reading

Lajme nga vendi

Miratohet aktakuza për rastin “Onkologjia”

Published

on

Gjykata Penale ka miratuar aktakuzën për keqpërdorimet në Klinikën e Onkologjisë në Shkup, ku përfshihen ish-drejtorët e klinikës, Nino Vasev dhe Nehat Nuhi. Akuza ka edhe kundër tre onkologëve.

Gjykata Penale informon se ankesa e mbrojtjes është refuzuar kurse aktakuza është miratuar, kështu që kjo çështje do t’i caktohet ndonjë gjykatësit përmes sistemit AKMIS për procedura të mëtejshme dhe do të caktohet datë për seancën e parë kryesore.

Vasev akuzohet për dy vepra penale – shpërdorim të detyrës dhe rrezikim të shëndetit të pacientëve kurse akuzohen gjithashtu dy onkologë që u kanë ofruar terapi pacientëve pa bazë mjekësore.

Sipas aktakuzës së dytë, Vasev dhe Nuhi akuzohen për mashtrim, duke shkaktuar dëm prej 35 milionë euro në buxhetin e shtetit.

Continue Reading

Lajme nga vendi

Vëllezërit nga Debreshi dënohen me nga 40 vite burg për vrasjen makabre të Resul Kahremanit

Published

on

Pas më shumë se 10 muaj hetimesh dhe procesi gjyqësor, Gjykata ka shpallur fajtorë tre vëllezërit nga fshati Debresh i Gostivarit për vrasjen brutale të Resul Kahremanit, 35 vjeç. Ata janë dënuar me nga 40 vite burgim secili, që është dënimi maksimal sipas Kodit Penal të Maqedonisë së Veriut për këtë vepër penale.

Ngjarja ndodhi më 23 korrik 2024, kur sipas njoftimit zyrtar të Ministrisë së Punëve të Brendshme, ndaj viktimës u qëllua me armë zjarri nga një veturë tip “Volvo” me targa të Zvicrës, në pronësi të të dyshuarve. Vrasja u raportua në ora 17:15 në SPB Tetovë.

Sipas Policisë, menjëherë pas ngjarjes u arrestua njëri nga autorët, B.B., dhe nga ai u sekuestrua edhe pushka automatike me të cilën dyshohet se është kryer krimi. Hetimet e mëvonshme vërtetuan përfshirjen edhe të vëllait të tij, J.B., si bashkëkryerës.

Continue Reading

Më të lexuarat